Jeje Ko Rekwojarjar
Mosaia 15


Jebta 15

Ekōjkan Kraist ej jim̧or Jemān im Nejin—Enaaj kōm̧m̧an jojomar im ineek bōd ko an armej ro An—Er im aolep rikanaan ro rekwōjarjar An rej ineen—E ej kakūrm̧ool Jerkakpeje eo—Ajri ro reddik ewōr aer mour indeeo. Iturinļo̧k 148 M.K.

1 Im kiiō Abinadai eba n̄an er: I kōņaan bwe kom̧in meļeļe bwe aAnij e make naaj wanlaļtak ilubwiljin ro nejin armej, im naaj blo̧mo̧o̧ren armej ro An.

2 Im kōnke e ajokwe ilo kanniōk naaj kūr E Nejin Anij, im kōnke eaar leļo̧k ānbwinnin eo n̄an ankilaan bJemān, E ej Jemān im eo Nejin—

3 Ej Jemān, akōnke kar bkeotak E jān kajoor in Anij; im eo Nejin, kōnke kanniōk, āindein E erom Jemān im Nejin—

4 Im er rej ajuon Anij, aaet, lukkuun bJemān cIndeeo in lan̄ im laļ.

5 Im āindein kanniōk eo ej pokake jetōb eo, eaar Nejin n̄an Jemān, ro rej juon Anij, E ej aen̄taan kōn kapo, im kōtļo̧k jaab n̄an kapo, a kōtļo̧k E make bwe ren kajjirere kake E, im bden̄ļo̧ke, im kadiwōjļo̧k, im ckatajinemjen e jān armej ro An.

6 Im ālikin aolep men in, ālikin jerbale elōn̄ mennin bwilōn̄ ko reļļap ilubwiljin ro nejin armej, naaj tōlļo̧k E, aaet, em̧ool aāinwōt Aiseia eaar ba, āinwōt sip eo im̧aan rim̧wijbar e wūdeakeak, innām ej bjab kōpeļļo̧k lo̧n̄iin.

7 Aaet, mekarta naaj tōlļo̧k E, adebwāāl E, im man E, kanniōk eo naaj pokake em̧ool mej, bankilaan Nejin naaj oran̄ļo̧k ilo ankilaan Jemān.

8 Im āindein Anij ej rupi ato ko an mej, kōnke Eaar bōk banjo̧ ioon mej; im leļo̧k n̄an Nejin kajoor n̄an kōm̧m̧an cjojomar n̄an ro nejin armej.

9 Im Eaar wanlōn̄ļo̧k ilo lan̄, im E obrak būruōn kōn tūriam̧o; im E obrak kōn jouj n̄an ro nejin armej; im E ej jutak ikōtaaer im ekajet; kōnke Eaar rupe to ko an mej, im bōk aIoon make nana ko im jero̧wiwi ko aer, im Eaar lo̧mo̧o̧ren er, im bkabun̄-būruōn akweļap ko an jim̧we.

10 Im kiiō ij ba n̄an kom̧, wōn enaaj kwaļo̧k epepen eo An? Lo, ij ba n̄an kom̧, bwe n̄e ānbwinnin kar kōm̧m̧an juon katok kōn jero̧wiwi Enaaj lo aineen. Im kiiō ta kom̧ij ba? Im wōn enaaj ineen?

11 Lo ij ba n̄an kom̧, bwe jabdewōt eo eaar ron̄ naan ko an arikanaan ro, aaet, aolep rikanaan ekwōjarjar ro rekar kanaan kōn itok eo an Irooj—ij ba n̄an kom̧, bwe aolep ro raar eo̧ron̄ naan ko aer, im kar tōmak bwe Irooj en kar lo̧mo̧o̧ren armej ro An, im kar reim̧aanļo̧k n̄an raan eo kōn jeorļo̧k in jero̧wiwi ko aer, ij ba n̄an kom̧, bwe rein rej ro ineen, ak er rej rijolōt e baelōn̄ in Anij.

12 Bwe rein rej ro jero̧wiwi ko aer aEaar ineeki; rein rej ro kōn er Eaar mej, n̄an lo̧mo̧o̧ren er jān jero̧wiwi ko aer. Im kiiō, rej ke jab ineen?

13 Aaet, im rejjab ke rikanaan ro, aolep kajjojo eo eaar kōpeļļo̧k lo̧n̄iin n̄an kanaan, im eaar jab wōtlo̧k ilo jero̧wiwi, meļeļe in aō aolep rikanaan ro rekwōjarjar jān jinoin kar laļ? Ij ba n̄an kom̧ bwe er rej ineen.

14 Im rein rej ro raar akajeeded aenōm̧m̧an, ro raar bōktok naan ko rem̧m̧an kōn em̧m̧an, ro raar kajeeded lo̧mo̧o̧r; im ba n̄an Zaion: Am̧ Anij ej irooj.

15 Im O ewi jon̄an em̧m̧an eo ioon toļ ko kar neer!

16 Im bar, ekōjkan an em̧m̧an eo ioon toļ ko ne ko neen ro rej kajeeded wōt aenōm̧m̧an.

17 Im bar, ekōjkan an em̧m̧an eo ioon toļ ko ne ko neen ro renaaj ālikin iien in kajeeded aenōm̧m̧an, aaet, jān iien im wōnm̧aanļo̧k im indeeo!

18 Im lo, ij ba n̄an kom̧, ej jab aolep in. Bwe ekōjkan em̧m̧an ioon toļ ko ane ko neen eo ej bōktok naan ko rem̧m̧an, eo ej rikajutak baenōm̧m̧an, aaet, em̧ool e Irooj, eo Eaar lo̧mo̧o̧ren armej ro An; aaet, E eo eaar letok lo̧mo̧o̧r n̄an armej ro An;

19 Bwe eļan̄n̄e eaar jab kōn Lo̧mo̧o̧ren eo Eaar kōm̧m̧an n̄an armej ro An, eo kar kōpooje jān apedped ko an laļ, ij ba n̄an kom̧, eļan̄n̄e eaar jab men in, aolep armej renaaj kar bjako.

20 A lo, to ko an mej naaj rupi, im eo Nejin ej irooj, im wōr An kajoor ioon mej; kōn menin, E ej kakūrm̧ool jerkakpeje an ro remej.

21 Im ewōr juon jerkakpeje ej itok, em̧ool jerkakpeje eo am̧oktata; aaet, em̧ool jerkakpeje eo an ro rekar, im ro rej, im ro renaaj, em̧ool m̧ae iien jerkakpeje eo an Kraist—bwe āindein naaj ān̄inn̄in E.

22 Im kiiō, jerkakpeje an aolep rikanaan ro, im aolep ro raar tōmak ilo naan ko aer, ak aolep ro raar kōjparok kien ko an Anij, naaj waļo̧ktok ilo jerkakpeje eo m̧oktata.

23 Renaaj jerkak n̄an apād ippān Anij eo Eaar lo̧mo̧o̧ren er; āindein ewōr aer mour indeeo kōn Kraist, eo eaar brupi to ko an mej.

24 Im rein rej er ro ewōr aer ilo jerkakpeje eo m̧oktata; im rein rej er ro raar mej m̧okta jān an Kraist kar itok, ilo aer jajeļo̧kijeņ, im jab kar kwaļo̧k alo̧mo̧o̧r n̄an er. Im āindein Irooj ej bōktok jepļaaktok eo an men kein; im er ewōr aer ilo jerkakpeje eo m̧oktata, ak ewōr aer mour indeeo, kōnke Irooj Eaar lo̧mo̧o̧ren er.

25 Im aajri ro reddik ewōr aer mour indeeo.

26 A lo, im amijak, im wūdiddid im̧aan Anij, bwe kom̧ij aikuj wūdiddid; bwe Irooj ej lo̧mo̧o̧ren ejjeļo̧k āinwōt in ej bjum̧ae E im cmej ilo jero̧wiwi ko aer; aaet, em̧ool aolep ro raar jako ilo jero̧wiwi ko aer jān ke laļ e an ijjino, ro raar m̧ōņōņō in jum̧ae Anij, ro raar jeļā kien ko an Anij, im kar jab kōjparoki; drein rej er ro eejjeļo̧k aer ilo jerkakpeje eo m̧oktata.

27 Kōn menin kom̧ij aikuj ke jab wūdiddid? Bwe lo̧mo̧o̧r ej itok n̄an ejjeļo̧k ro eier wōt in; bwe Irooj eaar pinmuuri ejjeļo̧k eier wōt in; aaet, im Irooj ejamin barāinwōt pinmuuri ro āier wōt in; bwe E ej jab maron̄ kariab E make; bwe E jamin kaarmejjete ajim̧we n̄e e bōk ijo an.

28 Im kiiō ij ba n̄an kom̧ bwe iien eo enaaj itok n̄e lo̧mo̧o̧r an Irooj naaj akajeeded e n̄an aolep laļ, im bwij ko, im lo ko, im armej.

29 Aaet, Irooj, ariiaron̄ron̄ ro Am̧ naaj kotak ainikier; kōn ainikien eo ippān doon renaaj al; bwe renaaj lo māj n̄an māj, n̄e Irooj Enaaj bar bōktok Zaion.

30 Kom̧in deblo̧k ilo lan̄lōn̄, al ippān doon, kom̧ jikin ko rewaan ilo Jerusalem; Bwe Irooj Eaar kaenōm̧m̧an armej ro An, Eaar pinmuuri Jerusalem.

31 Irooj Eaar kakeelwaan pein ekwōjarjar ilo mejān aolep laļ ko; im aolep jeban ko in laļ naaj lo lo̧mo̧o̧r an am Anij.