1 Mjerë ata që nxjerrin dekrete të padrejta dhe që shkruajnë mjerimin që ata kanë porositur;

2 Për të larguar nevojtarët nga ^agjykimi dhe për t’u hequr të drejtën të varfërve të popullit tim, që të ^bvejat të jenë pre e tyre dhe ata të mundin të grabitin jetimët!

3 Dhe çdo të bëni ju ditën e ^andëshkimit dhe në shkretimin që do të vijë nga larg? Te kush do të ikni për të kërkuar ndihmë? Dhe ku do ta lini lavdinë tuaj?

4 Pa mua, ata do të përkulen nën të burgosurit dhe do të bien nën të vrarët. Megjithatë, zemërimi i tij nuk është shuar, por dora e tij është akoma e shtrirë.

5 O Asir, shufra e zemërimit tim dhe shkopi në dorën e tyre është ^aindinjata e tyre.

6 Unë do ta dërgoj atë ^akundër një kombi hipokrit dhe kundër popullit të zemërimit tim unë do ta ngarkoj atë të marrë plaçkën dhe të marrë prenë dhe të shkelë mbi ta, si mbi llucën e udhëve.

7 Megjithatë, ai nuk mendon kështu, as zemra e tij nuk mendon kështu, por në zemrën e tij do të donte të shkatërronte dhe të përjashtonte shumë kombe.

8 Pasi ai thotë: A nuk janë princat e mi të gjithë së bashku mbretër?

9 A nuk është Kalno si Karkemishi? A nuk është Hamathi si Arpadi? A nuk është Samaria si Damasku?

10 Meqë ^adora ime ka krijuar mbretëritë e idhujve, imazhet e gdhendura të të cilave ua kalonin atyre të Jeruzalemit dhe të Samarisë;

11 A nuk do të mund unë të bëj, sikurse bëra me Samarinë dhe idhujt e saj, të bëj kështu me Jeruzalemin dhe me idhujt e tij?

12 Kështu që, do të ndodhë që kur Zoti të ketë kryer krejt punën e tij mbi malin Sion dhe mbi Jeruzalemin, unë do ta ndëshkoj ^afrytin e zemrës së guximshme të mbretit të ^bAsirisë dhe lavdinë e shikimeve të tij të larta.

13 Pasi ^aai thotë: Me fuqinë e dorës sime dhe me urtësinë time unë i kam bërë këto gjëra; pasi unë jam i matur; dhe unë kam lëvizur kufijtë e popullit dhe kam grabitur thesaret e tyre, dhe unë kam nënshtruar banorët si një burrë trim.

14 Dhe dora ime ka gjetur si një fole pasuritë e popullit dhe sikurse dikush mbledh vezët që kanë mbetur, ashtu unë kam mbledhur gjithë tokën; dhe nuk pati asnjë që luajti krahun, ose hapi gojën, ose që cicëroi.

15 ^aA do të krenohet ^bsëpata kundër atij që e përdor për të prerë? A do të lëvdohet sharra kundër atij që e shtyn? Sikurse shufra të kthehej kundër atij që e ngre, ose sikurse shkopi të mund të ngrihej lart vetiu, si të mos ishte prej druri!

16 Prandaj Zoti, Zoti i Ushtrive do të dërgojë mes të shëndoshëve të tij, hollësi; dhe nën lavdinë e ^atij, ai do të ndezë një flakë, si flaka e një zjarri.

17 Dhe drita e Izraelit do të jetë si një zjarr dhe i Shenjti i tij si flakë dhe do të djegë dhe do të përpijë gjembat dhe ferrat e tij në një ditë.

18 Dhe do të konsumojë madhështinë e pyllit të tij dhe të fushës së tij pjellore, si ^ashpirtin ashtu dhe trupin; dhe ata do të jenë si një flamurmbajtës që i bie të fikët.

19 Dhe ^ambetja e pemëve të pyllit të tij do të jetë kaq pak, saqë një fëmijë mund t’i numërojë.

20 Dhe do të ndodhë në ^aatë ditë, që mbetja e Izraelit dhe ata që do të kenë shpëtuar të ^bshtëpisë së Jakobit, nuk do të ^cvaren më në atë që i goditi, por do të varen te Zoti, tek i Shenjti i Izraelit, në të vërtetën.

21 ^aMbetja do të kthehet, po, madje mbetja e Jakobit, te Perëndia i fuqishëm.

22 Pasi, megjithëse populli yt, Izrael, është si rëra e detit, prapë një mbetje e tyre do të kthehet; ^ashkatërrimi i dekretuar do të ^bpërmbytet nga drejtësia.

23 Pasi, Zoti, Perëndia i Ushtrive, do të ^abëjë një shkatërrim, madje të caktuar për të gjithë tokën.

24 Prandaj, kështu thotë Zoti, Perëndia i Ushtrive: O populli im që banon në Sion, mos u frikëso nga Asiri; ai do të të qëllojë me një shufër dhe do të ngrejë shkopin e tij kundër teje, sipas ^amënyrës së Egjiptit.

25 Pasi edhe pak kohë dhe indinjata do të pushojë dhe zemërimi im në shkatërrimin e tyre.

26 Dhe Zoti i Ushtrive do të dërgojë një ndëshkim për të, sikurse gjakderdhja e ^aMadianit te shkëmbi i Horebit; dhe sikurse shufra e tij ishte mbi det, ashtu ai do ta ngrejë, sipas mënyrës së Egjiptit.

27 Dhe do të ndodhë atë ditë që ^abarra e tij do të hiqet prej supit tënd dhe zgjedha e tij nga qafa jote dhe zgjedha do të shkatërrohet për shkak të ^bvajimit.

28 ^aAi ka ardhur në Ajath, ai kaloi Migronin; ngarkesat i vendosi në Mikmash.

29 Ata kanë kaluar nëpër udhë; ata kanë fushuar në Geba; Ramahu është i frikësuar; Gibeahu i Saulit ka ikur.

30 Ngri zërin, O bijë e Galimit; bëj që të dëgjohet te Laishi, O i mjeri Anathoth.

31 Madmenahu ka lëvizur; banorët e Gebimit mblidhen për të ikur.

32 Megjithatë, atë ditë ai do të qëndrojë në Nob; ai do të tundë dorën e tij kundër malit të së bijës së Sionit, kodrës së Jeruzalemit.

33 Vër re, Zoti, Zoti i Ushtrive do të cungojë degën me terror; dhe më ^atë lartat do të priten; dhe krenarët do të përulen.

34 Dhe ai do të presë pjesën më të dendur të pyjeve me hekur dhe Libani do të bjerë nga një i fuqishëm.