፩ እናም አሁን እንዲህ ሆነ አቢናዲ ይህን ንግግሩን ሲጨርስ፣ ንጉሱ ^ሀካህናት እንዲወስዱትና እንዲገድሉት አዘዘ።

፪ ነገር ግን ከእነርሱ መካከል ^ሀአልማ የሚባል ሰው ነበር፤ እርሱም ደግሞ የኔፊ ትውልድ ነበር። እርሱም ወጣት ነበር፣ እናም አቢናዲ በተናገራቸው ቃላት ^ለያምን ነበር፣ አቢናዲ ስለጥፋታቸው በእነርሱ ላይ ስለመሰከረው ያውቅ ነበርና፤ ስለዚህ ንጉሱ በአቢናዲ እንዳይቆጣ፣ ነገር ግን በሰላም እንዲሄድ ለመነው።

፫ ነገር ግን ንጉሱ ይበልጥ ተቆጣ፤ እናም አልማ ከመካከላቸው ውጥቶ እንዲጣል አደረገ፣ እናም እርሱን ይገድሉት ዘንድ አገልጋዮችን ላከ።

፬ ነገር ግን ከፊታቸው ሸሸ፣ እናም እንዳያገኙት ተደበቀ። እናም ለብዙ ቀናት ተሰውሮ አቢናዲ የተናገረውን ቃላት ሁሉ ^ሀፃፈ።

፭ እናም እንዲህ ሆነ ንጉሱ ጠባቂዎቹ አቢናዲን እንዲከቡትና እንዲወስዱት አደረገ፤ እናም አሰሩትና ወደ ወህኒ ቤት ጣሉት።

፮ እናም ከሶስት ቀናት በኋላ ከካህናቱ ጋር በመመካከር፣ በድጋሚ በፊቱ እንዲቀርብ አደረገ።

፯ እናም እንዲህ አለው፥ አቢናዲ፣ በአንተ ላይ ወንጀል አግኝተናልና ለሞት ብቁ ነህ።

፰ አንተ ^ሀእግዚአብሔር ራሱ በሰው ልጆች መካከል ይመጣል ብለሃልና፤ እናም አሁን፣ በዚህ የተነሳ እኔንና ህዝቤን በተመለከተ የተናገርከውን መጥፎ ቃላት ካላስተባባልክ ትገደላለህ።

፱ አሁን አቢናዲም አለው፥ እልሀለሁ፣ ይህንን ህዝብ በተመለከተ የተናገርኩት ቃላት አላስተባብልም፣ እውነት ናቸውና፣ እናም እውነተኛነቱን ታውቁ ዘንድ በእናንተ እጅ እንድወድቅ ለራሴ ፈቅጃለሁ።

፲ አዎን፣ እናም እስከሞቴም ድረስ እሰቃያለሁ፣ ቃሌንም አላስተባብልም፣ እነርሱም በእናንተ ላይ እንደምስክርነት ይቆማሉ። እናም እኔን የምትገድሉኝ ከሆነ ^ሀንፁህ ደም አፍሳችኋልና፤ ይህም በመጨረሻው ቀን ደግሞ በእናንተ ላይ እንደምስክር ይቆማል።

፲፩ እናም አሁን ንጉስ ኖህ እርሱን ሊለቀው ነበር፣ ምክንያቱም ቃሉን ፈርቶ ነበርና፤ የእግዚአብሔር ፍርድ በእርሱ ላይ ይመጣል ብሎ ፈርቶ ነበርና።

፲፪ ነገር ግን ካህናቱ በእርሱ ላይ ድምፃቸውን ከፍ በማድረግ ንጉሱን አዋርዷል በማለት ከሰሱት፣ ስለዚህ ንጉሱ በቁጣ በእርሱ ታወከ፣ እናም እርሱ ይገደል ዘንድ አሳልፎ ሰጠው።

፲፫ እናም እንዲህ ሆነ ወሰዱትና አሰሩት፣ እስኪሞት ድረስ በእስር ጭሮር አሰቃዩትም።

፲፬ እናም አሁን ነበልባሉ መለብለብ ሲጀምረው፣ እንዲህ በማለት ጮኸባቸው፥

፲፭ እነሆ፣ ለእኔ እንዳደረጋችሁት ሁሉ እንዲህ ይሆናል፣ ዘሮቻችሁ እኔ የተሰቃየሁትን ሥቃይ፣ እንዲሁም ^ሀበእሳት የመሞት ስቃይን፣ ብዙዎች እንዲሰቃዩ ያደርጋሉ፤ እናም ይህ የሚሆነው በጌታ በአምላካቸው ደህንነት በማመናቸው ነው።

፲፮ እናም እንዲህ ይሆናል በክፋታችሁ የተነሳ በሁሉም አይነት በሽታ ትሰቃያላችሁ።

፲፯ አዎን፣ እናም በሁሉም ክንድ ^ሀትመታላችሁ፣ እናም የዱር መንጋ በዱርና ኃይለኛ አውሬዎች እንደሚነዱ፣ ወዲህና ወዲያ ትነዳላችሁም ትበተናላችሁም።

፲፰ እናም በዚያ ቀን ትታደናላችሁ፣ በጠላቶቻችሁ ክንድም ትወሰዳላችሁ፤ እናም ከዚያ በኋላ የሞትን ስቃይ ^ሀበእሳት እኔ እንደተሰቃየሁ ትሰቃያላችሁ።

፲፱ እንደዚህም እግዚአብሔር ህዝቡን በሚያጠፉት ላይ ^ሀበቀልን ያደርጋል። አቤቱ አምላኬ ነፍሴን ተቀበል።

፳ እናም አሁን፣ አቢናዲ እነኚህን ቃላት በተናገረ ጊዜ፣ በእሳት ሞቶ ወደቀ፤ አዎን፣ የእግዚአብሔርን ትዕዛዛት ባለመካዱ እንዲሞት በመደረጉ፣ የቃሉን እውነታ በሞቱ አተመው።