1 Eo̧ron̄, O kom̧ armej in kabun̄ eo Aō, Irooj ami Anij ej ba, im ron̄ naan eo an Irooj kōn kom̧—

2 Irooj eo enaaj jidimkij an ^aitok n̄an tampeļ eo An; Irooj eo enaaj wanlaļtak ioon laļ kōn juon kalia n̄an ^bekajet; aaet, ioon aolep laļ ko rej meļo̧kļo̧k Anij, im ioon aolep ro rej jab tōmak ilo Anij ilubwiljimi.

3 Bwe E naaj ^akakeelwaan Pein ekwōjarjar ilo mejān aolep laļ ko, im aolep jem̧ļo̧k jem̧ļo̧k ko in laļ renaaj lo ^blo̧mo̧o̧r eo an aer Anij.

4 Kōn menin, kom̧in pojak, kom̧in pojak, O armej ro Aō; kokwōjarjare kom̧ make; kom̧in aintok doon, O kom̧ armej ro an kabun̄ eo Aō, ioon āneen Zaion, aolep kom̧ ro kar jab jiron̄ er n̄an pād wōt.

5 Kom̧in diwōjļo̧k jān ^aBabilon. Kom̧in ^berreo kom̧ ro rej ineek jāpe ko an Irooj.

6 Kūrtok kwelo̧k ko rekwōjarjar ami, im ^aekkōnono emmakijkij n̄an doon. Im armej otemjej en kūr ioon etan Irooj.

7 Aaet, em̧ool Ij ba n̄an kom̧ bar juon alen, iien eo emoottok n̄e ainikien Irooj ej n̄an kom̧: Kom̧in diwōjļo̧k jān Babilon; kom̧in ^aaintok doon jān ilubwiljin laļ ko, jān ^bkōto ko emān, jān juon jem̧ļo̧k in lan̄ n̄an eo bar juon.

8 ^aJilkinļo̧k elder ro an kabun̄ eo Aō n̄an laļ ko me rettoļo̧k; n̄an ^baelōn̄ ko in lo̧meto; jilkinļo̧k n̄an laļ ko rej jab ami; kūr ioon aolep laļ ko otemjeļo̧k, m̧oktata ioon ro ^criAelōn̄ ko, innām ioon ^driJu.

9 Im lo, im lo, en̄in naaj kūr eo aer, im ainikien Irooj ej n̄an aolep armej: Kom̧in ilo̧k n̄an āneen Zaion, bwe tōrerein ko an armej ro Aō ren maron̄ ļapļo̧k, im bwe ^astake ko an ren maron̄ kajoorļo̧k, im bwe ^bZaion en maron̄ ilo̧k n̄an jikin ko ipeļaakin ijo.

10 Aaet, kūr eo en ilo̧k ilubwiljin aolep armej: Ruj im jerkak im ilo̧k n̄an iioone ^aĻeo Pālele; lo im lo, Ļeo Pālele ej itok; kom̧in diwōjļo̧k n̄an iioon E. Kōpooj kom̧ n̄an raan eo ^beļap an Irooj.

11 ^aEkkōl, kōn menin, bwe kom̧ij ^bjab jeļā raan eo ak awa eo.

12 Kōtļo̧k er, kōn menin, ro rej pād ^ailubwiljin ro riAelōn̄ ko bwe ren ko n̄an ^bZaion.

13 Im kōtļo̧k er ro rej jān ^aJuda bwe ren ko n̄an ^bJerusalem, ļo̧k n̄an ^ctoļ ko an ^dm̧weo im̧ōn Irooj.

14 Kom̧in diwōjļo̧k jān ilubwiljin laļ ko, em̧ool jān Babilon, jān ilubwiljin nana, eo ej Babiļon ilo jetōb.

15 A em̧ool, āindein Irooj ej ba, en jab ^ajidimkij ko in ami, a aolep men ko otemjeļo̧k ren pojak imami; im e eo ej etal, e en jab ^breilikļo̧k n̄e ko̧kkure ejidimkij eab naaj wōtlo̧kļo̧k ioon.

16 Eo̧ron̄ im ron̄, O kom̧ ro rej pād ioon laļ. ^aRon̄jake, kom̧ elder ro an kabun̄ eo Aō ippān doon, im ron̄ ainikien Irooj; bwe E ej kūr ioon aolep armej, im E ej jiron̄ aolep armej ijoko jabdewōt n̄an ^bukeļo̧k.

17 Bwe lo, Irooj Anij eaar ^ajilkinļo̧k enjeļ eo ej lam̧ōj ilubwiljin lan̄, im ba: Kom̧in kōpooj iaļ eo an Irooj, im kom̧in ^bkajim̧wi iaļ ko An, bwe awa eo in ^citok eo An ej epaaktok—

18 N̄e ^aLamb eo an enaaj jutak ioon ^bToļ Zaion, im ippān ^cjibukwi im en̄oulemān to̧ujin, ro ewōr etan Jemān kar jeje ioon dam̧aer.

19 Kōn menin, kom̧in pojak n̄an ^aitok eo an ^bĻeo Pālele; kom̧in ilo̧k, kom̧in diwōjļo̧k n̄an iioon E.

20 Bwe lo, E naaj ^ajutak ioon toļ in Olivet, im ioon lo̧jet ekajoor, em̧ool m̧wilaļ eļap eo, im ioon aelōn̄ ko in lo̧meto, im ioon āneen Zaion.

21 Im E enaaj ^akwaļo̧k tok ainikien jān ^bZaion, im E enaaj kōnono jān Jerusalem, im ainikien naaj ron̄ ilubwiljin aolep armej;

22 Im enaaj juon ainikien āinwōt ^aainikien elōn̄ dān ko, im āinwōt ainikien juon ^bjourur eļap, eo me enaaj ^cruprupi laļļo̧k toļ ko, im kom̧laļ ko reban loi.

23 Im E enaaj peeke m̧wilaļ eo eļap, im enaaj iuunlikļo̧k n̄an laļ ko ituiōn̄, im ^aaelōn̄ ko renaaj erom juon āne;

24 Im āneen ^aJerusalem im āneen Zaion enaaj ro̧o̧lļo̧k n̄an ilo jikier make, im laļ enaaj āinwōt ekar ilo raan ko m̧okta jān an kar ^bajej.

25 Im Irooj, em̧ool Rilo̧mo̧o̧r eo, E naaj jutak ilo ilubwiljin armej ro An, im E enaaj ^airooj ioon aolep kanniōk.

26 Im er ro rej pād ilo ^alaļ ko ituiōn̄ renaaj itok ilo ememej im̧aan Irooj; im rikanaan ro aer renaaj ron̄ Ainikien, im naaj ban dāpijļo̧k wōt er; im renaaj den̄ļo̧ki dekā ko, im dān ekwōj enaaj to̧o̧rlaļļo̧k ilo im̧aan mejaer.

27 Im juon ^aiaļleplep enaaj erļo̧k ļo̧k ilo ilubwiljin m̧wilaļ eo eļap.

28 Rikōjdat ro aer n̄an er renaaj erom juon mennin mour lukwarkware er,

29 Im ilo ^aāne jem̧aden ko relo̧urō enaaj to̧o̧rļo̧k ļwe ko in dān in mour; im bwidej eo ekōk ejjāmin bar juon āneen maro.

30 Im renaaj bōktok mennin aorōk ko aer n̄an ro nejin ^aIpreim, ro karejera.

31 Im tōrerein ko an ^abat ko ejjeļo̧k jem̧ļo̧kier renaaj wūdiddid n̄e rej jāde.

32 Im ijo renaaj bun̄badik im kūrawūn kōn aiboojoj, em̧ool ilo Zaion, jān pā ko pein ro karejeran Irooj, em̧ool ro nejin Ipreim.

33 Im renaaj obrak kōn ^aal ko in lan̄lōn̄ ejjeļo̧k jem̧ļo̧kin.

34 Lo, en̄in ej kōjeraam̧m̧an eo an Anij ejjeļo̧k jem̧ļo̧kin ioon ^abwij ko in Israel, im kōjeraam̧m̧an eo eļapļo̧k ioon bōran ^bIpreim im ro m̧ōttan.

35 Im er ro barāinwōt jān bwij in ^aJuda, ālikin metak eo aer, naaj kokwōjarjar er ilo ^bwānōk im̧aan Irooj, n̄an jokwe ilo im̧aan Mejān raan im bon̄, indeeo im indeeo.

36 Im kiiō, em̧ool Irooj ej ba, bwe men kein ren maron̄ alikkar ilubwiljimi, O kom̧ ro rej pād ilaļ, Iaar jilkinļo̧k ^aenjeļ eo Aō im ej kālo̧k ilubwiljin lan̄, eo ewōr ippān ^bgospel eo ejjeļo̧k jem̧ļo̧kin, eo eaar waļo̧k n̄an jet im eaar wūjlepeļo̧k e n̄an armej, eo enaaj waļo̧k n̄an elōn̄ ro rej jokwe ioon laļ.

37 Im ^agospel in naaj ^bkwaļo̧ke n̄an ^caolep laļ, im bwij, im lo, im armej.

38 Im ro karejeran Anij renaaj ilo̧k, im ba kōn juon ainikien eļļaaj: Kom̧in mijak Anij im leļo̧k aiboojoj n̄an E, bwe awa in An ekajet ej itok;

39 Im ^akabun̄-jar n̄an E eo eaar kōm̧anm̧an lan̄, im laļ, im lo̧jet, im unin ko an dān ko—

40 Im renaaj kūr ioon etan Irooj raan im bon̄, im ba: O bwe Kwōn ^akekōl lan̄ ko, bwe Kwōn wanlaļtak, bwe toļ ko ren maron̄ rum̧ļo̧k ilo Am̧ jede.

41 Im naaj uwaake ioon bōraer; bwe an Irooj jede enaaj āinwōt kijeek ōnļo̧k ej tile, im āinwōt kijeek eo me ej ^akabulullul dān ko.

42 O Irooj, Kwo naaj wanlaļtak n̄an kwaļo̧k Etam̧ n̄an rijum̧ae ro Am, im aolep laļ ko renaaj wūdiddid ilo Am̧ jede—

43 N̄e Kwōj kōm̧m̧ani men ko rōkaammijak, men ko rej jab kōtmāne;

44 Aaet, n̄e Kwōj wanlaļtak, im toļ ko rej rum̧ļo̧k ilo Am̧ jede, Kwo naaj ^aiioon e eo ej m̧ōņōņō im ej jerbal jim̧we, eo ej keememej Eok ilo iaļ ko Am.

45 Bwe jān wōt kar jinoin laļ armej raņ rekar jab ron̄ im jab en̄jake jān lo̧jiln̄i, im jabdewōt māj eaar jab loe, O Anij, ijello̧kun wōt Kwe, ekōjkan an eļap men ko Kwaar ^akōpooji n̄an e eo ej ^bkōttare Eok.

46 Im naaj ba kake e: ^aWōn in ej ^bwanlaļtak jān Anij ilo lan̄ kōn balle ko em̧ōj unoiki; aaet, jān ijoko me jab jeļā kaki, em̧ōj kanuknuki ilo ballin eaiboojoj, im ito-itak ilo ļap in maron̄ eo An?

47 Im E naaj ba: N̄aij eo eaar ekkōnono ilo jim̧we, ekajoor n̄an lo̧mo̧o̧ren.

48 Im Irooj kopā eo An enaaj ^abūrōrō, im nuknuk ko An āinwōt eo eaar jujuri kein jooniak wain.

49 Im eļap naaj aiboojoj eo in im̧aan Mejān jon̄an ^aaļ enaaj ņooje turin mejān ilo jook, im allōn̄ enaaj dāpij meram eo an, im iju ko naaj kilūblūbi jān ijoko jikier.

50 Im Ainikien naaj ron̄ kake: Iaar ^ajuri kein jooniak wain eo make Iaō, im kar bōktok ekajet ioon aolep armej; im ejjeļo̧k ar pād Ippa;

51 Im Iaar jujuri er ilo Aō kwi, im Iaar etetal ioer ilo Aō illu, im bōtōktōkier Iaar ^awōt-dikdiki ioon men ko ballū, im kōmāer aolep nuknuk ko Aō; bwe en̄in ekar raan in idenoņe eo me kar ilo Buruō.

52 Im kiiō iiō in ro Iaar wiaik er emoottok; im renaaj kōnono kake iakwe ejouj eo an aer Irooj, im aolep men ko Eaar likūt ioer ekkar n̄an em̧m̧an eo An, im ekkar n̄an iakwe ejouj An, indeeo im indeeo.

53 Ilo aolep ^aen̄taan ko aer E eaar en̄taan. Im enjeļ eo an im̧aan mejān eaar lo̧mo̧o̧ren er; im ilo An ^biakwe, im ilo An tūriam̧o, Eaar ^cwiaik er, im ineek er, im kotak er aolep raan ko etto;

54 Aaet, im ^aInok barāinwōt, im ro rekar pād ippān; rikanaan ro kar m̧okta jān e; im ^bNoa barāinwōt, im ro kar m̧okta jān e; im ^cMoses barāinwōt, im ro kar m̧okta jān e;

55 Im jān Moses n̄an Ilaija, im jān Ilaija n̄an Jon, ro rekar pād ippān Kraist ilo ^ajerkakpeje eo An, im rijjilōk ro rekwōjarjar, ippān Ebream, Aisak, im Jekab, renaaj pād im̧aan mejān Lamb eo.

56 Im ^alōb ko lōbōn ro ^brekwōjarjar renaaj ^cpeļļo̧k; im renaaj jerkaktok im jutak ^dianbwijmaron̄in pein Lamb eo, n̄e Enaaj jutak ioon ^eToļ Zaion, im ioon jikin kwelo̧k ekwōjarjar eo, ^fJerusalem eo Ekāāl; im renaaj ^gal al eo an ^hLamb eo, raan im bon̄ indeeo im indeeo.

57 Bwe kōn un in, bwe armej ren maron̄ ro dein bōk jān ^aaiboojoj ko naaj kar kwaļo̧ki, Irooj eaar jilkinļo̧k tarlep in ^bgospel eo An, bujen eo ejjeļo̧k jem̧ļo̧kin An, jakem̧aantak ilo alikkar im ļam waan—

58 N̄an kōpooj ro rem̧ōjņo̧ n̄an men ko me rej itok ioon laļ, im n̄an ijjilōk eo an Irooj ilo raan eo n̄e ro ^arem̧ōjņo̧ renaaj pukwōj rimālōtlōt eo, im eo ^bedik ej erom juon laļ ekajoor, im ^cruo renaaj likūt jon̄oul to̧ujin ko aer n̄an ko.

59 Im jān men ko rem̧ōjņo̧ an laļ Irooj enaaj ^alikliki laļ ko jān kajoor eo an jetōb eo An.

60 Im kōn un in kien kein kar liwōj; rekar jiron̄ n̄an kōjparoki jān laļ in ilo raan eo ke rekar liwōji, a kiiō ren ^ailo̧k n̄an ^baolep kanniōk—

61 Im men in ekkar n̄an ļōmņak eo an im ankilaan Irooj, eo ej irooj ioon aolep kanniōk.

62 Im n̄an eo ej ^aukeļo̧k im ^bkokwōjarjare e make im̧aan Irooj naaj leļo̧k n̄an e ^cmour indeeo.

63 Im ioon ro rej jab ^aeo̧ron̄ ainikien Irooj enaaj kūrm̧ool men eo me ekar jeje jān rikanaan Moses, bwe naaj ^bbukweļo̧k er jān ilubwiljin armej ro.

64 Im barāinwōt men eo ekar jeje jān rikanaan ^aMalakai: Bwe, lo, ^braan eo ej itok n̄e enaaj ^cbwil āinwōt juon um̧, im aolep ro rijuwa, aaet, im aolep ro rej kōm̧m̧an nana, renaaj āinwōt debo̧kut em̧ōrā; im raan eo ej itok enaaj tile er, Irooj in inelep eo ej ba, bwe enaaj likūt er ejjeļo̧k okar ak ra.

65 Kōn menin, en̄in enaaj uwaak eo an Irooj n̄an er:

66 Ilo raan en ke Iaar itok n̄an ro Aō make, ejjeļo̧k armej ilubwiljimi eaar ^abōke Eō, im kar kokakeļo̧k kom̧.

67 Ke Iaar bar kūr ejjeļo̧k iaami eaar uwaak; ijoke ^aPeiū eaar jab kadu n̄an jidik bwe In jab maron̄ lo̧mo̧o̧ren, im jab Aō ^bkajoor n̄an kōjo̧o̧r.

68 Lo, ilo Aō kauwe Ij ^akōm̧ōrāik lo̧jet. Ij kōm̧m̧an reba ko bwe ren juon āne jem̧aden; ek ko aer rej kōt, im mej kōn maro.

69 Ij kanuknuk lan̄ ko kōn kilmeej, im kōm̧m̧an kal aer libobo.

70 Im ^amen in kom̧ naaj bōk jān Peiū—kom̧ naaj babu ilaļ ilo būrom̧ōj.

71 Lo, im lo, ebar ejjeļo̧k juon n̄an lo̧mo̧o̧ren kom̧; bwe kom̧ ar jab pokake Ainikiō ke Iaar kūr n̄an kom̧ jān lan̄ ko; kom̧ ar jab tōmak ro rikarejera, im ke kar ^ajilkinwaj er n̄an kom̧ ar jab bōk er.

72 Kōn menin, rekar ^asili naan in kam̧ool im lukwōje kien eo, im kar leļo̧k kom̧ n̄an marok.

73 Rein renaaj ilo̧k ilo kapin marok, ijo ewōr ^ajan̄, im lim̧ō, im n̄i ļaļļaļ.

74 Lo Irooj ami Anij eaar kōnono men in. Amen.