፩ ስለተቸገሩት፣ ^ሀስለተሰደዱ፣ እና ከውርስ መሬታቸው ^ለተወርውረው ስለወጡት ወንድሞቻችሁ እውነት እላችኋለሁ—

፪ እኔ ጌታ ^ሀየተሰቃዩበት ስቃይ ^ለበመተላለፋቸው ምክንያት እንዲመጣባቸው ፈቅጃለሁ፤

፫ ግን ^ሀየእኔ አደርጋቸዋለሁ፣ እና መጥቼ ጌጤን በምሰራበት በዚያን ቀን የእኔ ይሆናሉ።

፬ ስለዚህ አንድያ ልጁን ለመስዋት እንዲያቀርብ እንደታዘዘው ^ሀአብርሐም ^ለመገሰፅና መፈተን አለባቸው።

፭ በግሰጻው የማይጸኑት፣ ግን ^ሀየሚከዱኝ፣ ሁሉ ^ለሊቀደሱ አይችሉም።

፮ እነሆ፣ እላችኋለሁ፣ ክርክር፣ እና ^ሀጸብ፣ እና ^ለቅናት፣ እና ጠብ፣ እና ^ሐየመቋመጥ እና የመመኘት ፈቃድ በመካከላቸው ነበር፤ ስለዚህ በእነዚህ ነገሮች ውርሶቻቸውን በክለዋል።

፯ የጌታ አምላካቸውን ድምፅ ^ሀለማድመጥ ይዘገዩ ነበር፤ ስለዚህ፣ ጌታ አምላካቸው ጸሎታቸውን ያደምጥ ዘንድ፣ በችግር ቀናቸውም ይልስላቸው ዘንድ ዘግይቷል።

፰ በሰላም ቀናቸው ምክሬን ትንሽ ዋጋ እንዳለው ተመለከቱት፤ ነገር ግን፣ ^ሀበችግራቸው ቀን፣ ሲያስፈልጋቸው ^ለይፈልጉኛል።

፱ እውነት እላችኋለሁ፣ ኃጢአቶቻቸው ቢያስቆጡም፣ ለእነርሱ አንጀቴ ^ሀበርህራሄ ተሞልቷል። ሙሉ ሁሉ ^ለአላስወግዳቸውም፤ እና ^ሐበቁጣም ቀን በምህረት አስታውሳቸዋለሁ።

፲ መሀላ ገብቻለሁ፣ እና የቁጣዬ ^ሀጎራዴ ለህዝቤ እንደሚወድቅ ከዚህ በፊት በሰጠኋችሁ ትእዛዝም መሰረት አዋጁ ወጥቷል፣ እና እንዳልኩትም፣ ይሆናል።

፲፩ ቁጣዬ በሁሉም ህዝብ ላይ ያለሚዛን በቅርብም ይፈሳል፤ እና ይህን የማደርገውም የጥፋታቸው ጽዋ ^ሀሲሞላ ነው።

፲፪ እና በዚያ ቀን ^ሀበመመልከቻ ማማ ላይ የሚገኙት ሁሉ፣ ወይም በሌላ ቃላት፣ የእኔ የሆኑት እስራኤል ሁሉ ይድናሉ።

፲፫ እና የተበተኑት ሁሉ ^ሀይሰበሰባሉ።

፲፬ እና ^ሀየሚያዝኑትም ሁሉ መፅናናትን ያገኛሉ።

፲፭ እና ለስሜ ^ሀህይወታቸውን አሳልፈው የሰጡም ሁሉ አክሊል ይጫንላቸዋል።

፲፮ ስለዚህ፣ ፅዮንን በሚመለከት ልባችሁ ይፅናኑ፤ ሁሉም ስጋዎች ^ሀበእጆቼ ውስጥ ናቸውና፤ ዕረፉ እና እኔም አምላክ እንደ ሆንሁ ^ለእወቁ፤

፲፯ ልጆቿ ቢበተኑም፣ ^ሀፅዮን ከስፍራዋ አትወጣም።

፲፰ የሚቀሩት እና ንጹህ ልብ ያላቸው፣ ይመለሳሉ እና እነርሱና ልጆቻቸው በዘለአለማዊ ደስታ ^ሀመዝሙሮች፣ በፅዮን የፈረሱትን ^ለለመገንባት ^ሐወደውርሳቸው ይመጣሉ—

፲፱ እና እነዚህ ነገሮች ሁሉ ነቢያት ይፈጽሙ ዘንድ ነው።

፳ እነሆም፣ ከመደብኩት ^ሀስፍራ በስተቀር የተመደበ ምንም ሌላ ስፍራ የለም፤ ወይም፣ ለቅዱሳን መሰብሰቢያ ስራ፣ ከመደብኩት ስፍራ ሌላ የሚመደብ ምንም ስፍራ የለም—

፳፩ ለእነርሱ በቂ ክፍል የማይገኝበት ቀን እስኪመጣም ድረስ፤ ከዚያም እኔ የምመድብላቸው ሌሎች ስፍራዎች አሉኝ፣ እና ለፅዮን ይጋርዱ እና ብርታቷም ይሆኑ ዘንድ፣ እነዚህም ^ሀካስማ ተብለው ይጠራሉ።

፳፪ እነሆ፣ ስሜን የሚጠሩ፣ እና በዘለአለማዊ ወንጌሌ መሰረት የሚያመልኩኝ ሁሉ ^ሀእንዲሰበሰቡና በተቀደሱ ስፍራዎች ^ለእንዲቆሙ ፍቃዴ ነው፤

፳፫ እና ለሚመጣው ራዕይም ተዘጋጁ፣ በድንኳኔ ውስጥ፣ ምድርን የሚደብቀው፣ ቤተመቅደሴን የሚሸፍነው ^ሀመጋረጃ ይወልቃል፣ እና ስጋ ለባሽ ሁሉ በአንድነት ^ለያዩኛል።

፳፬ እና ^ሀየሚበሰብሱ እያንዳንዱ ነገሮች፣ በምድር ላይ የሚኖሩ ሰዎች፣ ወይም የሜዳ እንስሳት፣ ወይም የሰማይ አዕዋፋት፣ ወይም የባሕር ዓሦች ሁሉ ^ለይነድዳሉ፤

፳፭ ደግሞም አለቶችም በትልቅ ትኵሳት ^ሀይቀልጣሉ፤ እና እውቀቴና ^ለክብሬ በምድር ሁሉ እንዲኖሩ፣ ሁሉም ነገሮች ^ሐአዲስ ይሆናሉ።

፳፮ እና በዚያም ቀን የሰዎች ^ሀጥላቻ፣ የእንስሳትም ጥላቻ፣ አዎን፣ የሁሉም ስጋ ለባስ ጥላቻ ከፊቴ ^ለይቋረጣል።

፳፯ እና በዚያም ቀን ማንም ሰው ያሻውን ቢጠይቅ፣ ይሰጠዋል።

፳፰ እና በዚያም ቀን ^ሀሰይጣንም ሰውን ለመፈተን ሀይል አይኖረውም።

፳፱ እና ^ሀሀዘንም አይኖርም ምክንያቱም ሞት የለምና።

፴ በዚያም ቀን ^ሀህጻን አርጅቶ ካልሆነ በቀር አይሞትም፤ እና ህይወቱም እንደ ዛፍ ህይወት ይሆናል፤

፴፩ እና ሲሞትም አያንቀላፋም፣ ያም በምድር ውስጥ አይቆይም፣ ነገር ግን በቅጽበት ዓይን ^ሀይለወጣል፣ እና ^ለይነጠቃል፣ እና ማረፊያውም የከበረ ይሆናል።

፴፪ አዎን፣ እውነት እላችኋለሁ፣ ጌታ በሚመጣበት በዚያ ^ሀቀን፣ ሁሉንም ነገሮች ^ለይገልጣል—

፴፫ ያለፉትን ነገሮች፣ እና ማንም ሰው የማያውቃቸውን ^ሀየተደበቁ ነገሮችን፣ የምድር ነገሮችን፣ የተሰራበትን፣ እና አላማቸውን እና እቅዳቸውንም ይገልጣል—

፴፬ በጣም ውድ ስለሆኑ ነገሮች፣ ከበላይ ስላሉ ነገሮች፣ እና ከበታች ስላሉ ነገሮች፣ በምድር ውስጥ፣ እና በምድር ላይ፣ እና በሰማይ ውስጥ ስላሉ ነገሮችም ይገልጣል።

፴፭ እና ስለስሜ ^ሀበመሰደድ የተሰቃዩት ሁሉ፣ እና በእምነት የሚፅናኑት፣ ምንም እንኳን ህይወታቸውን ^ለስለእኔ እንዲሰጡ ቢጠሩም በዚህ ክብር ሁሉ ተካፋዮች ይሆናሉ።

፴፮ ስለዚህ፣ ^ሀእስከሞትም አትፍሩ፤ በዚህ አለም ደስታችሁ ሙሉ አይደለምና፣ ነገር ግን በእኔ ^ለደስታችሁ ሙላት አለው።

፴፯ ስለዚህ፣ ስለሰውነት አታስቡ፣ ወይም ስለሰውነት ህይወት፤ ነገር ግን ^ሀለነፍስ፣ እና ስለ ነፍስ ህይወትም አስቡ።

፴፰ እና ^ሀበትዕግስት ነፍሶቻችሁን ታገኙ ዘንድ፣ የጌታን ፊት ዘወትር ^ለእሹ፣ እና ዘለአለማዊ ህይወትም ይኖራችኋል።

፴፱ ሰዎች ^ሀወደ ዘለአለማዊ ወንጌሌ ሲጠሩ፣ እና በዘለአለማዊነትም ቃል ኪዳንን ሲገቡ፣ እንደምድር ^ለጨው እና የሰዎች ጣዕም ሆነው ይቆጠራሉ።

፵ የሰዎች ጣዕም እንዲሆኑም ይጠራሉ፤ ስለዚህ፣ ያ የምድር ጨው ጣዕሙን ካጣ፣ እነሆ፣ ጨውም ከዚያን ጊዜ በኋላ ከንቱ ይሆናል፣ ነገር ግን ይጣላል፣ እናም በሰዎች እግርም ይረገጣል።

፵፩ እነሆ፣ ስለፅዮን ልጆች፣ እንዲሁም ሁሉም ሳይሆን ብዙዎቹን፣ የሚመለከት ጥበብ ይህም ነው፤ ተላላፊዎች ሆነው ተገኝተዋል፣ ስለዚህ ^ሀመገሰፅም ያስፈልጋቸዋል—

፵፪ ራሱን ^ሀከፍ የሚያደርግ ሁሉ ይዋረዳል፣ ራሱንም ^ለየሚያዋርድ ከፍ ይላል።

፵፫ አሁንም፣ ስለፅዮን ቤዛነት በሚመለከት ፈቃዴን ታውቁ ዘንድ፣ ምሳሌ አሳያችኋለሁ።

፵፬ አንድ ^ሀመኮንን በጣም ምርጥ የሆነ ምድር ነበረው፤ እና ለአገልጋዮቹም እንዲህ ይላል፥ ወደ ^ለወይን ስፍራዬ፣ እንዲሁም ወደዚህ በጣም ወደ ተመረጠ ምድር ሂዱ፣ እና አስራ ሁለት የወይራ ዛፎችንም ትከሉ፤

፵፭ እና ጠላት ለማጥፋትና የወይን ስፍራዬን ፍሬ ለራሳቸው ለመውሰድ ሲመጡ፣ የወይራ ዛፎቼን እንዳይሰበሩ ዘንድ፣ በማማው ላይ ^ሀጠባቂዎች ይሆኑላችሁ ዘንድ፣ በአካባቢያቸውም ጠባቂዎችን አኑሩ፣ እና በዙሪያውም የሚገኘውን ምድር በሚመለከት ማማን ስሩ።

፵፮ አሁን፣ የመኮንኑ አገልጋዮች ጌታቸው እንዳዘዛቸው ሄደው አደረጉ፣ እና የወይራ ዛፎችን ተከሉ፣ እና በዙሪያም ቅጥርን ሰሩ፣ እና ጠባቂም አስቀመጡ፣ እና ማማ መስራትም ጀመሩ።

፵፯ እና የዚህን መሰረት እየገነቡ እያሉ፣ እርስ በራሳቸው እንዲህ መባባል ጀመሩ፥ ለጌታዬ ይህ ማማ ምን ይሰራለታል አለው?

፵፰ እና ለብዙም ጊዜ እርስ በራሳቸው እንዲህ በመባባል ተማከሩ፥ የሰላም ጊዜ እንደሆነ እያየ፣ ጌታዬ ከዚህ ማማ ምን ጉዳይ አለው?

፵፱ ገንዘቡ ለለዋጮች አደራ ቢሰጥ አይሻልምን? ለእነዚህ ነገሮች ምንም የሚያስፈልጉ አይደሉምና።

፶ እና እርስ በራሳቸው ባለመስማማት እያሉ በጣም ሀኬተኛ ሆኑ፣ እና የጌታቸውንም ትእዛዝ አላደመጡምና።

፶፩ እና ጠላትም በምሽት መጣ፣ እና ^ሀቅጥሩንም ሰበረ፤ እና የመኮንኑ አገልጋዮችም ተነሱ እና ፈሩ፣ እና ሸሹ፤ እና ጠላትም ስራቸውን አፈረሰው፣ እና የወይራ ዛፎችንም ሰበረ።

፶፪ አሁን፣ እነሆ፣ መኮንኑ፣ የወይኑ ስፍራ ጌታ፣ አገልጋዮቹን ጠራ፣ እናም አላቸው፣ ለምን! የዚህ ታላቅ ጥፋት ምክንያት ምንድን ነው?

፶፫ እና የወይን ስፍራውን ከተከላችሁ፣ እና አጥርንም በዙሪያው ካጠራችሁ፣ እና በግምቡ ላይ ጠባቂን ካስቀመጣችሁ በኋላ ማማን ስሩ፣ እና በማማውም ጠባቂን አስቀምጡ፣ እና የወይን ስፍራዬንም ጠብቁ፣ እና ጠላትም እንዳይመጣባችሁ አታንቀላፉ ብዬ እንዳዘዝኳችሁ አታደርጉም ነበርን?

፶፬ እነሆም፣ በማማው ላይ የነበረው ጠባቂ በሩቅ እያለ ጠላትን ገና በሩቅ ሳለ ያየው ነበር፤ ከዚያም ትዘጋጁ እና ጠላትንም አጥሩን ከመስበር ልታቆሙት፣ እና ከደምሳሹ እጆችም የወይን ስፍራዬን ልታድኑ በቻላችሁ ነበር።

፶፭ እና የወይን ስፍራው ጌታ ከአገልጋዮቹ ለአንዱ አለ፥ ሂድ እና የሚቀሩትን አገልጋዮቼን ሰብስብ፣ እና የቤቴ ብርታት የሆኑትን ጀግኖቼን፣ ወጣት ወንዶቼን፣ እና ከአገልጋዮቼ መካከልም ጎልማሳዎች የሆኑትን የቤቴን ብርቱዎች ^ሀሁሉ ውሰድ፣ እንዲቀሩ የመደብኳቸውን ብቻ አስቀር፤

፶፮ እና በቀጥታም ወደወይን ስፍራ መሬቴም ሂድ፣ እና የወይን ስፍራዬን አድን፤ የእኔ ነውና፤ በገንዘብም ገዝቼዋለሁና።

፶፯ ስለዚህ፣ ወደ መሬቴ በቀጥታ ሂድ፣ የጠላቶቼን ግንብ ስበር፤ ማማቸውንም ጣል፣ እና ጠባቂያቸውንም በትን።

፶፰ እና አንተን ለመቃወም እስከተሰበሰቡ ድረስ፣ በአጭር ጊዜ ከሚቀረው ቤቴ ጋር መጥቼና መሬቴን እንድወስደው ዘንድ፣ በጠላቶቼ ላይ ^ሀፍረድልኝ።

፶፱ እና አገልጋዩም ለጌታው አለ፥ እነዚህ ነገሮች መቼ ይሆናሉ?

፷ እና ለአገልጋዩም አለ፥ በቀጥታ ሂድ፣ እና እንደፈቀድኩትም ያዘዝኩህን ማንኛቸውን ነገሮች ሁሉ አድርግ፤

፷፩ እና ይህም—በቤቴ መካከል ታማኝና ብልህ ^ሀመጋቢ፣ በመንግስቴም ውስጥ ^ለገዢ በሆንከው በአንተ ላይ ማህተሜ እና በረከቴ ይሆናል።

፷፪ እና አገልጋዩም በቀጥታ ሄደ፣ እና ጌታው ያዘዘውን ማንኛቸውን ነገሮች ሁሉ አደረገ፤ እና ከብዙ ቀናትም ^ሀበኋላ ሁሉም ነገሮች ተፈጸሙ።

፷፫ ዳግሞም፣ እውነት እላችኋለሁ፣ በትክክል እና በተገቢ መንገድ ወደ ደህንነታቸው ለመመራት ፈቃደኛ እስከሆኑ ድረስ፣ ስለቤተክርስቲያናት ሁሉ የሚመለከት ጥበቤን አሳያችኋለሁ—

፷፬ የቅዱሳኖቼ መሰብሰቢያ ስራ ይቀጥል ዘንድ፣ በስሜም ^ሀበቅዱስ ቦታዎች እገነባቸው ዘንድ፤ ^ለየመከር ጊዜ መጥቷል፣ እና ቃሌም ^ሐመፈጸም አለበት።

፷፭ ስለዚህ፣ ወደአባቴ መንግስት እንደ ስራው ደመወዝን ልሰጠው ስመጣ፣ በስንዴዎች እና ^ሀእንክርዳዶች ምሳሌ መሰረት፣ ስንዴዎች በጎተራው እንዲሰበሰቡ እና የዘለአለም ህይወት ያገኙ ዘንድ፣ እና ^ለበሰለስቲያል ክብር አክሊል እንዲሰጣቸው፣ ህዝቤን መሰብሰብ አለብኝ፤

፷፮ በማይጠፋ እሳት ^ሀይቃጠሉ ዘንድ፣ እንክርዳዶችም አንድ ላይ ይታሰራሉ፣ እና ማሰሪአቸውም ጠንካራ ይሆናል።

፷፯ ስለዚህ፣ በመደብኩት ስፍራ አብረው ለመሰብሰብ ይቀጥሉ ዘንድ፣ ለሁሉም ቤተክርስቲያኖች ትእዛዝን እሰጣለሁ።

፷፰ ይህም ቢሆን፣ በፊቱ ትእዛዝ እንዳልኳችሁ፣ ^ሀመሰብሰቢያችሁ በችኮላ ወይም በሽሽት አይሁን፤ ነገር ግን በፊታችሁ ሁሉም ነገሮች ይዘጋጁ።

፷፱ እና ሁሉም ነገሮች በፊታችሁ ይዘጋጁ ዘንድ፣ ስለእነዚህ ነገሮች የሰጠኋችሁን ትእዛዝ አክብሩ—

፸ እንዲህ ያለውን ወይም የሚያስተምረውን፣ ለቅዱሳኔ መሰብሰብ መጀመሪያ እንዲሆን፣ የፅዮን ምድር እንዲሆን በመደብኩት ምድር አካባቢ በገንዘብ ለመገዛት የሚቻለውን መሬቶችን ሁሉ በገንዘብ ^ሀለመግዛት ያለውን ወይም የሚያስተምረውን፤

፸፩ በጃክሰን የግዛት ክፍል፣ እና በዙሪያው በሚገኙት የግዛት ክፍሎች፣ ሊገዛ የሚቻለውን መሬት ሁሉ፣ እና የሚቀረውን በእጄ ተዉት።

፸፪ አሁን እውነት እላችኋለሁ፣ ሁሉም ቤተክርስቲያናት ገንዘባቸውን ሁሉ አብረው ይሰብስቡ፤ ^ሀበችኮላ ሳይሆን፣ እነዚህ ነገሮች ሁሉ በጊዜአቸው ይደረጉ፤ እና በፊታቸሁ ሁሉንም ነገሮች እንዲዘጋጁ አድርጉ።

፸፫ እና የተከበሩ ሰዎች፣ እንዲሁም ብልህ ሰዎች፣ ይመደቡ፣ እና እነዚህን መሬቶች እንዲገዙ ላኳቸው።

፸፬ እና በምስራቅ አገሮች ያሉ ቤተክርስቲያናትም፣ ከተመሰረቱ በኋላ፣ ይህን ምክር ካደመጡ መሬቶችን መግዛትና መሰብሰብ ይችላሉ፤ እና በዚህም መንገድ ፅዮንን ይመስርቱ።

፸፭ አሁንም፣ በስሜ የሚጠሩት ቤተክርስቲያናት ድምጼን ለማድመጥ ^ሀፈቃደኞች ቢሆኑ፣ ፅዮንን ለማዳን እና፣ ደግሞም እንዳይጣሉ የፈረሱትን ስፍራዎቿን ለመመስረት በብቁ፣ እንዲሁም በሚትረፈረፍ፣ ተከማችቷል።

፸፮ ደግሞም እላችኋለሁ፣ በጠላቶቻቸው የተበተኑትም እንደገዢ በተመደቡት እጆች እና በእናንተ ላይ ስልጣን ባላቸው ሰዎች በኩል ለስቃያቸው ክፍያ፣ እና ለቤዛነት በቅንነት እንዲጠይቁ ፍቃዴ ነው—

፸፯ የፅድቅ እና ቅዱስ በሆኑ መሰረታዊ መርሆች፣ እንዲመሰረት እና ለሁሉም ስጋ ለባሽ ^ሀመብት እና ጥበቃ እንዲደገፍ በፈቀድኩት በህዝብ ህግጋት እና ^ለህገ መንግስት መሰረት፤

፸፰ ሁሉም ሰው ስለወደፊቱ፣ በሰጠሁት ስነምግባር ^ሀምርጫ መሰረት፣ በትምህርትና በመሰረታዊ መርሆችም ይሰራ ዘንድ፣ እያንዳንዱም ሰው ለራሱ ኃጢአቶች ^ለበፍርድ ቀን ^ሐይጠየቅበት ዘንድ ለቤዛነት በቅንነት እንዲጠይቁ ፍቃዴ ነው።

፸፱ ስለዚህ፣ ማንም ሰው ለሌላ በባሪያነት መተሳሰሩ ትክክል አይደለም።

፹ እና ለዚህ አላማ የዚህን ^ሀህገ መንግስት፣ ለዚህ አላማ ባነሳኋቸው የጥበብ ሰዎች እጅ አማካይነት፣ መስርቼአልሁ እና ምድሩንም ደም ^ለበማፍሰስ አድኜዋለሁ።

፹፩ አሁን፣ የፅዮን ልጆችን ከምን ጋር አመሳስላቸዋለሁ? ሰዎች ሳይታክቱ ዘወትር ^ሀመጸለይ አለባቸውና፣ እንዲህ ከሚለው የሴቷ እና ፍትሀዊ ያልሆነ ዳኛ ^ለምሳሌ ጋር አመሳስላቸዋለሁ—

፹፪ በአንዲት ከተማ እግዚአብሔርን የማይፈራ ሰውንም የማያፍር አንድ ዳኛ ነበር።

፹፫ በዚያችም ከተማ አንዲት መበለት ነበረች፣ ወደ እርሱም እየመጣች ከጠላቴ ፍረድልኝ ትለው ነበር።

፹፬ ለአያሌ ቀንም ይህን ያደርግ ዘንድ አልወደደም፣ ከዚህ በኋላ ግን በልቡ፥ ምንም እግዚአብሔርን ባልፈራ ሰውንም ባላፍር፣ ይህች መበለት ስለምታደክመኝ ዘወትር እየመጣች እንዳታውከኝ እፈርድላታለሁ አለ።

፹፭ የፅዮንንም ልጆች በዚህም እመስላቸዋለሁ።

፹፮ በዳኛው እግር ላይም በቅንነት ይማጸኑ፤

፹፯ እና ካልሰማቸውም፣ በአስተዳዳሪው እግር ላይም በቅንነት ይማጸኑ፤

፹፰ አስተዳዳሪውም የማያደምጣቸው ከሆነ፣ በፕሬዘደንት እግር ላይም በቅንነት ይማጸኑ፤

፹፱ ፕሬዘደንቱም የማያደምጣቸው ከሆነ፣ ከዚያም ጌታ ይነሳል እና ^ሀከተሰወረበትም ስፍራ ይመጣል፣ እና በንዴቱም ህዝብን ያስጨንቃቸዋል፤

፺ በመዓቱም፣ እና በሀይለኛ ቁጣው፣ በጊዜው ክፉዎችን፣ ታማኝ ያልሆኑትን፣ እና ጻድቅ ያልሆኑትን ^ሀመጋቢዎች ያገልላል፣ እና እድላቸውንም ከግብዞችና ^ለከማያምኑት ጋር ያደርግባቸዋል፤

፺፩ እንዲሁም በዚያ ^ሀልቅሶና ጥርስ ማፋጨት በሆነበት፣ ወደ ድቅድቅ ጨለማ።

፺፪ ስለዚህ ጆሮዎቻቸው ለልቅሶዎቻችሁ ይከፈቱ ዘንድ፣ እኔ ለእነርሱ ^ሀመሀሪ እሆን ዘንድ፣ እነዚህም ነገሮች እንዳይመጣባቸው ጸልዩ።

፺፫ ሁሉም ሰዎች ^ሀያለምክንያት ይቀሩ ዘንድ፣ ያልኳችሁ ሁሉ መፈጸም አለባቸው፤

፺፬ ብልህ ሰዎች እና መሪዎች ^ሀያላሰቧቸውን ነገሮች ይሰሙ እና ያውቁ ዘንድ መሆን አለባቸው፤

፺፭ ስራዬን ለማምጣት፣ እና ስራዬን፣ ማለት ^ሀእንግዳ ስራዬን፣ እቀጥል ዘንድ፣ ሰዎችም በጽድቅ እና ኃጢአት መካከል ^ለለመለየት ይችሉ ዘንድ ነው፣ ይላል ጌታ።

፺፮ ደግሞም፣ እላችኋለሁ፣ አገልጋዬ ስድኒ ጊልበርት ለህዝቤ የመደብኩትን ^ሀየጎተራ ስፍራዬን ወደ ጠላቶቼ እጆች ውስጥ መሸጡ ትእዛዜን እና ፈቃዴን የሚቃረን ነው።

፺፯ በጠላቶቼ፣ ራሳቸውንም በስሜ ^ሀበሚጠሩት ፈቃድ፣ እኔ የመደብኩት ይራከስ ዘንድ አትፍቀዱ።

፺፰ ይህም በእኔና በህዝቤ ላይ የተደረገው ከፍተኛ እና አሳዛኝ ኃጢአት ነውና፣ በዚህም ምክንያት በአህዛብ ላይ በቅርብ የሚወድቁትን እነዚያን ነገሮች አውጃለሁ።

፺፱ ስለዚህ፣ ምንም እንኳን እንዲኖሩባቸው ባይፈቀድላቸውም፣ ህዝቤ ለእነርሱ የመደብኩላቸውን እንደገና እንዲይዙ፣ እና በመብትም እንዲይዙ ፍቃዴ ነው።

፻ ይህም ቢሆን፣ በዚያ አይኖሩም አላልኩም፤ ለመንግስቴ ብቁ የሆኑ ፍሬዎችና ስራዎች እስካመጡ ድረስ በእነዚያም ላይ ይኖራሉ።

፻፩ ይገነባሉ፣ እና ሌላም ^ሀአይወርሰውም፤ የወይን ስፍራንም ይተክላሉ፣ እና የእነዚህን ፍሬዎቻቸውንም ይበላሉ። እንዲህም ይሁን። አሜን።