Jebta 25
Ilo Itok eo Kein Karuo, rijuwa im nana enaaj bwil āinwōt ujooj m̧ōrā—Ilaija enaaj ro̧o̧ltok m̧okta jān raan eo eļap im kaammijak—Keidi Malakai 4. Iturinļo̧k Ā.K. 34.
1 Bwe lo, raan eo ej itok eo enaaj abwil āinwōt um̧; im aolep brijuwa, aaet, im aolep ro rej kōm̧m̧an nana, naaj āinwōt ujooj m̧ōrā; im raan eo ej itok enaaj tile er, Irooj in Inelep eo ej ba, jon̄an e jamin naaj likūt er okar ak ra.
2 A n̄an kom̧ ro rej mijak Eta, aNejin Weeppān enaaj jerkak kōn kōmour ilo pein; im kom̧ naaj ilo̧k im beddekļo̧k āinwōt ckoon in kau ilo jikin.
3 Im kom̧ naaj ajujuri ilaļ rinana eo; bwe renaaj melkwarar ium̧win lo̧piden neemi ilo raan eo bwe Inaaj kōm̧m̧an men in, Irooj in Inelep eo ej ba.
4 Kom̧in keememej kien Moses, eo karejera, eo Iaar jiron̄ e aiHoreb kōn aolep Israel, ippān kien ko im ekajet ko.
5 Lo, Inaaj jilkinwaj aIlaija rikanaan eo m̧okta jān itok eo an braan eo eļap im rōkaammijak an Irooj;
6 Im enaaj aukōt būruōn ro jemāer n̄an ro nejier, im būruōn ro nejier n̄an ro jemāer, n̄e I ab itok im den̄ļo̧ke laļ kōn juon kalia.