iVolanikalou
Vunau kei na Veiyalayalati 101


Wase 101

Na ivakatakila sa soli vei Josefa Simici na Parofita, mai Katiladi, Oaio, ena 16 kei na 17 ni Tiseba 1833. Ena gauna oqo era sa vakararawataki tiko kina vakalevu na Yalododonu era sa soqoni tiko yani ki Misuri. Era vakasavi tani mai na nodra veivale ena yasayasa vaka-Jekesoni; mai vei ira na ilawalawa dauvakacaca, a ra sa sasaga eso na Yalododonu me ra tauyavutaka na nodra itikotiko ena yasayasa vaka-Van Buren, Lafaeti, kei Rei ia a muri ira voli ga na veivakacacani. Ia na iwase levu ni Yalododonu era sa tiko ena gauna ko ya ena yasayasa vaka-Kilei mai Misuri. Era sa vakarerei vakavuqa me ra na vakamatei ko ira na lewe ni Lotu. Sa vakacacani na nodra iyaya ni lomanivale, na isulu, na manumanu, kei na nodra iyaya vakaitaukei tale eso; ka sa vakacacani e vuqa na vua ni nodra iteitei na Yalododonu mai na Yasayasa vaka-Jekesoni.

1–8, Era sa cudruvi ka vakararawataki na Yalododonu ena vuku ni nodra talaidredre; 9–15, Ena lutuki ira na veivanua na cudru ni Turaga, ia era na vakasoqoni vata ka vakacegui na Nona tamata; 16–21, Ena tauyavutaki ko Saioni kei na kena vei iteki; 22–31, Sa tukuni na ivakarau ni bula ena Mileniumi; 32–42, Era na kune kalougata ka taura kina na kedra isau na Yalododonu; 43–62, Na vosa vakatakarakara ni turaga kei na vu ni olive, sa i vakaraitaki ni leqa kei na kena vueti ko Saioni; 63–75, Me ra vakasoqoni vata tiko ga yani na Yalododonu; 76–80, Sa virikotora na Turaga na Yavu ni Vakavulewa kei Amerika; 81–101, Me ra cikeva na Yalododonu me vakadodonutaki na ka era rarawataka me vaka na vosa vakatautauvata ni yada kei na turaganilewa sega ni dau lewa vakadodonu.

1 Au sa tukuna vakaidina vei iko na veika e baleti ira na wekamudou era sa vakararawataki, ka avakacacani, ka bvakasavi tani mai na vanua sa nodra ivotavota vakawa—

2 Koi au na Turaga au sa lewa me yaco vei ira na veika ararawa, era sa vakararawataki kina, me isau ni nodra btalaidredre;

3 Io au na lewai ira, ka ra na anoqu ena siga au sa lako mai kina me’u kumuna na noqu iyau talei.

4 O koya, sa dodonu kina me ra acudruvi ka vakatovolei, io me vakataki bEparaama ka a vakaroti me vakacabora na luvena tagane e duabau ga.

5 Ko ira kecega era na sega ni vosota ni ra sa cudruvi, ka ra sa acakitaki au, era na sega ni bvakatabui.

6 Raica, au sa kaya vei kemudou, sa tu ena kedra maliwa na duiyaloyalo, na aveileti, kei na bdauvuvu, kei na veiqati, kei na cgarogaro ca kei na yalo kocokoco; ena vuku ni veika oqori era sa vakadukadukalitaka kina na nodra ivotavota vakawa.

7 Era sa berabera ni arogoca na domona na Turaga na nodra Kalou; o koya, sa berabera kina ni rogoca na nodra masu na Turaga na nodra Kalou, io sa sega ni rogoca ena gauna ni nodra rarawa.

8 Ena gauna ni nodra tiko sautu era sa vakawaletaka na noqu ivakasala; ia, ena gauna era sa aleqa kina, era sa qai bvakasaqarai au me vukei na nodra gagadre.

9 Au sa kaya vakaidina vei kemudou, e dina era sa ivalavala ca, ia sa vuabale sara na lomaqu ena ayalololoma vei ira. Au na sega ni bmuduki ira tani sara; io ena siga ni noqu ccudru au na sega ni guilecava na loloma cecere.

10 Ia au sa yalayala, ka sa tukuni yani na noqu lewa ena dua na ivakaro e liu kau a solia vei iko, niu na vakatauca na aiseleiwau ni noqu cudru ena vukudra na noqu tamata; io me vaka niu sa bubului kina, ena yaco vakaidina.

11 Sa voleka ni sovaraki yani na noqu cudru e sega ni vakaiyalayala ki na veimatanitu kecega; ia au na vakayacora vakakina ni sa avuabale na bilo ni nodra caka ca.

12 Ia ena siga ko ya era na qai vakabulai ko ira kecega sa kunei ena avale cecere ni vakatawa se ena dua tale na kena ivosavosataki, ko ira kecega na noqu tamata, na Isireli.

13 Ka ra na avakasoqoni tale mai ko ira sa veiseyaki tu.

14 Era na vakacegui ko ira kecega sa atagi.

15 Ia era na vakaisalataki ko ira kecega sa solia na nodra abula ena vuku ni yacaqu.

16 O koya, me vakacegu kina na lomamudou ena vukui Saioni; raica sa tu ena qeteqete ni aligaqu na nodra bula na tamata kecega; dou tiko lo, mo dou bkila Ni’u sa Kalou.

17 Ena sega ni vakayavalati rawa mai na nona tikina ko aSaioni, e dina ga ni ra sa veiseyaki tu na lewena.

18 Ko ira na kena vo, ko ira sa savasava na lomadra, era na lesu tale ki na vanua sa nodra aivotavota vakawa, ko ira kei ira na luvedra, ena bsere ni reki e tawavakaiyalayala me ra ctara cake na veivanua lala mai Saioni—

19 Ia sa yaco na ka kecega oqo me vakayacori kina na nodra yalayala na parofita.

20 Ka raica sa sega tale na avanua sa digitaki ko koya ga ka’u sa lesia; ena sega talega ni dua tale na vanua ena lesi, na kena ga au sa lesia, me baleta na cakacaka ni nodra vakasoqoni vata na noqu yalododonu—

21 Me yacova ni sa yaco mai na gauna sa sega ni kunei tale kina e dua na vanua me baleti ira; ena qai tu tale eso na vanua meu na lesia vei ira, ka ra na vakatokai me aiteki, me baleta na vakalevutaki se na vaqaqacotaki kei Saioni.

22 Raica, au sa lewa me ra avakasoqoni vata ka btiko ena vanua tabu ko ira kecega sa masuta na yacaqu, ka qaravi au me vaka na noqu kosipeli tawavakaiyalayala;

23 Ia me ra vakarautaki ira ki na veika ena vakatakilai mai, ni sa cereki tani mai na tikina tabu ena noqu valetabu na ailati sa ubi vuravura; io era na qai braici au taucoko na tamata kecega.

24 Raica era na avakamai na nodra bveika caca wale, na tamata, kei na manumanu ni vanua, na manumanu vuka ni macawa, se na ika ni wasawasa, io na ka kecega sa tu e delai vuravura;

25 Ia ena awaicala talega na veivu ni ka ena katakata warumisa; raica sa yaco me bvou na ka kecega, me na tiko kina e vuravura na noqu vuku kei na noqu clagilagi.

26 Ia ena gauna ko ya ena mudu kina mai mataqu na nodra aveimecaki na tamata, kei na nodra veimecaki na manumanu kecega, io, ena bmudu na veimecaki ni veika bula kecega.

27 Ia ena gauna ko ya, na ka kecega sa kerea na tamata yadua, ena soli vua.

28 Ia ena gauna ko ya sa na sega kina na kaukauwa nei aSetani me temaka e dua na tamata.

29 Io sa na sega na ararawa ni sa sega na mate.

30 Ena gauna ko ya ena sega ni mate e dua na agone dramidrami me yacova ni sa qase; ia na dede ni nona bula ena vaka e dua na vunikau;

31 Ia ni sa mate ena sega ni moce, me vaka ni bulu ena kuvu ni soso, ia ena avakamataliataki vakasauri me vaka na sauriva ni mata, raica ena qai bkau cake, ena lagilagi na nona ivakavakacegu.

32 Io, au sa kaya vakaidina vei kemudou, ena asiga ko ya ni sa lako mai na Turaga, ena mai bvakatakila na ka kecega—

33 Na veika sa yaco oti, kei na veika avuni sa sega na tamata e kila, io na veika sa baleta na vuravura, ka a buli kina, na inaki ni kena buli kei na kena icavacava—

34 Io na veika talei sara, na veika sa tu e cake, kei na veika sa tu e ra, na veika sa tu e boto ni qele, kei na delai vuravura, kei lomalagi.

35 Kei ira kecega sa avakacacani ena vuku ni yacaqu, ka vosota ena vakabauta, e dina ni ra sa kacivi me ra solia na nodra bula ena bvukuqu ia era na vakaivotavota ena lagilagi kece oqo.

36 O koya mo dou kakua kina ni rere, ni dou amate sara mada ga; ni sa sega ni taucoko na nomudou reki ena vuravura oqo, ia vei au sa taucoko sara na nomudou breki.

37 O koya, mo dou kakua soti ni lomaleqa ena vuku ni yagomudou, se na bula ni yagomudou; ia mo dou leqa ga ena vuku ni ayalomudou, kei na bula ni yalomudou.

38 Ka asegata tikoga e veigauna na iserau ni Turaga, mo dou vakabula kina na yalomudou ena byalovosota ka rawata na bula tawamudu.

39 Ni sa kacivi na tamata ki na noqu akosipeli tawavakaiyalayala, ka veiyalayalati ena dua na veiyalayalati tawavakaiyalayala, era sa na okati kina me ra bmasima kei vuravura ka me ra vakatuituinataki ira na tamata;

40 Era sa lesi me ra vakatuituinataki ira na tamata; ia, kevaka sa seavu mai na masima kei vuravura na kena tuituina, sa qai sega ni yaga ena dua na ka, ia me biu ga ki tautuba me ra butuka sobu ko ira na tamata.

41 Raica, oqo na yalomatua me baleti ira na lewei Saioni, e vuqa vei ira, e sega ni o ira kece; sa kunei ni ra dau talaidredre, o koya sa dodonu kina me ra acudruvi

42 Ia ko koya sa avakalevulevui koya, ena vakalolovirataki, ia ko koya sa bvakalolovirataki koya ena vakalevulevui.

43 Ia oqo, au na tukuna vei kemudou e dua na vosa vakatautauvata, mo dou kila kina na lomaqu me baleta na vakabulai kei Saioni.

44 A sa dua na aturaga sa taukena e dua na tiki ni qele; sa tiki ni qele digitaki sara; a sa kaya vei ira na nona tamata: Dou lako ki na noqu bwere ni vaini, io ki na tiki ni vanua bulabula sara, ka tea kina e tinikarua na vu ni olive;

45 Ka biuta eso na aivakatawa wavoliti ira, ka tara e dua na vale cecere, me rawa ni tu mai kina e dua ka raica na vanua vakavolivolita, me ivakatawa mai na vale cecere, me kakua ni vakacacani na noqu vu ni olive ni ra sa lako mai na meca me vakacacana se tauca na noqu were ni vaini.

46 A ra sa lako na tamata ni turaga ko ya ka kitaka me vaka sa vakarota vei ira na nodra turaga, ka tea na vu ni olive, ka viribaita vakavolivolita, ka biuta na ivakatawa, ka tekivu me ra tara na vale cecere.

47 Ia ni ra sa tura tiko na kena yavu, sa tekivu me ra veikayayaka vakai ira: A cava sa vinakata kina na noda turaga na vale cecere oqo?

48 A ra sa veivosakitaka vakadede ka veikayayaka vakai ira: A cava sa vinakata kina na noda turaga na vale cecere oqo, ena gauna ni sautu oqo?

49 E sega beka ni vinaka me vakacurumi na ilavo oqo vei ira na itaukei ni baqe. Io ni sa sega ni yaga na veika e mai vakayagataki kina oqo.

50 Ia ni sa yaco tiko na duidui ni nodra vakasama, sa yaco me ra vakawelewele mai ka sega ni muria na nona ivakaro na nodra turaga.

51 A sa lako mai ena bogi na meca, ka basuka na abai; era sa duri mai na nona tamata na turaga ka ra sa rere, ka dro; era sa vakarusa na nodra cakacaka ko ira na meca, ka musuka sobu na vu ni olive.

52 Ia raica, sa kacivi ira na nona tamata ko koya na turaga, na itaukei ni were ni vaini, ka kaya vei ira, A cava! A cava na vuna sa yaco kina na ka ca levu oqo?

53 A sega beka ni dodonu mo dou vakayacora me vaka au sa vakarota vei kemudou, ka—me oti ga na nomudou tea na were ni vaini, ka tara vakavolivolita na kena bai, ka biuta na ivakatawa ena kena bai—dou tara talega na vale cecere, ka biuta e dua na ivakatawa ena vale cecere, ka me vakatawa na noqu were ni vaini, ka kakua ni moce, de na qai lako mai vei kemudou na meca?

54 Ia raica, na ivakatawa ena vale cecere a dodonu me raica rawa na meca ni sa yawa sara; ke a rawa ni dou vakarau vinaka ka tarovi ira na meca me ra kakua ni basuka mai na kena bai, ka taqomaka na noqu were ni vaini mai na ligana na dauveivakarusai.

55 A sa kaya na itaukei ni were ni vaini vua e dua na nona tamata: Mo vakasoqoni ira vata na vo ni noqu tamata, mo kauti ira akece na tamata digitaki mai na noqu vale, ko ira na noqu tamata ivalu, na cauravou kei ira talega na uabula vei ira na noqu tamata, sai ira oqo na digitaki ni noqu vale, me ra qai vo ga ko ira ka’u sa lesia me ra vakatawa tiko;

56 Ia mo ni lako sara ki na tikiniqele ni noqu were ni vaini, ka vakalesuya mai na noqu were ni vaini; ni noqu; au a volia ena ilavo.

57 O koya, mo dou lako vakadodonu sara ki na noqu tikiniqele; dou basuraka sobu na nodra bai na noqu meca; dou talaraka sobu na nodra vale cecere, ka vakasavi ira tani na nodra ivakatawa.

58 Ia kevaka era sa soqoni vata tale me ra valuti kemudou, mo dou qai asauma lesu vei ira na noqu meca na ka era a kitaka vei au, ia ena dua na gauna lekaleka ga oqo au na kauti ira yani na noqu tamata ka taukena na vanua.

59 A sa kaya na tamata vua na nona turaga: Ena yaco ni naica na veika oqo?

60 A sa kaya ko koya vua na nona tamata: Ena gauna ka’u sa lewa; ia mo lako kusarawa ka kitaka na ka kecega au sa vakarota vei iko;

61 Ka ni sai koya oqo na noqu ivau kei na noqu veivakalougatataki vei iko—a tamata yalodina ka dauveiqaravi ayalomatua ena noqu vale, e dua na biliuliu ena noqu matanitu.

62 A sa lako kusarawa na nona tamata ka kitaka na veika kecega sa vakarota vua na nona turaga; a sa bogi vuqa mada sa qai vakayacori aoti na veika kece oqori.

63 E dua tale, au sa kaya vakaidina vei kemudou, au na vakatakila vei kemudou na noqu lewa yalomatua me baleti ira na isoqosoqo lewe ni lotu kecega, kevaka era sa gadreva me ra tuberi ena sala dodonu ka kilikili me ra vakabulai kina—

64 Me ia tiko ga na cakacaka ni nodra vakasoqoni vata na noqu yalododonu, me’u vakatikori ira ena yacaqu ena aveivanua tabu; ni sa yaco mai na gauna ni btatamusuki, ka sa dodonu me yaco cvakaidina na noqu vosa.

65 O koya, sa dodonu kina me’u vakasoqoni ira vata na noqu tamata, me vaka na vosa vakatautauvata ni sila vinaka kei na asila ca, raica na sila vinaka sa biu ki na lololo me rawata na bula tawamudu, ka vakaisalataki ena lagilagi bvakasilesitieli, ni’u na lako mai ena matanitu nei Tamaqu me’u sauma vei ira na tamata kecega me vaka na nodra ivalavala;

66 Ia na sila ca ena vauci vata ena ivau eso, sa vakadreti matua sara na kena ivau, ka avisa ena bukawaqa tawaboko rawa.

67 O koya, au sa solia kina e dua na ivakaro vei ira na isoqosoqo lewe ni lotu kecega me ra ia ka soqoni vata tiko ga yani ki na veivanua au sa lesia oti.

68 Ia, me vaka au a sa tukuna vei kemudou ena dua na ivakaro taumada, me kakua ni vakusakusataki se ia ena dro na nomudou avakasoqoni vata; ia me vakarautaki vakavinaka na veika kecega me baleti kemudou.

69 Ia me rawa ni vakarautaki vakavinaka na veika kece me baleti kemudou, dou muria na ivakaro kecega au sa solia ena vuku ni veika oqo—

70 Ka kaya vakaoqo, se vakavuvulitaka, me avoli na qele kece ena ilavo, na kena e rawa ni voli me baleta na ilavo, ena veiyasana vakavolivolita na vanua au sa digitaka me itikotiko kei Saioni, me baleta na kena tekivutaki na nodra vakasoqoni vata na noqu yalododonu;

71 Na qele kece e rawa ni voli ena yasayasa vaka-Jekesoni kei na veiyasayasa vakavolivolita, ia mo dou qai laiva ki ligaqu na kena vo.

72 Oqo, au sa kaya vakaidina vei kemudou, me ra kumuna vata na isoqosoqo lewe ni lotu kece sara na nodra ilavo kecega; me vakayacori na veika oqo ena kena gauna, ka kakua ni avakusakusataki ga; dou raica me vakarautaki vakavinaka na veika kecega me baleti kemudou.

73 Ka me ra digitaki na tamata dokai, io ko ira na tamata yalomatua, me ra talai yani me ra la’ki volia na qele kece oqori.

74 Kei ira na isoqosoqo lewe ni lotu ena veimatanitu mai na tokalau, ni ra sa tauyavutaki vakavinaka, kevaka era na muria na ivakasala oqo, sa rawa me ra voli qele ka soqoni vata yani kina; oqori na sala sa rawa kina me ra tauyavutaki Saioni.

75 Ena gauna mada ga oqo, na veika sa tu rawa, sa veirauti, io, sa sivia tale, na ka me vueti kina ko Saioni, ka tauyavutaka na kena veivanua lala, me kakua tale ni vakamaumautaki tu, kevaka era sa tu vakarau na isoqosoqo lewe ni lotu era sa vakatokai ira ena yacaqu, ame ra rogoca na domoqu.

76 Kau sa kaya tale ga vei kemudou; au sa lewa me ra lako ko ira ka ra a vakasavi tani ka veiseyaki mai vei ira na nodra meca, ka kerea vagumatua mai ligadra o ira era sa digitaki me ra veiliutaki ena matanitu ena vukumudou, me saumi na veika a vakacacani vei ira mai vei ira na nodra meca.

77 Me vaka na nodra lawa kei na ayavu ni vakavulewa na tamata, au sa vakavuna me tauyavutaki, ka sa dodonu me vakayagataki tiko me taqomaki kina na nodra bdodonu na tamata kecega, me vaka na ivakavuvuli dodonu ka savasava;

78 Me ra muria na tamata yadua na ivunau kei na ivakavuvuli me baleta na gauna sa bera, me vaka na agalala ni digidigi au sa solia vua, ni na bsaumi taro na tamata yadua ena nona ivalavala ca ena siga ni cveilewai.

79 O koya, sa sega sara kina ni dodonu me dua na tamata me bobula vua e dua tale.

80 Ia ena vuku ni ka oqo au sa tauyavutaka kina na aYavu ni Vakavulewa ni vanua oqo, ena ligadra na tamata vuku au sa vakatubura me ra qarava na inaki oqo, ka vueta na vanua ena bdave ni dra.

81 Ia me’u vakatautauvatani ira na lewe i Saioni kei na cava? Au na vakatautauvatani ira kei na avosa vakatautauvata ni yada kei na turaganilewa tawadodonu, raica sa kilikili kei ira na tamata me ra bmasu tiko ga ka kakua ni ceguoca, a sa tukuni vakaoqo—

82 Sa dua na koro sa tiko kina e dua na turaganilewa, a sa sega ni rerevaka na Kalou, se dokai ira na tamata.

83 A sa dua na yada ena koro ko ya, a sa lako mai vua ka kaya: Mo ni cudruvaka na ka sa kitaka vei au na noqu meca.

84 A sa bese mada ko koya, ia e muri sa qai kaya e lomana: E dina niu sega ni rerevaka na Kalou, se dokai ira na tamata, ia ni sa mai vakasosataki au na yada oqo, au na cudruvaka mada na veika ca sa caka vua, io de na vakaocai au ni na sega ni mudu na nona lako tiko mai.

85 Au sa vakatautauvatani ira vakaoqori na lewei Saioni.

86 Io me ra la’ki cikecike tiko ga vua na turaganilewa.

87 Ia kevaka sa sega ni vakacegui ira ko koya, me ra lako sara ka cikecike vua na kovana;

88 Ia kevaka sa sega ni vakacegui ira na kovana, me ra lako sara ka cikecike vua na peresitedi;

89 Ia kevaka sa sega ni vakacegui ira na peresitedi, ena qai tucake na Turaga mai na nona aivunivuni, ka vakararawataka na matanitu ena nona cudru katakata;

90 Ia ena nona yalo katakata kei na cudru waqawaqa ena muduki ira tani kina na tamata ca, sega ni yalodina ka adauveiqaravi tawadodonu, ena gauna sa lewa ko Koya, a sa votai ira vata kei ira na dauveivakaisini kei ira na btawavakabauta;

91 Io ena butobuto e tautuba, era na adautagi kina, ka tagiyaso ka vakasequruqurubati.

92 O koya, mo dou masu kina, me tadolavi na daligadra me ra rogoca na nomudou tagi, io me’u alomani ira me kakua kina ni yaco vei ira na veika oqo.

93 Na veika au sa tukuna vei kemudou sa dodonu me yaco vakaidina, me sega kina ni dua na nodra aiulubale na tamata;

94 Me ra rogoca kina na tamata vuku kei ira na iliuliu, na veika era a se sega vakadua ni bau avakasamataka;

95 Meu vakayacora kina na noqu ivalavala, na noqu ivalavala aduatani, ka vakayacora na noqu cakacaka, na noqu cakacaka duatani, io me ra bkila kina na tamata na veika sa dodonu kei na veika sa cala, sa kaya na nomudou Kalou.

96 Kei na dua tale, au sa kaya vei kemudou, ni sa sega ni dodonu ka sega ni kilikili vei au me volitaka na noqu alololo ko Sidini Kilipati na noqu tamata ki ligadra na noqu meca, oqo na lololo ka’u sa vakarautaka vei ira na noqu tamata.

97 Ia mo dou kakua ni laiva na veika sa noqu me ra vakadukadukalitaka na noqu meca, ena nodra veivakadonui ko ira era sa avakatokai ira ena yacaqu;

98 Ni sa ivalavala ca levu ka bibi sara vei au oqo, ka vakakina vei ira na noqu tamata, me vaka na veika au sa lewa tu ka na yaco kusarawa ki na veimatanitu.

99 O koya, au sa lewa kina me ra kaya, ka kaya tikoga na noqu tamata ni tiko na nodra dodonu ena ka au sa digitaka vei ira, e dina ga era na sega ni vakatarai me ra la’ki tiko kina.

100 Ia, au sega ni kaya ni ra na sega sara ni la’ki tiko kina; ia kevaka era sa cakacaka vagumatua ka vuataka na vua e kilikili ena noqu matanitu, era na tawana vakaidina.

101 Era na tara, ka sega na tamata tani ena ataukena; era na tea na were ni vaini, ka kania na vuana. A sa vakakina. Emeni.