1 Im kiiō, ro jitōnbōro jeiū im jatū, iaar kōnono jān men kein bwe kom̧in maron̄ jeļā kōn ^abujen ko an Irooj ko Eaar kōm̧m̧ani ippān aolep m̧weo im̧ōn Israel—

2 Bwe Eaar kōnono n̄an riJu ro, jān lo̧n̄iin rikanaan ro rekwōjarjar An, em̧ool jān jinoin laļtak, jān epepen n̄an epepen, m̧ae iien eo renaaj ^ajepļaak n̄an kabun̄ eo em̧ool im wōrwōr an Anij; n̄e renaaj ^bjepļaak n̄an ^cāneen jolōt ko aer, im naaj jutak ilo aolep āneen kallim̧ur ko aer.

3 Lo, ro rejitōnbōro jeiū im jatū, ij kōnono n̄an kom̧ men kein bwe kom̧in maron̄ lan̄lōn̄, im ^akotak bōrami indeeo, kōn jeraam̧m̧an ko me Irooj Anij eaar door ioon ro nejimi.

4 Bwe ijeļā bwe kom̧ ar lin̄ōri eļap, elōn̄ iaami, n̄an jeļā men ko rej itok; kōn menin ijeļā bwe kom̧ jeļā ke ānbwinnid renaaj m̧adeon̄eon̄ļo̧k im mej; mekarta, ilo ^aānbwin kein ad jenaaj lo Anij.

5 Aaet, ijeļā bwe kom̧ jeļā ke Enaaj kwaļo̧k E make n̄an ro ilo Jerusalem, ijo jaar itok jān e; bwe eaorōk bwe men in en waļo̧k ilubwiljier; bwe emennin aikuj bwe ^aRikōm̧anm̧an Eļap en kōtļo̧k E make n̄an āinwōt armej ilo kanniōk, im mej kōn ^baolep armej, bwe aolep armej ren maron̄ ajeļo̧k er n̄an e.

6 Bwe āinwōt mej eaar itok ioon aolep armej, n̄an kakūrm̧ool ^akarōk in tūriam̧okake eo an Rikōm̧anm̧an Eļap, eaikuj wōr kajoor in ^bjerkakpeje, im jerkakpeje eo eaikuj itok n̄an armej jān tokjān ^cwōtlo̧k eo; im wōtlo̧k eo eaar itok jān tokjān bōd; im kōnke armej raar wōtlo̧k raar ^dm̧wijkōk jān im̧aan mejān Irooj.

7 Kōn menin, eaikuj bwe en ^apinmuur eo ^bejjeļo̧k jem̧ļo̧kin—n̄e ejjab juon pinmuur eo ejjeļo̧k jem̧ļo̧kin wabanban in eban maron̄ kōņak jab wabanban. Kōn menin, ekajet eo ^cm̧oktata eo eaar itok ioon armej ej aikuj kar ^dpād wōt ium̧win iien ejjeļo̧k jem̧ļo̧kin. Im n̄e āindein, kanniōk in en kar babuļo̧k n̄an kōt im n̄an m̧adeon̄eon̄ n̄an eo jinen bwidej, n̄an jab jerkak.

8 O ^ajeļāļo̧kjeņ eo an Anij, ^btūriam̧o im ^cjouj eo An! Bwe lo, eļan̄n̄e ^dānbwinnid ej aikuj jab jerkak jetōb ko ad reaikuj kipiliie n̄an enjeļ eo eaar ^ewōtlo̧k jān im̧aan mejān Anij Indeeo, im erom ^fdevil, n̄an jab bar jerkak.

9 Im jetōb ko ad ren kar erom āinwōt e, im jej erom devil raņ, ^aenjeļ ro n̄an devil eo, n̄an ^bjamin bar jutak im̧aan mejān Anij, im n̄an pād wōt ippān eo jemān ^criab otemjeļo̧k, ilo en̄taan, āinwōt e; aaet, n̄an erom eo eaar ^dkapo ro jemād im jined m̧oktata, eo eaar ^eukōt e āinwōt juon ^fenjeļ in meram, im pukwōj ro nejin armej n̄an ^gkanejnej ittino ko in uror im jerbal ko rettino an marok.

10 O ewi jon̄an em̧m̧an eo an ad Anij, eo Eaar kōpooj juon iaļ n̄an ad rōļo̧k jān lokjak eo an eakeak nana in; aaet, eakeak in, ^amej im ^bhell, eo ij ņa etan mej in ānbwin, im barāinwōt mej in jetōb.

11 Im kōn wāween ^akōtļo̧k eo an ad Anij, eo Rikwōjarjar in Israel, ^bmej in, eo iaar kōnono kake, eo ej ilo kanniōk, enaaj kōtļo̧k an rimej; mej in ej lōb.

12 Im ^amej in eo iaar kōnono kake, eo ej mej ilo jetōb, enaaj kōtļo̧k rimej ro an; mej ilo jetōb in ej ^bhell; kōn menin, mej im hell reaikuj kōtļo̧k rimej ro aer, im hell eaikuj kōtļo̧k ānbwinnin rikōm̧akoko ko an, im ānbwin ko im ^cjetōb ko an armej renaaj bar ^djepļaak n̄an ippān doon; im men in ej jān kajoor im jerkakpeje an Rokwōjarjar Eo in Israel.

13 O ewi jon̄an an ļap ^akarōk eo an ad Anij! Bwe ilo juon wāween, ^bparedais an Anij eaikuj kōtļo̧k jetōb ko an ro riem̧m̧an, im lōb eaikuj kōtļo̧k ānbwin ko an riem̧m̧an; im jetōb im ānbwin eo ej bar ^cjepļaak ippān doon, im aolep armej rej erom ^djab wabanban, im ban bar mej, im rej ānbwin ko remour, ippāer juon ^ejeļā ^fedipiio āinwōt kōj ilo kanniōk, ijoke juon jeļā eo e weeppān.

14 Kōn menin, jenaaj bōk juon ^ajeļā eo e weeppān kōn aolep ad ^bnana, im ad ettoon, im ad ^ckeelwaan; im ro riem̧m̧an enaaj wōr aer jeļā e weeppān kōn m̧ōm̧ ko aer, im aer ^dem̧m̧an, ^ekalibobo kōn ^ferreo, aaet, em̧ool kōn ^gliboror in weeppān.

15 Im enaaj jejjet iien eo n̄e enaaj kar m̧ōj an aolep armej eļļā jān mej in m̧okta n̄an mour, im jon̄an ededeļo̧k aer erom ānbwin ejamin mej, renaaj jutak im̧aan ^ajikin ekajet an Rikwōjarjar Eo in Israel; innām enaaj itok ^bekajet eo, innām renaaj ekajet ekkar n̄an ekajet ekwōjarjar an Anij.

16 Im enaaj āindein, āinwōt Irooj e mour, bwe Irooj Anij eaar kōnono men in, im men in ej An ^ainnaan ejjeļo̧k jem̧ļo̧kin, eo e jamin ^bjako, bwe ro rem̧m̧an renaaj em̧m̧an wōt, im ro ^crettoon renaaj ^dettoon wōt; kōn menin, ro rettoon rej ^edevil im enjeļ ro an; im renaaj ilo̧k n̄an ^fkijeek eo ejjeļo̧k jem̧ļo̧kin, kar kōpooj n̄an er; im en̄taan eo aer ej āinwōt juon ^glom̧aļo in kijeek im brimstone, eo urur in ej wanlōn̄ļo̧k lōn̄ļo̧k im ejjeļo̧k jem̧ļo̧kin.

17 O ļap im ^ajim̧we eo an Anij! Bwe E ej kajejjet aolep naan ko An, im raar diwōjļo̧k jān lo̧n̄iin, im kien eo An ej aikuj kūrm̧ool.

18 Ak, lo, ro riem̧m̧an, ro ^arekwōjarjar an Rikwōjarjar Eo in Israel, ro raar tōmak ilo Rikwōjarjar Eo in Israel, ro raar niknik ilo ^bdebwāāl ko an laļ, im kar kūtōtōik jook eo kōn e, renaaj ^cjolōt e ^daelōn̄ in Anij, eo kar kōpooj n̄an er ^ejān jinoin ejaake pedped ko an laļ, im m̧ōņōņō eo aer enaaj dipiio n̄an ^findeeo.

19 O eļap wōt tūriam̧o eo an ad Anij, Rikwōjarjar Eo in Israel! Bwe ej ^atōlļo̧k ro rekwōjarjar An jān devil eo ^bekanooj nana, im mej, im ^chell, im lom̧aļo in kijeek im brimstone eo, eo ej en̄taan ejjeļo̧k jem̧ļo̧kin.

20 O ewi jon̄an ^aekwōjarjar eo an ad Anij! Bwe E ^bjeļā men otemjeļo̧k, im ejjeļo̧k juon men Ej jab jeļā kake e.

21 Im E ej itok ilo laļ in bwe en maron̄ ^alo̧mo̧o̧ren aolep armej n̄e renaaj eo̧ron̄ ainikien; bwe lo, eaar ^ben̄taan kōn metak ko an aolep armej, aaet, metak ko an aolep mennin mour, em̧m̧an, kōrā, im ajri, ro rej jān nokwe eo an ^cAdam.

22 Im Eaar en̄taan kōn menin bwe jerkakpeje en maron̄ bun̄leplep ioon aolep armej, bwe aolep ren maron̄ jutak im̧aan ilo raan eo eļap raan in ekajet.

23 Im E ej jiron̄ aolep armej bwe rej aikuj ^aukeļo̧k, im ^bpeptaij ilo Etan, bōk tōmak eo e weeppān ilo Rikwōjarjar Eo in Israel, n̄e jaab rej jamin mour ilo aelōn̄ in Anij.

24 Im eļan̄n̄e rej jamin ukeļo̧k im tōmak ilo ^aEtan, im peptaij ilo Etan, im ^bniknik n̄an jem̧ļo̧kin, reaikuj naaj ^cjako; bwe Irooj Anij, Rikwōjarjar Eo in Israel, eaar kōnono men in.

25 Kōn menin, Eaar leļo̧k ^akien eo; im ijo ^bejjeļo̧k kien leļo̧k ejjeļo̧k kaje; im ijo ejjeļo̧k kaje ejjeļo̧k liaakeļo̧k; im ijo ejjeļo̧k liaakeļo̧k tūriam̧o ko an Rikwōjarjar Eo in Israel ewōr an ioer, kōnke pinmuur eo; bwe kar kōtļo̧k er jān kajoor eo An.

26 Bwe ^apinmuur eo ej kabun̄-būruōn akweļap ko an ^bjim̧we ioon aolep ro kar ^cjab leļo̧k ^dkien eo n̄an er, bwe ren rōļo̧k jān men eo ekanooj nana, mej im hell, im devil, im lom̧aļo in kijeek im brimstone eo, eo ej en̄taan indeeo; im rej bar jepļaak n̄an Anij eo Eaar leļo̧k n̄an er ^emenwaer, eo ej Rikwōjarjar Eo in Israel.

27 Ak wo n̄an eo ^akien eo kar ilo̧k, aaet, eo epād ippān aolep kein ko an Anij, āinwōt kōj, im eo ej ko̧kkuri, im eo ej kōwaan raan in mour ko an, bwe ekanooj nana jekjekin!

28 O ^akarōk eo etamkwadik an eo enana! O ^bpata eo, im m̧ōjņo̧ ko, im jajeļo̧kjeņ eo an armej! N̄e ^crejeļā rej ļōmņak ^drejeļāļo̧kjeņ, im rejjab eo̧ron̄ ^etōl an Anij, bwe rej joļo̧k e, ilo aer ļōmņak ke rejeļā, kōn menin, jeļāļo̧kjeņ eo aer e bwebwe im ejjab e waan n̄an er. Im renaaj jako.

29 Ak n̄an jeļā em̧m̧an eļan̄n̄e rej ^aeo̧ron̄ ^btōl an Anij.

30 Ak wo n̄an ^arim̧weie, ro rem̧weiie kōn men ko an laļ in. Bwe kōnke rem̧weiie rej ^bjōjōik rijeram̧ōl, im rej matōrtōr rittā, im burueer rej m̧weiuk ko aer; kōn menin m̧weiuk ko aer rej aer anij. Im lo, m̧weiuk ko aer renaaj jako ippāer barāinwōt.

31 Im wo n̄an rijarron̄ron̄ eo e ban ^aron̄jake; bwe renaaj jako.

32 Wo n̄an ripilo eo e ban lo; bwe renaaj jako barāinwōt.

33 Wo n̄an ro rejjab m̧wijm̧wij burueer, bwe jeļā eo kōn nana ko aer naaj m̧an er ilo raan eo āliktata.

34 Wo n̄an ^aririab, bwe naaj jolaļļo̧k n̄an ^bhell.

35 Wo n̄an riuror eo ej ^aire, bwe enaaj ^bmej.

36 Wo n̄an ro rej ^awia kake ānbwinnier, bwe naaj jolaļļo̧k er n̄an hell.

37 Aaet, wo n̄an ro rej ^akabun̄-jar n̄an ekjab kan, bwe devil an aolep devil kaņ ren m̧ōņōņō ilo er.

38 Im, ilo tukaduin, wo n̄an aolep ro rej mej ilo jero̧wiwi ko aer; bwe renaaj ^aro̧o̧lļo̧k n̄an Anij, im lo turin mejān, im pād wōt ilo jero̧wiwi ko aer.

39 O, ro jeiū im jatū rejitōnbōro, keememej nana in bōd ņae Anij Ekwōjarjar, im barāinwōt nana in jouj n̄an kapo ko an ^arim̧oņ. Keememej, n̄an ^bkobrak ļōmņak kōn men ko an kanniōk ej ^cmej, im n̄an kobrak ļōmņak kōn men ko an jetōb ej ^dmour ^eindeeo.

40 O, ro jeiū im jatū rejitōnbōro, letok lo̧jiln̄ōmi n̄an naan ko aō. Keememej ļap Bōtata eo an eo Rikwōjarjar Eo in Israel. Jab ba bwe iaar kōnono men ko reppen ņae kom̧; bwe n̄e kom̧ij ba, kom̧ naaj jum̧ae ^am̧ool eo; bwe iaar kōnono naan ko an ami Rikōm̧anm̧an. Ijeļā ke naan ko in m̧ool ^breppen ņae aolep ettoon; bwe ro rem̧m̧an rej jab mijak er, bwe rej iakwe m̧ool eo im rejjab m̧akūtkūt.

41 O innām, ro jeiū im jatū rejitōnbōro, ^aitok n̄an Irooj, Rikwōjarjar eo. Keememej bwe iaļ ko An rejim̧we. Lo, ^biaļ eo an armej ^ceaidik, ak ej erļo̧k im̧aan ilo juon iaļ eo ejim̧we im̧aan e, im rilale ^dkōjām eo ej Rikwōjarjar Eo in Israel; im E jab kōjerbal jabdewōt rikarejeran ijo; im ejjeļo̧k bar juon iaļ eļan̄n̄e jab ilo kōjām eo; bwe E ban po ilo kapo, bwe Irooj Anij ej etan.

42 Im jabdewōt eo ej kaļļaļļaļ, n̄an e naaj peļļo̧k; im ^arijeļāļo̧kjeņ, im rimālōtlōt, im er ro rem̧weiie, ro rej ^bjuwa kōn jeļā eo aer, im aer mālōtlōt, im m̧weiuk ko aer—aaet, rej ro E ej dike er; im eļan̄n̄e rejjab juļo̧k men kein, im watōk er ^crijajeļo̧kjeņ im̧aan Anij, im wanlaļļo̧k ilo m̧wilaļ ko in ^dettā, E jamin peļļo̧k n̄an er.

43 Ak men ko an rijeļāļo̧kjeņ im rimālōtlōt naaj ^aņojak jān er indeeo—aaet, m̧ōņōņō eo kōpooje n̄an ro rekwōjarjar.

44 O, ro jeiū im jatū rejitōnbōro, keememej naan kein aō. Lo, ij utūk jān ballū, im ij pikūri im̧aan mejami; ij jar Anij in aō lo̧mo̧o̧r Ej mejōk eō kōn ^amāj aetok ko mejān; kōn menin, kom̧ naaj jeļā ilo raan eo āliktata, n̄e aolep armej renaaj ekajet kōn jerbal ko aer, bwe Anij an Israel Eaar kam̧ool bwe iaar ^bpikūrļo̧k nana ko ami jān buruō, im bwe ij jutak ilo meram Im̧aan, im ^cbōtōktōkimi ejako ippa.

45 O, ro jeiū im jatū rejitōnbōro, oktakļo̧k jān jero̧wiwi ko ami; ^apikūrļo̧k tomede ko an eo enaaj m̧ōkaj an lukwōj kom̧; itok n̄an Anij eo ej ^bejm̧aan in ami lo̧mo̧o̧r.

46 Kōpooj kom̧ n̄an raan eo eaiboojoj n̄e ^ajim̧we naaj jaketo-jaketak n̄an ro rejim̧we, em̧ool raan in ^bekajet eo, bwe kom̧in maron̄ jab jenlik kōn mijak eļap; bwe kom̧in maron̄ jab ememej ^cnana ko reļļap ami ilo alikkar, im naaj kipel n̄an lam̧ōj: Ekwōjarjar, ekwōjarjar ekajet ko Am̧, O Irooj Anij ^dEkajoor Bōtata—ak ijeļā aō bōd; iaar rupe Am̧ kien, im bōd kein rej aō; im devil eaar bōk eō, bwe in juon kijen en̄taan eo enana an.

47 Ak lo, ro jeiū im jatū, emennin aorōk ke bwe in aikuj karuj kom̧ n̄an juon lukkuun m̧ool in men kein? In kar kainepataik ke būruōmi eļan̄n̄e būruōmi raar erreo? In kar ke alikkar n̄an kom̧ ekkar n̄an lukkuun alikkar in m̧ool eo eļan̄n̄e kom̧ ar rōļo̧k jān jero̧wiwi?

48 Lo, n̄e kom̧ ar ekwōjarjar, inaaj kar kōnono n̄an kom̧ kōn kwōjarjar; ak ke kom̧ij jab ekwōjarjar, im kom̧ij kalimjek eō āinwōt juon ami rikaki, emennin aikuj bwe in ^akatakin kom̧ kōn jem̧ļo̧k ko an ^bjero̧wiwi.

49 Lo, aō ej dike jero̧wiwi, im buruō ej m̧ōņōņō ilo jim̧we; im inaaj ^anebar āt eo ekwōjarjar etan aō Anij.

50 Itok, ro jeiū im jatū, jabdewōt eo ej maro, kom̧in itok n̄an ^adān ko; im eo ejjeļo̧k an jāān, itok im wia im kanooj; aaet, itok im wia wain im milik kōn ejjeļo̧k ^bjāān im kōn ejjeļo̧k wōņāān.

51 Kōn menin, jab joļo̧k jāān kōn men eo ejjeļo̧k tokjān, ak ^ajerbal ko ami n̄an men eo eban kabun̄bōro. Kom̧in kanooj eo̧ron̄ eō, im keememej naan ko iaar kōnono; im itok n̄an Rikwōjarjar Eo in Israel, im ^bkwōjkwōj ioon men eo ejamin jako, ak eo jamin kattoone, im kōtļo̧k bwe ami en m̧ōņōņō ilo bun̄-pāļo̧k eo.

52 Lo, ro jeiū im jatū rejitōnbōro, keememej naan ko an ami Anij; jar n̄an e iien otemjej ilo raan, im leļo̧k ^akam̧m̧oolol n̄an Etan ekwōjarjar ilo bon̄. Būruōmi ren lan̄lōn̄.

53 Im lo ewi jon̄an ļap ^abujen ko an Irooj, im ewi jon̄an an ļap ettā ko An n̄an ro nejin armej; im kōn ļap eo An, im an jouj im ^btūriam̧o, E eaar kallim̧ur n̄an kōj bwe ineed enaaj lukkuun ko̧kkure, ekkar n̄an kanniōk, ak Enaaj kōjparok er; im ilo epepen ko tokālik renaaj erom juon ^cra eweeppān n̄an m̧weo im̧ōn Israel.

54 Im kiiō, ro jeiū im jatū, iban bar kōnono n̄an kom̧ eļapļo̧k; ak ilo raan eo ilju inaaj kwaļo̧k n̄an kom̧ aolepān ennaan ko aō. Amen.