Jebta 18
Jisōs ej jinoe kwōjkwōj eo ilubwiljin riNipai ro—Kar jiron̄ er n̄an jar iien otemjej ilo Etan—Ro rej m̧ōn̄ā Kanniōkin im idaak Bōtōktōkin ilo jab tōllo̧ke rej mej—Rikaļoor ro kar leļo̧k n̄an er kajoor n̄an leļo̧k Jetōb Kwōjarjar. Iturinļo̧k Ā.K. 34.
1 Im ālikin men kein Jisōs eaar jiron̄ ro rikaļooran bwe ren bōktok jet apilawā im wain n̄an E.
2 Im ke raar jako n̄an bōktok pilawā im wain, Eaar jiron̄ jarlepju eo bwe ren jijet ioon laļ.
3 Im ke rikaļoor ro raar itok kōn apilawā im wain, Eaar bōk m̧ōttan pilawā im ruje im kōjeraam̧m̧an e; im Eaar leļo̧k n̄an rikaļoor ro im jiron̄ er bwe ren m̧ōn̄ā.
4 Im ke raar m̧ōn̄ā im kar maat, Eaar jiron̄ er bwe ren leļo̧k n̄an jarlepju eo.
5 Im ke jarlepju eo eaar m̧ōn̄ā im kar obrak, Eaar ba n̄an rikaļoor ro: Lo enaaj wōr juon kapiti ilubwiljimi, im n̄an e Inaaj leļo̧k kajoor bwe en aruje pilawā im kōjeraam̧m̧ane im leļo̧k e n̄an armej ro ilo kabun̄ eo Aō, n̄an aolep ro renaaj tōmak im kar peptaij ilo Eta.
6 Im men in kom̧ naaj kōjparok n̄an kōm̧m̧ane iien otemjej, em̧ool āinwōt Iaar kōm̧m̧an, em̧ool āinwōt Iaar ruje pilawā im kōjeraam̧m̧an e im lewōj e n̄an kom̧.
7 Im men in kom̧ naaj kōm̧m̧an ilo aememej Ānbwinnū, eo Iaar kwaļo̧k n̄an kom̧. Im enaaj juon kam̧ool n̄an Jemān bwe kom̧ij keememej Eō iien otemjej. Im eļan̄n̄e kom̧ij keememej Eō iien otemjej kom̧ naaj bōk Jetōb eo Aō bwe en pād ippemi.
8 Im ālikin men kein ālikin An kar ba naan kein, Eaar jiron̄ ro rikaļooran bwe ren bōk m̧ōttan wain eo im jān kap eo im idaak jān e, im bwe ren barāinwōt leļo̧k n̄an jarlepju eo bwe ren maron̄ idaak jān e.
9 Im ālikin men kein raar kōm̧m̧an āindein, im kar idaak jān e im kar obrak; im raar leļo̧k n̄an jarlepju eo, im raar idaak, im raar obrak.
10 Im ke ro rikaļoor raar kōm̧m̧an men in, Jisōs eaar ba n̄an er: Em̧ōņōņō kom̧ kōn men eo ko kom̧ ar kōm̧m̧an, bwe men in ej kūrm̧ool in kien ko Aō, im men in ej kam̧ool n̄an Jemān bwe kom̧ij m̧ōņōņō in kōm̧m̧an men eo Iaar jiron̄ kom̧.
11 Im men in naaj kōm̧m̧ane iien otemjej n̄an ro rej ukeļo̧k im rej peptaij ilo Eta; im kom̧ naaj kōm̧m̧ane ilo ememej bōtōktōkū, eo Iaar kōto̧o̧rļo̧k kōn kom̧, bwe kom̧in maron̄ kam̧ool n̄an Jemān bwe kom̧ij keememej Eō iien otemjej. Im eļan̄n̄e kom̧ij keememej Eō iien otemjej kom̧ naaj bōk Jetōb eo Aō ippemi.
12 Im Ij lewōj n̄an kom̧ juon kien bwe kom̧in kōm̧m̧ani men kein. Im eļan̄n̄e kom̧ naaj kōm̧m̧ani men kein iien otemjej, em̧ōņōņō kom̧, bwe kom̧ ar ekkal ioon Aō aejm̧aan.
13 A jabdewōt eo ilubwiljimi enaaj kōm̧m̧an eļapļo̧k ak dikļo̧k jān men kein rejjab ekkal ioon Aō ejm̧aan, a rej ekkal ioon juon pedped eo ebokbok; im n̄e wōt ej wōtlo̧k, im ibwijleplep ko rej itok, im kōto ko rej m̧akroro, im wōtlo̧k ioer, renaaj abun̄, im baor ko an hell rej pojak n̄an bōk er.
14 Kōn menin em̧ōņōņō kom̧ eļan̄n̄e kom̧ naaj kōjparok kien ko Aō, ko Jema eaar jiron̄ bwe In lewōj n̄an kom̧.
15 Em̧ool, em̧ool, Ij ba n̄an kom̧, kom̧ aikuj ekkōl im ajar iien otemjej, bwe kom̧in jab po ilo kapo an devil, im naaj tōlļo̧k kom̧ rikōm̧akoko n̄an e.
16 Im āinwōt Iaar jar ilubwiljimi em̧ool āindein kom̧ naaj jar ilo kabun̄ eo Aō, ilubwiljin armej ro Aō ro rej ukeļo̧k im rej peptaij ilo Eta. Lo N̄a ameram eo; Iaar kwaļo̧k bjon̄ok eo n̄an kom̧.
17 Im ālikin men kein ke Jisōs eaar m̧ōj an kōnono naan kein n̄an rikaļoor ro, Eaar bar oktakļo̧k n̄an jarlepju eo im ba n̄an er:
18 Lo, em̧ool, em̧ool, Ij ba n̄an kom̧, kom̧ij aikuj ekkōl im jar iien otemjej bwe kom̧in jab deļo̧n̄ ilo kapo; bwe aSetan ekōņaan bōk kom̧, bwe en maron̄ liklik kom̧ āinwōt wit.
19 Kōn menin kom̧ aikuj iien otemjej jar n̄an Jema ilo Eta;
20 Im ajabdewōt kom̧ naaj kajjitōk jān Jema ilo Eta, eo ejim̧we, im tōmak bwe kom̧ naaj bōk; lo naaj lewōj e n̄an kom̧.
21 Kom̧in ajar ilo baam̧le ko ami n̄an Jema, iien otemjej ilo Eta, bwe kōrā ro pāleemi im ro nejimi ren maron̄ jeraam̧m̧an.
22 Im lo, kom̧ naaj kwelo̧k ippān doon makijkij; im kom̧in jab bōbrae jabdewōt armej jān itok n̄an kom̧ n̄e kom̧ naaj kwelo̧k ippān doon, a kōtļo̧k er bwe ren maron̄ itok n̄an kom̧ im jab bōbrae er;
23 A kom̧in ajar kōn er, im jab kadiwōjļo̧k er; im eļan̄n̄e āindein bwe ren itok n̄an kom̧ emmakijkij kom̧in jar kōn er n̄an Jema, ilo Eta.
24 Kōn menin, kotak ami ameram bwe en maron̄ kōmeramļo̧k laļ. Lo N̄aij bmeram eo kom̧ naaj kotak lōn̄ļo̧k—men eo kom̧ ar lo Aō kōm̧m̧an. Lo kom̧ lo bwe Iaar jar n̄an Jema, im kom̧ aolep kar kam̧oole.
25 Im kom̧ij lo bwe Iaar jiron̄ bwe aejjeļo̧k juon iaami en ilo̧k, a ijello̧kun kar jiron̄ bwe kom̧in itok n̄an Eō, bwe kom̧in maron̄ ben̄jake im lo; em̧ool āindein naaj ami kōm̧m̧an n̄an laļ; im jabdewōt eo ej rupe kien in ej kōtļo̧k e make n̄an tōlļo̧k e n̄an kapo.
26 Im kiiō ālikin men kein ke Jisōs eaar kōnono naan kein, Eaar bar ukōtļo̧k mejān ioon rikaļoor ro Eaar kāālet er, im ba n̄an er:
27 Lo em̧ool, em̧ool, Ij ba n̄an kom̧, Ij lewōj n̄an kom̧ bar juon kien, innām Ij aikuj ilo̧k n̄an aJema bwe In maron̄ kakūrm̧ool kien bko jet ko Eaar litok n̄an Eō.
28 Im kiiō lo, en̄in ej kien eo Ij lewōj n̄an kom̧, bwe kom̧in jab kōtļo̧k jabdewōt ilo ami jeļā n̄an abōk ānbwinnū im bōtōktōkū ilo bjab tōllo̧ke, n̄e kom̧ naaj jaketo-jaketak e;
29 Bwe jabdewōt eo ej m̧ōn̄ā im idaak Ānbwinnū im aBōtōktōkū ilo bjab tōllo̧ke ej kan̄ im ilim mej n̄an aer jetōb; kōn menin eļan̄n̄e kom̧ jeļā bwe juon armej ej jab tōllo̧ke n̄an m̧ōn̄ā im idaak jān ānbwinnū im bōtōktōkū kom̧in bōbrae e.
30 Mekarta, kom̧ naaj jab akadiwōjļo̧k e jān ilubwiljimi, a kom̧in jipan̄ e im jar kōn e n̄an Jema, ilo Eta; im eļan̄n̄e āindein bwe ej ukeļo̧k im ej peptaij ilo Eta, innām kom̧ naaj bōk e, im naaj leļo̧k n̄an e ānbwinnū im bōtōktōkū.
31 A eļan̄n̄e e ej jab ukeļo̧k en jab naaj bōnbōn ilubwiljin armej ro Aō, bwe en jab maron̄ ko̧kkure armej ro Aō, bwe lo Ijeļā asip ko Aō, im em̧ōj bwine er.
32 Mekarta, kom̧in jab joļo̧k e jān im̧ōn kwelo̧k ko ami, ak jikin kabun̄-jar ko ami, bwe n̄an rein kom̧ naaj wōnm̧aanļo̧k wōt im jipan̄; bwe kom̧ij jab jeļā eļan̄n̄e ak ta renaaj ro̧o̧l im ukeļo̧k, im itok n̄an Eō kōn aolepān kōttōpar in bōro, im Inaaj akōmour er; im kom̧ naaj wāween eo n̄an bōktok lo̧mo̧o̧r n̄an er.
33 Kōn menin, kōjparok ennaan kein ko Iaar jiron̄ kom̧ bwe kom̧in jab itok ium̧win aliaakeļo̧k; bwe wo n̄an e eo Jema ej liaakeļo̧k.
34 Im Ij lewōj n̄an kom̧ kien kein kōn akwāālel ko raar pād ilubwiljimi. Im em̧ōņōņō kom̧ eļan̄n̄e aejjeļo̧k akwāālel ko ilubwiljimi.
35 Im kiiō Ij ilo̧k n̄an Jema, kōnke e mennin aorōk bwe In ilo̧k n̄an Jema akōn kom̧.
36 Im ālikin men kein ke Jisōs eaar kōm̧m̧ane jem̧ļo̧k in ennaan kein, Eaar jibwe kōn apein brikaļoor ro ro Eaar kāālet er, juon ilo̧k juon, em̧ool m̧ae Eaar un̄ūr er aolep, im kar kōnono n̄an er ke Eaar jibwe er.
37 Im jarlepju eo eaar jab ron̄ naan ko Eaar kōnono, kōn menin raar jab jeje ilo ļo̧o̧k; a rikaļoor ro raar jeje ilo ļo̧o̧k bwe Eaar leļo̧k n̄an er akajoor n̄an leļo̧k bJetōb Kwōjarjar. Im Inaaj kwaļo̧k n̄an kom̧ tokālik ijin bwe ļo̧o̧k in em̧ool.
38 Im ālikin men kein ke em̧ōj an Jisōs kar jibwe er aolep, eaar itok juon akōdo̧ im kaliboboik jarlepju eo bwe raar jab maron̄ lo Jisōs.
39 Im ke raar libobo Eaar ilo̧k jān er, im wanlōn̄ļo̧k ilo lan̄. Im rikaļoor ro raar lo im kar jeje bwe Eaar bar wanlōn̄ļo̧k n̄an lan̄.