1 Kiiō, lo, Ij ba n̄an eok, bwe kōnke kwaar kōtļo̧ki jeje ko kar liwōj kajoor n̄an eok n̄an ukōti jān jipan̄ an ^aUrim im Tumim eo, ilo pein juon ^bem̧m̧aan enana, em̧ōj am kajebwābweiki.

2 Im kwaar barāinwōt m̧wijkōk jān mennin letok eo am ilo ejja iien eo wōt, im ^aļōmņak eo eaar marok.

3 Mekarta, ej bar ^ajepļaakwaj n̄an eok; kōn menin lale bwe kwōn niknik im wōnm̧aanļo̧k wōt n̄an kadedeļo̧k an bwe in jerbal in ukok eo āinwōt am kar jinoe.

4 Jab ettōr ^am̧ōkajļo̧k ak jerbal eļapļo̧k jān am ^bmaron̄ im jipan̄ ko rej kōm̧m̧an bwe kwōn maron̄ in ukok; ak kwōn ^ctiljek n̄an jem̧ļo̧kin.

5 ^aJar iien otemjej, bwe kwōn maron̄ rianjo̧; aaet, bwe kwōn maron̄ anjo̧ ioon Setan, im bwe kwōn maron̄ jo̧o̧r jān pā ko pein ro rikarejeran Setan im rej juraake jerbal eo an.

6 Lo, rekar kappukot n̄an ^ako̧kkure eok; aaet, em̧ool ^bļein kwaar lōke ekar kappukot n̄an ko̧kkure eok.

7 Im kōn un in Iaar ba bwe ej juon em̧m̧aan enana, bwe eaar kappukot n̄an bōkiļo̧k men ko me kar lōke eok kaki; im e ar barāinwōt kappukot n̄an ko̧kkure mennin letok eo am.

8 Im kōnke kwaar likūt jeje ko ilo pein, lo, em̧m̧aan nana ro rekar bōki jān eok.

9 Kōn menin, kwe kwaar kōtļo̧ki, aaet, men ko rekwōjarjar, n̄an nana.

10 Im, lo, ^aSetan eaar likūti ilo būrueer n̄an ukukōt naan ko kwaar kōm̧m̧an bwe ren jei, ak ko kwaar ukōti, ko rekar etal jān peim.

11 Im lo, Ij ba n̄an eok, bwe kōnke rekar ukukōti naan ko, rekar irļo̧k kōnono jāni jān men eo kwaar ukōte im kōm̧m̧an bwe en jeje;

12 Im, ilo jekjek in, devil eaar kappukot n̄an likūt juon aujiid in m̧oņ, bwe en maron̄ rupe jerbal in;

13 Bwe eaar likūt ilo burueer n̄an kōm̧m̧ane men in, bwe jān riab ren maron̄ ba rekar ^ajibwe eok ilo naan ko kwaar kine in ukōti.

14 Em̧ool, Ij ba n̄an eok, bwe Ij jamin kōtļo̧k bwe Setan en naaj kōtōprak karōk nana eo an ilo men in.

15 Bwe lo, eaar likūti ilo burueer n̄an bōk eok n̄an kapo Irooj am Anij, ilo kajjitōk n̄an ukōte bar juon alen.

16 Innām, lo, rej ba im ļōmņak ilo burueer—Jenaaj lale eļan̄n̄e Anij Eaar leļo̧k n̄an e kajoor n̄an ukok; eļan̄n̄e āindein, E naaj barāinwōt leļo̧k n̄an e kajoor bar juon alen;

17 Im eļan̄n̄e Anij ej leļo̧k n̄an e kajoor bar juon alen, ak eļan̄n̄e ej bar ukok, ak, ilo bar jet naan, eļan̄n̄e ej bar ukōtitok ejja naan kein wōt, lo, ewōr ipped ejja naan kein wōt, im em̧ōj ad kar ukukōti;

18 Kōn menin reban errā, im jenaaj ba bwe e ar riab ilo naan ko an, im bwe ejjeļo̧k an mennin letok, im bwe ejjeļo̧k an kajoor;

19 Kōn menin jenaaj ko̧kkure e, im barāinwōt jerbal in; im jenaaj kōm̧m̧ane men in bwe jen maron̄ jab jook ilo jem̧ļo̧k in, im bwe jen maron̄ bōk aiboojoj eo an laļ.

20 Em̧ool, em̧ool, Ij ba n̄an eok, bwe Setan eļap an dāpiji burueer; ej ^apukwōj er n̄an ^bnana ņae men eo em̧m̧an;

21 Im burueer rej ^aankeke, im obrak kōn ^bjero̧wiwi im mennin jōjō ko; im rej ^ciakwe ^dmaroklep im jab meram, kōnke ^ejerbal ko aer rettoon; kōn menin reban kajjitōk jān Eō.

22 ^aSetan ej pukwōj er, bwe en maron̄ ^btōlļo̧k jetōb ko aer n̄an ko̧kkure.

23 Im āindein eaar kōpooje juon aujiid emālōtlōt, ļōmņak in rupe jerbal eo an Anij; ak Inaaj aikuji uwaak eo jān peier, im enaaj oktak n̄an aer jook im liaakeļo̧k ilo raan in ^aekajet eo.

24 Aaet, e ej pukwōj burueer n̄an illu ņae jerbal in.

25 Aaet, ej ba n̄an er: M̧oņ im babu ilo tilekek n̄an jibwe, bwe kom̧in maron̄ ko̧kkure; lo, men in ej jab jorrāān. Im āindein ej m̧oņe er, im ba n̄an er bwe ej jab jero̧wiwi men in n̄an ^ariab bwe ren maron̄ jibwe juon armej ilo an riab, bwe ren maron̄ ko̧kkure e.

26 Im āindein ej m̧oņe er, im ^atōlļo̧k er m̧ae iien ej ibeb laļļo̧k jetōb ko aer n̄an ^bhell; im āindein ej kōm̧m̧an bwe ren jibwe er make ilo ^caujiid eo aer make.

27 Im āindein ej wanlōn̄ļo̧k im wanlaļļo̧k, ^aetal im itok ilo laļ in, im pukot n̄an ^bko̧kkure jetōb ko an armej.

28 Em̧ool, em̧ool, Ij ba n̄an eok, wo n̄an eo ej riab n̄an ^am̧oņ kōnke ej kōtmāne bwe bar juon ej riab n̄an m̧oņe, bwe rein rej jab rōļo̧k jān ^bekajet an Anij.

29 Kiiō, lo, rekar ukukōt naan kein, kōnke Setan ej ba n̄an er: E eaar m̧oņe kom̧—im āindein ej m̧oņe ļo̧k er n̄an kōm̧m̧an nana, n̄an kōm̧m̧an bwe kwōn ^akapo Irooj am Anij.

30 Lo, Ij ba n̄an eok, bwe kwo jamin bar ukōti naan kein ko em̧ōj aer ilo̧k ilo̧k jān peim;

31 Bwe, lo, rej jamin naaj kōtōpraki kōttōbalbal ko renana aer ņae naan ko. Bwe, lo, eļan̄n̄e kwo aikuj kōjebar ejja naan ko wōt renaaj ba bwe kwaar riab im bwe kwaar riab itōn ukok, bwe kwaar kabōd eok make.

32 Im, lo, renaaj kabun̄bun̄ļo̧k men in, im Setan enaaj kapen būruōn armej raņ n̄an pukwōj er n̄an illu ņae eok, bwe ren jab tōmak naan ko Aō.

33 Āindein ^aSetan ej ļōmņak n̄an anjo̧ ioon naan in kam̧ool eo am ilo epepen in, bwe jerbal eo en maron̄ jab jerkaktok ilo epepen in.

34 Ak lo, en̄in ej mālōtlōt, im kōnke Ij kwaļo̧k n̄an eok ^amālōtlōt, im lewōj n̄an eok naan in jiron̄ ko kōn men kein, ta kwo naaj kōm̧m̧ane, jab kwaļo̧k e n̄an laļ in m̧ae em̧ōj am kōtōprake jerbal in ukok in.

35 Jab bwilōn̄ bwe Iaar ba n̄an eok: En̄in ej mālōtlōt, jab kwaļo̧k e n̄an laļ in—bwe Iaar ba, jab kwaļo̧k e n̄an laļ in, bwe kwōn maron̄ jab jorrāān.

36 Lo, Ij jab ba bwe kwo jamin kwaļo̧k e n̄an ro rejim̧we;

37 Ak āinwōt am jab maron̄ iien otemjej ekajete ro ^arejim̧we, ak āinwōt kwo jab maron̄ iien otemjej jeļā rinana jān ro rem̧m̧an, kōn menin Ij ba n̄an eok, kwōn ^bikōn̄ wōt m̧ae Aō naaj lale ekkar ke n̄an kōm̧m̧an bwe men otemjej laļ en jeļā kaki kōn menin.

38 Im kiiō, em̧ool Ij ba n̄an eok, bwe juon ennaan je kōn ^amen ko kwaar jeje, ko rekar ilo̧k ilo̧k jān peim, ej m̧wijit ioon ^bpileij ko an Nipai;

39 Aaet, im kwōj keememej ekar ba ilo jeje kaņ bwe juon ļo̧o̧k ealikkarļo̧k kar letok kōn men kein ioon pileij ko an Nipai.

40 Im kiiō, kōnke ļo̧o̧k in kar m̧wijiti ioon pileij ko an Nipai ealikkarļo̧k kōn men kein ko, ilo mālōtlōt eo Aō, Inaaj kar bōktok jeļāļo̧kjeņ eo an armej raņ ilo ļo̧o̧k in—

41 Kōn menin, kwo naaj ukōti m̧wijm̧wij kein ioon ^apileij ko an Nipai, laļļo̧k em̧ool m̧ae am itok n̄an iien irooj ko an kiin̄ Benjamin, ak m̧ae kwōj itok n̄an ijo kwaar ukōte, eo kwaar dāpiji;

42 Im lo, kwo naaj kabun̄bun̄ļo̧k e ilo bok āinwōt ļo̧o̧k eo an Nipai; im āindein I naaj kapok ro rekar ukukōti naan ko Aō.

43 Ij jamin kōtļo̧k bwe ren ko̧kkure jerbal eo Aō; aaet, I naaj kwaļo̧k n̄an er bwe mālōtlōt eo Aō eļapļo̧k jān aujiid ko an devil.

44 Lo, ewōr ippāer juon wōt m̧ōttan, ak juon kōkadudu in ļo̧o̧k eo an Nipai.

45 Lo, ekanooj lōn̄ men ko kar m̧wijiti ioon pileij ko an Nipai ko rej letok wāween lale gospel ilo jekjek eo edepakpakļo̧k; kōn menin, e mennin mālōtlōt ilo N̄a bwe kwōn aikuj ukōte m̧ōttan in im̧aan in m̧wijm̧wij ko an Nipai, im jilkinļo̧k ilo jerbal in.

46 Im, lo, aolepān bwe eo an ^ajerbal in ewōr ie m̧ōttan ko an ^bgospel eo Aō me rikanaan ro rekwōjarjar Aō, aaet, im barāinwōt rikaļoor ro Aō, rekar ^cikdeelel ilo jar ko aer bwe en itok n̄an armej rein.

47 Im Iaar ba n̄an er, bwe enaaj aikuj ^aleļo̧k n̄an er ekkar n̄an ^btōmak eo aer ilo jar ko aer;

48 Aaet, im en̄in ar tōmak eo aer—bwe gospel eo Aō, eo Iaar leļo̧k n̄an er bwe ren maron̄ kwaļo̧k kake ilo raan ko aer, en maron̄ itok n̄an ro jeir im jatier ^ariLeman ro, im barāinwōt aolep ro rekar erom riLeman kōnke akwāālel ko aer.

49 Kiiō, en̄in ejjab aolepān—tōmak eo aer ilo jar ko aer eaar bwe gospel in en waļo̧k barāinwōt, eļan̄n̄e ekar maron̄ bwe bar laļ ko jet renaaj kar bōke āniin;

50 Im āindein rekar likūti juon kōjeraam̧m̧an ioon āniin ilo jar ko aer, bwe jabdewōt eo ej tōmak ilo gospel in ilo āniin en maron̄ bōk mour indeeo;

51 Aaet, bwe en maron̄ ejjeļo̧k wōņāān n̄an aolep jān jabdewōt laļ, bwij, lo, ak armej jekdo̧o̧n wōn ekōņaan bōk e.

52 Im kiiō, lo, ekkar n̄an tōmak eo aer ilo jar ko aer Inaaj bōktok m̧ōttan in an gospel eo Aō n̄an jeļāļo̧kjeņ eo an armej ro Aō. Lo, Ij jab bōktok e n̄an rupe men eo rekar bōke, ak n̄an kalōke lōn̄ļo̧k.

53 Im kōn un in Iaar ba: Eļan̄n̄e epepen in rej jab kapen burueer, Inaaj kajutak kabun̄ eo Aō ilubwiljier.

54 Kiiō Ij jab ba men in n̄an ko̧kkure kabun̄ eo Aō, ak Ij ba men in n̄an kalōk ļo̧k kabun̄ eo Aō;

55 Kōn menin, jabdewōt eo ej pād ilo kabun̄ eo Aō ej jab aikuj ^amijak, bwe in enaaj ^bjolōte ^caelōn̄ in lan̄.

56 Ak ej er ro rej jab ^amijak Eō, im jab kōjparok kien ko Aō ak rej kalōki ^bkabun̄ ko n̄an er make n̄an bōk ^cļapļo̧k, aaet, im aolep ro rej kōm̧m̧an nana im kalōk aelōn̄ eo an devil—aaet, em̧ool, em̧ool, Ij ba n̄an eok, bwe ej er ro Inaaj kainepata, im kōm̧m̧an bwe ren lōļn̄o̧n̄ im wūdiddid itulowatata.

57 Lo, N̄a Jisōs Kraist, ^aNejin Anij. Iaar itok n̄an ro Aō make, im ro Aō make rekar jab bōk Eō.

58 N̄a ^ameram eo ej romaak ilo marok, im marok eo ej jab jeļā E.

59 N̄a eo ekar ba—^aBar jet ^bsip Aō me rej jab jān wōrwōr in—n̄an ro rikaļoora, im ekar lōn̄ ro raar jab ^cmeļeļe N̄a.

60 Im Inaaj kwaļo̧k n̄an armej rein bwe ekar wōr bar jet Aō sip, im bwe er rekar juon raan m̧weo ^aim̧ōn Jekab;

61 Im Inaaj bōktok n̄an meram jerbal ko aer rekabwilōn̄lōn̄, ko rekar kōm̧m̧ani ilo Eta;

62 Aaet, im Inaaj barāinwōt bōktok n̄an meram gospel eo Aō eo kar kwaļo̧k n̄an er, im, lo, rej jamin kaarmejjete men eo kwaar bōk e, ak renaaj kalōk e, im naaj bōktok n̄an meram unleplep ko rem̧ool in Aō ^akatak, aaet, im wōt katak eo ej ilo N̄a.

63 Im men in Ij kōm̧m̧ane bwe In maron̄ kajutak gospel eo Aō, bwe en maron̄ jab kanooj lōn̄ aitwerōk; aaet, ^aSetan ej pukwōj būruōn armej raņ n̄an ^baitwerōk kōn unleplep ko in Aō katak; im lo men kein er rebōd, bwe rej ^ckaankekeik jeje ko rekwōjarjar im rej jab meļeļe er.

64 Kōn menin, Inaaj erļo̧ke n̄an er mennin ittino in eļap;

65 Bwe, lo, Inaaj ^aaintok er āinwōt lolo eo ej aintok jojo ko an ium̧win pein, eļan̄n̄e rej jamin kapen burueer;

66 Aaet, eļan̄n̄e renaaj itok, remaron̄, im bōk jān ^adān in mour ejjeļo̧k wōņāān.

67 Lo, en̄in ej katak eo Aō—jabdewōt eo ej ukeļo̧k im ^aitok n̄an Ippa, ejja wōt ej ^bkabun̄ eo Aō.

68 Jabdewōt ej ^akwaļo̧k eļapļo̧k ak dikļo̧k jān in, ejja in wōt ej jab jān Eō, ak ej ^bņae Eō; kōn menin e ej jab jān kabun̄ eo Aō.

69 Im kiiō, lo, jabdewōt eo ej jān kabun̄ eo Aō, im niknik ilo kabun̄ eo Aō n̄an jem̧ļo̧kin, e Inaaj kajutak e ioon Aō ^aejm̧aan, im ^baor ko an hell rej jamin naaj anjo̧ ņae er.

70 Im kiiō, keememej naan ko an E eo ej mour im ^ameram in laļ, am Ripinmuur, am ^bIrooj im am Anij. Amen.