1 Āinwōt Iaar ba n̄an kom̧ ilo lōta eo aō m̧okta jān aō kar likūt ijo jikū, bwe inaaj kar jejewaj n̄an kom̧ jān iien n̄an iien im lewōj n̄an kom̧ meļeļe kake elōn̄ mennin kōnono ko, ij kiiō bar jinoe mennin kōnono eo kōn ^apeptaij kōn ro remej, kōnke mennin kōnono in ej koobrak aō ļōmņak, im kanooj jiktok ilo en̄jake ko aō rekajoortata, jān iien eo rikōjdat ro aō rekar pukpukot eō.

2 Iaar je jet naan ko in revelesōn n̄an kom̧ kake juon rilale lo̧o̧k. Ekar wōr ippān bar jet ļōmņak ko kake men in, ko kiiō ij kam̧ooli. En̄in bwe, eaar waļo̧k ilo lōta eo aō m̧oktaļo̧k bwe ej aikuj wōr juon ^arilale lo̧o̧k, eo eaikuj in juon rikam̧ool kōn mejān, im barāinwōt n̄an ron̄jake kōn lo̧jiln̄in, bwe en maron̄ kōm̧m̧ane juon ļo̧o̧k in m̧ool eo im̧aan Irooj.

3 Kiiō, kake men in, enaaj kanooj kar pen n̄an juon rilale lo̧o̧k n̄an pād ilo aolep iien, im n̄an kōm̧m̧ani aolep jerbal ko. N̄an eļļā jān pen in, emaron̄ wōr juon rilale lo̧o̧k ilo kajjojo ward ilo jikin kwelo̧k eo, eo ekanooj tijem̧ļo̧k n̄an bōki minit ko rejim̧we; im en kanooj jejjet im jim̧we ilo bōk aolepān m̧akūtkūt ko, im kam̧ool ilo ļo̧o̧k eo an bwe eaar lo kōn mejān, im eaar ron̄ kōn lo̧jiln̄in, im letok raan im iiō eo, im āt ko, im men ko eierļo̧k wōt, im bwebwenato in aolepān jerbal eo; im kwaļo̧k barāinwōt etan jilu armej rekar pād, eļan̄n̄e ewōr ar pād, ro remaron̄ ilo jabdewōt iien n̄e kūr er kam̧ool n̄an ejja men in wōt, bwe ilo lo̧n̄iin ruo ak jilu ^arikam̧ool aolep naan emaron̄ in jutak.

4 Innām, en wōr juon rilale lo̧o̧k eļap, eo n̄an e ļo̧o̧k kein jet remaron̄ liļo̧k, im ippāer peba in kam̧ool ko im eļtan peier make, im kam̧oole bwe ļo̧o̧k ko rekar kōm̧m̧ani rem̧ool. Innām rilale lo̧o̧k eo eļap an kabun̄ emaron̄ kadeļo̧n̄ ļo̧o̧k eo ilo bok eo eļap an kabun̄, ippān peba in kam̧ool ko im aolep rikam̧ool ro rekar pād, ippān peba in kam̧ool ko im aolep rikam̧ool ro repād, ippān ennaan eo an make ke ej kanooj tōmak bwe ennaan eo ilōn̄ im ļo̧o̧k ko rem̧ool, jān jeļā eo an kōn jekjekin im ijjitōn̄ eo an em̧m̧aan ro jān kabun̄ eo. Im n̄e men in ej dedeļo̧k ioon bok eo eļap an kabun̄, ļo̧o̧k eo enaaj jejjet im ekwōjarjar, im naaj uwaake kain̄i bwe ejim̧we ejja āinwōt n̄e eaar loe kōn mejān im kar ron̄ kōn lo̧jiln̄in, im kōm̧m̧ane juon ļo̧o̧k in ejja men in wōt ilo bok eo eļap an kabun̄.

5 Kom̧ maron̄ ļōmņak bwe laajrak in men kein ekanooj jejjet; a kōtļo̧k bwe in ba n̄an kom̧ bwe ej uwaak in wōt ankilaan Anij, jān ļoore kain̄i eo im m̧aanjāppopo eo Irooj eaar kōmālimi im kōpooje m̧okta jān foundasōn eo an laļ, n̄an ^alo̧mo̧o̧ren eo an ro remej im rekar mej ilo ejjeļo̧k ^bjeļā kōn gospel eo.

6 Im eļapļo̧k, ikōņaan bwe kom̧in keememej bwe Jon Rikkwaļo̧k Revelesōn eo eaar kejakļo̧kjeņ kōn lukkuun ejja mennin ekkōnono in wōt kake ro remej, ke eaar ba, āinwōt ami naaj loe ej jeje ilo Revelesōn 20:12—Im Iaar lo ro remej, ro reļļap im ro reddik, rej jutak im̧aan Anij; im ar kōpeļļo̧k bok ko; im ar kōpeļļo̧k bar juon bok, eo ej bok in mour; im ro remej kar ekajet er jān men ko em̧ōj jeje ilo bok ko, ekkar n̄an jerbal ko aer.

7 Kom̧ naaj loe ilo ennaan in bwe bok ko rekar peļļo̧k; im bar juon bok ar peļļo̧k, eo eaar ^abok in mour; a ro remej rekar ekajete er jān men ko me rekar jeje ilo bok ko, ekkar n̄an jerbal ko aer; kōn menin, bok ko kar kōnono kake reaikuj in bok ko me ewōr ie ļo̧o̧k in jerbal ko aer, im rej ekkōnono kaki ^bļo̧o̧k ko me rej pād ioon laļ. Im bok eo me ekar bok in mour ej ļo̧o̧k eo me ej pād ilo lan̄; unleplep eo ej kanooj errā ippān katak eo me jiron̄ kom̧ ilo revelesōn eo ej pād ilo lōta eo me iaar je waj n̄an kom̧ m̧okta jān aō likūt ijo jikū—bwe ilo aolep ļo̧o̧k ko ami en maron̄ jeje ilo lan̄.

8 Kiiō, nememeen kain̄i in ej im̧wem̧we ilo ^akajoor eo an priesthood eo, jān revelesōn eo an Jisōs Kraist, ijo ie em̧ōj letok jabdewōt kom̧ij ^bliāpe ioon laļ enaaj liāpe ilo lan̄, im jabdewōt kom̧ij kōtļo̧k ioon laļ enaaj kōtļo̧k ilo lan̄. Ak, ilo bar jet naan, im lale jān bar juon wāween ukok eo, jabdewōt kom̧ij ļo̧o̧k ioon laļ naaj ļo̧o̧ke ilo lan̄, im jabdewōt kom̧ij jab ļo̧o̧ke ioon laļ jamin naaj ļo̧o̧ke ilo lan̄; bwe jān bok ko naaj ekajet rimej ro ami, ekkar n̄an jerbal ko aer make, men̄e er make rekar loloorjaki ^ckain̄i ko ilo kanemarmej, ak jān jekjek ko kōn propria persona, ekkar n̄an kain̄i eo me Anij eaar kōpooje n̄an ^dlo̧mo̧o̧ren eo aer jān m̧okta jān foundasōn eo an laļ, ekkar n̄an ļo̧o̧k ko me kar kōjparoki kōn rimej ro aer.

9 E maron̄ āinwōt n̄an jet bwe ej juon katak ekanooj bōllej im jej ekkōnono kake—juon kajoor eo ej ļo̧o̧ke ak liāpe ioon laļ im liāpe ilo lan̄. Mekarta, ilo aolep dettan ko an laļ, jabdewōt iien ke Irooj eaar leļo̧k juon ^atōre bōk eddo an priesthood eo n̄an jabdewōt em̧m̧aan jān lukkuun revelesōn, ak jabdewōt kumi in em̧m̧aan, kajoor in ekar leļo̧ke iien otemjej. Kōn menin, jabdewōt men em̧m̧aan rein rekar kōm̧m̧ane ilo ^bmaron̄, ilo etan Irooj, im kar lukkuun m̧ool im tiljek ilo aer kōm̧m̧ane, im kar kōm̧m̧ane juon ļo̧o̧k ekkar im tiljek kōn ejja men in wōt, eaar erom juon kien ioon laļ im ilo lan̄, im jamin kar maron̄ m̧anļo̧k, ekkar n̄an kean̄ ko an ^cJeova eļap. En̄in ej juon ennaan em̧ool. Wōn emaron̄ ron̄jake?

10 Im bar juon alen, kōn wāween eo m̧oktaļo̧k, Matu 16:18, 19: Im barāinwōt Ij ba n̄an eok, Bwe kwe Piter, im ioon ejm̧aan in Inaaj kalōk Aō eklejia; im aor ko an Hedis rej jamin anjo̧ ioon. Im Inaaj lewōj n̄an eok ki ko ki in aelōn̄ in lan̄: im jabdewōt men eo kwo naaj liāpe ioon laļ naaj liāpe ilan̄; im jabdewōt men eo kwo naaj kōtļo̧k ioon laļ, naaj kōtļo̧ke ilan̄.

11 Kiiō men eo ittino eļap im kilep ilo aolepān men in, im summum bonum an mennin ekkōnono in ej babu im̧aad, im ekitbuuj bōki kajoor ko an Priesthood eo Ekwōjarjar. Bwe n̄an e eo im ^aki kein rej liļo̧k ejjeļo̧k pen ilo bōk jeļāļo̧kjeņ eo kōn m̧ool ko rej ekkejelļo̧k n̄an ^blo̧mo̧o̧ren eo an ro nejin armej raņ, jim̧or barāinwōt n̄an ro remej im barāinwōt n̄an ro remour.

12 Ilo men in ej ^aaiboojoj im ^butiej, im ^cmour ejjeļo̧k jem̧ļo̧kin im mour indeeo—Kain̄i in peptaij jān dān, n̄an ^dtulo̧k ie n̄an uwaake jekjek in ro remej, bwe juon pedped en maron̄ ekkarļo̧k n̄an bar juon; n̄an tulo̧k ilo dān im waļo̧ktok jān dān ko ej āinwōt jerkakpeje an ro remej ilo aer jerkaktok jān lōb ko aer; āindein, kain̄i in ekar jutak n̄an booje juon kōtaan ippān kain̄i in peptaij eo kōn ro remej, kōnke ej āinwōt ilo jekjek in ro remej.

13 Waļo̧k in men in, ^ajikin peptaij eo kar kajutake āinwōt juon ^bkakōļļe in lōb eo, im kar jiron̄ bwe en pād ilo juon jikin ium̧win ijo ro remour rekōņaan koba ippān doon ie, n̄an kwaļo̧k ro remour im ro remej, im bwe aolep men otemjeļo̧k en maron̄ wōr kakōļļeier, im bwe ren maron̄ juon wōt ippān doon—bwe men eo me ej jān laļ in maron̄ errā n̄an men eo ej jān lan̄, āinwōt Paul eaar kwaļo̧k, 1 RiKorint 15:46, 47, im 48:

14 Ijoke eo e jetōb eaar jab m̧okta, a eo ej armej; im tokālik eo e jetōb. Armej eo m̧okta e jān laļ, rilaļ; Armej eo kein karuo E jān lan̄. Āinwōt eo rilaļ, āindein ro rilaļ; im āinwōt Eo rilan̄, āindein ro rilan̄. Im āinwōt ļo̧o̧k ko ilaļ in kake ro ami remej, ko rej kanooj kōm̧m̧ani, āindein barāinwōt ļo̧o̧k ko ilo lan̄. En̄in, kōn menin, ej kajoor in ^asil im liāp eo, im, ilo juon wāween ba, ^bki ko an aelōn̄ in kiin̄ eo, ko rej koba ilo ki in ^cjeļāļo̧kjeņ.

15 Im kiiō, m̧aan im kōrā ro jeiū im jatū rejitōnbōro, in kam̧ool n̄an kom̧ bwe erkein rej pedped ko kōn ro remej im ro remour im reban maron̄ watōki bajjek im eļļā jāni, āinwōt aer ekkejelļo̧k n̄an lo̧mo̧o̧ren eo ad. Bwe ^alo̧mo̧o̧ren eo aer aikuji im eaorōk n̄an lo̧mo̧o̧ren eo ad, āinwōt Paul ej ba kōn ro jemān—bwe er ijello̧kwid reban maron̄ ^bweeppān—im kōj ijello̧kun rimej ro ad jeban weeppān.

16 Im kiiō, ilo ikijjien peptaij kōn ro remej, inaaj lewōj bar juon ennaan an Paul, 1 RiKorint 15:29: Eļan̄n̄e eāinjuon ren āt ro em̧ōj peptaij er kōn ro remej? Eļan̄n̄e ro remej rej jab jerkakpeje n̄an jidik, innām etkerej peptaij kōn ro remej?

17 Im bar juon alen, ekkejelļo̧k n̄an ennaan in inaaj lewōj n̄an kom̧ juon ennaan jān juon ian rikanaan eo, eo mejān ekar jab rom jān ^ajepļaaktok eo an priesthood eo, aiboojoj ko naaj kwaļo̧ki ilo raan ko āliktata, im ilo juon wāween ejenolo̧k mennin ekkōnono in ekanooj aiboojoj ian aolep ko rej an gospel eo ejjeļo̧k jem̧ļo̧kin, en̄in, peptaij kōn ro remej; bwe Malakai ej ba, jebta eo āliktata, eoon kein kaļalem im kajiljino: Lo, Inaaj jilkinwaj n̄an eok ^bIlaija rikanaan eo m̧okta jān itok eo an raan eo eļap im kaammijak an Irooj: Im enaaj ukōtļo̧k būruōn ro jemāer n̄an ro nejier, im būruōn ro nejier n̄an ro jemāer, n̄e Iab itok im den̄ļo̧ke laļ kōn juon lia.

18 I maron̄ kar jakem̧aantak juon ^aukok ealikkarļo̧k jān men in, a ebwe an alikkar n̄an ekkar n̄an un eo an āinwōt an jutak. E bwe n̄an jeļā, ilo case in, bwe laļ naaj den̄ļo̧ke kōn juon lia m̧ae iien eo ewōr juon wāween ^bkorak ak ruo ikōtaan ro jemāer im ro nejier, ioon jet mennin ekkōnono ak bar juon—im lo ta mennin ekkōnono in? E ej ^cpeptaij kōn ro remej. Bwe kōj ijello̧kier jejjab maron̄ weeppān, im jab er ijello̧kwid reban maron̄ weeppān. Im reban maron̄ ak kōj jeban weeppān ijello̧kun ro rekar mej ilo gospel in barāinwōt; bwe emennin aikuj ilo abaretok ^dtarlep in tōrean iien bōk eddo ko, tōrean bōk eddo eo me ej kiiō ijjino n̄an abaretok, bwe dipiio in im dedeļo̧k in koba eo eweeppān, im kaōnļo̧k ippān doon in tōrean bōk eddo ko, im ki ko, im kajoor ko, im aiboojoj ko ren aikuj bōk jikier, im kwaļo̧ki jān raan ko an Adam em̧ool n̄an iien in. Im jab men in wōt, ak men ko me rejjan̄in kar waļo̧k jān ^efoundasōn an laļ in, a rekar dāpiji ilo ņojak jān ro remālōtlōt im jeļāļo̧kjeņ, naaj kwaļo̧ki n̄an ^fajri ro im nin̄nin̄ rej ninnin ilo iien in, tarlep in tōrean iien bōk eddo ko.

19 Kiiō, ta jej ron̄ ilo gospel eo me jaar bōke? Juon ainikien em̧m̧an! Juon ainikien tūriam̧o jān lan̄; im juon ainikien ^am̧ool jān ilo laļ; ennaan ko rem̧m̧an n̄an ro remej; juon ainikien em̧m̧an n̄an ro remour im ro remej; ^bennaan ko rem̧m̧an kōn lan̄lōn̄ eļap. Ewi jon̄an an wūlio ioon toļ ko ^cneen ro rej bōktok ennaan ko rem̧m̧an kōn men ko rem̧m̧an, im rej ba n̄an Zaion: Lo, am Anij ej irooj! Āinwōt ^dm̧ōļawi in Karmel, āindein enaaj wāween an jeļāļo̧kjeņ eo an Anij wanlaļtak ioer!

20 Im bar juon alen, ta eo jej ron̄? Ennaan ko rem̧m̧an jān ^aKumora! ^bMoronai, juon enjeļ jān lan̄, ej kabun̄bun̄ļo̧k kūrm̧ool in rikanaan ro—^cbok eo me kar kwaļo̧ke. Juon ainikien Irooj ilo āne jem̧aden in ^dFayette, Seneca kounty, im kabun̄bun̄ļo̧k rikam̧ool ro jilu n̄an ^ekam̧ool kōn bok eo! Ainikien ^fMaikeel ioon kappe ko an Susquehanna, ke ej kile devil ke ej waļo̧k āinwōt juon enjeļ in ^gmeram! Ainikien ^hPiter, Jemes, im Jon ilo āne jem̧aden ikōtaan Harmony, Susquehanna kounty, im Colesville, Broome kounty, ioon reba Susquehanna, im kabun̄bun̄ļo̧k er make āinwōt ro rej kabwijer ⁱki ko an aelōn̄ in kiin̄ eo, im an tarlep in tōrean iien bōk eddo ko!

21 Im bar juon alen, ainikien Anij ilo m̧weo im̧ōn eo ebwijwoļā ^aJemād Whitmer, ilo Fayette, Seneca kounty, im ilo elōn̄ iien, im ilo jikin ko reoktak ilo aolep ito-itak ko im en̄taan ko an Kabun̄ eo an Jisōs Kraist im Armej ro Rekwōjarjar ilo Raan ko Āliktata! Im ainikien Maikeel, arkenjeļ eo; ainikien ^bGebriel, im ainikien ^cRaphael, im ainikien elōn̄ ^denjeļ ro, jān Maikeel ak ^eAdam laļtak n̄an iien in, aolep kabun̄bun̄ļo̧k ^ftarlep in iien bōk eddo eo aer, jim̧we ko aer, ki ko aer, utiej ko aer, wōj im aiboojoj eo aer, im kajoor eo an priesthood eo aer; im letok lain ioon lain, ^gnaan in kain̄i ioon bar naan in kain̄i; ijin jidik, im ijjuweo jidik; im letok n̄an kōj kaenōm̧m̧an jān kwaļo̧ktok ta eo ej itok, im kapen ^hkōjatdikdik eo ad!

22 Ro jeiū im jatū, ta jeban bun̄m̧aanļo̧k ilo juon jibadbad eļap ke? Bun̄m̧aanļo̧k im jab kōmtālik. Kom̧in peran, ro jeiū im jatū; im wōnm̧aanļo̧k, wōnm̧aanļo̧k n̄an anjo̧! Būruōmi ren lan̄lōn̄, im m̧ōņōņō otem m̧ōņōņō. Laļ en n̄irļo̧k ilo ^aal. Ro remej ren ekkōnono al ko in wūjtak in nebar indeeo n̄an Kiin̄ ^bImmanuel, eo kar kapiti, m̧okta jān kar laļ, men eo enaaj kōmaron̄ kōj n̄an ^clo̧mo̧o̧ren er jān ^dkalbuuj eo aer; bwe rikalbuuj ro renaaj anemkwōj.

23 Toļ ko ren ^alam̧ōj kōn lan̄lōn̄, im aolep kom̧laļ kom̧in kūr eļļaaj; im aolep kom̧ lo̧jet kaņ im āne m̧ōrā ko kom̧in ba mennin bwilōn̄ ko an ami Kiin̄ Indeeo! Im kom̧ reba kan, im wea kan, wea jidik kan, kom̧in to̧o̧rļo̧k kōn m̧ōņōņō. Bukun wōjke ko im aolep wōjke in meļaaj ren nebar Irooj; im kom̧ dekā ko ren̄ūn̄ kom̧in ^bjan̄ kōn lan̄lōn̄! Im aļ, allōn̄, im ^ciju in jibbon̄ ko ren al ippān doon, im aolep m̧aan ro nejin Anij ren lam̧ōj kōn lan̄lōn̄! Im mennin kōm̧anm̧an ko ejjeļo̧k jem̧ļo̧kier ren kabun̄bun̄ļo̧k etan indeeo im indeeo! Im ij bar ba, ewi jon̄an an aiboojoj ainikien eo jej ron̄ jān lan̄, im kabun̄bun̄ļo̧k ilo lo̧jiln̄id, aiboojoj, im lo̧mo̧o̧r, im utiej, im ^dmour ejjeļo̧k jem̧ļo̧kin, im ^emour indeeo; aelōn̄ in kiin̄ ko, tōln̄an ko, im kajoor ko!

24 Lo, ^araan eo eļap an Irooj epaaktok; im wōn emaron̄ ^bjelm̧ae raan in itok eo An, im wōn emaron̄ jutak n̄e E ej waļo̧ktok? Bwe E ej āinwōt ^ckijeek an rikarreoik māāl ko, im āinwōt soap an rikarreo nuknuk; im E naaj jijet āinwōt ^drimālejjon̄ im rikarreo in silver, im E naaj karreoik m̧aan ro nejin ^eLivai, im karreoik er āinwōt gold im silver, bwe ren maron̄ katok n̄an Irooj juon ^fkatok ilo wānōk. Jen, kōn menin, āinwōt juon kabun̄ im juon armej, im āinwōt Ro Rekwōjarjar ilo Raan Ko Āliktata, katok n̄an Irooj juon katok ilo wānōk; im jen jakeļo̧k ilo tampeļ eo ekwōjarjar An, n̄e em̧ōj an dedeļo̧k, juon bok eo ie epād ^gļo̧o̧k ko kōn ro ad remej, eo enaaj tōllo̧ke aolep bun̄bōro.

25 Ro jeiū im jatū, Ippa elōn̄ men ko n̄an ba n̄an kom̧ kōn mennin ekkōnono in; a naaj kiiō kilōk n̄an iien in, im wōnm̧aanļo̧k ilo mennin ekkōnono in bar juon iien. N̄aij, āinwōt iien otemjej, karejeram̧i ettā im jerami ej jamin irļo̧k,