፩ እናም እንዲህ ሆነ ላማናውያን አሥር ተጨማሪ ዓመታት አስከሚያልፍ ድረስ በድጋሚ ለመዋጋት አልተመለሱም። እናም እነሆ፣ ምድሪቱንና የጦር መሳሪያዎችን ለጦርነት ጊዜ እንዲያዘጋጁ የሕዝቦቼ ኔፋውያን ጉልበታቸውን ተጠቀምኩ።

፪ እናም እንዲህ ሆነ ጌታ እንዲህ ሲል ተናገረኝ፥ ለዚህ ሕዝብ ጩኽ—ንሰሃ ግቡና፣ ወደእኔ ኑ፣ እናም ተጠመቁና፣ ቤተክርስቲያኔን በድጋሚ ሥሩ፣ እናም ትድናላችሁ።

፫ እናም ለዚህ ሕዝብ ጮህኩ፣ ነገር ግን በከንቱ ነበር፤ እናም እነርሱም ጌታ እንዳዳናቸውና ለንሰሃም ዕድል የሰጣቸው እርሱ እንደነበር አልተረዱም። እናም እነሆ በጌታ በአምላካቸውም ላይ ልባቸውን አጠጥረውት ነበር።

፬ እናም እንዲህ ሆነ ይህ አስረኛው ዓመት፣ በአጠቃላይ ክርስቶስ ከመጣ ሦስት መቶ ስልሳ ዓመት ካለፈ በኋላ የላማናውያን ንጉሥ ደብዳቤ ላከልኝ፣ ይኸውም እነርሱ ከእኛ ጋር ለጦርነት በድጋሚ ለመምጣት እንደሚዘጋጁ እንዳውቅ ነበር።

፭ እናም እንዲህ ሆነ ሕዝቤንም በዳርቻው ባለችው ከተማ በቀጭኑ ማለፊያ በምድሪቱ በስተደቡብ በኩል በሚወስደው ወደ ወደመችው ምድር በአንድነት እራሳቸውን እንዲሰበስቡ አደረግሁ።

፮ እናም ላማናውያን ማንኛውንም ምድራችንን እንዳይወስዱብን ወታደሮቻቸውን እናስቆማቸው ዘንድ ሠራዊታችንን እዚያ አስቀመጥን፤ ስለዚህ ባለን ኃይል ሁሉ ተጠቅመን መሸግንባቸው።

፯ እናም እንዲህ ሆነ በሦስት መቶ ስልሳ አንደኛው ዓመት ላማናውያን ከእኛ ጋር ለመዋጋት ወደ ወደመችው ከተማ ወረዱ፤ እናም እንዲህ ሆነ በዚያን ዓመት በድጋሚ ወደራሳቸው ምድር እስኪመለሱ አሸነፍናቸው።

፰ እናም በሦስት መቶ ስልሳ ሁለተኛው ዓመት በድጋሚ ለመዋጋት መጡ። እናም በድጋሚ አሸነፍናቸውና፣ ብዙ ቁጥር ያላቸውንም ገደልናቸው፣ ሙታኖቻቸውም ወደ ባሕር ተጣሉ።

፱ እናም እንግዲህ፣ ህዝቤ ኔፋውያን ባደረጉት በዚህ ታላቅ ነገር፣ በጉልበታቸው ^ሀተኩራሩና በሰማያት ፊትም በጠላቶቻቸው የተገደሉትን የወንድሞቻቸውን ደም እንደሚበቀሉ መማል ጀመሩ።

፲ እናም ከጠላቶቻቸው ጋር ^ሀለመዋጋትና ከምድረገፅም እነርሱን ለማጥፋት በሰማያትና ደግሞ በእግዚአብሔር ዙፋን መሀላን አደረጉ።

፲፩ እናም እንዲህ ሆነ እኔ፣ ሞርሞን፣ በዚህ ህዝብ ክፋትና እርኩሰት የተነሳ ከእንግዲህ የዚህ ህዝብ አዛዥና መሪ በፍጹም አልሆንም አልኩኝ።

፲፪ እነሆ፣ እነርሱን መርቼ ነበር፣ ኃጢአተኞች ቢሆኑም በብዙ ጊዜ በጦርነት መራኋቸውና፣ በውስጤ ባለው በእግዚአብሔር ^ሀፍቅር ከልቤ በሙሉ ወደድኳቸው፤ እናም ቀኑን ሙሉ ነፍሴ ለአምላኬ ስለእነርሱ ፀሎትን ታፈስ ነበር፤ ይሁን እንጂ፣ ልባቸውን በማጠጠራቸው ይህ ^ለበእምነት አልነበረም።

፲፫ እናም ለሦስት ጊዜም ከጠላቶቻቸው እጅ አስለቅቄአቸዋለሁ፣ እናም እነርሱ ለኃጢአቶቻቸው ንሰሃ አልገቡም ነበር።

፲፬ በጌታችንና በአዳኛችን በኢየሱስ ክርስቶስ ^ሀየተከለከሉትን በሙሉ በማሉ ጊዜ፣ እናም ከጠላቶቻቸው ጋር ለመዋጋትና የወንድሞቻቸውን ደም እራሳቸው ሊበቀሉ በሚሄዱበት ጊዜ፣ እነሆ የጌታ ድምፅ ወደ እኔም እንዲህ ሲል መጣ፥

፲፭ ^ሀበቀል የእኔ ነው፣ እናም ራሴ ^ለእከፍለዋለሁ፤ እናም ምክንያቱም ይህ ሕዝብ እኔ ካዳንኳቸው በኋላ ንሰሃ ስላልገቡ፣ እነሆ፣ እነርሱ ከምድረ ገፅ ይጠፋሉ።

፲፮ እናም እንዲህ ሆነ በድጋሚም ጠላቶቼ ላይ ለመሄድ በጥብቅ ተቃወምኩ፤ ልክ ጌታ እንዳዘዘኝ አደረግሁም፤ እናም ስለሚመጡት ነገሮች ስለመሰከረው የመንፈስ መገለጥ መሰረት፣ ስላየኋቸውና ስለሰማኋቸው ነገሮች ለዓለም ለመግለፅ ብቸኛ ምስክር በመሆን ቆምኩኝ።

፲፯ ስለዚህ ^ሀለእናንተ ለአህዛብና ደግሞ ሥራው በሚጀመርበት ጊዜ ወደ ትውልድ ምድራችሁ ለመመለስ ለምትዘጋጁት የእስራኤል ቤት ለሆናችሁት እጽፋለሁ፤

፲፰ አዎን፤ እነሆ፣ ለሁሉም ለዓለም ዳርቻ፣ አዎን፣ በኢየሩሳሌም ምድር ኢየሱስ በመረጣቸው በአስራ ሁለቱ ደቀመዛሙርት እንደስራችሁ ^ሀወደሚፈረድባችሁ ወደ እናንተ አስራ ሁለት የእስራኤል ነገዶች እጽፋለሁ።

፲፱ እናም በዚህች ምድር ኢየሱስ በመረጣቸው ^ሀበአስራ ሁለቱ ወደሚፈረድባቸው የሕዝቦች ቅሪት ደግሞ እጽፋለሁ፤ እናም እነርሱም ኢየሱስ በኢየሩሳሌም በመረጣቸው ይፈረድባቸዋል።

፳ እናም እነዚህን ነገሮች መንፈስ ለእኔ ይገልፅልኛል፤ ስለዚህ ለሁላችሁም እጽፋለሁ። በዚህም ምክንያት ሁላችሁም፣ አዎን፣ የአዳም ^ሀቤተሰብ የሆኑት እያንዳንዱ ነፍስ በክርስቶስ ^ለየፍርድ ወንበር ፊት መቆም እንዳለባችሁ እንድታውቁ እጽፋለሁ፤ እናም መልካምም ይሁን መጥፎ እንደስራችሁ እንዲፈረድባችሁ መቆም አለባችሁ።

፳፩ እናም ደግሞ በመካከላችሁ በሚሆነው የክርስቶስን ወንጌል ^ሀታምኑ ዘንድ፤ እናም ደግሞ የጌታ ቃል ኪዳን ሕዝብ የሆኑት ^ለአይሁዶች ከተመለከቱት፣ እናም ከሰሙት፣ ከገደሉት ከኢየሱስ በተጨማሪ፣ ^ሐየጥንቱ ክርስቶስና የጥንቱ አምላካቸው እንደነበረ ሌላ ^መምስክር ይኖራቸዋል።

፳፪ እናም በዓለም ዳርቻ ያላችሁ ^ሀሁሉ ንሰሃ እንድትገቡና በክርስቶስ የፍርድ ወንበር ፊት ለመቆም እንድትዘጋጁ ለማሳመን እፈልጋለሁ።