፩ አሁን፣ እንዲህ፣ እልሀለሁ፣ ^ሀበኡሪም እና ቱሚም አማካኝነት ለመተርጎም ኃይል የተሰጡህን ጽሁፎች ^ለለክፉ ሰው እጅ አሳልፈህ በመስጠትህ አጥፍተሀቸዋል።

፪ እናም ስጦታህንም አብረህ አጥተሀል፣ እናም ^ሀአእምሮህ ጨልሟል።

፫ ሆኖም፣ አሁን ^ሀዳግመኛ ተመልሶልሀል፤ ስለዚህ ታማኝ መሆንህን ተመልከት እናም እንደጀመርኸው የቀረውን የትርጉም ስራ ለመጨረስ ቀጥል።

፬ ለመተርጎም እንዲያስችልህ ከተዘጋጀልህ ^ሀብርታት እና መንስዔ በላይ ^ለበፍጥነት አትሂድ ወይም አትስራ፤ ነገር ግን እስከመጨረሻው ^ሐትጉህ ሁን።

፭ ድል ታደርግ ዘንድ፤ አዎን፣ ሰይጣንን ድል ታደርግ ዘንድ፣ እናም የእርሱን ስራ ከሚደግፉት የሰይጣን አገልጋዮች እጆች ታመልጥ ዘንድ ዘወትር ^ሀጸልይ።

፮ እነሆ፣ እነርሱ ^ሀሊያጠፉህ ፈልገዋል፤ ያመንከው ^ለሰው እንኳን ሊያጠፋህ ፈልጓል።

፯ እምነት የተጣሉብህን ነገሮች ለመውሰድ ስለፈለገ፤ እናም እንዲሁም ስጦታህን ለማጥፋት ስለፈለገ፣ ክፉ ሰው ነው ያልኩት በዚህ ምክንያት ነው።

፰ እናም ጽሑፎቹን በእጁ አሳልፈህ በመስጠትህ ምክንያት፣ እነሆ፣ ክፉ ሰዎች ከአንተ ወስደዋቸዋል።

፱ ስለዚህ፣ አዎን፣ የተቀደሱትን፣ ለክፋት አሳልፈህ ሰጥተሀቸዋል።

፲ እናም፣ እነሆ፣ እንዲጻፉ ያደረግሀቸውን ወይም አንተ የተረጎምካቸውን፣ ከእጅህ የወጡትን ጽሁፎች፣ እንዲለወጡ ^ሀሰይጣን ክፋትን በልባቸው ውስጥ አስቀምጧል።

፲፩ እናም እነሆ፣ እንዲህ እልሀለሁ፣ ቃላቶቹን በመለወጣቸው ምክንያት፣ ከተረጎምካቸው እና እንዲጻፉ ካደረካቸው ተጻራሪ የሆነን ነገር ያነባሉ፤

፲፪ እናም፣ በዚህ ምክንያት ዲያብሎስ ይህን ስራ ለማጥፋት የብልጠት ዕቅድ ለማሳካት ፈልጓል።

፲፫ ለመተርጎም አስመስለህ በነበሩት ቃላት ውስጥ ^ሀያዝንህ ብለው በሀሰት በመናገር፣ ይህንን እንዲያደርጉ በልባቸው ውስጥ አስቀምጧልና።

፲፬ እውነት፣ እልሀለሁ፣ ሰይጣን የክፋት እቅዱን እንዲያከናውን አልፈቅድም።

፲፭ እነሆም፣ ዳግም ለመተርጎም በመጠየቅ ጌታ አምላክህን እንድትፈትን በልባቸው ውስጥ ይህን አስቀምጧል።

፲፮ እናም ከዚያም፣ እነሆ፣ እግዚአብሔር ለመተርጎም ኃይልን እንደሰጠው እናያለን፤ ይህም ከሆነ ዳግም እንዲሁ ኃይልን ይሰጠዋል ይላሉ እናም በልባቸውም ይህንን ያስባሉ፤

፲፯ እናም ዳግም እግዚአብሔር ኃይልን የሚሰጠው ከሆነ፣ ወይም ዳግም የሚተረጉም ከሆነ፣ ወይም በሌላ አባባል፣ ዳግም አንድ አይነት ቃላት የሚያመጣ ከሆነ፣ እነሆ፣ ከእኛም ዘንድ እንዲህ አይነት አለን፣ እናም ለውጠናቸዋል፤

፲፰ ስለዚህም አይስማሙም፣ እናም በእነዚህ ቃላት ዋሽቷል፣ እናም ስጦታም የለውም፣ እናም ኃይልም የለውም እንላለን፤

፲፱ ስለዚህ እርሱንም እናም ደግሞ ስራውን እናጠፋለን፤ እናም ይህን የምናደርገው በመጨረሻ እንዳናፍር፣ እናም የአለምን ክብር እንድናገኝ ነው።

፳ እውነት፣ እልሀለሁ፣ ሰይጣን በልባቸው ውስጥ ታላቅ ስፍራ ይዟል፤ መልካም በሆነው ላይ ^ሀበክፋት እንዲነሱ ^ለያነሣሳቸዋል፤

፳፩ እናም ልቦቻቸው ^ሀተበላሽተዋል፣ እናም ^ለበክፋት እና በርኩሰት ተሞልተዋል፤ እናም ^ሐምግባሮቻቸው ርኩሰት በመሆናቸው ምክንያት ከብርሀን ይልቅ ^መጨለማን ^ሠይወዳሉ፤ ስለዚህም እኔን አይጠይቁም።

፳፪ ነፍሳቸውን ወደ ጥፋት ^ሀእንዲመሩ ^ለሰይጣን ያነሣሳቸዋል።

፳፫ እናም ስለዚህ የእግዚአብሔርን እቅድ ለማጥፋት አጨበርባሪ ዕቅድ አስቀምጧል፤ ነገር ግን ይህንን ከእጃቸው እጠይቃለሁ፣ ^ሀበፍርድ ቀንም ወደ እፍረታቸው እና ወደ ኩነኔያቸው ይለውጣል።

፳፬ አዎን፣ በዚህ ስራ ላይ ልባቸው በቁጣ እንዲነሳሳ ያደርጋል።

፳፭ አዎን፣ እንዲህም አላቸው፥ ማጥፋት ትችሉ ዘንድ፣ አታልሉ እናም ለመያዝ አድፍጡ፤ እነሆ ይህም ጉዳት አይደለም። እናም እንዲህ በማለት ይሸነግላቸዋል፣ እንዲሁም ውሸታምን ሰው ይዞ ለማጥፋት ^ሀመዋሸት ኃጢአት አይደለም ይላቸዋል።

፳፮ እናም ስለዚህ ይሸነግላቸዋል፣ እናም ነፍሳቸውን ወደ ^ሀገሀነም ጎትቶ እስኪጥል ድረስ ^ለይመራቸዋል፤ እናም እንደዚህ እራሳቸው በራሳቸው ^ሐወጥመድ ውስጥ እንዲያጠምዱ ያደርጋል።

፳፯ እናም ሰለዚህ የሰዎችን ነፍስ ^ሀለማጥፋት በምድር ላይ ወደላይ እና ወደታች፣ ^ለወዲህ እና ወዲያው ይመላለሳል።

፳፰ እውነት፣ እውነት፣ እልሀለሁ፣ ሌላው ^ሀለማታለል ይዋሻል ብሎ ለማታለል ለሚዋሽ ወዮለት፣ እንደዚህ እይነቶቹ ከእግዚአብሔር ^ለፍትህ አያመልጡምና።

፳፱ አሁን፣ እነሆ ሰይጣን አታሏችኋል ስላላቸው እነዚህን ቃላት ለውጠዋል—እናም በዚህ የተነሳ አንተ ጌታ አምላክህን ^ሀእንድትፈታተን፣ ኃጢአት እንዲያደርጉ ይሸነግላቸዋል።

፴ እነሆ፣ እንዲህ እልሀለሁ፣ ከእጅህ የወጡትን ዳግመኛ አትተረጉምም፤

፴፩ ስለሆነም በእነዚህ ቃላት ላይ በመዋሸት የክፋት እቅዳቸውን አያከናውኑም። ስለሆነም ዳግም ተመሣሳይ ቃላት ብታመጣ ዋሽተሀል እናም ለመተርጎም አስመስለሀል ነገር ግን ራስህን ተቃውመሀል ይላሉ።

፴፪ እናም እነሆ፣ ይህንንም ያሰራጫሉ እናም ሰይጣን ሰዎች በአንተ ላይ በቁጣ እንዲነሱ፣ ቃላቴን እንዳያምኑ ልባቸውን ያደነድናል።

፴፫ ስለዚህ ስራው በዚህ ትውልድ መካከል እንዳይመጣ ^ሀሰይጣን በዚህ ትውልድ ያለህን ምስክርነት ለማሸነፍ ያስባል።

፴፬ ነገር ግን እነሆ፣ ጥበብ ይኸው ነው፣ እናም ለአንተ ^ሀጥበብን ስላሳየሁህ እናም እነዚህን በተመለከተ፣ ምንም ማድረግ እንደሚገባህ፣ ትእዛዛትን ስለሰጠሁህ፣ የትርጉሙን ስራ እስክታጠናቅቅ ድረስ ለአለም እንዳታሳይ።

፴፭ ጥበብ ይኸው ነው፣ ለአለም እንዳታሳየው ስላልኩህ አትደነቅ—ለአለም እንዳታሳየው ያልሁህ ምክንያት አንተን ለማዳን ነው።

፴፮ እነሆ፣ ለጻድቃንን አታሳያቸው አላልኩም፤

፴፯ ነገር ግን ዘወትር ^ሀጻድቁን ለመፍረድ ስለማትችል፣ ወይም ክፉን ከጻድቁ ዘወትር ለመለየት ስለማትችል፣ ስለዚህ እንዲህ እልሀለሁ፣ ነገሩን በተመለከተ ለአለም እስካሳውቅ ድረስ ^ለዝም በል።

፴፰ እናም አሁን፣ እውነት እልሀለሁ፣ ከእጅህ የወጡት የጻፍካቸው ^ሀነገሮች መዝገብ ^ለበኔፊ ሰሌዳዎች ላይ ተቀርጸው ይገኛሉ፤

፴፱ አዎን፣ እናም በእነዚህ ጽሁፎች ውስጥ የበለጠ ዝርዝር በኔፊ ሰሌዳ ላይ ተሰጥቷል መባሉን አስታውስ።

፵ እናም አሁን፣ በኔፊ ሰሌዳ ላይ የተቀረጸው ታሪክ በጥበቤ በዚህ ታሪክ ውስጥ ላሉት ህዝብ ከማመጣው እውቀት አንጻር በቀረበ በመሆኑ ምክንያት—

፵፩ ስለዚህ፣ ^ሀበኔፊ ሰሌዳዎች ላይ ያሉትን ጽሁፎች እስከ ንጉስ ቢንያም አገዛዝ ድረስ፣ ወይም ተርጉመህ በእጅህ እስከ አስቀረሀቸው ድረስ ትተረጉማለህ፤

፵፪ እናም እነሆ፣ እንደ ኔፊ መዝገብ ታሳትመዋለህ፤ እና እንደዚህም ቃላቴን የለወጡትን አምታታቸዋለሁ።

፵፫ ሥራዬን ያጠፉ ዘንድ አልፈቅድም፤ አዎን፣ ጥበቤ ከአጋንንት ብልጠት የላቀ መሆኑንም አሳያቸዋለሁ።

፵፬ እነሆ፣ አጥሮ የተጻፈውን ወይም አነስተኛውን የኔፊ ታሪክን ብቻ ነው ያገኙት።

፵፭ እነሆ፣ በወንጌሌ ላይ ታላቅ መረዳትን የሚያስገኙ ብዙ ነገሮች በኔፊ ሰሌዳ ላይ ተቀርጸው ይገኛሉ፤ ስለዚህ፣ ይህን የኔፊ ቅርጾች የመጀመሪያ ክፍሎችን መተርጎምህ እናም ይህንም ስራ መላክህ በእኔ ዘንድ ጥበብ ነው።

፵፮ እናም፣ እነሆ፣ የቀሩት እነዚህ ^ሀስራዎች የእኔ ቅዱሳን ነቢያቶች፣ አዎን፣ እናም እንዲሁም ደቀመዛሙርቴ በጸሎታቸው ለዚህ ህዝብ እንዲመጣ ^ለየፈለጉትን ^ሐየወንጌሌን ክፍሎች የያዘ ነው።

፵፯ እናም እንዲህ አልኳቸው፣ በጸሎታቸው ባላቸው ^ሀእምነት መጠን ^ለሊሰጣቸው ይገባል፤

፵፰ አዎን፣ እናም ይህም እምነታቸው ነበር፣ በጊዜያቸው እንዲሰብኩ ለእነርሱ የሰጠኋቸውን ወንጌል ለወንድሞቻቸው ^ሀለላማናውያን እናም ደግሞ በመገንጠላቸው ምክንያት ላማናውያን ለሆኑት ሁሉ ይመጣ ዘንድ ነበር።

፵፱ አሁን፣ ይህ ብቻም አይደለም—ሌሎች ህዝብ ይህን ምድር እንዲይዙ የሚቻል ቢሆን፣ ይህ ወንጌል እንዲሁ ይታወቅ ዘንድ የጸሎት እምነታቸው ነበር፤

፶ እናም ስለዚህ በዚህ ምድር ላይ በዚህ ወንጌል የሚያምን ሁሉ ዘለአለማዊ ህይወት ይኖረው ዘንድ፣ በዚህ ምድር ላይ በጸሎታቸው በረከትን ትተዋል፤

፶፩ አዎን፣ ለማንኛውም ሀገር፣ ነገድ፣ ቋንቋ፣ ወይም ህዝብ ሁሉ ይህ ነጻ ይሆን ዘንድ በጸሎታቸው በረከትን ትተዋል።

፶፪ እና፣ አሁን፣ እነሆ በጸሎታቸው ውስጥ ባለው እምነት የተነሳ የዚህን የወንጌሌን ክፍል ወደ ሀዝቦቼ እውቀት አመጣለሁ። እነሆ፣ የሚመጣው የተቀበሉትን ለመሻር ሳይሆን፣ ነገር ግን ለመገንባት ነው።

፶፫ እናም በዚህ ምክንያት እንዲህ ብያለሁ፥ ይህ ትውልድ ልቡን የማያደነድን ከሆነ፤ ቤተክርስቲያኔን በመካከላቸው እመሰርታለሁ።

፶፬ አሁን ይህንን የምለው ቤተክርስቲያኔን ለማፍረስ አይደለም፣ ነገር ግን ቤተክርስቲያኔን ለመገንባት ነው።

፶፭ ስለዚህ፣ የቤተክርስቲያኔ ሰው የሆነ ሁሉ ^ሀመፍርሀት የለበትም፣ እንደዚህ አይነቱ ^ለመንግሥተ ሰማይን ^ሐይወርሳልና።

፶፮ ነገር ግን ^ሀየማይፈሩኝ፣ ትእዛዛቴን የማይጠብቁ ነገር ግን ለራሳቸው ^ለጥቅምን ለማግኘት ^ሐቤተክርስቲያንን የሚገነቡ፣ አዎን፣ እርኩሰትን የሚያደርጉ ሁሉ እናም የአጋንንትን መንግስት የሚገነቡ—አዎን፣ እውነት፣ እውነት፣ እልሀለሁ፣ አውካቸዋለሁ፣ እና መላ ሰውነታቸው እንዲርበተበት እና እንዲቀጠቀጥ አደርጋለሁ።

፶፯ እነሆ፣ እኔ ኢየሱስ ክርስቶስ፣ ^ሀየእግዚአብሔር ልጅ ነኝ። የእኔው ወደሆኑት መጣሁ፣ የራሴም አልተቀበሉኝም።

፶፰ እኔ በጭለማ የማበራ ^ሀብርሀን ነኝ፣ እናም በጨለማም ያሉት አይረዱትም።

፶፱ ለደቀመዛሙርቴ ከዚህ በረት ያልሆኑ ^ሀሌሎች ^ለበጎች አሉኝ ያልሁት እኔው ነኝ። እናም ^ሐያልተረዱኝ ብዙ ነበሩ።

፷ እናም ለዚህ ህዝብ ^ሀየያዕቆብ ቤት ቅርንጫፍም እንደነበሩ፤ እና ሌሎች በጎች እንዳሉኝ አሳያቸዋለሁ፤

፷፩ እናም በስሜ የሰሩትን ድንቅ ስራዎቻቸውን ወደ ብርሀን አመጣለሁ፤

፷፪ አዎን፣ እናም ለእነርሱ አገልግሎት የዋለውን ወንጌሌን ወደ ብርሀን አመጣዋለሁ፣ እናም እነሆ፣ እናንት የተቀበላችሁትን አይክዱም ነገር ግን ይገነቡታል፣ እናም ^ሀየትምህርቴን እውነተኛ ነጥቦች፣ አዎን፣ በእኔ ያለውን ብቸኛ ትምህርት ወደ ብርሀን ያመጡታል።

፷፫ እናም ወንጌሌን እመሰረት ዘንድ፣ ብዙ ፀብ እንዳይኖር ዘንድ ይህንን አደርጋለሁ፤ አዎን፣ የትምህርቴ ነጥቦች በተመለከተ ^ሀሰይጣን የሰዎችን ልብ ^ለለፀብ ያነሣሳል፤ በዚህም ስህተት ይሰራሉ ቅዱሳት መጻሕፍትን ^ሐያጣምማሉ እናም አይረዷቸውም።

፷፬ ስለዚህ፣ ይህንን ታላቅ ሚስጥር እገልጽላቸዋለሁ፤

፷፭ ስለሆነም፣ ልባቸውን የማያደነድኑ ከሆኑ፣ ዶሮ ጫቹቶቿን በክንፎቿ እንደምትሰበስብ እንዲሁ እኔም ^ሀእሰበስባቸዋለሁ፤

፷፮ አዎን፣ ከመጡ ^ሀከህይወት ውሀ በነፃ ይጠጣሉ።

፷፯ እነሆ፣ ይህ ትምህርቴ ነው—ንስሀ የሚገባ እና ወደ እኔ ^ሀየሚመጣ ሁሉ ^ለየቤተክርስቲያኔ ሰው ነው።

፷፰ በዚህ ላይ ጨምሮ ወይም ቀንሶ ^ሀየሚያውጅ ሁሉ ከእኔ አይደለም፣ ነገር ግን ^ለተቃዋሚዬ ነው፤ ስለዚህ ከቤተክርስቲያኔም አይደለም።

፷፱ እናም አሁን፣ እነሆ፣ የቤተክርስቲያኔ የሆነ ሁሉ እናም በቤተክርስቲያኔ እስከመጨረሻው የሚጸና ^ሀበአለቴ ላይ የምመሰርተው እርሱን ነው እናም ^ለየሲዖል ደጆችም አይቋቋሙትም።

፸ የአለም ^ሀብርሀን እና ህይወት የሆነውን፣ የአዳኛችሁን፣ ^ለየጌታችሁን እና የአምላካችሁን ቃላት አስታውሱ። አሜን።