Jeje Ko Rekwojarjar
Katak im Bujen Ko 101


Jekjōn 101

Revelesōn leļo̧k n̄an Josep Smith Rikanaan eo, ilo Kirtland, Ohio, Tijem̧ba 16 im 17, 1833. Ilo iien jab in Ro Rekwōjarjar im rekar kukļo̧k ilo Missouri rekar ioon eļap matōrtōr. Kumi in jar ko renana rekar kokakļo̧k er jān m̧ōko im̧weer ilo Jackson Kounty; im jet ian Ro Rekwōjarjar rekar kajjion̄ in bar kajutak jikin aer jokwe ilo Van Buren, Lafayette, im Ray Kounty ko, ak matōrtōr in eaar ļoorļo̧k er. Ānbwin eo eļap in Ro Rekwōjarjar ekar pād ilo iien in ilo Kle Kounty, Missouri. Kōlōļn̄o̧n̄ ko in mej ņae kajjojo uwaan Kabun̄ in ekar kanooj lōn̄. Ro Rekwōjarjar ilo Jackson Kounty ekar jako m̧weiier, aer nuknuk, mennin mour ko aer, im m̧weiuk ko m̧weiier jet; im elōn̄ ian mennin eddek ko aer kar ko̧kkuri.

1–8, Ro Rekwōjarjar rej bōk kauwe im en̄taan kōnke bōd ko aer; 9–15, Libabne eo an Irooj enaaj wōtlo̧k ioon laļ ko, a armej ro An naaj aini im kaenōm̧m̧an er; 16–21, Zaion im stake ko an renaaj jutak; 22–31, Jekjek in mour ilo Meļļenium ej ellaajrak; 32–42, Ro Rekwōjarjar naaj kōjeraam̧m̧an im ņa wōņāer ilo iien en; 43–62, Būrabōļ eo kōn ļeātōktōk eo im wōjke olive ko rej kakōļļeen ebelo̧n̄lo̧n̄ ko im āliktata lo̧mo̧o̧r an Zaion; 63–75, Ro Rekwōjarjar ren wōnm̧aanļo̧k im kuktok ippān doon; 76–80, Irooj eaar likūti Jemān-āe eo an United States; 81–101, Ro Rekwōjarjar ren akweļap kōn pukot mejļan nana ko ņae er, ekkar n̄an būrabōļ in kōrā eo im riekajet eo enana.

1 Em̧ool Ij ba n̄an kom̧, kōn ro jeiūm̧i im jātimi im kar kaen̄taan er, im amatōrtōre er, im bkadiwōjļo̧k er jān āneen jolōt ko aer—

2 N̄a, Irooj, Iaar kōtļo̧k bwe aen̄taan en itok ioer, ko im rekar en̄taan kaki, kōnke bbōd ko aer;

3 Jekdo̧o̧n ak renaaj Aō, im renaaj a ilo raan eo n̄e Inaaj itok n̄an jokāāleti dekā ko reaorōk Aō.

4 Kōn menin, emennin aikuj bwe ren bōk akauwe im mālejjon̄, em̧ool āinwōt bEbream, eo kar jiron̄ e n̄an katok kōn ļeo nejin emake.

5 Bwe aolep ro rej jamin niknik ilo kauwe, ak akaarmejjete Eō, ejjab maron̄ bkokwōjarjar er.

6 Lo, Ij ba n̄an kom̧, ekar wōr ļatipn̄ōl ko, aaitwerōk ko, bebbanban ko, im akwāālel ko, im ikdeelel ko crejuwaļōn̄ļōn̄ im reankoņak ilubwiljier; kōn menin jān men kein rekar kattoon jolōt ko aer.

7 Rekar bat n̄an aeo̧ron̄ ainikien Irooj aer Anij; kōn menin, Irooj aer Anij ej bat n̄an eo̧ron̄ jar ko aer, n̄an uwaaki ilo raan in aer apan̄.

8 Ilo raan eo in aer aenōm̧m̧an rekar jab kaorōke kapilōk eo Aō; ak, ilo raan in aer aapan̄, jān aikuj rekar bpukpukote Eō.

9 Em̧ool Ij ba n̄an kom̧, jekdo̧o̧n jero̧wiwi ko aer, en̄jake ko Aō reobrak kōn ajouj n̄an er. Ij jamin bjoļo̧k otem joļo̧k er; im ilo raan in cillu eo Inaaj keememej tūriam̧o.

10 Em̧ōj Aō kar kanejnej, im kean̄ eo eaar ilo̧k m̧oktaļo̧k jān juon kien im̧aanļo̧k eo me Iaar lewōj n̄an kom̧, bwe Inaaj kar kōtļo̧k an ajāje in Aō libabne wōtlo̧k ilo etan armej ro Aō; im em̧ool āinwōt Iaar ba, e naaj kūrm̧ool.

11 Aō libabne ej epaak n̄an lutōkleplepļo̧k ilo ejjeļo̧k jon̄an ioon aolep laļ ko; im men in Inaaj kōm̧m̧ane n̄e kup in nana eo aer ej apooļ.

12 Im ilo raan en aolep ro lo er ioon aim̧ōn bar eo, ak ilo bar jet naan, aolep Aō Israel, naaj lo̧mo̧o̧ren.

13 Im er ro rekar ejjeplōklōk naaj aaintok er.

14 Im aolep er ro rekar abūrom̧ōj naaj kaenōm̧m̧an er.

15 Im aolep ro rekar ajeļo̧k amour ko aer kōn wōt Eta renaaj bōk kūrawūn.

16 Kōn menin, būruōmi ren aenōm̧m̧an kōn Zaion; bwe kanniōk otemjej ej pād ilo aPeiū; ikōn̄ wōt im bjeļā ke N̄a Anij.

17 aZaion ejamin em̧m̧akūt jān ijo jikin, ijowōtke ro nejin renaaj ejjeplōklōk.

18 Ro rej pād wōt, im ro rerreo ilo bōro, renaaj ro̧o̧ltok, im itok n̄an ajolōt ko aer, er im ro nejier, kōn bal ko in lan̄lōn̄ ejjeļo̧k jem̧ļo̧kin, n̄an ckalōkļo̧k jikin ko relo̧urō an Zaion—

19 Im aolep men kein otemjeļo̧k bwe rikanaan ro ren maron̄ kūrm̧ool.

20 Im, lo, ejjeļo̧k bar juon ajikin jitōn̄e jān in me Iaar jitōn̄e; im ejjeļo̧k naaj jabdewōt bar jikin jitōn̄e jān in me Iaar jitōn̄e, n̄an jerbal in aintok eo an ro rekwōjarjar Aō—

21 M̧ae raan eo ej itok n̄e lo ejjeļo̧k jikin n̄an er; innām ebar wōr Ippa jikin ko me Inaaj jitōn̄ n̄an er, im renaaj ņa etaer astake ko, n̄an jālitak ko ak kajoor eo an Zaion.

22 Lo, in ej ankilaō, bwe aolep ro rej kūr ioon Eta, im kabun̄-jar n̄an Eō ekkar n̄an gospel eo Aō ejjeļo̧k jem̧ļo̧kin, ren aaetok ippān doon, im bjutak ilo jikin ko rekwōjarjar;

23 Im m̧aanjāppopo n̄an revelesōn eo ej itok wōt, n̄e arōn̄el nuknuk in pinjān tampeļ eo Aō, ilo im̧ōn kōppād eo Aō, eo ej ņooje laļ, naaj bōkļo̧k e, im kanniōk otemjej renaaj blo Eō ippān doon.

24 Im mennin aijurwewe otemjej, jim̧or jān armej, ak jān mennin mour ko jān meļaaj, ak jān bao ko in lan̄ ko, ak jān ek ko in lo̧jet, rej jokwe ioon aolepān mejān laļ, naaj bko̧kkure er;

25 Im barāinwōt bwe mennin bobo ko renaaj aōnļo̧k kōn kijeek ebwil; im aolep men otemjeļo̧k renaaj erom bkāāl, bwe Aō jeļāļo̧kjeņ im caiboojoj ren maron̄ pād ioon aolepān laļ.

26 Im ilo raan en akōjdat an armej, im kōjdat an mennin mour ko, aaet, im kōjdat an aolep kanniōk, naaj bjakoļo̧k jān im̧aan Meja.

27 Im ilo raan eo jekdo̧o̧n ta men eo jabdewōt armej enaaj kajjitōk, naaj leļo̧k e n̄an e.

28 Im ilo raan en aSetan eban wōr an kajoor n̄an kapo jabdewōt armej.

29 Im ej jamin wōr abūrom̧ōj kōnke ej jamin wōr mej.

30 Ilo raan en anin̄nin̄ eo ej jamin mej m̧ae an rūtto; im mour eo an enaaj āinwōt dettan an juon wōjke;

31 Im n̄e ej mej enaaj ban kiki, āinwōt ba ilo laļ in, a enaaj aoktak ilo būkkinkwōle ilo rom, im enaaj bweaaklōn̄ļo̧k, im an kakkije enaaj aiboojoj.

32 Aaet, em̧ool Ij ba n̄an kom̧, ilo araan en n̄e Irooj enaaj itok, E naaj bkwaļo̧k men ko otemjeļo̧k—

33 Men ko me rekar mootļo̧k, im men ko arettino me ejjeļo̧k armej rekar jeļā, men ko an laļ in, ko kaki e kar kōm̧anm̧an, im kōttōpar eo im jem̧ļo̧k eo an—

34 Men ko rekanooj aorōk, men ko ijo ilōn̄, im men ko rej pād ium̧win, men ko rej pād ilo laļ, im ioon laļ, im ilo lan̄.

35 Im aolep ro rej en̄taan kōn amatōrtōr kōn Eta, im niknik ilo tōmak, men̄e kūr er n̄an likūt mour ko aer bkōn Eō mekarta renaaj bōk jān aolepān aiboojoj in.

36 Kōn menin, jab mijak em̧ool n̄an amej; bwe ilo laļ in ami lan̄lōn̄ ej jab dipiio, ak ilo N̄a ami blan̄lōn̄ ej dipiio.

37 Kōn menin, jab ļōmņak kōn ānbwin eo, im jab mour eo an ānbwin eo; ak ļōmņak kōn ajetōb eo, im kōn mour eo an jetōb eo.

38 Im akappukot turun mejān Irooj iien otemjej, bwe ilo bkōmmaanwa kom̧in maron̄ bōk jetōb ko ami, im kom̧ naaj bōk mour indeeo.

39 N̄e kūr armej raņ n̄an agospel eo ejjeļo̧k jem̧ļo̧kin Aō, im kōm̧m̧an bujen kōn juon bujen ejjeļo̧k jem̧ļo̧kin, rej watōke er āinwōt bjo̧o̧ļ in laļ im kōjatōk an armej raņ;

40 Kar kūr er n̄an kōjatōk an armej raņ; kōn menin, eļan̄n̄e jo̧o̧ļ in laļ ejako nemān, lo, ej jān wōt iien eo m̧aanļo̧k ejjeļo̧k men em̧m̧an n̄an e ijello̧kun wōt joļo̧k e im jujuri ium̧win neen armej raņ.

41 Lo, en̄in ej mālōtlōt kōn ro nejin Zaion, em̧ool elōn̄, ak ejjab aolep; kar lo er ribōd, kōn menin reaikuj in kar bōk akauwe

42 E eo ej akautiej e make enaaj kōttāik e, im e eo ej bkōttāik e make enaaj kautiej e.

43 Im kiiō, Inaaj kwaļo̧k n̄an kom̧ juon būrabōļ, bwe kom̧in maron̄ jeļā ankilaō kōn lo̧mo̧o̧ren eo an Zaion.

44 Juon aļeātōktōk eaar wōr juon an wāto, ekanooj em̧m̧an; im e ar ba n̄an ro rikarejeran: Kom̧in ilo̧k n̄an bjikin kallib eo aō, em̧ool ioon m̧ōttan bwidej em̧m̧anmōn in, im kalbwin jon̄oulruo wōjke olive ko;

45 Im likūt arikakkōl ro ipeļaakier, im kalōk juon im̧ōn bar, bwe juon en maron̄ reito-reitak ipeļaakin ijo, n̄an an juon rikakkōl ioon im̧ōn bar eo, bwe wōjke olive ko aō ren jab rujruji laļļo̧k n̄e rikōjdat enaaj itok n̄an ko̧kkuri im bōk ioer leen jikin kallib eo aō.

46 Kiiō, ro rikarejeran ļeātōktōk eo raar etal im kōm̧m̧an āinwōt irooj eo aer eaar jiron̄ er, im kalbwini wōjke olive ko, im kalōk juon wōrwōr ipeļaakin ijo, im likūt rikakkōl ro, im kar jino n̄an kalōk juon im̧ōn bar.

47 Im ke rekar likūt wōt pedped eo ijo, rekar jino ekkōnono ilubwiljier make: Im ta aikuj an irooj eo aō kōn im̧ōn bar in?

48 Im kar kapilōk kōn juon iien eaetok, im ba ilubwiljier: Ta aikuj an irooj eo aō kōn im̧ōn bar in, ke ej kiiō juon iien aenōm̧m̧an?

49 Eban kar leļo̧k m̧ani in n̄an riwia kōn m̧ani raņ ke? Bwe ejjeļo̧k unin aikuji men kein.

50 Im ke rekar jab errā ippān doon rekar oktak im kanooj jowan, im rekar jab eo̧ron̄ kien ko an irooj eo aer.

51 Im rikōjdat eo eaar itok ilo bon̄, im rupe awōrwōr eo; im ro rikarejeran ļeātōktōk eo rekar ruj im lōļn̄o̧n̄, im ko; im rikōjdat eo eaar ko̧kkurijerbal ko aer, im rujruji laļļo̧k wōjke olive ko.

52 Kiiō, lo, ļeātōktōk eo, irooj eo an jikin kallib eo, eaar kūr ro rikarejeran, im ba n̄an er, Etke! ta ej unin nana in eļap?

53 Kom̧ kar jab kōm̧m̧an em̧ool āinwōt Iaar jiron̄ kom̧ ke, im—ālikin ami kar kalbwin jikin kallib eo, im kalōk wōrwōr eo ipeļaakin ijo, im likūt rikakkōl ro ioon wōrwōr eo ijo—kalōk im̧ōn bar eo barāinwōt, im likūt juon rikakkōl ioon im̧ōn bar eo, im lale jikin kallib eo Aō, im jab kar kiki, n̄e rikōjdat eab itok ioomi?

54 Im lo, rikakkōl eo ioon im̧ōn bar eo enaaj kar lo rikōjdat eo ke ej ettoļo̧k wōt; innām kom̧ maron̄ kar pojak im dāpij rikōjdat eo jān rupe wōrwōr eo, im lo̧mo̧o̧ren jikin kallib eo aō jān pā ko pein riko̧kkure eo.

55 Im irooj eo an jikin kallib eo eaar ba n̄an juon ian ro rikarejeran: Etal im aintok ippān doon bwe in ro karejera, im bōk aaolep kajoor ilo m̧weo im̧ō, ro rej ritariņae ro aō, likao ro Aō, im em̧m̧aan em̧m̧an ded ro barāinwōt ilubwiljin aolep ro karejera, ro rej kajoor eo an m̧weo im̧ō, ijello̧kun wōt ro Iaar jitōn̄ er n̄an pād wōt;

56 Im kom̧in etal kiiō kiiō wōt n̄an wāto eo jikin kallib eo aō ej pād, im lo̧mo̧o̧ren jikin kallib eo aō; bwe ej aō; Iaar wiaiki kōn m̧ani.

57 Kōn menin, kom̧in etal kiiō kiiō n̄an wāto eo aō; rupi wōrwōr ko an rikōjdat ro aō; julaļļo̧k im̧ōn bar eo aer, im kajjeplōklōk rikakkōl ro aer.

58 Im toun wōt aer kuk ippān doon ņae kom̧, aidenoņeik eō kōn rikōjdat ro aō, bwe ej jab etto in maron̄ itok kōn bwe in ro im̧weo im̧ō im bōk bwidej eo.

59 Im eo rikarejeran eba n̄an irooj eo an: N̄āāt men kein renaaj waļo̧k?

60 Im eaar ba n̄an eo rikarejeran: N̄e Ikōņaan; kwōn etal kiiō kiiō wōt, im kōm̧m̧ani aolep men ko otemjeļo̧k Iaar jiron̄ eok;

61 Im en̄in enaaj sil im kōjeraam̧m̧an eo Aō ioom—juon ribōk eddo etiljek im amālōtlōt ilubwiljen m̧weo im̧ō, juon bripepe ilo aelōn̄ in kiin̄ eo aō.

62 Im eo rikarejeran eaar etal ilo iien eo wōt, im kar kōm̧m̧ani aolep men ko otemjeļo̧k irooj eo an eaar jiron̄ e; im aālikin elōn̄ raan ko aolep men kein rekar kūrm̧ool.

63 Bar juon alen, em̧ool Ij ba n̄an kom̧, Inaaj kwaļo̧k n̄an kom̧ mālōtlōt ilo n̄a kake aolep jarlepju in rijar ko, toun wōt aer m̧ōņōņō in bōk tōl ilo juon iaļ eo ejim̧we im jejjet n̄an lo̧mo̧o̧ren eo aer—

64 Bwe jerbal eo in aintok ippān doon an ro rekwōjarjar Aō en maron̄ wōnm̧aanļo̧k wōt, bwe In maron̄ kalōkļo̧k er n̄an Eta ioon ajikin ko rekwōjarjar; bwe iien bjonikkan emoottok, im Aō innaan eaikuj in ckūrm̧ool.

65 Kōn menin, Iaikuj aintok ippān doon armej ro Aō, ekkar n̄an būrabōļ in wiit im atāō ko, bwe wiit ko ren maron̄ koņ ilo jikin ko̧koņ ko n̄an bōk aer mour indeeo, im kūrawūn kōn aiboojoj in bselestial, n̄e Inaaj itok ilo aelōn̄ eo an Jema n̄an ņa wōņāān armej otemjej ekkar n̄an jekjek in naaj jerbal ko an;

66 Ak n̄e tāō ko renaaj lukwōji ilo tūrtūr ko, im korak ko koraeer rekajoor, bwe ren maron̄ abwil kōn kijeek ejamin kun.

67 Kōn menin, juon kien Ij lewōj n̄an aolepān jarlepju in rijar ko, bwe ren wōnm̧aanļo̧k n̄an aintok doon n̄an jikin ko me Iaar jitōn̄i.

68 Mekarta, āinwōt Iaar ba n̄an kom̧ ilo juon kien m̧oktaļo̧k, aae tok eo ami en jab ilo m̧ōkaj, im jab ilo kaiur; ak kōtļo̧k bwe aolep men otemjej ren pojak im̧aami.

69 Im bwe aolep men ko otemjej ren pojak im̧aami, kōjparok kien eo me Iaar lewōj kōn men kein—

70 Eo me ej ba, ak katakin, n̄an awiaik aolep bwidej ko kōn m̧ani, ko me maron̄ wiaiki kōn m̧ani, ilo jikin eo ipeļaakin bukwōn eo me Iaar jitōn̄e bwe en āneen Zaion, n̄an jinoin aintok eo an ro rekwōjarjar Aō;

71 Aolep bwidej eo maron̄ wiaiki ilo Jackson Kounty, im kounty ko ipeļaakin ijo, im likūt bwe eo ilo Peiū.

72 Kiiō, em̧ool Ij ba n̄an kom̧, aolep jarlepju in rijar ko ren aini ippān doon aolep m̧ani ko aer; men kein ren kōm̧m̧an ilo iien eo aer, a jab ilo akaiur; im kōjparok n̄an lale bwe aolep men otemjej ren pojak im̧aami.

73 Im em̧m̧aan ro rem̧ool ren jitōn̄e er, em̧ool em̧m̧an ro remālōtlōt, im jilkinļo̧k er n̄an wiaiki bwidej kein.

74 Im jarlepju in rijar ko ilo bukwōn ko iturear, n̄e rej ekeke, eļan̄n̄e renaaj eo̧ron̄ kapilōk in remaron̄ wiaiki bwidej ko im ainļo̧k doon ioer; im ilo wāween in remaron̄ kajutak Zaion.

75 Em̧ool ewōr kiiō kadede ilo jikin ko̧koņ jon̄an ebwe, aaet, em̧ool ebun̄-pāļo̧k, n̄an wiaik Zaion, im kajutak jikin ko an relo̧urō, n̄an jab bar julaļļo̧k, eļan̄n̄e jarlepju in rijar ko, ro rej kūr er make n̄an etņake Eta, rekar am̧ōņōņō in eo̧ron̄e Ainikiō.

76 Im bar juon alen Ij ba n̄an kom̧, ro rekar ejjeplōklōk jān rikōjdat ro aer, ej ankilaō bwe ren wōnm̧aanļo̧k ilo aer akweļap kōn pukot mejļan nana ko ņae er, im lo̧mo̧o̧ren, jān pein ro im likūt er āinwōt ripepe im rej pād ilo jikin ritōl ioomi—

77 Ekkar n̄an kakien ko im ajemān-āe eo an armej ro, eo Iaar kōtļo̧k bwe en jutak, im aikuj in dāpiji kōn bjim̧we ko im oņaake an aolep kanniōk, ekkar n̄an pedped ko rejim̧we im rekwōjarjar;

78 Bwe armej otemjej en maron̄ m̧akūtkūt ilo katak im pedped ko rej ekkejelļo̧k n̄an ilju im jekļaj, ekkar n̄an aanemkwōj in kāālet an kanniōk eo me Iaar leļo̧k n̄an e, bwe armej otemjej en maron̄ buwaak kōn jero̧wiwi ko an make ilo raan in cekajet.

79 Kōn menin, ej jab jim̧we bwe jabdewōt armej en pād ilo ineen kōm̧akoko n̄an bar juon.

80 Im kōn un in Iaar kajutake aJemān-āe eo an āniin, jān pā ko pein em̧m̧aan ro remālōtlōt ro im Iaar lelōn̄tak er n̄an wōt un in, im kar wiaik āniin jān bto̧o̧rļo̧k in bōtōktōk.

81 Kiiō, n̄an ta Inaaj keidi ro nejin Zaion? Inaaj keidi er n̄an abūrabōļ eo kōn kōrā eo im riekajet eo enana, bwe armej ren iien otemjej bjar im jab ebbeer, eo ej ba—

82 Eaar wōr ilo jikin kwelo̧k eo juon riekajet eo eaar jab mijak Anij, im kajekdo̧o̧n armej.

83 Im eaar wōr juon kōrā emej pāleen ilo jikin kwelo̧k eo, im liin eaar etal n̄an e, im ba: Kwōn idenoņeik Eō kōn aō rikōjdat.

84 Im eaar m̧akoko ium̧win jidik iien, ak tokālik eaar ba ippān make: Men̄e ij jab mijak Anij, im kajekdo̧o̧n armej, jekdo̧o̧n kōnke kōrā in emej pāleen ej an̄ōte eō Inaaj idenoņeik kōn e, n̄e jān an itok wōt eab kamōk eō.

85 Āindein Inaaj keidi ro nejin Zaion.

86 Er ren akweļap ineen riekajet eo;

87 Im eļan̄n̄e ej jab ron̄jake er, ren akweļap ineen kabna eo;

88 Im eļan̄n̄e kabna eo ej jab ron̄jake er, ren akweļap ineen president eo;

89 Im eļan̄n̄e president eo ej jab ron̄jake er, innām Irooj enaaj jerkak im itok jān jikin atilekek eo An, im ilo an An kwi ko̧kkure laļ in;

90 Im ilo An inepata ekakijeekek, im ilo An illu ebwil, ilo iien eo An, enaaj bukweļo̧k ro renana, ro rej jab tiljek, im aribōk eddo ro rej jab jim̧we, im jitōn̄ļo̧k n̄an er kōj ko aer ilubwiljin ro retao, im ro rej bjab tōmak;

91 Em̧ool ilo kapin marok, ijo ewōr ajan̄, lim̧ō, im n̄i ļaļļaļ.

92 Kom̧in jar, kōn menin, bwe lo̧jiln̄ier ren maron̄ peļļo̧k n̄an kūr ko ami, bwe In maron̄ atūriam̧o n̄an er, bwe men kein ren jab maron̄ itok ioer.

93 Ta Iaar ba n̄an kom̧ eaikuj in waļo̧k, bwe aolep armej en maron̄ jab wōr aer ajekpen;

94 Bwe ro remālōtlōt im ripepe ro ren maron̄ ron̄ im jeļā men eo me rejjan̄in kar awatōke;

95 Bwe In maron̄ wōnm̧aanļo̧k n̄an kakūrm̧ool m̧akūtkūt eo Aō, m̧akūtkūt eo Aō aeruwamāejet, im kōm̧m̧ane jerbal eo Aō, jerbal eo Aō eruwamāejet, bwe armej ren maron̄ jeļā ilo bkile ikōtaan ro reweeppān im ro renana, ami Anij ej ba.

96 Im bar juon alen, Ij ba n̄an kom̧, ej āinjuon n̄an kien eo Aō im ankilaō bwe karejera Sidney Gilbert en wiakake aim̧ōn ko̧koņ eo Aō, eo me Iaar jitōn̄ n̄an armej ro Aō, ļo̧k ilo pein rikōjdat ro Aō.

97 Jab kōtļo̧k bwe men eo me Iaar jitōn̄e en ettoonon jān rikōjdat ro Aō, jān errā eo an ro rej akūr er make n̄an etņake Eta;

98 Bwe en̄in ej jero̧wiwi eo ekōmetak im kanooj eddo ņae Eō, im ņae armej ro Aō, ilo waļo̧kin men ko me Iaar kean̄ kaki im ko rej epaak n̄an wōtlo̧k ioon laļ ko.

99 Kōn menin, ej ankilaō bwe armej ro Aō ren abņōņō kake, im dāpij abņōņō ioon men eo me Iaar jitōn̄e n̄an er, men̄e ejjab mālim aer jokwe ioon ijin.

100 Mekarta, Ij jab ba bwe rej jamin jokwe ioon ijin; bwe toun wōt aer le leen ko im jerbal ko rekkar n̄an aelōn̄ eo Aō renaaj jokwe ioon ijin.

101 Renaaj ekkal, im bar juon ej jamin ajolōt e; renaaj kalbwin jikin kallib ko, im renaaj m̧ōn̄ā leen eo. Em̧ool āindein. Amen.