1 A, lo, ilo raan ko ^aāliktata, ak ilo raan ko an ro riAelōn̄ ko—aaet, lo aolep laļ ko an ro riAelōn̄ ko im barāinwōt riJu, ro renaaj itok ioon laļ in im ro renaaj pād ioon laļ ko jet jim̧or, aaet, em̧ool ioon aolepān laļ ko in laļ, lo, renaaj kadek kōn nana im aolep mennin jōjō otemjeļo̧k—

2 Im n̄e raan eo ej itok Irooj in Inelep eo Enaaj loļo̧k er, kōn jourur im kōn m̧akūtkūt laļ, im kōn juon ainikien eļap, im kōn aire, im kōn lan̄, im kōn ^aurur in kijeek in ko̧kkure.

3 Im aolep ^alaļ ko rej ^btariņaeik Zaion, im ko rekainepataik lio, renaaj āinwōt juon ettōņak in visōn in bon̄; aaet, enaaj āindein n̄an er, em̧ool āinwōt juon armej ej ettōņak, im lo ej kanooj ak n̄e ej ruj an ejjeļo̧k kobban; ak āinwōt juon armej ej maro ej ettōņak, im lo ej idaak ak ej ruj im lo ej ļotļo̧k, im an ej wōr an kōņaan; aaet, em̧ool enaaj āindein n̄an aolep jarlepju in laļ ko rej tariņaeik Toļ Zaion.

4 Bwe lo, aolep ro rej kōm̧m̧an nana, dāpij ijo kom̧ij pād ie im ļōmņak, bwe kom̧ naaj lam̧ōj, im jan̄; aaet, kom̧ naaj kaddōk ak ejjab kōn wain, kom̧ naaj jeepepļo̧k ak jab kōn dān ekajoor.

5 Bwe lo, Irooj Eaar lutōkleplep ioomi jitōbōn kiki em̧wilaļ. Bwe lo, kom̧ ar kiil mejami, im kom̧ ar jab bōk rikanaan ro; im irooj ro ami; im rilolo ro Eaar ņooje er kōn nana eo ami.

6 Im naaj ālkin mein kein Irooj Anij Enaaj bōktok n̄an ^akom̧ naan ko ilo ^bbok eo, im renaaj naan ko an er ro raar kiki.

7 Im lo bok eo enaaj ^asil; im ilo bok eo enaaj ^brevelesōn eo jān Anij, jān jinoin laļ n̄an ^cjem̧ļo̧kin.

8 Kōn menin, kōn men ko raar ^asil, men ko raar sil rej ^bjamin naaj liļo̧k ilo raan in nana im kajjōjō an armej ro. Kōn menin naaj dāpij bok eo jān er.

9 A bok eo naaj leļo̧k e n̄an juon ^aem̧m̧an, im enaaj letok meļeļein naan ko ilo bok eo, ko rej naan ko an ro raar kiki ilo būn̄aln̄al, im enaaj liļo̧k naan kein n̄an ^bbar juon;

10 A naan ko rej sil e jamin liļo̧k, im jamin leļo̧k bok eo. Bwe bok eo enaaj sil kōn kajoor in Anij, im revelesōn eo eaar sil enaaj pād wōt ilo bok eo m̧ae iien eo wōt ekkar n̄an Irooj, bwe ren maron̄ itok; bwe lo, rej kwaļo̧k men otemjeļo̧k jān jinoin pedped in laļ n̄an jem̧ļo̧kin.

11 Im raan eo ej itok im naan ko ilo bok eo im kar sil renaaj kōnono ioon bōrwaj in em̧; im renaaj kōnono kōn kajoor in Kraist; im aolep men renaaj ^awaļo̧k n̄an ro nejin armej ko jabdewōt raar waļo̧k ilubwiljin ro nejin armej, im ko renaaj waļo̧k em̧ool n̄an jem̧ļo̧kin laļ.

12 Kōn menin, ilo raan eo n̄e bok eo naaj leļo̧k n̄an ļeo iaar kōnono kake, bok eo enaaj ņojak jān mejān laļ, bwe en ejjeļo̧k mej enaaj lo e ijello̧kun wōt ^ajilu ^brikam̧ool renaaj lo e, jān kajoor in Anij, ijello̧kun e eo im bok eo naaj leļo̧k; im renaaj kam̧ool kōn m̧ool in bok eo im men ko ilowaan.

13 Im ejamin wōr bar juon enaaj lo e, ijello̧kun jet wōt ekkar n̄an ankilaan Anij, n̄an kwaļo̧k naan in kam̧ool kōn An innaan n̄an ro nejin armej; bwe Irooj Anij Eaar ba bwe naan ko an ritōmak rej aikuj kōnono āinwōt n̄e eaar ^ajān ro remej.

14 Kōn menin, Irooj Anij Enaaj wōnm̧aanļo̧k im kwaļo̧ktok naan ko ilo bok eo; im ilo lo̧n̄iin jon̄an lōn̄in rikam̧ool eo em̧m̧an n̄an e enaaj pen naan eo An; im wo n̄an e eo ej ^aeļļo̧k jān naan in Anij!

15 A lo, Irooj Anij enaaj ba n̄an e eo Enaaj leļo̧k bok eo: Bōk naan kein rej jab sil im leļo̧k n̄an bar juon, bwe en maron̄ kwaļo̧ki n̄an eo emālōtlōt, im ba: Kwōn ^akōnono bok in, ij kajjitōk ippam̧. Im eo emālōtlōt enaaj ba: Bōktok bok eo ije, im inaaj kōnono jāni.

16 Im kiiō, kōn bun̄bun̄ an laļ im n̄an ^am̧weie renaaj ba men in, im jab n̄an aiboojoj an Anij.

17 Im ļeo enaaj ba: Ij jab bōktok bok eo, bwe em̧ōj sili.

18 Innām eo emālōtlōt enaaj ba: Ij jab maron̄ kōnono ie.

19 Kōn menin ālikin men kein enaaj jejjet, bwe Irooj Anij enaaj bar leļo̧k bok eo in naan ko ie n̄an m̧aan eo ejjab mālōtlōt; im m̧aan eo ejjab mālōtlōt enaaj ba: n̄aij jab mālōtlōt.

20 Innām Irooj Anij Enaaj jiron̄ e: Ro remālōtlōt reban kōnono jāni, bwe raar eļļo̧k jāni, im Imaron̄ make kōm̧m̧ane jerbal eo Aō; kōn menin kwōnaaj kōnono naan ko Inaaj liwōj n̄an eok.

21 Kwōn ^ajab jibwe men ko em̧ōj sili, bwe Inaaj kwaļo̧ki tok ilo iien eo Aō make; bwe Inaaj kwaļo̧k n̄an ro nejin armej bwe Imaron̄ make kōm̧m̧ane jerbal eo Aō.

22 Kōn menin, n̄e em̧ōj am̧ kar kōnono naan ko Iaar jiron̄ eok, im bōk ^arikam̧ool ro Iaar kallim̧ur n̄an eok, innām kwōnaaj bar sili bok eo, im ņooje n̄an Eō, bwe In maron̄ oņaaki naan ko kwaar jab kōnono, m̧ae iien Inaaj lo ekkar ilo ļoļātāt eo Aō make n̄an kwaļo̧k men otemjeļo̧k n̄an ro nejin armej.

23 Bwe lo, N̄aij Anij; im n̄a Anij in mennin ^abwilōn̄ ko; im Inaaj kwaļo̧k n̄an laļ bwe N̄aij ^bjuon wōt inne, rainin, im indeeo; im Ij jab jerbal ilubwiljin ro nejin armej ijello̧kun wōt n̄e ej ^cekkar n̄an tōmak eo aer.

24 Im bar juon alen Irooj enaaj ba n̄an eo enaaj kōnono naan ko im naaj liļo̧k n̄an e:

25 ^aKōnke armej rein rej kepaaktok Eō kōn lo̧n̄ier, im kōn tieer n̄an ^bkautiej Eō, ak raar kōttoļo̧k burueer jān Eō, im aer mijak Eō ej kar katakin ^ctōl ko an armej—

26 Kōn menin, Inaaj jino kōm̧m̧ane juon ^ajerbal ekōppaļpaļ ilubwiljin armej rein, aaet, juon ^bjerbal ekōppaļpaļ im juon kabwilōn̄lōn̄, bwe mālōtlōt an rijeļāļo̧kjeņ ro aer enaaj jako, im jeļā an rijeļā ro aer enaaj penjak.

27 Im ^awo n̄an er ro rej kate er n̄an ņooje ta rej ba jān Irooj! Im jerbal ko aer rej ilo marok; im rej ba: Wōn ej lo kōj, im wōn ejeļā kōj? Im rej barāinwōt ba: Em̧ool ami ukōt men kein lōn̄ n̄an laļ naaj watōke āinwōt ^bkle an ripotter. A lo, Inaaj kwaļo̧k n̄an er, Irooj in Inelep eo ej ba, bwe Ijeļā aolep jerbal ko aer. Bwe jerbal eo enaaj ba kōn eo eaar kōm̧anm̧an e, eaar jab kōm̧anm̧an eō ke? Ak men eo kar ņa wāween enaaj ba kōn eo eaar ņa wāween, eaar ejjeļo̧k jeļā ippān ke?

28 A lo, Irooj in Inelep eo ej ba: Inaaj kwaļo̧k n̄an ro nejin armej bwe ej jab etto im Lebanon enaaj erom juon jikin ekitōkmaro; im jikin ekitōkmaro naaj watōke juon bukun wōjke.

29 ^aIm ilo raan eo rijarron̄ron̄ renaaj ron̄ naan ko ilo bok eo, im mejān ripilo renaaj lo jān ittino im jān marok.

30 Im ro ^aettā burueer renaaj lōn̄ļo̧k barāinwōt, im aer ^bm̧ōņōņō enaaj ilo Irooj, im ro rijeram̧ōl ilubwiljin armej renaaj lan̄lōn̄ ilo eo Rikwōjarjar in Israel.

31 Bwe em̧ool āinwōt Irooj emour renaaj lo bwe ^aeo enana enaaj jako, im rikajjirere naaj ko̧kkure er, im aolep rej pukot nana naaj bukweļo̧k er;

32 Im er ro rej likūt juon armej ^aribōd kōn naan, im kōm̧anm̧an aujiid n̄an eo ej kauwe ilo ^bkōjām, im ^ckajeorļo̧k ro riwānōk kōn juon men pata.

33 Kōn menin, āindein Irooj ej ba, eo Eaar lo̧mo̧o̧ren Ebream, kōn m̧weo im̧ōn Jekab: Jekab enaaj jab kiiō jook, im turin mejān ej jamin ou.

34 A n̄e ej ^alo ro nejin, jerbal ko an Peiū, ilubwiljin e, renaaj kokwōjarjare Eta, im kokwōjarjare Rikwōjarjar Eo in Jekab, im naaj kautieje Anij in Israel.

35 Er barāinwōt ro raar ^abōd ilo men ko an jetōb renaaj meļeļe, im er ro raar ellotaan renaaj ^bbōk naan in tōl.