Jeje Ko Rekwojarjar
Ether 3


Jebta 3

Ļeo jein im jatin Jered ej lo jānit in pein Irooj ke E ej un̄ūri jon̄ouljiljino dekā—Kraist ej kwaļo̧k ānbwinnin Jetōb eo An n̄an ļeo jein im jatin Jered—Ro ewōr aer jeļā eweeppān jab maron̄ dāpij e jān ilowaan rōn̄el nuknuk eo—Kein ukok ko kar kōpooji n̄an bōktok ļo̧o̧k eo an riJered ro n̄an meram.

1 Im ālikin men kein ļeo jein im jatin Jered, (kiiō oran wa ko kar kōpooji eaar ruwalitōk) eaar ilo̧k n̄an toļ eo, eo raar ņa etan toļ Selem, kōnke eaar utiejen eaar utiej otem utiej, im eaar kaōnļo̧k jān juon ejm̧aan jon̄ouljiljino dekā; im raar mouj im alikkar, em̧ool āinwōt glass; im eaar būki ilo pein ioon toļ eo, im bar kūr n̄an Irooj, im ba:

2 O Irooj, Kwaar ba bwe kōm aikuj naaj pooļ kōn ibwijleplep ko. Kiiō lo, O Irooj, im jab ļōkatip ippān eo karejeram̧ kōnke an m̧ōjņo̧ Im̧aam̧; bwe kōm jeļā Kwokwōjarjar im kwōj jokwe ilo lan̄ ko, im bwe kōm ij jab tōllo̧ke pād Im̧aam̧; kōnke awōtlo̧k in bnememe eo am eaar erom nana wōt; mekarta, O Irooj, Kwaar letok n̄an kōm juon kien bwe kōmin aikuj kūr Ioom̧, bwe jān Eok kōm maron̄ bōk ekkar n̄an kōņaan ko am.

3 Lo, O Irooj, Kwaar den̄ļo̧k kōm kōnke jero̧wiwi eo am, im kar lukwarkwareļo̧k kōm, im kōn iiō lōn̄lōn̄ kein kōm ar pād ilo āne jem̧aden; mekarta, Kwaar atūriam̧okake kōm. O Irooj, Kwōn kalimjek eō ilo būrom̧ōj, im kajeorļo̧k Am̧ illu jān rein ro Am̧ armej, im jab kōtļo̧k bwe ren naaj ilo̧k ilo kijoone m̧wilaļ in e kijon̄ ilo maroklep; a lale men kein ko iaar kaōnļo̧k jān ejm̧aan eo.

4 Im i jeļā, O Irooj, bwe kwe Am̧ aolep akajoor, im maron̄ kōm̧m̧an jabdewōt men kwōnaaj n̄an jeraam̧m̧an an armej; kōn menin un̄ūr dekā kein, O Irooj, kōn jānit in Peim, im kōpooj er bwe ren maron̄ romaakļo̧k ilo maroklep; im renaaj romaakļo̧k n̄an kōm ilo wa ko kōm ar kōpooji, bwe en maron̄ wōr am romrom n̄e kōm naaj kijoone lo̧jet in.

5 Lo, O Irooj, Kwo maron̄ kōm̧m̧ane men in. Kōm jeļā bwe Kwo maron̄ kwaļo̧k tok Am̧ kajoor eļap, eo aāinwōt edik n̄an meļeļe an armej.

6 Im ālikin men kein ke ļeo jein im jatin Jered eaar ba men kein, lo, aIrooj eaar erļo̧ke pein im un̄ūr dekā ko juon ilo̧k juon kōn akkiin pein. Im brōn̄el nuknuk eo kar bōkļo̧k jān mejān ļeo jein im jatin Jered, im eaar lo akkiin pein Irooj; im eaar āinwōt akkiin pein juon armej, āinwōt n̄an kanniōk im bōtōktōk; im ļeo jein im jatin Jered eaar wōtlo̧k laļļo̧k im̧aan Irooj, bwe ekar obrak kōn lōļn̄o̧n̄.

7 Im Irooj eaar lo bwe ļeo jein im jatin Jered eaar wōtlo̧k n̄an laļ; im Irooj eba n̄an e: Kwōn jutak, etke kwaar wōtlo̧k?

8 Im eaar ba n̄an Irooj: Iaar lo akkiin pein Irooj, im iaar mijak n̄e E ab den̄ļo̧k eō; bwe iaar jab jeļā bwe Irooj ewōr kanniōk im bōtōktōkin.

9 Im Irooj eba n̄an e: Kōnke am̧ tōmak kwaar lo bwe Inaaj bōk Ioō akanniōk im bōtōktōk; im ejjan̄in kar wōr armej eaar itok Im̧aō kōn tōmak in ekanooj ļap āinwōt kwaar itok; bwe n̄e eaar jab āindein kom̧ jamin maron̄ kar lo akkiin Peiū. Kwaar ke lo eļapļo̧k jān in?

10 Im eaar uwaak: Jaab; Irooj, kwōn kwaļo̧k Eok n̄an eō.

11 Im Irooj eba n̄an e: Kwōj tōmak ke naan ko Inaaj kōnono?

12 Im eaar uwaak: Aaet, Irooj, i jeļā bwe Kwōj kōnono m̧ool eo, bwe Kwe kwōj juon Anij in m̧ool, im ajab maron̄ riab.

13 Im ālikin an ba naan kein, lo, Irooj eaar akwaļo̧ke n̄an e, im ba: bKōnke kwo jeļā men kein em̧ōj lo̧mo̧o̧ren eok jān wōtlo̧k eo; kōn menin em̧ōj bar kōro̧o̧ltok eok im̧aan Meja; kōn menin Ij ckwaļo̧k Eō n̄an eok.

14 Lo, N̄a eo kar kōpooje jān pedped eo an laļ n̄an apinmuuri armej ro Aō. Lo, N̄a Jisōs Kraist. N̄aij bJemān im Nejin. Ilo N̄a aolep armej naaj cmour, im bwe indeeo, em̧ool er ro renaaj lōke ioon Eta; im renaaj erom dm̧aan im kōrā ro nejū.

15 Im Ij jan̄in kar kwaļo̧k Eō n̄an armej eo Iaar kōm̧anm̧an e, bwe ejjan̄in kar wōr armej eaar alōke Eō āinwōt kwaar. Kwōj lo ke bwe kwe kar kōm̧anm̧an eok ilo̧kan bnemāmeō? Aaet, em̧ool aolep armej kar kōm̧anm̧an ilo jinoin ilo̧kan nemāmeō make.

16 Lo, ānbwin in, eo kwōj lo kiiō, ej ānbwinnin aJetōb eo Aō; im armej Iaar kōm̧anm̧an ālikin ānbwinnin Aō jetōb; im em̧ool āinwōt Ij waļo̧k n̄an kwe ilo Jetōb Inaaj waļo̧k n̄an armej ro Aō ilo kanniōk.

17 Im kiiō, kōnke n̄a, Moronai, iaar ba ij jab maron̄ kōm̧m̧an tarlep in bwebwenato in men kein ko iaar jeje, kōn menin ebwe bwe in ba bwe Jisōs eaar kwaļo̧ke n̄an ļein ilo jetōb, em̧ool ālikin wāween eo im ilo jekjek in juon ejja ānbwin em̧ool āinwōt Eaar akwaļo̧ke n̄an riNipai ro.

18 Im Eaar jipan̄ e em̧ool āinwōt Eaar jipan̄ riNipai ro; im aolep men in, bwe ļein en maron̄ jeļā bwe Eaar Anij, kōnke jerbal ko reļļap ko Irooj eaar kwaļo̧k n̄an e.

19 Im kōnke jeļā eo an ļein jamin kar dāpij e jān lo ilowaan arōn̄el nuknuk eo; im eaar lo akkiin Jisōs, eo, ke eaar lo e, eaar wōtlo̧k kōn lōļn̄o̧n̄; bwe eaar jeļā ke eaar akkiin Irooj; im eaar wōr an tōmak ļo̧k wōt, bwe eaar jeļā, ejjeļo̧k pere.

20 Kōn menin, kōnke eaar wōr an jeļā eweeppān kōn Anij, e ajamin kar dāpij jān ilowaan rōn̄el nuknuk eo; kōn menin eaar lo Jisōs; im Eaar jipan̄ e.

21 Im ālikin men kein Irooj eaar ba n̄an ļeo jein im jatin Jered: Lo, kwōj jamin naaj kōtļo̧k men kein ko kwaar lo im ron̄ n̄an ilo̧k n̄an laļ, m̧ae aiien eo ej itok bwe Inaaj kaiboojoj Eta ilo kanniōk; kōn menin kwōnaaj ko̧koņ ilo buruōm̧ men ko kwaar lo im ron̄, im kwaļo̧ke n̄an ejjeļo̧k armej.

22 Im lo, n̄e kwōnaaj itok n̄an Eō, kwōnaaj jei im naaj sili, bwe ejjeļo̧k juon en maron̄ ukōti; bwe kwōnaaj jei ilo juon kajin bwe ren jab maron̄ kōnono jān e.

23 Im lo, adekā kein ruo Inaaj liwōj n̄an eok, im kwōnaaj sili barāinwōt ippān men ko kwōnaaj jeje.

24 Bwe lo, kajin eo kwōnaaj jeje Iaar pukwōje; kōn menin Inaaj kōm̧m̧an ilo iien Aō make bwe dekā kein ren naaj kōļapļo̧k n̄an mejān armej men kein ko kwōnaaj jeje.

25 Im ke Irooj Eaar ba naan kein, Eaar kwaļo̧k n̄an ļeo jein im jatin Jered aaolep ro ioon laļ ro rekar pād, im barāinwōt aolep ro renaaj pād; im Eaar jab dāpij jān mejān, em̧ool n̄an jem̧ļo̧k ko in laļ.

26 Bwe Eaar ba n̄an e ilo iien ko m̧okta, bwe aeļan̄n̄e En kar btōmak ilo E bwe E en kar kwaļo̧k n̄an e cmen otemjej—eaikuj kar kwaļo̧k n̄an e, kōn menin Irooj eaar jab maron̄ dāpij jabdewōt jān e, bwe eaar jeļā bwe Irooj eaar maron̄ kwaļo̧k n̄an e men otemjej.

27 Im Irooj eaar ba n̄an e: Kwōn jeje men kein im asili; im Inaaj kwaļo̧ki ilo iien eo Aō make n̄an ro nejin armej.

28 Im ālikin men kein Irooj eaar jiron̄ e bwe en sili adekā ko ruo ko eaar būki, im jab kwaļo̧ki, m̧ae iien Irooj en kar kwaļo̧k er n̄an ro nejin armej.