1 En so kan ons sien hoe vals, en ook die onbestendigheid van die harte van die kinders van mense is; ja, ons kan sien dat die Here in sy groot oneindige goedheid diegene seën en ^avoorspoedig maak wat hulle ^bvertroue in Hom stel.

2 Ja, en ons mag sien dat in dieselfde tyd wanneer Hy sy volk voorspoedig maak, ja, in die aanwas van hulle lande, hulle kleinvee en hulle grootvee, en in goud en in silwer, en in allerlei soorte kosbare dinge van elke tipe en vakmanskap; deur hulle lewens te spaar, en hulle te verlos uit die hande van hulle vyande; deur die harte te versag van hulle vyande dat hulle nie oorloë sou verklaar teen hulle nie; ja, en kortom, alle dinge doen vir die welvaart en geluk van sy volk; ja, dan is dit die tyd dat hulle hul harte ^averhard, en die Here hulle God vergeet, en die Heilige Een onder hulle voete ^bvertrap—ja, en dit vanweë hulle gemak, en hulle uitermate groot voorspoed.

3 En so sien ons dat tensy die Here sy volk ^akasty met baie verdrukkinge, ja, tensy Hy hulle besoek met die dood en met verskrikking, en met hongersnood en met allerhande soorte pestilensie, sal hulle Hom nie ^bonthou nie.

4 O hoe dwaas, en hoe ydel, en hoe boos, en duiwels, en hoe ^agou om ongeregtigheid te doen, en hoe traag om goed te doen, is die kinders van mense; ja, hoe gou om ag te slaan op die woorde van die bose een, en om hulle ^bharte te rig op die ydele dinge van die wêreld!

5 Ja, hoe gou om opgehef te word in ^ahoogmoed; ja, hoe gou om te roem, en om allerlei soorte van dit te doen wat ongeregtig is; en hoe traag is hulle om die Here hulle God te onthou, en om die oor te neig na sy raadgewinge, ja, hoe traag om te ^bwandel in wysheid se weë!

6 Kyk, hulle begeer nie dat die Here hulle God, wat hulle ^ageskape het, moes ^bregeer en heers oor hulle nie; nieteenstaande sy groot barmhartigheid en sy genade teenoor hulle, ag hulle sy raadgewinge as niks, en hulle wil nie hê dat Hy hulle gids moet wees nie.

7 O, hoe groot is die ^anietigheid van die kinders van mense; ja, hulle is selfs minder as die stof van die aarde.

8 Want kyk, die stof van die aarde beweeg hiernatoe en daarnatoe, tot die uitmekaarskeiding op die bevel van ons groot en ewige God.

9 Ja, kyk, deur sy stem sidder en ^abewe die heuwels en die berge.

10 En deur die ^akrag van sy stem word hulle opgebreek en word gelykgemaak, ja, net soos ’n vallei.

11 Ja, deur die krag van sy stem skud die ^ahele aarde;

12 Ja, deur die krag van sy stem skud die fondamente selfs tot in die middel.

13 Ja, en as Hy aan die aarde sê—Beweeg—dan word dit beweeg.

14 Ja, as Hy aan die ^aaarde sê—Jy sal ^bteruggaan, dat dit die dag met baie ure ^cverleng—word dit gedoen.

15 En dus, volgens sy woord, gaan die aarde terug, en dit lyk vir die mens asof die son stilstaan; ja, en kyk, dit is so; want sekerlik is dit die aarde wat beweeg en nie die son nie.

16 En kyk, ook, as Hy aan die ^awaters van die groot diepte sê—^bWees julle opgedroog—word dit gedoen.

17 Kyk, as Hy aan hierdie berg sê—Lig jou op, en ^akom oor en val op daardie stad, sodat dit begrawe word—kyk, dit is gedoen.

18 En kyk, as ’n man ’n skat ^awegsteek in die aarde, en die Here sal sê—Laat dit ^bvervloek wees, vanweë die ongeregtigheid van hom wat dit weggesteek het—kyk, dit sal vervloek wees.

19 En as die Here sal sê—Wees jy vervloek, sodat geen mens jou sal vind van nou af en vir ewig nie—kyk, geen mens kry dit van nou af en vir ewig nie.

20 En kyk, as die Here aan ’n man sal sê—Vanweë jou ongeregtighede, sal jy vir ewig vervloek wees—sal dit gedoen wees.

21 En as die Here sal sê—Vanweë jou ongeregtighede sal jy afgesny word van my teenwoordigheid—sal Hy gee dat dit so sal wees.

22 En wee hom aan wie Hy dit sal sê, want dit sal aan hom wees wat ongeregtigheid sal doen, en hy kan nie gered word nie; daarom, om hierdie rede, dat die mens gered mag word, is bekering verkondig.

23 Daarom, ^asalig is hulle wat sal bekeer en ag slaan op die stem van die Here hulle God; want hierdie is hulle wat gered sal word.

24 En mag God gee, in sy groot volheid, dat die mens gebring mag word tot bekering en goeie werke, sodat hulle herstel mag word tot genade op ^agenade, volgens hulle werke.

25 En ek wil hê dat alle mense gered mag word. Maar ons lees dat op die groot en laaste dag daar sommiges is wat uitgewerp sal word, ja, wat uitgewerp sal word uit die teenwoordigheid van die Here;

26 Ja, wat toegewys sal word tot ’n toestand van eindelose ellende, om die woorde te vervul wat sê: Hulle wat goed gedoen het, sal die ^aewigdurende lewe hê; en hulle wat boosheid gedoen het, sal ewigdurende ^bverdoemenis hê. En so is dit. Amen.