Jeje Ko Rekwojarjar
Alma 11


Jebta 11

Wāween kōm̧akūtkūt jāān an riNipai ro kōmmeļeļeiki—Amulek ej akwāāl ippān Ziezrom—Kraist E jamin lo̧mo̧o̧ren armej ilo jero̧wiwi ko aer—Ro wōt rej jolōte aelōn̄ in lan̄ rej mour—Aolep armej naaj jerkak ilo mour indeeo—Ejjeļo̧k mej ālikin jerkakpeje. Iturinļo̧k 82 M.K.

1 Kiiō eaar ilo kien in Mosaia bwe aolep armej eo eaar juon riekajet in kien, a ro kar jitōn̄ er n̄an riekajet ro, eaikuj bōk wōņāān ko ekkar n̄an iien ko raar jerbal n̄an ekajet ro kar bōktok im̧aer n̄an ekajet e.

2 Kiiō eļan̄n̄e juon armej e m̧uri ippān bar juon, im e ejjab kōļļā men eo e m̧uri, kar abņōņō kake e n̄an riekajet eo; im riekajet ej kōjerbal maron̄, im jilkinļo̧k opija ro n̄an bōktok armej eo im̧aan e; im ej ekajet armej eo ekkar n̄an kien eo im kein kam̧ool ko kar bōktok ņae e, im āindein armej eo kipel e n̄an kōļļā men eo e m̧uri, a bōk jān m̧weien, a joļo̧k jān ilubwiljin armej ro kōnke e riko̧o̧t im rirakimi.

3 Im riekajet eaar bōk wōņāān ekkar n̄an an iien—juon sinain in gold n̄an juon raan, ak juon sinum in silver, eo ej jon̄an wōt juon sinain in gold; im men in ej ekkar n̄an kien eo kar leļo̧k.

4 Kiiō erkein āt ko etan m̧ōttan gold ko aer, im aer silver, ekkar n̄an aer aorōk. Im āt kein kar litok jān riNipai ro, ko raar jab jon̄ok ālikin wāween an riJu ro ilo Jerusalem; ak raar jab jon̄jon̄ ālikin wāween ko an riJu ro; a raar ukōte aer jon̄ok im aer jon̄jon̄; ekkar n̄an ļōmņak ko im jekjek ko armej ro rej pād ie, ilo epepen otemjej, men iien tōl an riekajet ro, im raar akajutak in kiin̄ Mosaia.

5 Kiiō jon̄jon̄ eo ej āindein—juon sinain in gold, juon sion in gold, juon sum in gold, im juon limna in gold.

6 Juon sinum in silver, juon amnor in silver, juon ezrom in silver, im juon onti in silver.

7 Juon sinum in silver ej jon̄an wōt juon sinain in gold, im jon̄an wōt juon jon̄ok in barli, im barāinwōt juon jon̄ok in jabdewōt grain.

8 Kiiō jon̄an juon sion in gold eaar ruo alen aorōkin juon sinain.

9 Im juon sum in gold eaar ruo alen aorōkin juon sion.

10 Im juon limna in gold eaar aorōkier aolep.

11 Im juon amnor in silver eaar jon̄an an ļap wōt ruo sinum.

12 Im juon ezrom in silver eaar jon̄an an ļap wōt emān sinum.

13 Im juon onti eaar jon̄an an ļap wōt aorōkier aolep.

14 Im en̄in ej aorōk in bōnbōn ko reddik ilo jon̄ok ko aer—

15 Juon siblon ej jimattan in juon sinum; kōn menin juon siblon n̄an jimattan juon jon̄ok in barli.

16 Im juon siblum ej jimattan in juon siblon.

17 Im juon lia ej jimattan in juon siblum.

18 Kiiō en̄in ej aer bōnbōn, ekkar n̄an aer jon̄ok.

19 Kiiō juon ention in gold ej jon̄an wōt jilu siblon.

20 Kiiō, eaar n̄an wōt jibadbad in bōk ļapļo̧k, kōnke raar bōk wōņāer ekkar n̄an jerbal ko aer, kōn menin raar kalim̧otak armej ro n̄an kitōltōl ko, im aolep wāween poktak im nana otemjeļo̧k, bwe ren maron̄ lōn̄ļo̧k aer jerbal, bwe ren maron̄ abōk jāān ekkar n̄an abņōņō ilo kien ko kar būkitok im̧aer, kōn menin raar kalim̧otak armej ro ņae Alma im Amulek.

21 Im Ziezrom in eaar jino kajitūkin Amulek, im ba: Kwōnaaj uwaak eō jet kajjitōk ko inaaj kajitūkin eok? Kiiō Ziezrom eaar juon em̧m̧aan eo eaar tijem̧ļo̧k ilo aaujiid ko an devil, bwe en maron̄ ko̧kkure men eo em̧m̧an; kōn menin, eaar ba n̄an Amulek: Kwōn uwaak ke kajjitōk ko inaaj liwōj n̄an eok?

22 Im Amulek eaar ba n̄an e: Aaet, eļan̄n̄e ej ekkar n̄an aJetōb in Irooj, eo ej ilo n̄a; bwe i jamin ba jabdewōt āinjuon jān Jitōbōn Irooj. Im Ziezrom ej ba n̄an e: Lo, ije ewōr jiljino onti in silver, im aolep men kein inaaj liwōj n̄an eok eļan̄n̄e kwōnaaj kariab ke ewōr Juon Ekajoor Bōtata.

23 Kiiō Amulek eba: O kwe anejin hell, etke kwōj bkapo eō? Kwōj jab jeļā ke bwe riwānōk ej jab po ilo kapo rot kein?

24 Kwōj tōmak ke bwe ejjeļo̧k Anij? Ij ba n̄an eok, Jaab, kwo jeļā bwe ewōr juon Anij, a kwōj iakwe am̧ani arōk eļapļo̧k jān E.

25 Im kiiō kwaar liāp im̧aan Anij n̄an eō. Kwōj ba n̄an eō—Lo onti kein jiljino, ko rej kanooj aorōk, inaaj liwōj n̄an eok—ak kwōj likūt ilo būruōn n̄an dāpij er jān eō; im eaar am̧ wōt kōņaan bwe in kariab Anij em̧ool im emour, bwe kwōn maron̄ kōm̧m̧an bwe in jako. Im kiiō lo, kōn nana in eļap kwōnaaj bōk woņeam̧.

26 Im Ziezrom ej ba n̄an e: Kwōj ba ke bwe ewōr juon Anij em̧ool im emour?

27 Im Amulek eba: Aaet, ewōr juon Anij em̧ool im mour.

28 Kiiō Ziezrom eba: Elōn̄ļo̧k ke jān juon Anij?

29 Im eaar uwaake, Jaab.

30 Kiiō Ziezrom ej ba n̄an e bar juon alen: Ekōjkan am̧ jeļā men kein?

31 Im eba: Juon aenjeļ eaar kwaļo̧ki n̄an eō.

32 Im Ziezrom ej bar ba: Wōn in Enaaj itok? E in Nejin Anij ke?

33 Im eba n̄an e, Aaet.

34 Im Ziezrom ej bar ba: Enaaj ke lo̧mo̧o̧ren armej ro An ailo jero̧wiwi ko aer? Im Amulek eaar uwaak im ba n̄an e: Ij ba n̄an eok bwe E jamin, bwe E ej jab maron̄ jum̧ae naan ko An.

35 Kiiō Ziezrom ej ba n̄an armej ro: Lale bwe kom̧in keememej men kein; bwe e ej ba ewōr juon wōt Anij; a ej ba bwe eo Nejin Anij enaaj itok, ak e jamin naaj lo̧mo̧o̧ren armej ro An—āinwōt n̄e eaar wōr an maron̄ n̄an kipel Anij.

36 Im Amulek e bar ba n̄an e: Lo kwaar riab, bwe kwaar ba bwe iaar kōnono āinwōt n̄e ewōr aō maron̄ n̄an kipel Anij kōnke iaar ba E jamin naaj lo̧mo̧o̧ren armej ro An ilo jero̧wiwi ko aer.

37 Im ij bar ba n̄an eok bwe E jab maron̄ lo̧mo̧o̧ren er ailo jero̧wiwi ko aer; bwe i jab maron̄ kariab naan ko An, im Eaar ba bwe bejjeļo̧k juon men ettoon emaron̄ jolōte caelōn̄ in lan̄; kōn menin, ekōjkan ami maron̄ mour, ijello̧kun wōt n̄e kom̧ij jolōte aelōn̄ in lan̄? Kōn menin, kom̧ij jab maron̄ bōk lo̧mo̧o̧r ilo jero̧wiwi ko ami.

38 Kiiō Ziezrom ej bar ba n̄an e: E eo Nejin Anij lukkuun in Jemān Indeeo?

39 Im Amulek ej ba n̄an e: Aaet, E ej lukkuun aJemān Indeeo in lan̄ im n̄an laļ, im baolep men ko ilowaer; E ej jinoin im jem̧ļo̧kin, eo m̧oktata im eo āliktata;

40 Im Enaaj itok n̄an alaļ n̄an blo̧mo̧o̧ren armej ro An; im Enaaj cbōk ioon E jero̧wiwi ko an ro rej tōmak ilo etan; im rein rej er ro naaj bōk mour indeeo, im lo̧mo̧o̧r ej itok jaab n̄an bar juon.

41 Kōn menin rijero̧wiwi rej pād wōt āinwōt n̄e eaar aejjeļo̧k lo̧mo̧o̧r kōm̧m̧ane, ijello̧kun wōt kōtļo̧k to ko an mej; bwe lo, raan eo ej itok bwe baolep naaj jerkak jān ro remej i jutak im̧aan Anij, im cekajet ekkar n̄an jerbal ko aer.

42 Kiiō, ewōr juon mej eo etan mej in kanniōk; im mej an Kraist enaaj kōtļo̧k ato ko an mej in kanniōk in, bwe aolep naaj jerkak jān mej ilo kanniōk in.

43 Jetōb im ānbwin naaj bar akoba ilo jekjek eo an eweeppān; ra im mo̧kwōj jim̧or, naaj kōro̧o̧l n̄an jekjek eo eweeppān an, em̧ool āinwōt kiiō jej pād ilo tōre in; im naaj bōkļo̧k kōj n̄an jutak im̧aan Anij, ilo jeļā āinwōt ad jeļā kiiō, im e wōr juon bememej emeram kōn aolep ad cbōd.

44 Kiiō, kōjepļaaktok in enaaj itok n̄an aolep; rūtto im dik jim̧or, riatajinemjen im rianemkwōj jim̧or, m̧an im kōrā jim̧or, rijero̧wiwi im riwānōk jim̧or; im em̧ool enaaj jamin wōr kooļan bar e jako; a men otemjej naaj akōjepļaakļo̧k naan jekjek eo eweeppān an, āinwōt ej kiiō, ak ilo ānbwin, im naaj bōkļo̧k e n̄an kajitūkin im̧aan jikin ekajet an Kraist Nejin, im Anij bJemān, im Jetōb Kwōjarjar, eo ej cjuon Anij Indeeo, n̄an dekajet ekkar naan jerbal ko aer, men̄e rem̧m̧an ak men̄e renana.

45 Kiiō, lo, iaar kōnono n̄an eok kōn mej in ilo ānbwinnin kanniōk, im barāinwōt kōn ajerkakpeje an ānbwinnin kanniōk. Ij ba n̄an eok bwe ānbwinnin kanniōk in ej bjerkak n̄an cānbwin ej jab mej, bwe ej jān mej, em̧ool jān mej eo m̧okta n̄an mour, bwe ren jab bar maron̄ dmej; jetōb ko aer rej koba ippān ānbwin ko aer, im jab bar jepelļo̧k; āindein likiio eo ej erom āinwōt ejetōb im mour indeeo, bwe rej jamin bar lo wabanban.

46 Kiiō, ke Amulek eaar kōjjem̧ļo̧k naan kein armej ro raar jino bar bwilōn̄, im barāinwōt Ziezrom eaar jino wūdiddid. Im āindein eaar jem̧ļo̧k naan ko an Amulek, ak en̄in aolep ijo iaar jeje.