Jeje Ko Rekwojarjar
Katak im Bujen Ko 107


Jekjōn 107

Revelesōn kōn priesthood eo, letok kōn Josep Smith Rikanaan eo, ilo Kirtland, Ohio, epaakļo̧k Eprōļ 1835. Men̄e jekjōn kar ļo̧o̧ke ilo 1835 eo, ļo̧o̧k in bwebwenato ko rej kapene bwe enan̄in aolepān eoon 60 ļo̧k n̄an 100 rekobaiktok bar juon revelesōn letok kōn Josep Smith ilo Nobōm̧ba 11, 1831. Jekjōn in ekar ekkejelļo̧k ippān ekkar eo an Doulul eo an Jon̄oulruo ilo Pāpode im Maaj 1835 eo. Rikanaan eo emaron̄ kar kōnono kake im̧aan mejān ro rekar poojak n̄an etal jān ijo ilo Māe 3, 1835 eo, ilo mijen eo an doulul eo aer m̧oktata.

1–6, Ewōr ruo priesthood ko: Melkizedek im Priesthood eo an Aron; 7–12, Ro rej kabwijer Melkizedek Priesthood ewōr aer kajoor n̄an m̧akūtkūt ilo aolep opij ko ilo Kabun̄ in; 13–17, Bisoprik eo ej tōl ioon Priesthood eo an Aron, eo ej jerbali kain̄i ko itulik; 18–20, Melkizedek Priesthood eo ej kabwijer ki ko an aolep kōjeraam̧m̧an ko ilo jetōb; Priesthood eo an Aron ej kabwijer ki ko an jerbal ko an enjeļ raņ; 21–38, Presidency eo Kein Kajuon, Jon̄oulruo Ro, im Jiljilimjuonn̄oul Ro rej ejaake doulul ko rej tōl, ko jem̧ļo̧k ko aer rej kōm̧m̧an ilo bōrokuk im jim̧we; 39–52, Ekkar eo an ro jemād ekar jutak jān Adam n̄an Noa; 53–57, Ro Rekwōjarjar etto rekar kuk ilo Adam-ondai-Aman, ilo Irooj eaar waļo̧k n̄an er; 58–67, Ro Jon̄oulruo ren likūt opija ro an Kabun̄ in ilo karōkaer; 68–76, Bisop ro rej jerbal āinwōt riekajet ro reļļap ilo Israel; 77–84, Presidency eo Kein Kajuon im Jon̄oulruo Ro rej ejaake jikin ekajet eo eutiejtata ilo Kabun̄ in; 85–100, President ro an Priesthood eo rej tōl kajjojo doulul ko aer.

1 Ewor, ilo kabun̄ in, ruo priesthoodko, etaer, aMelkizedek im Priesthood eo an bAron, ekitbuuj Priesthood eo an Livai.

2 Etke eo m̧okta ņa etan Melkizedek Priesthoodej kōnke aMelkizedek ekar juon pris eutiej ekanooj em̧m̧an.

3 M̧okta jān raan ko an ekar etan Priesthood Ekwōjarjar, ilo̧kan aLaajrak an eo Nejin Anij.

4 A jān wōt jeļā ņae ak akautiej n̄an etan Eo Eutiejtata, n̄an jab ekkutkut āliji āt in Etan, er, kabun̄ eo, ilo raan ko etto, rekar ņa etan priesthood in bwe en etņake Melkizedek, ak Melkizedek Priesthood.

5 Aolep maron̄ ko ak opij ko jet ilo kabun̄ in rej aetoto ko tok n̄an priesthoodin.

6 A ewōr ruo ajej ko ak bar ko reļļap—juon ej Melkizedek Priesthood eo, im eo juon ej Priesthood eo an Aron ak Priesthood eo an aLivai.

7 Opij eo an juon aelder ej itok ium̧win priesthood in Melkizedek.

8 Melkizedek Priesthood eo ej kabwijer jim̧we ko an presidency, im ewōr an kajoor im amaron̄ ioon aolep opij ko ilo kabun̄ in ilo aolep dettan ko an laļ, n̄an jerbal ilo men ko an jetōb.

9 aPresidency eo an Priesthood eo Eutiej, ilo̧kan ellaajrak eo an Melkizedek, ewōr an jim̧we n̄an bōk kuņaan ilo aolep opij ko an kabun̄ in.

10 aPris utiej ro ilo̧kan ellaajrak eo an Melkizedek Priesthood eo ewōr aer bjim̧we n̄an bōk kuņaer ilo ijo rej jutak ie, ium̧win tōl an presidency eo, ilo jerbali men ko an jetōb, im barāinwōt ilo opij eo an elder, pris (jān laajrak eo an Livai), rikaki, tikōn, im uwaan.

11 Juon elder ewōr an jim̧we n̄an bōk kuņaan ilo ijo ikijjien pris eo eutiej n̄e ej jab pād.

12 Pris eo eutiej im elder eo ren bōk eddo ilo men ko an jetōb, ekkar n̄an bujen ko im kien ko an kabun̄ in; im ewōr aer jim̧we n̄an bōk kuņaer ilo aolep opij kein an kabun̄ in n̄e ejjeļo̧k ritōl ro reutiejļo̧k repād.

13 Priesthood eo kein karuo etan ej aPriesthood eo an Aron, kōnke kar leļo̧k e ioon bAron im ineen, ilo aolepān epepen ko aer.

14 Etke kar ņa etan priesthood eo edikļo̧k ej kōnke ej aetoto eo tok n̄an eo eļapļo̧k, ak Melkizedek Priesthood eo, im ewōr an kajoor ilo jerbali kain̄i ko itulik.

15 aBisoprik in ej presidency eo an priesthoodin, im ej kabwijer ki ko ak maron̄ eo an ejja in wōt.

16 Ejjeļo̧k em̧m̧aan ewōr an jim̧we kōmlete n̄an opij in, n̄an kabwijer ki ko an priesthood in, ijello̧kun wōt n̄e ej alukkuun bwijjin Aron.

17 A kōnke ej juon pris eutiej jān Melkizedek Priesthood eo ewōr an maron̄ n̄an bōk kuņaer ilo aolep opij ko reddikļo̧k, e emaron̄ bōk kuņaan ilo opij eo an bisop n̄e ejjeļo̧k lukkuun bwijjin Aron maron̄ loe, men eo wōt em̧ōj kūri im kōjenolo̧k e im akapit e n̄an kajoor in jān pā ko pein bPresidency eo an Melkizedek Priesthood eo.

18 Kajoor eo im maron̄ eo an eo eutiejļo̧k, ak Melkizedek Priesthood eo, ej n̄an kabwijer aki ko an aolep kōjeraam̧m̧an ko an jetōb ilo kabun̄ in—

19 N̄an an wōr ippān utiej in n̄an bōki mennin aittino ko an aelōn̄ in lan̄, n̄an an wōr maron̄ in kōpeļļo̧k lan̄ ko n̄an er, n̄an em̧m̧ao ippān bjarlepju ko im kabun̄ eo an M̧aanje eo, im n̄an ioon jemdoon eo im baaktok eo an Anij Jemān, im Jisōs crijojomar eo an bujen eo ekāāl.

20 Kajoor eo im maron̄ eo an eo edikļo̧k, ak Priesthood eo an Aron, ej n̄an kabwijer aki ko an jipan̄ ko an enjeļ raņ, im n̄an jerbal ilo bkain̄i ko itulik, lukkuun lōta an gospel eo, cpeptaij eo n̄an ukeļo̧k n̄an djeorļo̧k jero̧wiwi ko, ekkar n̄an bujen ko im kien ko.

21 Emennin aikuj bwe en wōr president ro, ak opija ro rej tōl im ej jarjar jān, ak waļo̧k jān ak jān ilubwiljin ro kapit er n̄an jet ian opij ko ilo priesthood kein karuo.

22 Jān aMelkizedek Priesthood eo, jilu bPris Utiej Ritōl, kāālet in ānbwin eo, kar jitōn̄e im kapit er n̄an opij jab in, im crie er jān lōke, tōmak, im jar an kabun̄ in, rej booje doulul eo an Presidency eo an Kabun̄ in.

23 aJon̄oulruo riko̧o̧njeļ ro riito-itak Irooj ej kūr er bwe ren Jon̄oulruo bRijjilōk, ak rikam̧ool ro rejenolo̧k kōn etan Kraist ilo aolepān laļ—āindein reoktak jān opija ro jet ilo kabun̄ in ilo jerbal ko an kūr eo aer.

24 Im rej booje juon doulul, jon̄an ilo maron̄ im kajoor eo an āinwōt jilu president ro ba kake er m̧oktaļo̧k.

25 aJiljilimjuonn̄oul ro rej barāinwōt kar kūr n̄an kwaļo̧k gospel eo, im n̄an rikam̧ool ro rejenolo̧k n̄an ro riAelōn̄ ko im lo aolepān laļ—āindein reoktak jān opija ro jet ilo kabun̄ in ilo jerbal ko an kūr eo aer.

26 Im rej booje juon doulul, jon̄an ilo maron̄ wōt eo an Jon̄oulruo rikam̧ool ro rejenolo̧k ak Rijjilōk ro ej kab m̧ōj ba kake er.

27 Im jem̧ļo̧k otemjej kōm̧m̧ane jān jabdewōt ian doulul kein eaikuj kōm̧m̧an ilo juon wōt bōro an ejja doulul kein wōt; en̄in, ro otemjej uwaan kajjojo doulul eaikuj in errā n̄an jem̧ļo̧k ko an, n̄an kōm̧m̧an bwe jem̧ļo̧k ko aer ren juon wōt ilo kajoor ak jejjet ippān doon—

28 Ļapļo̧k eo jān jimattan emaron̄ booje juon doulul euun̄ n̄e ļamļam ko rej kōm̧m̧an bwe en jab maron̄ pād aolep—

29 M̧ae iien eo ej jekjek eo in, jem̧ļo̧k ko aer rej jab tōllo̧ke ejja kōjeraam̧m̧an ko me jem̧ļo̧k ko an doulul eo an president ro jilu ilo raan ko etto, ro rekar ekkapit ilo̧kan laajrak eo an Melkizedek, im kar em̧m̧aan ro rejim̧we im ekwōjarjar.

30 Jem̧ļo̧k ko an doulul kein, ak jabdewōt iaer, rej aikuj kōm̧m̧an ilo aolep ajim̧we, ilo ekwōjarjar, im ettā in bōro, meanwōd im kijenmej, im ilo tōmak, im bwānōk, im jeļāļo̧kjeņ, jatōr, kōmmaanwa, jeļā anij, jouj n̄an doon, im iakwe-em̧ool;

31 Kōnke kallim̧ur eo ej, eļan̄n̄e men kein rebaptoa ilo er ren jab naaj ajamin le ilo jeļāļo̧kjeņ kōn Irooj.

32 Im ilo jekjek eo im jabdewōt jem̧ļo̧k an doulul kein ej kōm̧m̧an ilo jab weeppān, emaron̄ itok im̧aan jarlepju eļap an jet doulul ko, ko rej booje ritōl ro reļļap ilo jetōb an kabun̄ in; ijello̧kun in eban wōr iien bar lelōn̄tak jem̧ļo̧k eo aer.

33 Jon̄oulruo Ro rej juon Ko̧o̧njeļ eo Eutiej in Tōl eo ej Ito-itak, n̄an jerbal ilo etan Irooj, ium̧win tōl an Presidency eo an Kabun̄ in, ekkar n̄an ippān karōk an lan̄; n̄an kalōkļo̧k kabun̄ eo, im kajebwābweik aolep jerbal ko an ejja in wōt ilo aolep laļ ko, m̧oktata n̄an ro ariAelōn̄ ko im kein karuo n̄an riJu ro.

34 Jiljilimjuonn̄oul ro rej jerbal ilo etan Irooj, ium̧win tōl an aJon̄oulruo ro ak ko̧o̧njeļ eo eutiej ej Ito-itak, ilo kalōkļo̧k kabun̄ in im ilo kajebwābweik aolep jerbal ko an ejja in wōt ilo aolep laļ ko, m̧oktata n̄an ro riAelōn̄ ko innām n̄an riJu ro—

35 Jon̄oulruo ro jilkinļo̧k er, rej kabwijer ki ko, n̄an kōpeļļo̧k kōjām eo jān kabun̄bun̄ļo̧k gospel eo an Jisōs Kraist, im m̧oktata n̄an RiAelōn̄ ko innām n̄an riJu ro.

36 aKo̧o̧njeļ utiej ko retōt, ilo stake ko an Zaion, rej booje juon doulul eo ejja jon̄an wōt an maron̄ ilo jerbal ko an kabun̄ in, ilo aolep jem̧ļo̧k ko aer, n̄an doulul eo an presidency eo, ak n̄an ko̧o̧njeļ eo eutiej ej ito-itak.

37 Ko̧o̧njeļ eo eutiej ilo Zaion ej booje juon doulul jon̄an wōt ilo maron̄ ilo jerbal ko an kabun̄ in, ilo aolep jem̧ļo̧k ko aer, n̄an ko̧o̧njeļ ko an Jon̄oulruo ro ilo stake ko an Zaion.

38 Ej jerbal an ko̧o̧njeļ eo eutiej ej ito-itak n̄an kūr ioon aJiljilimjuonn̄oul ro, n̄e rej aikuj jipan̄, n̄an kanni jet ian kūr ko n̄an kwaļo̧k naan im kōm̧akūtkūt gospel eo, ijello̧kun ro bar jet.

39 Ej jerbal an Jon̄oulruo ro, ilo branch ko otemjej reļļap an kabun̄ in, n̄an kapiti aevanjel minister ro, āinwōt naaj jitōn̄ n̄an e jān revelesōn—

40 Laajrak eo an priesthoodin kar kapen e bwe en wanlaļļo̧k jān jemān n̄an ļeo nejin, im ejim̧we bwe en an ro lukkuun bwijjin ine eo kar kāālete, ro n̄an er kar kōm̧m̧ani kallim̧ur ko.

41 Laajrak in kar dedeļo̧k ilo raan ko an aAdam, im ekar wanlaļtak kōn bbwij ilo jekjek in ej waļo̧k ijin:

42 Jān Adam n̄an aSet, eo Adam ar kapit e ke ej dettan jiljilinon̄oul ruwatimjuon iiō, im kar kōjeraam̧m̧an e jilu iiō m̧oktaļo̧k jān mej eo an (an Adam), im kar bōk kallim̧ur eo an Anij jān jemān, bwe ro ineen ren maron̄ rikāālet ro an Irooj, im bwe ren maron̄ jokane n̄an jem̧ļo̧k in laļ;

43 Kōnke e (Set) eaar juon em̧m̧aan aeweeppān, im bjekjekin eaar kwaļo̧k jekjek eo an jemān, jon̄an eaar āinwōt jemān ilo aolep men otemjeļo̧k, im maron̄ kōjenolo̧ke jān e wōt jon̄an dettan.

44 Inōs eaar ekkapit ke dettan ej jibukwi im jiln̄uulemān iiō im emān allōn̄, jān pein Adam.

45 Anij eaar kūr ioon Keinan ilo āne jem̧aden ilo en̄oul iiō in dettan; im eaar ioon Adam ilo ito-itak eo an n̄an jikin in Shedolamak. E eaar ruwalitōkn̄ouljiljilimjuon iiō rūttoun ke eaar bōk ekkapit eo an.

46 Mehalelel eaar ābukwi im ruwatimjuonn̄ouljiljino iiō im jiljilimjuon raan dettan ke eaar ekkapit jān pein Adam, eo ar kōjeraam̧m̧an e.

47 Jered ar rūbukwi iiō dettan ke eaar ekkapit ium̧win pein Adam, eo ar barāinwōt kōjeraam̧m̧ane e.

48 aInok ar ron̄oulļalem iiō dettan ke eaar ekkapit ium̧win pein Adam; im eaar jiljinon̄oul ļalem im Adam ar kōjeraam̧m̧ane e.

49 Im eaar lo Irooj, im eaar etetal Ippān, im eaar pād im̧aan Mejān iien otemjej; im eaar aetetal ippān Anij jilubukwi im jiljinon̄oul ļalem iiō ko, eo ar kōm̧m̧an bwe en ābukwi im jiln̄uul iiō dettan ke kar bbōklōn̄ļo̧k.

50 aMitusela ar jibukwi iiō dettan ke eaar ekkapit ium̧win pein Adam.

51 Lemek ar jiln̄uulruo iiō dettan ke eaar ekkapit ium̧win pein Set.

52 aNoa ar jon̄oul iiō dettan ke eaar ekkapit ium̧win pein Mitusela.

53 Jilu iiō m̧oktaļo̧k jān mej eo an Adam, eaar kūr Set, Inōs, Keinan, Mehalelel, Jered, Inok, im Mitusela, ro rekar aolep apris utiej ro, ippān bwe in ro ineen im rekar jim̧we, ļo̧k ilo kom̧laļ in bAdam-ondai-Aman, im ijo eaar likūt ioer kōjeraam̧m̧an eo an āliktata.

54 Im Irooj eaar waļo̧kļo̧k n̄an er, im rekar jutakļo̧k im kōjeraam̧m̧an aAdam, im kūr e bMaikeel, bwidak eo, arkenjeļ eo.

55 Im Irooj eaar kōjeraam̧m̧an e Adam kōn aenōm̧m̧an, im ba n̄an e: Iaar likūt eo bwe kwōn bar eo; juon jarlepju in laļ ko enaaj itok n̄an eok, im kwe kwōj juon abwidak ioer indeeo.

56 Im Adam eaar jutak ilubwiljin jarlepju eo; im, mekarta n̄e eaar m̧alļo̧k kōn an rūtto, kōnke eaar obrak kōn Jetōb Kwōjarjar, eaar akanaane ta enaaj kar wōtlo̧k ioon ro ineen n̄an epepen eo āliktata.

57 Men kein rekar aolep jeje ilo bok eo an Inok, im renaaj kam̧ool kaki ilo iien eo ekkar.

58 Ej jerbal an aJon̄oulruo ro, barāinwōt, n̄an bkapit im kōjenolo̧k aolep opija ro jet an kabun̄ in, ekkar n̄an revelesōn eo ej ba:

59 N̄an kabun̄ eo an Kraist ilo āneen Zaion, kobaļo̧k ippān akien ko an kabun̄ ikijjien jerbal ko an kabun̄—

60 Em̧ool, Ij ba n̄an kom̧, Irooj in Inelep eo ej ba, ej aikuj wōr aelder in tōl ro n̄an tōl ioon aolep ro rej jān opij eo an juon elder;

61 Im barāinwōt apris ro n̄an tōl ioon ro rej jān opij eo an juon pris;

62 Im barāinwōt rikaki ro n̄an atōl ioon ro rej jān opij eo an juon rikaki, ilo ejja jekjek in wōt, im barāinwōt tikōn ro—

63 Kōn menin, jān tikōn n̄an rikaki, im jān rikaki n̄an pris, im jān pris n̄an elder, kajjojo iaer āinwōt jitōn̄e er, ekkar n̄an bujen ko im kien ko an kabun̄ in.

64 Innām ej itok Priesthood eo Eutiej, eo eļaptata jān aolep.

65 Kōn menin, emennin aikuj bwe en wōr juon jitōn̄e jān Priesthood eo Eutiej n̄an tōl ioon priesthood eo, im naaj kūr e President an Priesthood eo Eutiej an Kabun̄ in;

66 Ak, ilo bar jet naan ko, aPris Eutiej in Tōl ioon Priesthood eo Eutiej an Kabun̄ in.

67 Jān ejja ijin wōt ej itok kajeikik in kain̄i ko im kōjeraam̧m̧an ko ioon kabun̄ in, jān alikūt pā ko ioon.

68 Kōn menin, opij eo an juon bisop ej jab jon̄an wōt e; bwe opij eo an juon abisop ej ilo kajeikik aolep men ko an jidimkij;

69 Mekarta juon bisop rej kāālet jān aPriesthood eo Eutiej, ijello̧kun wōt n̄e e ej juon blukkuun bwijjin Aron;

70 Bwe ijello̧kun wōt n̄e e ej juon lukkuun bwijjin Aron ej jab maron̄ kabwijer ki ko an priesthood jab en.

71 Mekarta, juon pris utiej, en̄in bwe, ilo̧kan laajrak eo an Melkizedek, maron̄ in kōjenolo̧k e n̄an kajeikiki men ko an jidimkij, im enaaj wōr an jeļāļo̧kjeņ kaki jān Jetōb in m̧ool;

72 Im barāinwōt n̄an juon ariekajet ilo Israel, n̄an kōm̧m̧ani jerbal ko an kabun̄ in, n̄an jijet ilo ekajete riruprupe kam̧ool eo āinwōt enaaj erļo̧k im̧aan ekkar n̄an kien ko, jān jipan̄ eo an rikōkapilōklōk ro an, ro eaar kāālet er ak enaaj kāālet er ilubwiljin elder ro an kabun̄ in.

73 En̄in ej jerbal eo an juon bisop eo ej jab juon lukkuun bwijjin Aron, a em̧ōj kar kapiti n̄an Priesthood eo Eutiej ilo̧kan laajrak eo an Melkizedek.

74 Āindein e enaaj juon riekajet, em̧ool juon riekajet eļap ilubwiljin ro rej pād ilo Zaion, ak ilo stake eo an Zaion, ak ilo jabdewōt branch an kabun̄ in ijo naaj kōjenolo̧k e ie n̄an jerbal in, m̧ae tōrerein ko an Zaion rej ererakļo̧k im ej erom mennin aikuj n̄an an wōr bar jet bisop ro ak riekajet ro ilo Zaion ak ijoko jet.

75 Im toun wōt an wōr bisop ro jet jitōn̄e er renaaj m̧akūtkūt ilo ejja wōt opij in.

76 Ak juon lukkuun bwijjin Aron ewōr an jim̧we kōmlete ium̧win kakien n̄an presidency eo an priesthood jab in, n̄an aki ko an jerbal in, n̄an m̧akūtkūt ilo opij eo an bisop makeļo̧k ian, ilo an ejjeļo̧k rikōkapilōklōk ro, ijello̧kun wōt ilo jekjek eo im juon President an Priesthood eo Eutiej, ilo̧kan laajrak eo an Melkizedek, rej ekajete, n̄an jijet āinwōt juon riekajet ilo Israel.

77 Im jem̧ļo̧k eo an jabdewōt ian ko̧o̧njeļ kein, eaikuj errā n̄an kien eo ej ba:

78 Bar juon alen, em̧ool, Ij ba n̄an kom̧, jerbal eo eaorōktata an kabun̄ in, im acase ko reppentata an kabun̄ in, toun wōt an ejjeļo̧k bun̄bōro ioon jem̧ļo̧k eo an bisop eo ak riekajet ro, naaj jakeļo̧k im bōkļo̧k n̄an ko̧o̧njeļ eo an kabun̄ in, im̧aan bPresidency eo an Priesthood eo Eutiej.

79 Im Presidency eo an ko̧o̧njeļ eo an Priesthood eo Eutiej enaaj wōr an kajoor n̄an kūr pris utiej ro jet, em̧ool jon̄oulruo, n̄an jipan̄ āinwōt rikōkapilōklōk ro; im āindein Presidency eo an Priesthood eo Eutiej im rikōkapilōklōk ro an renaaj wōr aer kajoor n̄an kōm̧m̧an jem̧ļo̧k ioon naan in kam̧ool ekkar n̄an kien ko an kabun̄ in.

80 Im ālikin jem̧ļo̧k in enaaj jab pād ļo̧k wōt ilo ememej im̧aan Irooj; bwe en̄in ej ko̧o̧njeļ eo eutiejtata an kabun̄ eo an Anij, im lukkuun jem̧ļo̧k eo āliktata ioon poktak ko ilo men ko an jetōb.

81 Ejjeļo̧k juon armej eo ej pād ilo kabun̄ in emaron̄ deor jān ko̧o̧njeļ in an kabun̄ in.

82 Im toun wōt an President eo an Priesthood eo Eutiej enaaj bōd, enaaj pād ilo ememej im̧aan ko̧o̧njeļ eo eļap an kabun̄ in, eo enaaj bōk jipan̄ jān jon̄oulruo rikōkapilōklōk ro an Priesthood eo Eutiej;

83 Im jem̧ļo̧k eo aer ioon bōran enaaj jem̧ļo̧kin poktak in kake e.

84 Āindein, ejjeļo̧k enaaj deor jān aekajet im kien ko an Anij, bwe aolep men ko otemjeļo̧k ren maron̄ kōm̧m̧an ilo koņ im ilo kejakļo̧kjeņ Im̧aan, ekkar n̄an m̧ool im jim̧we.

85 Im bar juon alen, em̧ool Ij ba n̄an kom̧, jerbale eo an juon president ioon opij eo an juon atikōn ej n̄an tōl ioon jon̄oulruo tikōn, n̄an jijet ilo ko̧o̧njeļ ippāer, im n̄an bkatakin er jerbal eo aer, im kōketake doon, āinwōt letok e ekkar n̄an bujen ko.

86 Im barāinwōt jerbal eo an president eo ioon opij eo an arikaki ro ej n̄an tōl ioon ron̄oulemān in rikaki ro, im n̄an jijet ilo ko̧o̧njeļ ippāer, im katakin er jerbal ko an opij eo aer, āinwōt kar litok ilo bujen ko.

87 Barāinwōt jerbal eo an president eo ioon Priesthood eo an Aron ej n̄an tōl ioon en̄oul ruwalitōk apris ro, im jijet ilo ko̧o̧njeļ ippāer, n̄an katakin er jerbal ko an opij eo aer, āinwōt leļo̧k e ilo bujen ko—

88 President in ej juon abisop; bwe en̄in ej juon ian jerbal ko an priesthoodin.

89 Bar juon alen, jerbal eo an president eo ioon opij eo an aelder ro ej n̄an tōl ioon ruwatimjuonn̄ouljiljino elder, im jijet ilo ko̧o̧njeļ ippāer, im n̄an katakin er ekkar n̄an bujen ko.

90 Presidency in ej eāinjuon jān eo an jiljilimjuonn̄oul, im ej ejaak n̄an ro rej jab aito-itak ļo̧k ilo aolepān laļ.

91 Im bar juon alen, jerbal eo an President eo an opij eo an Priesthood eo Eutiej ej n̄an atōl ioon aolepān kabun̄ in, im n̄an āinwōt bMoses

92 Lo, en̄in ej mālōtlōt; aaet, n̄an juon arilolo, juon brikkwaļo̧k revelesōn, juon riukok, im juon crikanaan, im kabwijer aolep mennin dletok ko an Anij ko Ej likūt ioon bōran kabun̄ in.

93 Im ej ekkar n̄an visōn eo ej kwaļo̧k laajrak eo an aJiljilimjuonn̄oul ro, bwe eaikuj wōr jiljilimjuon aer president n̄an tōl ioer, kāālete er jān oran eo an an jiljilimjuonn̄oul ro;

94 Im president eo kein kajiljilimjuon ej tōl ioon ko jiljino;

95 Im president rein jiljilimjuon reaikuj kāālet bar jet jiljilimjuonn̄oul ijello̧kun jiljilimjuonn̄oul eo m̧oktata im rej pād, im rej tōl ioer;

96 Im barāinwōt jiljilimjuonn̄oul ro jet, m̧ae jiljilimjuon alen jiljilimjuonn̄oul, eļan̄n̄e jerbal eo ilo jikin kallib eo ekōm̧m̧an bwe en juon men aikuji.

97 Im jiljilimjuonn̄oul rein rej aminister ro rej ito-itak, n̄an ro riAelōn̄ ko im barāinwōt n̄an riJu ro.

98 Ijowōtke opija ro jet an kabun̄ in, ro rej jab pād ilo Jon̄oulruo ro, im jab n̄an Jiljilimjuonn̄oul ro, rej jab pād ium̧win eddo in n̄an ito-itak ilubwiljin aolep laļ ko, ak rej ito-itak āinwōt an jekjek ko rej pād ie naaj kōtļo̧k, jekdo̧o̧n n̄e remaron̄ kabwijer opij ko im eddo ko reutiej ilo kabun̄ in.

99 Kōn menin, kiiō kōtļo̧k bwe em̧m̧aan otemjej en jeļā ajerbal eo an, im n̄an m̧akūtkūt ilo opij eo me jitōn̄e n̄an e, ilo aolep blaļn̄ijn̄ij.

100 Eo ej ajowan naaj ban watōke e betōllo̧ke n̄an jutak, im eo ej jab jeļā jerbal eo an im kar kwaļo̧k ke e make kar jab kōmālim e naaj ban watōke e etōllo̧ke n̄an jutak. Em̧ool āindein. Amen.