1 Pasi vini re, vjen dita që do të ^adjegë si një furrë; dhe gjithë ^bkryelartët, po, dhe të gjithë ata që bëjnë ligësi do të jenë si kashtë; dhe dita që vjen i djeg—thotë Zoti i Ushtrive—dhe nuk do t’u mbetet as rrënjë as degë.

2 Por, për ju që i trembeni emrit tim, ^aBiri i Drejtësisë do të ngrihet me shërim në krahët e tij; dhe ju do të shkoni përpara dhe do të ^brriteni si ^cviça stalle.

3 Dhe ju do t’i ^ashkelni nën këmbët tuaja të ligjtë; pasi ata do të jenë hi nën shputat e këmbëve tuaja, në ditën që do ta bëj këtë—thotë Zoti i Ushtrive.

4 Mbani mend ligjin e Moisiut, shërbëtorit tim, të cilit ia urdhërova në ^aHoreb, me statutet dhe gjykimet për gjithë Izraelin.

5 Vini re, unë do t’ju dërgoj ^aElijan, profetin, para ardhjes së ^bditës së madhe dhe të tmerrshme të Zotit.

6 Dhe ai do të ^akthejë zemrat e etërve te bijtë dhe zemrat e bijve tek etërit e tyre, në qoftë se unë nuk vij dhe e godas tokën me një mallkim.