Ebʼ li loqʼlaj hu
3 Nefi 27


Ch’ol 27

Li Jesus naxtaqlaheb’ naq te’xk’ab’a’i li Iglees rik’in lix k’ab’a’ a’an—Lix k’anjel taqlanb’il wi’ ut lix mayej aj tojol-ix, a’an lix evangelio—Eb’ li winq taqlanb’ileb’ chixjalb’aleb’ xk’a’uxl ut chi kub’eek xha’ re te’ruuq chi santob’resiik xb’aan li Santil Musiq’ej—Tento te’wanq jo’ chanru ajwi’ li Jesus. Wan na 34–35 chihab’ xyo’lajik li Kristo.

1 Kik’ulman ut, naq eb’ lix tzolom li Jesus yookeb’ chi b’eek ut yookeb’ chixjultikankil li k’a’aq re ru ke’rab’i chaq jo’ ajwi’ li ke’ril, ut yookeb’ chi kub’sink ha’ sa’ lix k’ab’a’ li Jesus, kik’ulman naq eb’ li tzolom ke’ch’utla ut wankeb’ asa’ junajil chi tijok ut chi bkuyuk sa’ rik’in nimla metz’ew.

2 Ut li Jesus akixk’ut wi’chik rib’ chiruheb’, xb’aan naq yookeb’ chi tijok chiru li Yuwa’b’ej sa’ lix k’ab’a’; ut kichal li Jesus ut kixaqli sa’ xyiheb’, ut kixye reheb’: K’a’ru teeraj naq tink’e eere?

3 Ut eb’ a’an ke’xye re: Qaawa’, naqaj naq taaye qe li k’ab’a’ej taqak’e chi k’ab’a’iik wi’ li iglees a’in, xb’aan naq wan li wech’ink-ib’ sa’ xyanq li tenamit chirix li na’leb’ a’in.

4 Ut li Qaawa’ kixye reheb’: Chi yaal, chi yaal, ninye eere, k’a’ut naq te’aatinaq ut te’wech’oq li tenamit xb’aan li na’leb’ a’in?

5 Ma ink’a’ xe’rileb’ ru li loq’laj hu, li neke’yehok re naq tento teek’ul sa’ eeb’een lix ak’ab’a’ li Kristo, a’an ink’ab’a’ laa’in? Xb’aan naq rik’in li k’ab’a’ej a’in texb’oqe’q sa’ roso’jik li kutan;

6 Ut ani nak’uluk re lin k’ab’a’ sa’ xb’een, ut anakuyuk toj sa’ roso’jik, a’an ajwi’ taakole’q sa’ roso’jik li kutan.

7 Jo’kan ut, yalaq k’a’ru nekeb’aanu, teeb’aanu sa’ lin k’ab’a’; jo’kan naq teek’e chi k’ab’a’iik li iglees sa’ lin k’ab’a’; ut teepatz’ xk’ab’a’ li Yuwa’b’ej sa’ lin k’ab’a’ re naq a’an taarosob’tesi li iglees choq’ we.

8 Ut chan pe’ ru naq a’anaq alin biglees wi ink’a’ k’ab’a’inb’il sa’ lin k’ab’a’? Xb’aan naq wi jun iglees k’ab’a’inb’il sa’ lix k’ab’a’ laj Moises a’anaq x’iglees laj Moises; malaj ut wi k’ab’a’inb’il rik’in xk’ab’a’ jun winq, a’anaq x’iglees jun winq; wi b’an k’ab’a’inb’il sa’ lin k’ab’a’, rik’in a’an a’anaq lin iglees, wi na’ux naq kab’lanb’ileb’ sa’ xb’een lin evangelio.

9 Chi yaal ninye eere, naq kab’lanb’ilex sa’ xb’een lin evangelio, jo’kan naq teek’e chi k’ab’a’iik yalaq k’a’ru nekek’e chi k’ab’a’iik, sa’ lin k’ab’a’; jo’kan naq wi nekepatz’ xk’ab’a’ li Yuwa’b’ej, choq’ re li iglees, wi a’anaq sa’ lin k’ab’a’ li Yuwa’b’ej texrab’i.

10 Ut wi na’ux naq li iglees kab’lanb’il sa’ xb’een lin evangelio, rik’in a’an li Yuwa’b’ej tixk’e chi k’ute’k tz’aqal lix k’anjel a’an chi sa’.

11 A’b’anan wi moko kab’lanb’il ta sa’ xb’een lin evangelio, ut kab’lanb’il b’an sa’ xb’een xk’anjeleb’ li winq, malaj sa’ xb’een xk’anjel laj tza, chi yaal ninye eere, neke’saho’ xch’ool sa’ xk’anjeleb’ chiru jarub’aq kutan, ut timil timil taachalq roso’jik, ut eb’ a’an aneke’yok’e’ chaq ut neke’kute’ sa’ li xam, b’ar wi’ maak’a’ li sutq’iik chaq.

12 Xb’aan naq lix k’anjeleb’ aneke’taaqenk reheb’, xb’aan naq a’an sa’ xk’ab’a’ lix k’anjeleb’ naq neke’yok’e’ chaq; jo’kan ut, chijultiko’q eere li k’a’aq re ru kinye eere.

13 K’ehomaq reetal, kink’e eere lin aevangelio, ut a’in li evangelio kink’e eere—naq kinchal sa’ li ruchich’och’ re xb’aanunkil li brajom lin Yuwa’, xb’aan naq lin Yuwa’ kinixtaqla chaq.

14 Ut lin Yuwa’ kinixtaqla chaq re atintaqsiiq chiru li krus, ut chirix naq kintaqsiik chiru li krus, re btinjilosiheb’ chaq chixjunil li winq wik’in, re naq jo’ chanru kintaqsiik xb’aaneb’ li winq jo’kan ajwi’ te’taqsiiq li winq xb’aan li Yuwa’b’ej, re te’xaqliiq chiwu, re ctaaraqe’q aatin chirixeb’ xb’aan lix k’anjeleb’, ma useb’ malaj ink’a’ useb’—

15 Ut choq’ re li ajom a’in akintaqsiik; jo’kan ut, jo’ chanru lix wankilal li Yuwa’b’ej tinjilosiheb’ chaq chixjunil li winq wik’in, re taaraqe’q aatin chirixeb’ jo’ chanru lix k’anjeleb’.

16 Ut taak’ulmanq, naq ani anaxjal xk’a’uxl ut bnakub’e xha’ sa’ lin k’ab’a’ taanujob’resiiq, ut wi cnakuyuk toj sa’ roso’jik, k’ehomaq reetal, a’an tinwil chi maak’a’ xmaak chiru lin Yuwa’ sa’ li kutan a’an naq tinxaqliiq chi raqok aatin chirix li ruchich’och’.

17 Ut ani ink’a’ nakuyuk toj sa’ roso’jik, a’an ajwi’ li nayok’e’ chaq ut nakute’ sa’ li xam, b’ar wi ink’a’ chik neke’ru chi sutq’iik chaq, xb’aan lix araqb’a-aatin li Yuwa’b’ej.

18 Ut a’in li aatin li kixk’e reheb’ li ralal xk’ajoleb’ li winq. Ut xb’aan a’in naq a’an naxtz’aqob’resi ru chixjunil li aatin li kixk’e, ut ink’a’ natik’ti’ik, naxtz’aqob’resi b’an ru chixjunil li raatin.

19 Ut amaajun k’a’ru tz’aj naru chi ok sa’ li rawa’b’ejihom; jo’kan naq maak’a’ naru chi ok sa’ bxhilob’aal, ka’ajeb’ wi’ li ani cke’xch’aj li raq’eb’ sa’ inkik’el, xb’aan lix paab’aaleb’, ut lix jalb’aleb’ xk’a’uxl chirix chixjunil lix maakeb’, ut lix tiikilaleb’ chi paab’ank toj sa’ roso’jik.

20 Anajwan a’in li taqlahom: aChejal eek’a’uxl, chejunilex xmaril li ruchich’och’, ut chalqex wik’in ut bchikub’eeq eeha’ sa’ lin k’ab’a’, re naq texruuq chi csantob’resiik rik’in xk’ulb’al li Santil Musiq’ej, re naq texxaqliiq chi dmaak’a’ eetz’ajnil chiwu sa’ roso’jik li kutan.

21 Chi yaal, chi yaal, ninye eere, a’in lin evangelio, ut nekenaw li k’a’aq re ru tento teeb’aanu sa’ lin iglees, xb’aan naq li k’anjel kineeril chixb’aanunkil, a’an teeb’aanu ajwi’ laa’ex; xb’aan naq li k’a’ru kineeril chixb’aanunkil, a’an ajwi’ li teeb’aanu.

22 Jo’kan ut, wi nekeb’aanu li k’a’aq re ru a’in, osob’tesinb’ilex, xb’aan naq texwaklesiiq sa’ roso’jik li kutan.

23 Tz’iib’ahomaq li k’a’aq re ru keril ut kerab’i, ka’ajwi’ li k’a’ru axyehe’ naq moko taatz’iib’amanq ta ink’a’.

24 Tz’iib’ahomaq lix k’anjeleb’ li tenamit a’in, li toj taawanq, jo’ chanru tz’iib’anb’il chaq, chirix li k’a’ru ak wanjenaq.

25 Xb’aan naq k’ehomaq reetal, rik’in li k’a’ru wan sa’eb’ li hu li tz’iib’anb’il, ut li toj taatz’iib’amanq, ataaraqe’q aatin chirix li tenamit a’in, xb’aan naq rik’in a’an te’nawe’q lix bk’anjeleb’ xb’aaneb’ li winq.

26 Ut k’ehomaq reetal, atz’iib’anb’il chixjunil li k’a’aq re ru xb’aan li Yuwa’b’ej, jo’kan naq rik’in li k’a’ru wan sa’eb’ li hu li te’tz’iib’amanq, taaraqe’q aatin chirix li ruchich’och’.

27 Ut chenaw naq alaa’aqex aj raqol aatin sa’ xb’een li tenamit a’in, jo’ chanru li raqb’a-aatin li tink’e eere, li tiikaq ru. Jo’kan ut, bk’a’ chi winqil tento naq texwanq laa’ex? Chi yaal ninye eere, jo’ cchanru ajwi’ laa’in.

28 Ut anajwan axik we rik’in li Yuwa’b’ej. Ut chi yaal ninye eere, yalaq k’a’ru teepatz’ chiru li Yuwa’b’ej sa’ lin k’ab’a’ taak’eemanq eere.

29 Jo’kan ut, achextz’aamanq, ut texk’uluq; chextoch’oq, ut taatehe’q cheru; xb’aan naq ani natz’aaman, nak’uluk, ut chiru ani natoch’ok, taatehe’q.

30 Anajwan ut, k’ehomaq reetal, nim xsahil inch’ool, toj reetal naq numtajenaq, eeb’aan laa’ex, jo’ ajwi’ li tasal tenamit a’in; relik chi yaal, ut nasaho’ ajwi’ xch’ool li Yuwa’b’ej, ut jo’kaneb’ ajwi’ chixjunileb’ li santil anjel, eeb’aan laa’ex ut li tasal tenamit a’in, xb’aan naq amaajun reheb’ sachenaq.

31 K’ehomaq reetal, nawaj raj naq teetaw xyaalal, xb’aan naq eb’ li ninye, a’aneb’ li ayo’yookeb’ sa’ bli tasal tenamit a’in; ut maajun reheb’ sachenaq; ut rik’ineb’ a’an wan xtz’aqalil cxsahil inch’ool.

32 A’b’anan k’ehomaq reetal, nachal xrahil inch’ool xb’aan li axkaa tasal chirix li tasal tenamit a’in, xb’aan naq k’amb’ileb’ chi preexil xb’aan a’an jo’ chanru ajwi’ chaq li alalb’ej re li sachk, xb’aan naq eb’ a’an tine’xk’ayi re xk’ulb’al li plaat ut li oor, ut li k’a’ru napo’e’ xb’aaneb’ li bmax, ut neke’ru wi’ laj elq’ chi weqok ut chirelq’ankil. Ut sa’ li kutan a’an tinwula’aniheb’, rik’in xsutq’isinkil lix k’anjeleb’ sa’ xb’een tz’aqal xjolomeb’.

33 Ut kik’ulman naq chirix naq li Jesus kixchoy li yehom a’in, kixye reheb’ lix tzolom: Chex’okaq sa’ li aokeb’aal laatz’, xb’aan naq laatz’ li okeb’aal, ut ka’ch’in ru li b’e li naxik sa’ li yu’amej, ut moko naab’al ta li neke’tawok re; a’b’an nim ru li okeb’aal, ut helho ru li b’e li naxik sa’ li kamk, ut naab’aleb’ wan li neke’b’eek chiru, toj reetal naq nachal li q’ojyin, sa’ li maajun winq naru wi’ chi k’anjelak.