1 Im ālikin men kein Eaar jiron̄ jarlepju eo bwe ren bōjrak in jar, im barāinwōt ro rikaļooran. Im Eaar jiron̄ er bwe ren jab bōjrak jān ^ajar ilo burueer.

2 Im Eaar jiron̄ er bwe ren lōn̄jak im jutak ioon neer. Im raar lōn̄jak im jutak ioon neer.

3 Im ālikin men kein Eaar bar ruje pilawā eo im kōjeraam̧m̧an e, im leļo̧k n̄an rikaļoor ro n̄an m̧ōn̄ā.

4 Im ke em̧ōj aer m̧ōn̄ā Eaar jiron̄ er bwe ren ruje pilawā, im leļo̧k n̄an jarlepju eo.

5 Im ke raar leļo̧k n̄an jarlepju eo Eaar barāinwōt leļo̧k n̄an er wain n̄an idaak, im jiron̄ er bwe ren leļo̧k n̄an jarlepju eo.

6 Kiiō, eaar ejjeļo̧k ^apilawā, im barāinwōt wain, rikaļoor ro raar bōktok, im barāinwōt ejjeļo̧k jarlepju eo eaar bōktok.

7 A Eaar lukkuun ^aleļo̧k n̄an er pilawā n̄an m̧ōn̄ā, im barāinwōt wain n̄an idaak.

8 Im Eaar ba n̄an er: e eo ej ^am̧ōn̄ā pilawā in ej m̧ōn̄ā jān Ānbwinnū n̄an an; im e eo ej idaak wain in ej idaak Bōtōktōkū n̄an an; im an enaaj jamin kwōle ak maro, a naaj obrak.

9 Kiiō, ke jarlepju eo eaar aolep m̧ōn̄ā im kar idaak, lo, raar obrak kōn jetōb; im rekar lam̧ōj kōn juon ainikien, im raar leļo̧k wōj n̄an Jisōs, eo raar jim̧or lo im ron̄jake.

10 Im ālikin men kein ke raar aolep leļo̧k wōj n̄an Jisōs, Eaar ba n̄an er: Lo kiiō Ij kadedeļo̧k kien eo Jema eaar jiron̄ Eō kōn armej rein, ro rej juon m̧ōttan m̧weo im̧ōn Israel.

11 Kom̧ij keememej bwe Iaar kōnono n̄an kom̧, im ba bwe n̄e ^anaan ko an ^bAiseia renaaj kūrm̧ool—lo rekar jeje, repād im̧aan mejami, kōn menin, kom̧in lin̄ōri—

12 Im em̧ool, em̧ool, Ij ba n̄an kom̧, bwe n̄e renaaj kūrm̧ool innām ej kūrm̧ool in ^abujen eo Jema eaar kōm̧m̧an n̄an armej ro An, O m̧weo im̧ōn Israel.

13 Innām ^am̧ōttan kein renaaj, ko raar ^bejjeplōklōk ijoko jabdewōt ioon mejān laļ, ^caintok jān rear im jān kapilōn̄, im jān rak im jān iōn̄; im naaj bōktok er n̄an ^djeļā eo kōn Irooj aer Anij, eo Eaar lo̧mo̧o̧ren er.

14 Im Jema eaar jiron̄ Eō bwe in lewōj n̄an kom̧ ^aāne in, n̄an ami jolōt.

15 Im Ij ba n̄an kom̧, bwe eļan̄n̄e ro riAelōn̄ ko rej jab ^aukeļo̧k ālikin kōjeraam̧m̧an eo renaaj bōk e, ālikin aer kar kajjeplōklōk armej ro Aō—

16 Innām kom̧ naaj, ro rej juon m̧ōttan im̧ōn Jekab, ilo̧k ilubwiljier; im kom̧ naaj pād ilo ioļapļapier ro renaaj lōn̄; im kom̧ naaj pād ilubwiljier āinwōt juon ^aļaioon ilubwiljin ļaioon ko rellāj in bukun wōjke ko, im āinwōt ļaioon edik ilubwiljin bwijin in sip ko, ko, eļan̄n̄e ej rūbukwi ej jim̧or ^bjujuri ilaļ im kekōl ilo elōn̄ m̧ōttan ko, im ejjeļo̧k emaron̄ lo̧mo̧o̧ren.

17 Peimi enaaj kotake ioon ro ami rijum̧ae, im aolep rikōjdat ro ami naaj bukweļo̧k er.

18 Im Inaaj ^aaintok armej ro Aō ippān doon āinwōt ļeo ej aini tūr ko an ilo ioon bwidej.

19 Bwe Inaaj kōm̧m̧an armej ro Aō ippān ro Jema Eaar kōm̧m̧an bujen, aaet, Inaaj kōm̧m̧an ^adoon ko aer jān aen, im Inaaj kōm̧m̧an akkiin neer jān brass. Im kom̧ naaj den̄ļo̧ke ilo m̧ōttan ko elōn̄ armej; im Inaaj kokwōjarjar grain ko aer n̄an Irooj, im m̧weiuk ko aer Irooj in aolepān laļ. Im lo, N̄a ij eo ej kōm̧m̧ane.

20 Im enaaj itok, Jema ej ba, bwe ^ajāje in Aō ekajet enaaj toto ioer ilo raan en; im ijello̧kun n̄e rej ukeļo̧k enaaj wōtlo̧k ioer, Jema ej ba, aaet, em̧ool ioon aolepān laļ ko an ro riAelōn̄ ko.

21 Im enaaj jejjet bwe Inaaj kajutak ^aarmej ro Aō, O m̧weo im̧ōn Israel.

22 Im lo, armej in Inaaj kajutak ilo āniin, n̄an kakūrm̧ool in ^abujen eo Iaar kōm̧m̧an ippān jemāmi Jekab; im enaaj juon ^bJerusalem Ekāāl. Im kajoor ko in lan̄ renaaj ilo ioļapļap in armej rein; aaet, em̧ool ^cInaaj pād ioļapļapimi.

23 Lo, N̄a eo kōn E Moses eaar kōnono, im ba: ^aJuon rikanaan Irooj ami Anij enaaj kotak n̄an kom̧ jān ro jeiūm̧i im jātimi, āinwōt n̄an Eō; E kom̧ naaj ron̄jake ilo aolep men otemjeļo̧k Enaaj ba n̄an kom̧. Im enaaj jejjet bwe aolep armej eo e jamin ron̄jake rikanaan en naaj bukweļo̧k e jān ilubwiljin armej ro.

24 Em̧ool Ij ba n̄an kom̧, aaet, im ^aaolep rikanaan ro jān Samuel im ro raar itok ilo̧kan, jon̄an wōt eo eaar kōnono, raar kam̧ool kōn Eō.

25 Im lo, kom̧ij ro nejin rikanaan ro; im kom̧ij jān m̧weo im̧ōn Israel; im kom̧ij jān ^abujen eo Jema eaar kōm̧m̧ane ippān ro jemāmi, im ba n̄an Ebream: Im ilo ^bineem naaj aolep nukwin ko ilaļ renaaj jeraam̧m̧an.

26 Im Jema kōnke eaar kōjerkak Eō n̄an kom̧ m̧okta, im jilkintok Eō n̄an kōjeraam̧m̧an kom̧ ilo ^aukōtļo̧k kajjojo iaami jān nana ko an; im men in kōnke kom̧ij ro nejin bujen eo—

27 Im ālikin kom̧ kar jeraam̧m̧an innām kakūrm̧ool bujen eo Jemān Eaar kōm̧m̧an ippān Ebream, im ba: Ilo ^aineem naaj aolep nukwin ko an laļ jeraam̧m̧an—n̄an lutōkleplep in Jetōb Kwōjarjar kōn Eō ioon ro ^briAelōn̄ ko, kōjeraam̧m̧an eo ioon ro riAelōn̄ ko enaaj kōm̧m̧an bwe ren kajoor ioon aolep, n̄an kajjeplōklōk in armej ro Aō, O m̧weo im̧ōn Israel.

28 Im renaaj juon ^akaen̄taan n̄an armej in āniin. Mekarta, n̄e renaaj bōk tarlep in gospel eo Aō, innām eļan̄n̄e renaaj kapene burueer ņae Eō Inaaj kōro̧o̧l nana ko aer ioon bōraer, Jema ej ba.

29 Im Inaaj ^akeememej bujen eo Iaar kōm̧m̧ane ippān armej ro Aō; im Iaar bujen ippāer bwe In kar ^baintok er ippān doon ilo iien eo Aō make, bwe In leļo̧k n̄an er bar juon alen āneo ^cāneen ro jemāer aer jolōt, eo ej āneen ^dJerusalem, eo ej āneen kallim̧ur n̄an er indeeo, Jema ej ba.

30 Im enaaj jejjet bwe iien eo ej itok, n̄e tarlep in gospel eo Aō naaj kwaļo̧k n̄an er;

31 Im renaaj ^atōmak ilo N̄a, bwe N̄aij Jisōs Kraist, Nejin Anij, im naaj jar n̄an Jema ilo Eta.

32 Innām ^arikakkōl ro aer naaj kotak ainikier, im kōn ainikien eo ippān doon renaaj al; bwe renaaj lo māj n̄an māj.

33 Innām Jemān naaj ain er ippān doon bar juon alen, im leļo̧k n̄an er Jerusalem n̄an aer jolōt.

34 Innām renaaj n̄irļo̧k ilo lan̄lōn̄—Kom̧in ^aal ippān doon, kom̧ jikin ko relo̧urō ilo Jerusalem; bwe Jemān eaar kaenōm̧m̧an armej ro An, Eaar bar wiaik Jerusalem.

35 Jema Eaar kakeelwaan Pein ekwōjarjar ilo mejān aolep laļ ko; im aolep jeban ko in laļ renaaj lo lo̧mo̧o̧r an Jema im Jema im N̄a kōmij juon.

36 Innām naaj kajejjet men eo kar jeje: Kwōn ^aruj, kwōn bar ruj, im kōņak am̧ kajoor, O Zaion; kwōn kōņak nuknuk ko am̧ reaiboojoj, O Jerusalem, jikin kwelo̧k ekwōjarjar, bwe jān kiiō m̧aanļo̧k enaaj ejjeļo̧k ej itok ilo kwe ejjab m̧wijm̧wij im ettoon.

37 Kwōn pikpikūr eok jān būn̄aln̄al; jerkak, jijet, O Jerusalem; kwōn kōtļo̧k jān eok to ko ikōnwaam̧, O rikōm̧akoko kōrā nejin Zaion.

38 Bwe āindein Irooj ej ba: Kwaar wiakake eok make kōn ejjeļo̧k tokjān, im naaj bar wiaik eok kōn ejjeļo̧k m̧ani.

39 Em̧ool, em̧ool, Ij ba n̄an kom̧, bwe armej renaaj jeļā Eta; aaet, ilo raan eo renaaj jeļā bwe N̄aij eo ej kōnono.

40 Innām renaaj ba: ^aEkōjkan an aiboojoj ioon toļ ko rej neen eo ej bōktok naan ko rem̧m̧an n̄an er, eo ej ^bkabun̄bun̄ļo̧k aenōm̧m̧an; eo ej bōktok naan ko rem̧m̧an, eo ej kabun̄bun̄ļo̧k lo̧mo̧o̧r; eo ej ba n̄an Zaion: Am̧ Anij ej Irooj!

41 Innām lam̧ōj eo enaaj wōnm̧aanļo̧k: Kom̧ij ^ailo̧k, kom̧in ilo̧k, kom̧in etal jān ijeņ, jab jibwe men eo ^bettoon; kom̧in diwōjļo̧k jān ioļapļap in e; kom̧in ^cerreo ro rej kabwijer jāpe ko an Irooj.

42 Bwe kom̧ij naaj ^ajab diwōjļo̧k kōn kaiur im jab ilo̧k kōn ko; bwe Irooj enaaj ilo̧k im̧am̧, im Anij an Israel enaaj pād ilikūm.

43 Lo, Aō rijerbal enaaj m̧akūtkūt ilo jeļāļo̧kjeņ; naaj kotak e im kautiej e im naaj kanooj utiej.

44 Jon̄an wōt an lōn̄ raar bwilōn̄ kake eok—turin mejān eaar kanooj jorrāān kōjāllin, eļapļo̧k jān jabdewōt armej, im jekjekin eļapļo̧k jān ro nejin armej—

45 Āindein enaaj ^awōt-dikdik elōn̄ laļ ko; kiin̄ ro renaaj kiil lo̧n̄ier kake, bwe men eo jan̄in kar ba n̄an er renaaj lo e; im men eo rej jan̄in kar ron̄ renaaj meļeļe.

46 Em̧ool, em̧ool, Ij ba n̄an kom̧, aolep men kein renaaj kanooj kūrm̧ool, em̧ool āinwōt Jema eaar jiron̄ Eō. Innām bujen in eo Jema eaar kōm̧m̧an e ippān armej ro An enaaj kūrm̧ool; innām ^aJerusalem naaj bar wōr ņa kobban kōn armej ro Aō, im enaaj āneo āneen aer jolōt.