፩ ባልንጀሮቼ፣ እውነት እላችኋለሁ፣ እነሆ፣ በፅዮን ምድር የተበተኑትን ወንድሞቻችሁን ደህንነት እና ^ሀቤዛነት በሚመለከት ያላችሁን ሀላፊነት እንዴት ^ለእንድትፈፅሙ ታውቁ ዘንድ ራዕይና ትእዛዝ እሰጣችኋለሁ፤

፪ ቁጣዬን በጊዜዬ ያለልክ በማወርድባቸው በጠላቶቼ እጆች ^ሀእየተሰደዱ እና እየተመቱት ስላሉት።

፫ የጥፋታቸውንም መስፈሪያ ^ሀይሞሉ ዘንድ፣ ጽዋቸውም ሙሉ ይሆን ዘንድ፣ እስከአሁን ፈቅጄላቸዋለሁና፤

፬ እና በስሜ ራሳቸውን የሚጠሩትም ለጥቂት ዘመን በከፍተኛ እና አሳዛኝ ተግሳፅ ^ሀይገሰጹ ዘንድ፣ ምክንያቱም አብረውም የሰጠኋቸውን አስተሳሰብና ትእዛዛት ^ለአላዳመጡምና።

፭ ነገር ግን እውነት እላችኋለሁ፣ እኔ ጌታ አምላካቸው የምሰጣቸውን ^ሀምክር ከዚህ ሰአት ጀምረው የሚያደምጡ ቢሆን፣ ህዝቤ ሊቀበሉ የሚችሉትን አዋጅ አውጃለሁ።

፮ እነሆ፣ ስላወጅኩት፣ ከዚህ ሰዓት ጀምሮ ጠላቶቼን ማሸነፍ ይጀምራሉ።

፯ እና እኔ ጌታ የምናገራቸውን ቃላት ለመከተል ^ሀቢያደምጡ፣ የአለም ^ለመንግስታት ከእግሮቼ በታች እስከሚገዙ እና ምድርንም ለዘለአለም ^ሐየራሳቸው እንዲያደርጓት ^መለቅዱሳን ^ሠእስከምትሰጥ ድረስ ማሸነፍን አያቆሙም።

፰ ነገር ግን ትእዛዛቴን ^ሀእስካላከበሩ እና ቃላቴንም እስካልተከተሉ ድረስ፣ የአለም መንግስታት ያሸንፏቸዋል።

፱ ለአለም ^ሀብርሀንና ለሰዎች አዳኝ ይሆኑ ዘንድ ተመርጠው ነበርና፤

፲ እና የሰዎች አዳኞች እስካልሆናችሁ ድረስ፣ ጣዕሙን እንዳጣ ^ሀጨው ትሆናላችሁ፣ እና ከዚያን ጊዜ በኋላ ከንቱ ትሆናላችሁ፣ ደግሞም ትጣላላችሁ፣ እናም በሰዎችም እግር ትረገጣላችሁ።

፲፩ ነገር ግን እውነት እላችኋለሁ፣ የተበተኑት ወንድሞቻችሁ ወደ ውርስ ^ሀመሬታቸው እንዲመለሱ፣ እና የፈረሱትን የፅዮን ስፍራዎችንም እንዲገነቡ አውጃለሁ።

፲፪ ^ሀከብዙ ስቃይ በኋላ፣ አስቀድሜ እንዳዘዝኳችሁ፣ በረከት ይመጣል።

፲፫ እነሆ፣ ይህም ከስቃያችሁ እና ከወንድሞቻችሁ ስቃይ በኋላ በተስፋ ቃል የሰጠኋችሁ በረከት ነው—ቤዛነታችሁ፣ እና የወንድሞቻችሁ ቤዛነት፣ እንዲሁም የፅዮን ምድር እንደገና እንዳትሸነፍ እንድትመሰረት ዳግም መመለሷ።

፲፬ ይህም ቢሆን፣ ውርሶቻቸውን ካረከሱ ይሸነፋሉ፤ ውርሶቻቸውን የሚያረክሱ ቢሆን አላድናቸውምና።

፲፭ እነሆ እላችኋለሁ፣ የፅዮን ቤዛነት በሀይል ይመጣ ዘንድ ይገባል፤

፲፮ ስለዚህ፣ ^ሀሙሴ የእስራኤልን ልጆች እንደመራው፣ የሚመራቸው ሰው ለህዝቤ አስነሳለሁ።

፲፯ እናንት የእስራኤል ልጆች፣ ^ሀየአብርሐም ዘር ናችሁና፣ እና በሀይሌና በተዘረጋው ክንዴ ከባርነታችሁ ተመርታችሁ መውጣት ያስፈልጋችኋልና።

፲፰ እና አባቶቻችሁ በመጀመሪያ እንደተመሩት፣ የፅዮን ቤዛነትም እንዲሁ ይሆናል።

፲፱ ስለዚህ፣ ልባችሁ አይታወክ፣ ለአባቶቻችሁ እንዳልኳቸው ለእናንተም እላችኋለሁና፥ በፊታችሁ ^ሀመልአኬን እልካለሁ፣ ነገር ግን ^ለእኔ በመካከላችሁ አልገለጥም።

፳ ነገር ግን እላችኋለሁ፥ በፊታችሁ ^ሀመላዕክቴን እልካለሁ፣ እና በመካከላችሁም እገኛለሁ፣ እና በጊዜም መልካሙን ምድር ^ለየራሳችሁ ታደርጋላችሁ።

፳፩ እውነት፣ እውነት እላችኋለሁ፣ በሰጠኋችሁ ምሳሌ ውስጥ ^ሀየወይን ስፍራው ጌታ የሆነው አገልጋይ የተናገረውን የሚመስለው ^ለሰው አጋልጋዬ ጆሴፍ ስሚዝ ዳግማዊ ነው።

፳፪ ስለዚህ ጆሴፍ ስሚዝ ዳግማዊ ለቤቴ ^ሀጥንካሬ፣ ለወጣቶቼና ለጎልማሳዎቼ እንዲህ ይበል—በፅዮን ምድር፣ ለእኔ በተቀደሰው ገንዘብ በገዛሁት ምድር ላይ በአንድነት ተሰብሰቡ።

፳፫ እና ቤተክርስቲያኖቹ ሁሉ ብልህ ሰዎቻቸውን ከገንዘቦቻቸው ጋር ይላኩ፣ እና እንዳዘዝኩትም መሬቶችን ^ሀግዙ።

፳፬ እና የፅዮን ምድር እንዲሆን ከቀደስኩት ^ሀምድር፣ ከመልካሙ መሬቴ፣ እንዲሁም በእነርሱ ላይ በፊቴ ካመጣችሁት ከእነዚህ ምስክሮች በኋላ ከመሬታችሁ ሊያሰድዳችሁ ጠላቶቼ ከመጡባችሁ፣ እርገሟቸው፤

፳፭ እና ማንኛውም የምትረግሟቸውን፣ እረግማቸዋለሁ፣ እና ጠላቶቼንም ትበቅላላችሁ።

፳፮ እና በጠላቶቼ፣ በሚጠሉኝ ሶስተኛ እና አራተኛ ትውልድ ላይ ^ሀስትፈርዱም ከእናንተ ጋር እገኛለሁ።

፳፯ ለእኔ ህይወቱን ለመስጠት ማንም ሰው አይፍራ፤ ማንም ለእኔ ህይወቱን ^ሀአሳልፎ የሚሰጥ ዳግም ያገኘዋልና።

፳፰ እና ለእኔ ህይወቱን ለመስጠት ፈቃደኛ ያልሆነውም ደቀመዝሙሬ አይደለም።

፳፱ አገልጋዬ ^ሀስድኒ ሪግደን፣ ቤተክርስቲያኖችን ስለፅዮን ዳግም መመለስ እና ቤዛነት የሰጠኋቸውን ትእዛዛት እንዲጠብቁ ለማዘጋጀት፣ ለምስራቅ ሀገሮች ተሰብሳቢዎች ድምጹን ከፍ ማድረጉ ፍቃዴ ነው።

፴ አገልጋዬ ^ሀፓርሊ ፒ ፕራትና አገልጋዬ ላይመን ዋይት፣ ወደፅዮን ምድር የሚሄዱ ሰዎችን በአስሮች ወይም በሀያዎች ወይም በሀምሳዎች ወይም በመቶዎች እስኪያደራጁ ድረስ፣ ለቤቴ ^ለጥንካሬ አምስት መቶዎችን እስኪያገኙ ድረስ፣ ወደወንድሞቻቸው መሬት እንዳይመለሱ ፍቃዴ ነው።

፴፩ እነሆ ይህም ፍቃዴ ነው፤ ጠይቁ፣ ይሰጣችኋል፤ ነገር ግን ሰዎች ፈቃዴዬን ሁልጊዜም ^ሀአያደርጉም።

፴፪ ስለዚህ፣ አምስት መቶ የማታገኙ ቢሆን፣ ምናልባት ሶስት መቶ ታገኙ ዘንድ በቅንነት ፈልጉ።

፴፫ እና ሶስት መቶ ለማግኘት ባትችሉም፣ ምናልባት አንድ መቶ ታገኙ ዘንድ በቅንነት ፈልጉ።

፴፬ ነገር ግን እውነት እላችኋለሁ፣ ወደ ፅዮን ምድር አብሮአችሁ እንዲሄዱ ከቤቴ ጥንካሬ መቶ እስክታገኙ ድረስ ወደፅዮን ምድር እንዳትሄዱ ትእዛዝን እሰጣችኋለሁ።

፴፭ ስለዚህ፣ እንዳልኳችሁ ጠይቁ፣ ይሰጣችኋል፤ አገልጋዬ ጆሴፍ ስሚዝ ዳግማዊ ምናልባት ከእናንተ ጋር እንዲሄድ፣ እና በህዝቤ መካከል እንዲመራ፣ እና ^ሀበተቀደሰው ምድርም መንግስቴን ያደራጅ፣ እና የፅዮን ልጆችን በተሰጡት እና ወደፊት በሚሰጣችሁ ህግጋት እና ትእዛዛት መሰረት ይመሠርት ዘንድ በቅንነት ጸልዩ።

፴፮ ድልና ክብር ሁሉ የሚመጣላችሁ ^ሀበቅንነታችሁ፣ በታማኝነታችሁ፣ እና ^ለበእምነት ጸሎታችሁ ነው።

፴፯ አገልጋዬ ፓርሊ ፒ ፕራት ከአገልጋዬ ጆሴፍ ስሚዝ ዳግማዊ ጋር ይጓዝ።

፴፰ አገልጋዬ ላይመን ዋይት ከአገልጋዬ ስድኒ ሪግደን ጋር ይጓዝ።

፴፱ አገልጋዬ ሀይረም ስሚዝ ከአገልጋዬ ፍሬድሪክ ጂ ዊሊያምስ ጋር ይጓዝ።

፵ አገልጋዬ ኦርሰን ሀይድ ከአገልጋዬ ኦርሰን ፕራት ጋር፣ አገልጋዬ ጆሴፍ ስሚዝ ዳግማዊ በሚመክራቸው በማንኛውም፣ የሰጠኋቸውን የእነዚህን ትእዛዛት ፍጻሜ ያገኙ፣ ይጓዙ፣ እና የሚቀረውንም በእጆቼ ይተዉት። እንዲህም ይሁን። አሜን።