፩ እናም እንግዲህ እንዲህ ሆነ ኢየሱስ እነዚህን ነገሮች በተናገራቸው ጊዜ እነዚህን ለህዝቡ አብራራ፤ እናም ትልቅ እንዲሁም ትንሽ የሆኑትን ሁሉንም ነገሮች አብራራላቸው።

፪ እናም እንዲህ አለ፥ እናንተ የሌላችሁን ^ሀእነዚህ ቅዱሳን መጽሐፍት አብ እንድሰጣችሁ አዟል፤ ለመጪው ትውልድ መስጠት እንደሚገባቸው የእርሱ ጥበብ ነው።

፫ እናም ከመጀመሪያው ጀምሮ ^ሀበክብሩ እስከሚመጣ ድረስ ያሉትን ሁሉንም ነገሮች—አዎን፣ በምድር ገፅ ላይ የሚመጡትን ነገሮች ሁሉ፣ የምድር ^ለማዕድናትም በታላቅ ሙቀት እስከሚቀልጡ ድረስና፣ ምድርም እንደ መጽሐፍ ጥቅልል ^ሐእስከምትጠቀለል፣ እናም ሰማይና ምድርም እስከሚያልፉ እንኳን አብራራላቸው፤

፬ እናም ሀገር ሁሉ፣ እናም ነገዶች ሁሉ፣ እናም ሁሉም ህዝቦችና ቋንቋ በሙሉ መልካም ይሁኑም መጥፎ፣ እንደስራቸው እንዲፈረድባቸው በእግዚአብሔር ፊት ^ሀስለሚቆሙበት ^ለታላቁና በመጨረሻው ቀንም እንኳን—

፭ መልካም ከሆኑም፣ ለዘለዓለማዊው ህይወት ^ሀትንሳኤ፤ ክፉ ከሆኑም፣ ወደኩነኔም ትንሳኤ፤ ^ለከአለም በፊት በነበረው ክርስቶስ ምህረትና፣ ^ሐፍትህ፣ እና ቅድስና መሰረት፣ አንደኛው በአንድ እጅ እናም ሌላኛው በሌላ እጅ በመሆን እነዚህ የተገናኙ ናቸው።

፮ እናም እንግዲህ በዚህ መጽሐፍ ውስጥ ኢየሱስ በእውነት ለህዝቡ ካስተማራቸው ነገሮች ^ሀአንድ መቶኛው እንኳን ሊፃፍ አልተቻለም፤

፯ ነገር ግን እነሆ ^ሀየኔፊ ሠሌዳዎች ህዝቡን ስላስተማራቸው ነገሮች በይበልጥ ይዘዋል።

፰ እናም እኔ የጻፍኳቸው እነዚህ ነገሮች፣ እርሱ ካስተማራቸው ነገሮች ጥቂቶች ናቸው፤ እናም እነርሱም ኢየሱስ በተናገራቸው ቃላት መሰረት እነዚህ ለዚህ ህዝብ በድጋሚ ^ሀከአህዛብ ይመጡ ዘንድ ፅፌአቸዋለሁ።

፱ እናም እምነታቸውን በመጀመሪያ እንዲፈትኑበት ይህን መቀበላቸው አስፈላጊ ስለሆነ፣ ይህን በተቀበሉበት ጊዜ፣ እናም እነዚህን ነገሮች የሚያምኗቸው ከሆነ ከዚያም ^ሀታላላቅ የሆኑት ነገሮች ይገለፁላቸዋል።

፲ እናም እነዚህን ነገሮች የማያምኑ ከሆኑ፣ ታላላቆቹ ነገሮችም እነርሱን ይኮንኑ ዘንድ ^ሀአይገለፁላቸውም።

፲፩ እነሆ፣ በኔፊ ሠሌዳዎች ላይ የተፃፉትን ሁሉ ለመፃፍ ተዘጋጅቼ ነበር፣ ነገር ግን ጌታ እንዲህ በማለት ከልክሎኛል፥ የህዝቤን እምነት ^ሀእፈትናለሁ።

፲፪ ስለዚህ እኔ ሞርሞን፣ በጌታ የታዘዝኩባቸውን ነገሮች እፅፋለሁ። እናም እንግዲህ እኔ ሞርሞን ንግግሬን አበቃለሁ፤ እናም የታዘዝኳቸውን ነገሮች መፃፌን እቀጥላለሁ።

፲፫ ስለዚህ፣ ጌታም ለሶስት ቀናት በእውነት ህዝቡን እንዳስተማረ እንድትመለከቱ እፈልጋለሁ፤ እናም ከዚያ በኋላ በተደጋጋሚ ራሱን ^ሀአሳይቷቸዋል፣ እናም በተደጋጋሚም ^ለዳቦ በመቁረስ ባርኮ ሰጥቷቸዋል።

፲፬ እናም እንዲህ ሆነ የተነገረላቸውን ሰዎች ^ሀልጆችም ኢየሱስ አስተማራቸውና አገለገላቸው፣ እናም አንደበታቸውን ፈታላቸውና፣ ለህዝቡ እርሱ ከገለፀላቸው የበለጡትን ለአባቶቻቸው ታላቅና አስገራሚ የሆኑ ነገሮችን ተናገሩ፤ እናም ለመናገር እንዲችሉም አንደበታቸውን ^ለፈታላቸው።

፲፭ እናም እንዲህ ሆነ ወደ ሰማይም ካረገ በኋላ—ለሁለተኛ ጊዜ እራሱን ገለፀላቸው፣ እናም በሽተኞቻቸውንና ሽባዎችን በሙሉ ^ሀከፈወሰና፣ የዕውሮችን ዐይን ካበራ፣ እናም የደንቆሮን ጆሮዎች ከከፈተና፣ ሁሉንም ዐይነት ፈውሶች በመካከላቸው ካደረገ በኋላ፣ እናም አንድን ሰው ከሞት ካስነሳና ኃይሉንም ካሳያቸው በኋላ ወደአብ ሄደ—

፲፮ እነሆ፣ እንዲህ ሆነ በሚቀጥለው ቀን ህዝቡ በአንድ ላይ ተሰበሰበ፣ እናም እነዚህን ልጆች ተመለከቱአቸውና፣ አዳመጡአቸው፤ አዎን፣ ^ሀህፃናቱም አፋቸውን ከፈቱና፣ አስደናቂ ነገሮችን ተናገሩ፤ እናም የተናገሩአቸውን ነገሮች ማንም እንዳይፅፍ ተከልክሏል።

፲፯ እናም እንዲህ ሆነ ኢየሱስ የመረጣቸው ^ሀደቀመዛሙርት ከዚያን ጊዜ በኋላ ወደ እነርሱ የመጡትን ሰዎች ሁሉ ማጥመቅና ማስተማር ጀመሩ፤ እናም በኢየሱስ ስም ^ለየተጠመቁት ሰዎች በሙሉ በመንፈስ ቅዱስ ተሞልተው ነበር።

፲፰ እናም ብዙዎች ሊፃፉ ^ሀበህግ ያልተፈቀዱትን፣ ሊነገሩ የማይችሉ ነገሮችን ተመልክተዋልም፣ ሰምተዋልም።

፲፱ እናም አንዳቸው ሌላኛውን አገለገሉና፣ አስተማሩ፤ እንዲሁም እያንዳንዱ ሰውም እርስ በርሱ በፍትህ በማገልገል፣ በመካከላቸው ^ሀሁሉም ነገሮች ^ለበጋራ ነበሩአቸው።

፳ እናም እንዲህ ሆነ ኢየሱስ እንዳዘዛቸው ሁሉንም ነገሮች አደረጉ።

፳፩ እናም በኢየሱስ ስም የተጠመቁት ^ሀየክርስቶስ ቤተክርስቲያን ተብለው ይጠሩ ነበር።