Jeje Ko Rekwojarjar
Katak im Bujen Ko 1


Katak Im Bujen Ko

Jekjōn 1

Revelesōn letok kōn Josep Smith Rikanaan eo, Nobōm̧ba 1, 1831, ilo kar juon kwelo̧k ejenolo̧k an elder ro an Kabun̄ in, kar kōm̧m̧ane ilo Hiram, Ohio. Elōn̄ revelesōn ko kar bōki jān Irooj m̧oktaļo̧k jān iien in, im kobaier ilo juon bok eaar juon ian unin ekkōnono ko ilo kwelo̧k eo. Jekjōn in ej ejaakin naan in kōmmeļeļe ko an Irooj n̄an katak ko, bujen ko, im kien ko kar litok ilo tōrean bōk eddo jab in.

1–7, Ainikien kakkōl eo ej n̄an aolep armej; 8–16, Bun̄ jān tōmak im nana rej itok m̧okta jān Itok eo Kein Karuo; 17–23, Josep Smith ej kūri n̄an kōjepļaaktok n̄an laļ m̧ool im kajoor ko an Irooj; 24–33, Bok in Mormon ej wōnm̧aantak im Kabun̄ eo em̧ool ej jutak; 34–36, Aenōm̧m̧an naaj bōkļo̧k jān laļ; 37–39, Lin̄ōri kien kein.

1 Eo̧ron̄, O kom armej in aKabun̄ eo Aō, ainikien eo An eo ej jokwe ijo eutiej Ej ba, im eo bmejān rej ioon armej otemjej; aaet, em̧ool Ij ba: cKom̧in ron̄jake kom̧ armej raņ jān ettoļo̧k; im kom̧ ro rej pād ioon aelōn̄ ko in lo̧meto, ron̄jake ippān doon.

2 Bwe em̧ool aainikien Irooj ej n̄an armej otemjej, im bejjeļo̧k enaaj ko; im ejjeļo̧k māj ejamin naaj loe, im ejjeļo̧k lo̧jiln̄i ejamin naaj ron̄, im ejjeļo̧k cbōro naaj jab deili.

3 Im naaj wākar arijum̧ae kōn eļap būrom̧ōj; bwe nana ko aer naaj bkōnono kaki ioon bōrwaj ko, im jerbal ittino ko aer naaj kwaļo̧ki.

4 Im aainikien kakkōl naaj n̄an armej otemjej, jān lo̧n̄iin ro rikaļoora, ro Iaar kāālet ilo braan kein āliktata.

5 Im renaaj wōnm̧aanļo̧k im ejjeļo̧k enaaj kapan̄ er, bwe N̄a Irooj Iaar jiron̄ er.

6 Lo, en̄in ej Aō amaron̄, im maron̄ eo an ro karejera, im ennaan eo im̧aan in bok in kien ko Aō, eo Iaar leļo̧k n̄an er n̄an blikūt ilo bok n̄an kom̧, o kom̧ ro rej pād ilaļ.

7 Kōn menin, kom̧in amijak im wūdiddid, o kom̧ armej, bwe ta N̄a Irooj Iaar kean̄ ilo er naaj bkūrm̧ool.

8 Im em̧ool Ij ba n̄an kom̧, bwe ro rej wōnm̧aanļo̧k, tilmaaki ennaan kein n̄an ro rej pād ioon laļ, n̄an er em̧ōj leļo̧k kajoor n̄an aliāpe jim̧or ioon laļ im ilo lan̄, ro rej jab tōmak im brijum̧ae;

9 Aaet, em̧ool, n̄an liāpe er n̄an raan eo n̄e aillu an Anij naaj lutōkleplep ioon ro brinana ilo ejjeļo̧k jon̄an—

10 N̄an araan eo n̄e Irooj enaaj itok n̄an bņa wōņāān armej otemjej ekkar n̄an cjerbal eo an, im djon̄e n̄an armej otemjej ekkar n̄an jon̄an eo eaar leļo̧k n̄an armej ro iturin.

11 Kōn menin ainikien Irooj ej n̄an jem̧ļo̧k ko in laļ, bwe aolep ro renaaj ron̄ ren maron̄ ron̄:

12 Kom̧in pojak, kom̧in pojak n̄an men eo ej itok, bwe Irooj epaaktok;

13 Im aillu an Irooj ej urur, im An bjāje etutu ilo lan̄, im enaaj wōtlo̧k ioon ro rej pād ioon laļ.

14 Im apein Irooj naaj waļo̧k; im raan eo ej itok n̄e ro reban bron̄ ainikien Irooj, ak ainikien ro rikarejeran, im jab ceo̧ron̄ naan ko an rikanaan ro im rijjilōk ro, naaj dbukweļo̧k er jān ilubwiljin armej ro;

15 Bwe rekar ajebwābweļo̧k jān bkain̄i ko Aō, im kar crupe dbujen eo ejjeļo̧k jem̧ļo̧kin Aō;

16 Rej jab apukot Irooj n̄an kajutak an wānōk, ak armej otemjej ej etetal ilo biaļ eo can make, im ilo̧kan dnememen anij eo an make, nememe eo ej āinwōt eo an laļ, im eo kobban ej eo an ekjab, eo ej ebwijwoļā ļo̧k im naaj jako ilo fBabilon, em̧ool Babilon eļap, eo enaaj jeepepļo̧k.

17 Kōn menin, N̄a Irooj, kōn Aō jeļā kōn ko̧kkure eo enaaj itok ioon aro rej pād ioon laļ, Iaar kūr rikarejera Josep Smith, Jun., im kar kōnono n̄an e jān lan̄, im kar leļo̧k n̄an e kien ko;

18 Im barāinwōt kar liļo̧k kien ko n̄an bar ro jet, bwe ren maron̄ kabun̄bun̄ļo̧k men kein n̄an laļ in; im aolep men in bwe en maron̄ kūrm̧ool, men eo kar jeje jān rikanaan ro—

19 Men ko arem̧ōjņo̧ an laļ naaj waļo̧ktok im ruprupe ro rellāj im kajoor, bwe armej en jab pepe ippān armej eo m̧ōttan, im jab blōke pein kanniōk—

20 A bwe armej otemjej en maron̄ aekkōnono ilo etan Anij Irooj, em̧ool Rilo̧mo̧o̧r eo an laļ;

21 Bwe tōmak barāinwōt en maron̄ ļapļo̧k ilo laļ;

22 Bwe abujen eo Aō ejjeļo̧k jem̧ļo̧kin en maron̄ jutak;

23 Bwe tarlep in agospel eo Aō maron̄ in bkean̄ kake jān ro crem̧ōjņo̧ im ļam waan n̄an jem̧ļo̧k ko an laļ, im im̧aan kiin̄ raņ im ripepe raņ.

24 Lo, N̄a Anij im Iaar kōnono men in; akien kein rej jān N̄a, im kar liļo̧k n̄an ro rikarejera ilo aer m̧ōjņo̧, ilo̧kan jekjek im bkajin eo aer, bwe ren maron̄ itok n̄an cmeļeļe.

25 Im jon̄an wōt aer bōd en maron̄ alikkar;

26 Im jon̄an wōt aer pukot amālōtlōt ren maron̄ bōk naan in tōl;

27 Im jon̄an wōt aer jero̧wiwi ren maron̄ bōk akauwe, bwe ren maron̄ bukeļo̧k;

28 Im jon̄an wōt aer kar aettā ren maron̄ in kajoor, im jeraam̧m̧an jān ijo ilan̄, im bōk bjeļāļo̧kjeņ jān iien n̄an iien.

29 Im ālikin aer kar bōk ļo̧o̧k eo an riNipai ro, aaet, em̧ool rikarejera Josep Smith, Jun., eaar maron̄ wōr an kajoor n̄an ukok kōn tūriam̧o eo an Anij, jān kajoor eo an Anij, aBok in Mormon eo.

30 Im barāinwōt ro n̄an er kar liļo̧k kien kein, en wōr aer akajoor n̄an kalōk pedped eo an bkabun̄ in, im n̄an bōktok jān ņojak im jān cmarok jilōn̄lōn̄, dkabun̄ eo wōt em̧ool im emour ioon mejān laļ, eo kōn e N̄a, Irooj, eebun̄-buruō, Ij kōnono n̄an kabun̄ āinwōt juon wōt im jab kajjojo—

31 Bwe N̄a Irooj ijjab maron̄ kalimejek jabdewōt ajero̧wiwi n̄an jidik;

32 Mekarta, eo ej ukeļo̧k im kōjparoki kien ko an Irooj naaj ajeorļo̧k an bōd;

33 Im e eo ej ajab ukeļo̧k, jān e naaj bbōk em̧ool meram eo e ar bōk e; bwe cJetōb eo Aō ejamin dpād iien otemjej ippān armej, Irooj in Inelep eo ej ba.

34 Im bar juon alen, em̧ool Ij ba n̄an kom̧, o kom̧ ro rej pād ioon laļ: N̄a Irooj ij m̧ōņōņō in kwaļo̧ki men kein n̄an akanniōk otemjej;

35 Bwe N̄a ejjeļo̧k Aō akalijekļo̧k, im I kōņaan bwe aolep armej ren jeļā ke braan eo em̧ōkaj an itok; awa eo ejjan̄in kiiō, ak epaaktok, n̄e caenōm̧m̧an naaj bōke jān laļ, im ddevil e naaj wōr an kajoor ioon mo̧jen eo an make.

36 Im barāinwōt Irooj enaaj wōr an kajoor ioon ro arekwōjarjar An, im naaj birooj cilubwiljier, im naaj wanlaļtak ilo dekajet ioon eAidumia, ak laļ in.

37 Lin̄ōri akien kein, bwe rem̧ool im tiljek, im kanaan ko im bkallim̧ur ko ie renaaj aolep kūrm̧ool.

38 Ta eo N̄a Irooj ar ba, I ar ba, im Ijjab jekpen n̄an Eō make; im men̄e lan̄ ko im laļ rej jako, Aō anaan ej jamin naaj jako, ak enaaj aolep bkūrm̧ool, mekarta jān cAinikiō make ak jān ainikien ro drikarejera, ej āinwōt ejuon.

39 Bwe lo, im lo, Irooj ej Anij, im aJetōb ej kam̧ool kake, im ļo̧o̧k eo ej m̧ool, im bm̧ool eo ej pād indeeo im indeeo. Amen.