Jeje Ko Rekwojarjar
3 Nipai 28


Jebta 28

Ruwatimjuon iaan rikaļoor ro jon̄oulruo raar kōņaan im kar kallim̧uri er jolōt ilo aelōn̄ eo an Kraist n̄e rej mej—riNipai ro jilu rekōņaan im kar leļo̧k n̄an er kajoor ioon mej bwe ren maron̄ pād wōt ioon laļ m̧ae Jisōs ej bar itok—Rekar bōklōn̄ļo̧k er im rej lo men ko rejjab ekkar n̄an kilen n̄an kōnono, im rej kiiō jerbal ilubwiljin armej. Iturinļo̧k Ā.K. 34–35.

1 Im ālikin men kein ke em̧ōj an Jisōs kar ba naan kein, Eaar kōnono n̄an rikaļoor ro An, juon ilo̧k juon, im ba n̄an er: Ta eo kom̧ij kōņaan jān Eō, ālikin Aō kar ilo̧k n̄an Jema?

2 Im raar aolep kōnono, ijello̧kun wōt jilu, im ba: kōm kōņaan bwe ālikin am̧ kar mour n̄an dettan eo an armej, bwe jerbal eo am̧, eo Kwaar kūr kōm n̄an e, en maron̄ wōr jem̧ļo̧kin, bwe kōmin maron̄ m̧ōkajwaj n̄an Eok ilo Aelōn̄ eo Am̧.

3 Im Eba n̄an er: Em̧ōņōņō kom̧ kōnke kom̧ ar kōņaan men in jān Eō, ālikin kom̧ij jiljilimjuonn̄oul im ruo iiō dettami kom̧ naaj itok n̄an Eō ilo aelōn̄ eo Aō; im ippa kom̧ naaj lo akakkije.

4 Im ālikin Eaar kōnono n̄an er, eaar oktakļo̧k n̄an ro jilu, im ba n̄an er: Ta kom̧ij kōņaan bwe in kōm̧m̧an n̄an kom̧, n̄e Iaar ilo̧k n̄an Jema?

5 Im raar būrom̧ōj ilo burueer, bwe raar ekkōl in jab kōnono n̄an e men eo raar kōņaan.

6 Im Eba n̄an er: Lo, I ajeļā ļōmņak ko ami, im kom̧ ar kōņaan men eo bJon, Aō jitōnbōro, eo eaar pād ippa ilo jerbal eo Aō, m̧okta jān kar kotak Eō jān riJu ro, eaar kōņaan jān Eō.

7 Kōn menin, eļapļo̧k ami m̧ōņōņō, bwe kom̧ naaj ajamin nemak bmej; a kom̧ naaj mour n̄an lo aolep kōm̧m̧an ko an Jemān n̄an ro nejin armej, em̧ool m̧ae men otemjej naaj kūrm̧ool ekkar n̄an ankilaan Jemān, n̄e Inaaj itok ilo Aō aiboojoj kōn ckajoor ko in lan̄.

8 Im kom̧ naaj jamin en̄taan kōn metak ko an mej; a n̄e Inaaj itok ilo Aō aiboojoj kom̧ naaj oktak ilo būkkinkwōle ilo rom jān awabanban n̄an bjab wabanban; innām kom̧ naaj jeraam̧m̧an ilo aelōn̄ eo an Jema.

9 Im bar juon alen, kom̧ naaj jab metak n̄e kom̧ naaj pād ilo kanniōk, im jab būrom̧ōj ijello̧kun wōt kōn jero̧wiwi ko an laļ; im aolep men in Inaaj kōm̧m̧an kōnke men eo kom̧ ar kōņaan jān Eō, kōnke kom̧ ar kōņaan bwe kom̧in maron̄ abōktok jetōb ko an armej n̄an Eō, n̄e laļ pād wōt.

10 Im kōn un in kom̧ naaj aobrak in lan̄lōn̄; im kom̧ naaj jijet ilo aelōn̄ eo an Jema; aaet, ami lan̄lōn̄ enaaj obrak, em̧ool āinwōt Jema eaar letok n̄an Eō dipiio in lan̄lōn̄; im kom̧ naaj āinwōt em̧ool āinwōt N̄a, im N̄aij āinwōt Jema; im Jema im N̄a kōmij bjuon;

11 Im aJetōb Kwōjarjar ej kam̧ool kōn Jema im kōn Eō; im Jema ej leļo̧k Jetōb Kwōjarjar n̄an ro nejin armej kōn Eō.

12 Im ālikin men kein ke em̧ōj an Jisōs kar kōnono naan kein, Eaar jibwe aolepāer kajjojo kōn akkiin pein ijello̧kun wōt ro rekar itōn pād wōt, innām Eaar jepļaak.

13 Im lo, lan̄ ko raar peļļo̧k, im kar akotaklōn̄ļo̧k er ilo lan̄, im raar lo im ron̄ men ko jab maron̄ kōnono.

14 Im eaar abōbrae er bwe ren jab kōnono; im kar jab leļo̧k n̄an er kajoor bwe ren maron̄ kōnono men ko raar lo im ron̄;

15 Im eļan̄n̄e raar pād ilo ānbwin ak ilikin ānbwin, raar jab maron̄ jeļā, bwe eaar āinwōt n̄an er n̄e eaar akōjakkōlkōl er n̄an er, bwe rekar oktak jān ānbwin in kanniōk n̄an jekjek eo ejjab wabanban, bwe ren maron̄ lo men ko an Anij.

16 A ālikin men kein raar bar jipan̄ ioon mejān laļ; mekarta raar jab jipan̄ kōn men ko raar ron̄ im kōnono, kōnke naan in jiron̄ eo kar leļo̧k n̄an er ilo lan̄.

17 Im kiiō, eļan̄n̄e ak jab raar kanniōk ak jab kanniōk, jān raan in aer kōjakkōlkōl, ij jab jeļā;

18 A jon̄an in i jeļā, ekkar n̄an kar ļo̧o̧k eo kar letok—raar ito-itak ioon mejān āneo, im jipan̄ armej otemjej, kobaiktok jon̄an wōt an lōn̄ n̄an kabun̄ eo im retōmak ilo aer kwaļo̧k naan; peptaiji er, im jon̄an wōt lōn̄ in ro raar peptaij raar bōk Jetōb Kwōjarjar.

19 Im kar joļo̧k er ilo akalbuuj jān er ro raar jab pād ilo kabun̄ eo. Im kalbuuj ko raar jab maron̄ im̧we er, bwe raar jepelļo̧k ilo ruo.

20 Im kar joļo̧k er laļļo̧k ilo ium̧win bwidej; a raar den̄ļo̧ke laļ kōn naan in Anij, jon̄an jān An akajoor kar kōtļo̧k er jān m̧wilaļ ko in bwidej; im kōn menin raar jab maron̄ kūbwij ron̄ ko rekkar n̄an dāpij er.

21 Im jilu alen kar joļo̧k er ilo akijeek im bōk ejjeļo̧k jorrāān.

22 Im ruo alen kar joļo̧k er ilo aro̧n̄ in mennin mour ko rawiia; im lo raar ikkure ippān mennin mour awiia ko āinwōt juon ajri ippān juon kunen lamb, im bōk ejjeļo̧k jorrāān.

23 Im ālikin men kein bwe āindein raar ilo̧k ilubwiljin aolep armej in Nipai, im kar kwaļo̧k agospel an Kraist n̄an armej otemjej ioon mejān āneo; im rekar oktak tok n̄an Irooj, im kar kobatok tok ilo kabun̄ eo an Kraist, im āindein armej in bepepen eo raar jeraam̧m̧an, ekkar n̄an naan eo an Jisōs.

24 Im kiiō n̄a, Mormon, ij kōm̧m̧an jem̧ļo̧k in ekkōnono kōn men kein n̄an jidik iien.

25 Lo, iaar nan̄in itōn jeje aetan ro rej jan̄in kar nemake mej, a Irooj eaar bōbrae; kōn menin iaar jab je er, bwe rej ņojak jān laļ in.

26 A lo, iaar lo er, im raar jipan̄ eō.

27 Im lo renaaj pād ilubwiljin ro riAelōn̄ ko, im ro riAelōn̄ ko rej jamin jeļā er.

28 Renaaj barāinwōt pād ilubwiljin riJu ro, im riJu ro rej jamin jeļā er.

29 Im enaaj waļo̧k, n̄e Irooj ej lo ekkar ilo An ļoļātāt bwe renaaj jipan̄ aolep abwij ko an Israel rejjeplōklōk, im n̄an laļ ko otemjej, nukwin ko, lo ko im armej, im naaj bōktok er n̄an Jisōs elōn̄ armej ro, bwe kōņaan eo aer en maron̄ kūrm̧ool, im barāinwōt kōnke kajoor in karreel an Anij eo ej ilo er.

30 Im rej āinwōt aenjeļ ro an Anij, im eļan̄n̄e renaaj jar n̄an Jemān ilo etan Jisōs remaron̄ kwaļo̧k er n̄an jabdewōt armej rej kile ekkar n̄an er.

31 Kōn menin, eļap im kabwilōn̄lōn̄ jerbal ko renaaj kōm̧m̧an jān er, m̧okta jān araan eo eļap im ej itok n̄e armej otemjej renaaj aikuj lukkuun jutak im̧aan jikin ekajet an Kraist.

32 Aaet em̧ool ilubwiljin ro riAelōn̄ ko enaaj wōr juon ajerbal eļap im kabwilōn̄lōn̄ kōm̧m̧an jān er, m̧okta jān raan in ekajet.

33 Im eļan̄n̄e ewōr ippemi aolep jeje ko rekwōjarjar ko rej letok juon bwebwenato in aolep jerbal ko rekabwilōn̄lōn̄ an Kraist, kom̧ naaj, ekkar n̄an naan ko an Kraist, jeļā bwe men kein reaikuj itok.

34 Im wo n̄an eo e ajamin naaj eo̧ron̄ naan ko an Jisōs, im barāinwōt n̄an ber ro Eaar kāālet im jilkinļo̧k ilubwiljier; bwe jabdewōt eo ej jab bōk naan ko an Jisōs im naan ko an ro Eaar jilkinļo̧k rejjab bōk E; im kōn menin E jamin naaj bōk er ilo raan eo āliktata;

35 Im enaaj kar em̧m̧anļo̧k eļan̄n̄e raar jab ļotak. Bwe kom̧ij kōtmāne bwe kom̧ maron̄ kajekdo̧o̧n ekajet eo an Anij eo eļatipn̄ōl, eo kar ajujuri ium̧win neen armej, bwe āindein lo̧mo̧o̧r en maron̄ itok?

36 Im kiiō lo, āinwōt iaar kōnono kōn ro im Irooj eaar kāālet, aaet, em̧ool ro jilu ro kar kotaklōn̄ļo̧k er ilo lan̄ ko, jon̄an iaar jab jeļā eļan̄n̄e kar karreoik er jān wabanban n̄an jab wabanban—

37 A lo, jān ke iaar jeje, iaar kajjitōk ippān Irooj, im Eaar kwaļo̧ke n̄an eō bwe eaikuj wōr juon oktak jerbale ioon ānbwinnier, eļan̄n̄e jab eaikuj bwe ren nemake mej;

38 Kōn menin, bwe ren maron̄ jab nemake mej eaikuj wōr juon aoktak jerbale ioon ānbwin ko aer, bwe ren maron̄ jab en̄taan kōn metak ak būrom̧ōj ijello̧kun wōt kōn jero̧wiwi ko an laļ.

39 Kiiō oktak in ej jab āinwōt eo enaaj bōk jikin ilo raan eo āliktata; a eaar wōr juon oktak jerbale ioer, jon̄an Setan eaar ejjeļo̧k an kajoor ioer, bwe eaar jab maron̄ akapo er; im kar bkokwōjarjar er ilo kanniōk, jon̄an raar cekwōjarjar, im bwe kajoor ko an laļ raar jab maron̄ kajeikik er.

40 Im ilo jekjek in rekar pād wōt m̧ae raan in ekajet an Kraist; im ilo raan eo renaaj bōk juon oktak eļapļo̧k, im n̄an bōk er ilo aelōn̄ eo an Jemān n̄an jab bar diwōjļo̧k, a n̄an jokwe ippān Anij indeeo ilo lan̄ ko.