Jebta 4
Kar jiron̄ Moronai bwe en sili jeje ko an ļeo jein im jatin Jered—Rej jamin naaj waļo̧k m̧ae iien armej ewōr an tōmak em̧ool āinwōt ļeo jein im jatin Jered—Kraist ej jiron̄ armej n̄an lōke naan ko An im ko an ro rikaļooran—Armej kar jiron̄ e n̄an ukeļo̧k, lōke gospel eo, im bōk mour.
1 Im Irooj eaar jiron̄ ļeo jein im jatin Jered n̄an wanlaļļo̧k jān toļ eo jān im̧aan mejān Irooj, im ajeje men ko eaar loi; im kar kōmo̧ik aer itok n̄an ro nejin armej m̧ae bālikin Enaaj kar toto ioon debwāāl; im kōn un in kiin̄ Mosaia eaar kōjparoki, bwe ren jab kar itok n̄an laļ m̧ae ālikin Kraist en kar kwaļo̧ke n̄an armej ro An.
2 Im ālikin Kraist em̧ool eaar kwaļo̧ke n̄an armej ro An Eaar jiron̄ er bwe ren maron̄ kabun̄bun̄ļo̧ki.
3 Im kiiō, ālikin men in, rekar aolep idakunkunļo̧k ilo jab tōmak; im eaar ejjeļo̧k juon ijello̧kun wōt riLeman ro, im rekar jab bōk gospel eo an Kraist; kōn menin kar jiron̄ eō bwe in bar aņooji ilo bwidej.
4 Lo, ikar jeje ioon pileij kein lukkuun men ko ļeo jein im jatin Jered eaar loi; im ejjan̄in kar wōr men eļapļo̧k kwaļo̧ki jān ko kar kwaļo̧ki n̄an ļeo jein im jatin Jered.
5 Kōn menin Irooj eaar jiron̄ eō bwe in jei; im iaar jei. Im Eaar jiron̄ eō bwe en asili; im eaar barāinwōt jiron̄ eō bwe in sili kein ukok ko; kōn menin iaar sili bkein ukok ko, ekkar n̄an naan in jiron̄ eo an Irooj.
6 Bwe Irooj eaar ba n̄an eō: Renaaj jamin ilo̧k n̄an ro riAelōn̄ ko m̧ae raan eo renaaj ukeļo̧k jān nana ko aer, im erreo im̧aan Irooj.
7 Im ilo raan eo renaaj kwaļo̧k lōke ilo N̄a, Irooj ej ba, em̧ool āinwōt ļeo jein im jatin Jered eaar kōm̧m̧an, bwe ren maron̄ erom akwōjarjar ilo N̄a, innām Inaaj kwaļo̧k n̄an er men ko ļeo jein im jatin Jered eaar loi, em̧ool n̄an erļo̧ke n̄an er aolep revelesōn ko Aō, Jisōs Kraist ej ba, eo Nejin Anij, bJemān lan̄ ko im laļ, im men ko otemjej ilowaer.
8 Im eo enaaj ajum̧ae naan eo an Irooj, e en anatema; im e eo enaaj bkariab men kein, en anatema; bwe n̄an er Inaaj kwaļo̧k cejjeļo̧k eļapļo̧k men ko, Jisōs Kraist ej ba; bwe N̄aij Eo ej kōnono.
9 Im ilo Aō naan in jiron̄ lan̄ ko rej peļļo̧k im rej akilōk; im ilo Aō innaan blaļ ej m̧akūtkūt; im ilo Aō naan in jiron̄ ro kobbaer renaaj jako, em̧ool āinwōt jān kijeek.
10 Im E eo ej jab tōmak naan ko Aō ej jab tōmak ro rikaļoora; im eļan̄n̄e enaaj āindein bwe N̄aij jab kōnono, kom̧in ekajet; bwe kom̧ naaj jeļā bwe e ej N̄a eo ej kōnono, ilo araan eo āliktata.
11 Im e eo ej atōmak men kein ko Iaar kōnono e Inaaj loļo̧k kōn alikkar ko in Jetōb eo Aō, im enaaj jeļā im naaj jeje. Bwe kōnke Jetōb eo Aō enaaj bjeļā bwe men kein crem̧ool; bwe rej karreel armej n̄an kōm̧m̧an em̧m̧an.
12 Im jabdewōt men ej karreel armej n̄an kōm̧m̧an em̧m̧an ej jān Eō; bwe aem̧m̧an ej itok jān ejjeļo̧k ijello̧kun wōt Eō. N̄aij ejja eo wōt ej tōl armej n̄an aolep em̧m̧an; e eo ej bjab tōmak naan ko aō enaaj jamin tōmak Eō—bwe I mour; im e eo e jamin naaj tōmak Eō e jamin naaj tōmak Jema eo eaar jilkintok Eō. Bwe lo, N̄aij Jemān, N̄aij cmeram eo, im dmour eo, im m̧ool eo an laļ.
13 Kom̧in aitok n̄an Eō, O kom̧ ro riAelōn̄ ko, im Inaaj kwaļo̧k n̄an kom̧ men ko reļļap, jeļāļo̧kjeņ eo me ej ņojak kōnke jab tōmak.
14 Kom̧in itok n̄an Eō, O kom̧ m̧weo im̧ōn Israel, im enaaj awaļo̧k n̄an kom̧ ekōjkan an ļap men ko Jemān eaar kōpooj n̄an kom̧, jān pedped eo an laļ; im eaar jab itok n̄an kom̧, kōnke jab tōmak.
15 Lo, n̄e kom̧ naaj kekōl rōn̄el nuknuk in jab tōmak eo ej kōm̧m̧an bwe kom̧in pād ilo tam̧m̧we in jero̧wiwi eo ami, im pen in būruōmi, im pilo in koļmānļo̧kijeņ, innām naaj men ko reļļap im kabwilōn̄lōn̄ ko rekar aņojak jān pedped eo an laļ jān kom̧—aaet, n̄e kom̧ naaj kūr ioon Jemān ilo Eta, kōn bōro eo erup im jetōb eo ettā, innām kom̧ naaj jeļā bwe Jemān e eaar keememej bujen eo Eaar kōm̧m̧an n̄an ro jemāmi, O m̧weo im̧ōn Israel.
16 Innām naaj arevelesōn ko Aō ko Iaar kōm̧m̧an bwe ren jeje jān eo karejera Jon naaj erļo̧k ilo mejān aolep armej. Keememej, n̄e kom̧ij lo men kein, kom̧ naaj jeļā bwe iien eo epaak bwe renaaj waļo̧k ilo lukkuun m̧akūtkūt.
17 Kōn menin, an̄e kom̧ naaj bōk ļo̧o̧k in kom̧ maron̄ jeļā bwe jerbal eo an Jemān ej ijjino ioon aolepān mejān āneo.
18 Kōn menin, aukeļo̧k aolep kom̧ jeban ko in laļ, im itok n̄an Eō, im tōmak gospel eo Aō, im bpeptaij ilo Eta; bwe eo ej tōmak im ej peptaij e naaj mour; a eo ej jab tōmak naaj jako; im ckakōļļe ko renaaj ļoor ro rej tōmak ilo Eta.
19 Im em̧ōņōņō eo lo ke e aniknik n̄an Eta ilo raan eo āliktata, bwe naaj kotak e n̄an jokwe ilo aelōn̄ eo kōpooj n̄an e jān bpedped eo an laļ. Im lo ej N̄a eo eaar kōnono men in. Amen.