፩ አሁን እነሆ፣ እንዲህ ሆነ እኔ ያዕቆብ፣ ለህዝቤ በቃሌ ብዙ በማስተማሬ (እናም የእኛን ቃላት በሰሌዳዎቹ ላይ ለመቅረፅ ባለው ችግር የተነሳ፣ ከጥቂቶቹ ቃላቴ በስተቀር መፃፍ አልችልም) እናም በሰሌዳዎቹ ላይ የሚፃፉት ነገሮች መቅረት እንዳለባቸው እናውቃለን፤

፪ ነገር ግን ከሰሌዳዎቹ ውጪ የፃፍናቸው ምንም አይነት ነገሮች መደምሰስና መጥፋት አለባቸው፤ ነገር ግን በሰሌዳዎቹ ላይ ለልጆቻችን፣ እናም ደግሞ ለተወደዱት ወንድሞቻችን፣ እኛን በሚመለከት ወይም አባቶቻቸውን በተመለከተ—በትንሽ ደረጃ እውቀት የሚሰጡትን፣ ጥቂት ቃላት መፃፍ እንችላለን—

፫ አሁን በዚህ ነገር እንደሰታለን፤ እናም የተወደዱት ወንድሞቻችን እናም ልጆቻችን በምስጋና ልብ ይቀበሉት ዘንድ ተስፋ በማድረግ፣ እናም በደስታ እናም ያለማዘን፣ ያለንቀት ስለቀድሞ ወላጆቻቸው ለመማር ይመለከቱአቸው ዘንድ እነዚህን ቃላት በሰሌዳዎቹ ላይ ለመቅረፅ በትጋት እንሰራለን።

፬ ስለክርስቶስ ^ሀማወቃችንን፣ እናም እርሱ ከመምጣቱ ከብዙ መቶ ዓመታት በፊት በክብሩ ተስፋ እንደነበር ያውቁ ዘንድ፣ ለዚህ ዓላማ እነዚህን ነገሮች ፃፍን፤ እናም የክብሩ ተስፋ የነበረን እኛ ብቻ ሳንሆን ነገር ግን ከእኛ በፊት የነበሩት ቅዱሳን ^ለነቢያት ሁሉ ደግሞ ናቸው።

፭ እነሆ፣ በክርስቶስ አምነዋል እናም አብንም በስሙ አምልከዋል፣ ደግሞም እኛ አብን በስሙ ^ሀእናመልካለን። እናም ለዚህ ዓላማ የሙሴን ^ለህግ እንጠብቃለን፣ ነፍሳችንን ወደእርሱ ^ሐያመለክታልና፤ እንዲሁም ከእግዚአብሔርና ^መከአንድያ ልጁ ጋር አምሳልነት ያለው፣ ለአብርሃም በምድረበዳ ልጁን ይስሀቅን ለመስዋዕት በማቅረብ ለእግዚአብሔር ትዕዛዝ ታዛዥ ሆኖ እንደተቆጠረለት፣ ለዚህም ምክንያት ይህም ለፅድቅ ለእኛ ተቀድሷል።

፮ ስለሆነም፣ እኛ ነቢያትን እንመረምራለን፣ እናም ብዙ ራዕይና ^ሀየትንቢት መንፈስ አለን፤ እነዚህ ሁሉ ^ለምስክሮች ስላሉንም ተስፋን እናገኛለን፣ እናም እምነታችን የማይናወጥ ሆኖ በእውነት በኢየሱስ ^ሐስም ^መስንገስፅ ያም ዛፉ፣ ወይንም ተራራው ወይም የባህሩ ሞገድ ይታዘዝልናል።

፯ ይሁን እንጂ፣ በፀጋው እናም ለሰው ልጆች እራሱን ዝቅ በማድረጉ እነዚህን ነገሮች የማድረግ ኃይል እንዳለን እናውቅ ዘንድ ጌታ እግዚአብሔር ^ሀድክመታችንን ያሳየናል።

፰ እነሆ፣ የጌታ ስራ ታላቅና ድንቅ ነው። የእርሱ ^ሀሚስጥር ጥልቀት እንዴት ^ለየማይመረመር ነው፤ እናም ሰው የእርሱን መንገድ ሁሉ ፈልጎ ለማወቅ የማይቻል ነው። እናም ለእርሱ ካልተገለፀለት በቀር ማንም ሰው የእርሱን ^ሐመንገድ ^መአያውቅም፤ ስለሆነም፣ ወንድሞች፣ የእግዚአብሔርን ራዕይ አትናቁ።

፱ እነሆም፣ ^ሀሰው ^ለበቃሉ ኃይል ወደ ምድር ፊት መጥቷል፣ ምድርም በቃሉ ኃይል ተፈጥራለች። ስለሆነም፣ እግዚአብሔር መናገር ከቻለና፣ እንዲሁም ዓለም ከተፈጠረ፣ እና እርሱ ሲናገር ሰው ከተፈጠረ፣ አቤቱ ^ሐምድርን ወይም በዚህ ፊት ያለው የእጁ ስራ እንደርሱ ፈቃድና ደስታ ማዘዝ አይችልምን?

፲ ስለሆነም፣ ወንድሞቼ፣ ከእጁ ^ሀምክርን ለመቀበል እንጂ ጌታን ለመምከር አትሞክሩ። እነሆም፣ እናንተም ^ለበጥበብና፣ በፍርድ፣ እናም በታላቅ ምህረት፣ በስራው ላይ ሁሉ እንደሚመክር ታውቃላችሁ።

፲፩ ስለሆነም፣ የተወደዳችሁ ወንድሞች፣ እናም በክርስቶስ ባለው የትንሳኤ ኃይል መሰረት፣ ^ሀትንሳኤን ታገኙ ዘንድ፣ እናም እምነት በማግኘትና እራሱን በስጋ ከመግለጡ በፊት መልካም የሆነውን የክብሩን ተስፋ በማግኘት ለእግዚአብሔር የክርስቶስ ^ለየመጀመሪያው ፍሬ ሆናችሁ ትቀርቡ ዘንድ ^ሐበአንድያ ልጁ፣ በክርስቶስ ^መየኃጢያት ክፍያ ከእርሱ ታረቁ።

፲፪ እናም አሁን፣ የተወደዳችሁ፣ እነዚህን ነገሮች ስነግራችሁ አትገረሙ፤ እናም የእርሱን ፍጹም እውቀት ለማወቅና፣ የትንሳኤንና የሚመጣው ዓለም እውቀትን ለማግኘት የክርስቶስን የኃጢያት ክፍያ ለምን ^ሀአትናገሩም?

፲፫ እነሆ፣ ወንድሞቼ፣ ትንቢትን የሚናገር ሰዎች እንዲረዱት ዘንድ ትንቢት ይናገር፤ ^ሀመንፈስ እውነቱን ይናገራል እንጂ አይዋሽምና። ስለሆነም፣ እርሱ ነገሮች በእርግጥ ^ለእንዳሉ፣ እናም ነገሮች በእርግጥ እንደሚሆኑ ይናገራል፤ ስለሆነም፣ እነዚህ ነገሮች ለነፍሳችን ደህንነት ^ሐበግልፅ ተገልጠውልናል። ነገር ግን እነሆ፣ በእነዚህ ነገሮች እኛ ብቻ ምስክር አይደለንም፤ እግዚአብሔር ደግሞ ለጥንቶቹ ነቢያት ተናግሯቸዋልና።

፲፬ ነገር ግን እነሆ፣ አይሁዶች ^ሀአንገተ ደንዳና ህዝቦች ነበሩ፣ እናም ግልፁን ቃላት ^ለንቀዋል፣ ነቢያትን ገድለዋልም፣ መረዳት የማይችሉትን ነገሮች ተመኝተዋልም። ስለሆነም፣ ^ሐበመታወራቸው ምክንያት፣ እውርነቱም የሚመጣው ከሚገባው በላይ በማተኮር ነው፤ እነርሱ ይወድቁ ዘንድ አስፈላጊ ነው፤ ምክንያቱም እግዚአብሔር ግልፅነቱን ከእነርሱ ወስዷልና፣ እናም ስለፈለጉት ^መየማይረዱትን ብዙ ነገሮች ሰጥቷቸዋል። እናም እነርሱ ስለፈለጉት እግዚአብሔር አድርጎታል፣ ይህም እነርሱ ይሰናከሉበት ዘንድ ነው።

፲፭ እናም አሁን እኔ ያዕቆብ፣ ለመተንበይ በመንፈስ ተመርቻለሁ፤ በአይሁድ ^ሀመሰናከልም፣ በእርሱም ላይ የሚገነቡትን እንዲሁም የደህንነት መሰረት የሚያገኙበትን ^ለአለቱን ^ሐእንደማይቀበሉ በእኔ ባለው የመንፈስ ስራ ተረድቻለሁ።

፲፮ ነገር ግን እነሆ፣ እንደ ቅዱሳን መጽሐፍት መሰረት፣ ይህ አይሁዶች የሚገነቡበት ^ሀአለት፣ ታላቅና የመጨረሻና፣ በብቻ የተረጋገጠ ^ለመሰረት ይሆናል።

፲፯ እናም አሁን፣ ወዳጆቼ፣ እርግጠኛውን መሰረት ከካዱ በኋላ፣ የማዕዘን ራስ ይሆን ዘንድ በእርሱ ላይ ለመመስረት እነርሱ እነዚህን ^ሀእንዴት ማድረግ ይቻላቸዋል?

፲፰ እነሆ፣ የተወደዳችሁ ወንድሞቼ፣ በምንም መንገድ ከመንፈሴ ፅኑነት ከተነቃነቅኩኝ እና ስለእናንተ ባለኝ ጭንቀት ምክንያት ካልተሰናከልኩኝ፣ ይህን ሚስጥር ለእናንተ እገልጥላችኋለሁ።