1 Want kyk, die dag kom wat sal ^abrand soos ’n oond; en al die ^btrotsaards, ja, en almal wat booslik handel, sal stoppels wees; en die dag wat kom sal hulle verbrand, sê die Here van die Leërskare, dat dit hulle nóg wortel nóg tak sal oorlaat.

2 Maar vir julle wat my Naam eerbiedig, sal die ^aSeun van Regverdigheid opstaan met genesing in sy vleuels; en julle sal uitgaan en ^bopgroei soos ^ckalwers in die stal.

3 En julle sal die bose ^avertrap; want hulle sal as wees onder die sole van julle voete op die dag wat Ek dit sal doen, sê die Here van die Leërskare.

4 Onthou julle die wet van Moses, my dienskneg, wat Ek aan hom gebied het op ^aHoreb vir die hele Israel, saam met die insettinge en verordeninge.

5 Kyk, Ek sal vir julle ^aElía die profeet stuur voor die koms van die groot en ^bvreeslike dag van die Here;

6 En hy sal die hart van die vaders ^adraai tot die kinders, en die hart van die kinders tot hulle vaders, sodat Ek nie sal kom en die aarde tref met ’n vloek nie.