1 Im kiiō n̄a, Jekab, ij bar kōnono n̄an kom̧, ro jeiū im jatū rejitōnbōro, kōn ^ara in eweeppān iaar kōnono kake.

2 Bwe lo, ^akallim̧ur ko jaar būki rej kallim̧ur ko n̄an kōj ekkar n̄an kanniōk; kōn menin, āinwōt kar kwaļo̧k n̄an eō bwe elōn̄ iaan ro nejid renaaj jako ilo kanniōk kōn jab tōmak, mekarta, Anij enaaj tūriam̧okake elōn̄; im ro nejid renaaj bar jepļaak, bwe ren maron̄ ro̧o̧l n̄an men eo enaaj leļo̧k n̄an er jeļā eo em̧ool kōn aer Ripinmuur.

3 Kōn menin, āinwōt iaar ba n̄an kom̧, emennin aikuj bwe Kraist—bwe ilo bon̄ōn eo ej jem̧ļo̧kļo̧k ^aenjeļ eo eaar kōnono n̄an eō bwe enaaj etan in—E aikuj ^bitok jān ilubwiljin riJu ro, ilubwiljin ro rej m̧ōttan eo enana ilo laļ in; im renaaj ^cdebwāāle E—bwe āindein ekabwilōn̄ ad Anij, im ejjeļo̧k bar juon laļ ioon laļ in en kar ^ddebwāāle aer ^eAnij.

4 Bwe n̄e mennin ^abwilōn̄ ko reļļap kōm̧anm̧ani ilubwiljin laļ ko jet renaaj ukeļo̧k, im jeļā bwe E ej aer Anij.

5 Ak kōn ^apriestcraft ko im nana ko, er ilo Jerusalem renaaj kakijn̄en̄e kōnwaer ņae E, bwe en debwāāl.

6 Kōn menin, kōn nana ko aer, ko̧kkure ko, n̄ūta ko, im nan̄inmej ko, im ibwijleplep naaj itok ioer; im ro rej jamin lo jako renaaj ^aejjeplōklōk ilubwiljin aolep laļ ko.

7 Ak lo, āindein ^aIrooj Anij ej ba: ^bN̄e raan eo ej itok im rej tōmak ilo N̄a, bwe N̄aij RiKraist, innām Iaar kōm̧m̧an bujen ippān ro jemāer bwe renaaj jepļaaktok ilo kanniōk, ioon laļ, n̄an āneen jolōt ko aer.

8 Im naaj ^aaintok er jān ejjeplōklōk eo aer eaetok, jān ^baelōn̄ ko ilo lo̧meto, im jān m̧ōttan ko emān in laļ in; im laļ ko an ro riAelōn̄ ko renaaj ļap ilo Meja, Anij ej ba, ilo ^cbōkļo̧k er n̄an āneen jolōt ko aer.

9 ^aAaet, kiin̄ ro an ro riAelōn̄ ko renaaj ro rikōkaajriri jemāer, im lerooj ro renaaj erom jineer rikaninnin; kōn menin, ^bkallim̧ur ko an Irooj reļļap n̄an ro riAelōn̄ ko, bwe Eaar kōnono men in, im wōn enaaj akwāāl?

10 Ak lo, āne in, Anij ej ba, naaj juon āneen ami jolōt, im ro ^ariAelōn̄ ko renaaj jeraam̧m̧an ioon āne in.

11 Im āne in naaj juon āneen ^aanemkwōj n̄an ro riAelōn̄ ko, im enaaj ejjeļo̧k ^bkiin̄ ro ioon āne in, ro renaaj kajutak n̄an ro riAelōn̄ ko.

12 Im Inaaj kōkajoor e āne in ņae aolep laļ ko jet.

13 Im eo ej ^apata ņae Zaion naaj ^bjako, Anij ej ba.

14 Bwe eo ej kajutak juon kiin̄ ņae Eō enaaj jako, bwe n̄a, Irooj, ^akiin̄ in lan̄, Inaaj aer kiin̄, im Inaaj ^bmeram eo n̄an er indeeo, ro rej ron̄jake naan ko Aō.

15 Kōn menin, kōn kōttōpar in, bwe ^abujen ko Aō ren maron̄ kūrm̧ool ko iaar kōm̧m̧an n̄an ro nejin armej, bwe Inaaj kōm̧m̧an n̄an er ke rej pād wōt ilo kanniōk, Ij aikuj ko̧kkuri jerbal ko ^brettino an ^cmarok, im an uror ko, im an kajjōjō ko.

16 Kōn menin, eo ej pata ņae ^aZaion, riJu im riAelōn̄ ko jim̧or, rikalbuuj im rianemkwōj jim̧or, m̧aan im kōrā jim̧or, renaaj jako; bwe ^brej er ro rej rikijon̄ in aolepān laļ; bwe ej ^cer ro ^drejjab jān Eō rej ^ejum̧ae Eō, ad Anij ej ba.

17 Bwe Inaaj ^akakūrm̧ool kallim̧ur ko Aō ko Iaar kōm̧m̧ani ippān ro nejin armej, bwe Inaaj kōm̧m̧ani n̄an er ke rej pād wōt ilo kanniōk—

18 Kōn menin, ro jeiū im jatū rejitōnbōro, āindein ad Anij ej ba: Inaaj kaen̄taan ineōm kōn pein ro riAelōn̄ ko; mekarta, Inaaj kapidodo būruōn ro ^ariAelōn̄ ko, bwe ren naaj āinwōt juon jemāer; kōn menin, ro riAelōn̄ ko renaaj ^bjeraam̧m̧an im ^cbōnbōn ilubwiljin m̧weo im̧ōn Israel.

19 Kōn menin, Inaaj ^akōjenolo̧k āneen n̄an ineōm, im ro renaaj bōnbōn ilubwiljin ineōm, indeeo, bwe en āneen aer jolōt; bwe ej juon āne ejej uwaan, Anij ej ba n̄an eō, ilōn̄in aolep laļ ko, kōn menin Inaaj kōm̧m̧an bwe aolep ro rej jokwe ie ren kabun̄-jar n̄an Eō, Anij ej ba.

20 Im kiiō, ro jeiū im jatū rejitōnbōro, ke jej lo bwe ad Anij in tūriam̧okake Eaar letok n̄an kōj jeļāļo̧kjeņ eļap kōn men kein, jen keememej E, im juļo̧k jero̧wiwi ko ad, im jab drauik bōrad, bwe jej jab riatajinemjen; mekarta, jaar ^ako jān āneen jolōt eo ad; ak em̧ōj tōl tok kōj n̄an āneo ^bem̧m̧anļo̧k, bwe Irooj eaar kōm̧m̧an lo̧jet ad ^ciaļ, im em̧ōj likūt kōj ioon juon ^daelōn̄ in lo̧jet.

21 A reļļap kallim̧ur ko an Irooj n̄an er ro rej pād ioon ^aaelōn̄ ko in lo̧jet; kōn menin āinwōt ej ba aelōn̄ ko, ej aikuj wōr elōn̄ļo̧k jān in, im rej bar obrak barāinwōt kōn ro jeid im jatid.

22 Bwe lo, Irooj Anij Eaar ^atōlļo̧k jān iien n̄an iien jān m̧weo im̧ōn Israel, ekkar n̄an ankilaan im An kōņaan. Im kiiō lo, Irooj ej keememej aolep ro kar bōkļo̧k, kōn menin E ej keememej kōj barāinwōt.

23 Kōn menin, en m̧ōņōņō būruōmi, im keememej bwe kom̧ij ^aanemkwōj n̄an ^bkōm̧m̧an n̄an kom̧ make—n̄an ^ckāālet iaļ n̄an mej indeeo ak iaļ n̄an mour indeeo.

24 Kōn menin, ro jeiū im jatū rejitōnbōro, kom̧in kōllaajrak kom̧ n̄an ankilaan Anij, im jab n̄an ankilaan devil im kanniōk; im keememej, ālikin ami kar kōllaajrak kom̧ n̄an Anij, bwe ej ilo im kōn wōt ^ajouj an Anij kom̧ij bōk ^blo̧mo̧o̧r.

25 Kōn menin, Anij en kōjerkak kom̧ jān mej kōn kajoor in jerkakpeje eo, im barāinwōt jān mej indeeo kōn kajoor in ^apinmuur eo, bwe kom̧in maron̄ deļo̧n̄ļo̧k ilo aelōn̄ in Anij eo ejjeļo̧k jem̧ļo̧kin, bwe kom̧in maron̄ wūjtake E kōn jouj in lan̄. Amen.