፩ እናም አሁን የተወደዳችሁ ወንድሞቼ ሆይ፣ እኔ ያዕቆብ ስለዚህ ስለተናገርኩት ስለተቀደሰው ^ሀቅርንጫፍ ደግሜ እናገራችኋለሁ።

፪ እነሆም እኛ የያዝናቸው ^ሀቃልኪዳኖች ለስጋ የተገቡ ቃልኪዳኖች ናቸው፤ ስለዚህ፣ ብዙዎች ልጆቻችን እምነት በማጣታቸው የተነሳ እንደሚጠፉ ለእኔ ቢገለፀልኝም፣ ይሁን እንጂ፣ እግዚአብሔር ለብዙዎች ምህረትን ያወርዳል፤ እና ልጆቻችን የመድኃኒታቸውን እውነተኛ እውቀት ወደሚሰጣቸው ለመምጣት ደግመው ይመለሳሉ።

፫ ስለዚህ፣ እንዳልኳችሁ፣ ክርስቶስ—ትናንት ማታ ^ሀመልአኩ ስሙ ይህ እንደሚሆን ነግሮኛልና—ከአይሁዶች፣ በዓለም ከሌሎች በላይ ኃጢአተኛ በሆኑት፣ መካከል ^ለይመጣል፤ እነርሱም ^ሐይሰቅሉታል—እንዲህ መሆኑ ለአምላካችን አስፈላጊ ነበርና፣ እናም በምድር ላይ የራሳቸውን ^መአምላክ ^ሠየሚሰቅል ሌላ ህዝብ የለም።

፬ በሌሎች ሕዝቦች መካከል ታላቅ ^ሀተዓምራት ከተፈፀሙ ንስሀ ይገባሉ፣ እናም አምላካቸው እንደሆነ ያውቃሉ።

፭ ነገር ግን በኃጢያትና ^ሀበካህናት ተንኮል የተነሳ በኢየሩሳሌም ያሉት እርሱ እስኪገደል ድረስ እንኳ በእርሱ ላይ አንገተ ደንዳና ይሆናሉ።

፮ ስለዚህ በኃጢአታቸው የተነሳ ጥፋት፣ ረሃብ፣ ቸነፈር፣ እና ደም መፍሰስ በእነርሱ ላይ ይመጣል፤ እናም የማይጠፉት ደግሞ በህዝቦች ሁሉ መካከል ^ሀይበተናሉ።

፯ ነገር ግን እነሆ፣ ^ሀጌታ እግዚአብሔር እንዲህ ይላል—እኔ ክርስቶስ እንደሆንኩ፣ የሚያምኑበት ቀን ^ለበመጣ ጊዜ፣ ያኔ እኔ በስጋ ወደ ርስታቸው ምድር እመልሳቸው ዘንድ ከአባቶቻቸው ጋር ቃል ኪዳን ገብቻለሁ።

፰ እናም እንዲህ ይሆናል፣ ከረጅም ዘመን ብተናቸው፣ ^ሀከባህር ደሴቶችና፣ ከምድር ከአራቱም ማዕዘናት ^ለይሰበሰባሉ፤ እና አህዛቦች እነርሱን ወደ ርስት ምድራቸው ^ሐበመውሰዳቸው የአህዛብ ሀገሮች በዐይኖቼ ፊት ታላቅ ይሆናሉ ይላል እግዚአብሔር።

፱ ^ሀአዎን፣ የአህዛብ ንጉሶች ለእነርሱ እንደ አባት ይሆኑላቸዋል፣ እናም ንግስቶቻቸውም እንደ እናቶች ይሆኑላቸዋል፤ ስለዚህ፣ ጌታ ለአህዛብ የገባው ^ለቃል ኪዳን ታላቅ ነው፣ እርሱ ተናግሯታልና፣ እናም ማን ይቃወማል?

፲ ነገር ግን እነሆ፣ ይህ ምድር፣ ይላል እግዚአብሔር፣ የርስታችሁ ምድር ይሆናል፣ እና ^ሀአህዛብም በምድሩ ላይ የተባረኩ ይሆናሉ።

፲፩ እናም ይህ ምድር ለአህዛብ ^ሀየነፃነት ምድር ይሆናል፣ እናም በምድሪቷም በአህዛብ ላይ የሚነሱ ^ለንጉሶች አይኖሩም።

፲፪ እናም እኔ ይህንን ምድር ከሌሎች ሀገሮች አጠናክራቸዋለሁ።

፲፫ እናም ፅዮንን ^ሀየሚዋጋ ^ለይጠፋል፣ ይላል እግዚአብሔር።

፲፬ በእኔ ላይ ሌላ ንጉስ የሚያስነሳ ይጠፋልና፣ ምክንያቱም እኔ ጌታ የሰማይ ^ሀንጉስ፣ ንጉሳቸው እሆንላቸዋለሁ፣ እናም ድምፄን ለሚሰሙ ሁሉ ለዘለዓለም ^ለብርሃን እሆንላቸዋለሁ።

፲፭ ስለዚህ፣ በዚህ የተነሳ፣ ለሰው ልጆች የገባኋቸው ^ሀቃልኪዳኖች ይፈፀሙ ዘንድ፣ እነርሱ በስጋ እያሉ አደርግላቸው ዘንድ፣ ^ለየጭለማ ^ሐየሚስጥር ስራዎችንና፣ ግድያዎችን፣ እናም እርኩሰቶችን አጠፋ ዘንድ ያስፈልገኛል።

፲፮ ስለዚህ፣ አይሁድም ሆነ አህዛብ፣ ባርያም ሆነ ነፃ፣ ወንድም ሆነ ሴት፣ ^ሀፅዮንን የሚዋጋ ይጠፋል፤ የምድር ሁሉ ጋለሞታዎች ^ለእነዚህ ናቸውና፤ የእኔ ^ሐያልሆኑት ^መይቃወሙኛልና ይላል አምላካችን።

፲፯ ለሰው ልጆች በስጋቸው ላደርግላቸው የገባሁትን ቃል ኪዳን ^ሀእፈፅማለሁና—

፲፰ ስለዚህ፣ የተወደዳችሁ ወንድሞቼ ሆይ፣ አምላካችን እንዲህ ይላል፣ ዘሮቻችሁን ^ሀበአህዛብ እጅ አሰቃያለሁ፣ ይሁን እንጂ፣ እነርሱ እንደአባት ይሆኑላቸው ዘንድ የአህዛብን ልብ አራራለሁ፤ ስለዚህ፣ አህዛብ ^ለይባረካሉ እናም ከእስራኤል ቤትም ውስጥ ^ሐይቆጠራሉ።

፲፱ ስለዚህ፣ ለዘሮችህና ከዘሮችህ መሀል ለሚቆጠሩት ይህችን ምድር የርስት ምድራቸው ለዘለዓለም ትሆን ዘንድ ^ሀእቀባታለሁ፤ እግዚአብሔርም ለእኔ ከሌሎች ምድሮች ሁሉ በላይ የተመረጠች ምድር ናት አለኝ፤ ስለዚህ፣ በዚያ የሚኖሩ ሰዎች ሁሉ እኔን እንዲያመልኩ እፈልጋለሁይላል እግዚአብሔር።

፳ እና አሁን፣ የተወደዳችሁ ወንድሞቼ ሆይ፣ መሀሪው እግዚአብሔር እነዚህን ነገሮች በተመለከተ ታላቅ እውቀትን ስለሰጠን፣ እናስታውሰው፣ እናም ኃጢአታችንን እንተው፣ ተስፋም አንቁረጥ፣ እኛ አልተጣልንምና፤ ይሁን እንጂ፣ ከርስታችን ምድር ^ሀእንድንወጣ ተደርገናል፤ ነገር ግን ^ለወደተሻለ ምድር ተመርተናል፣ ጌታ ባህሩን ^ሐመንገዳችን አድርጎልናል፣ እና ^መበባህር ደሴት ላይ ነን።

፳፩ ነገር ግን ^ሀበባህር ደሴቶች ላይ ላሉት የጌታ ቃል ኪዳን ታላቅ ነው፣ ስለዚህ ደሴቶች ስለሚል፣ ከዚህ የበለጡ ሌሎችም አሉ ማለት ነው፤ እናም እነርሱ ወንድሞቻችን የሚኖሩባቸው ናቸው።

፳፪ እነሆም ጌታ እግዚአብሔር እንደፈቃዱና እንደምኞቱ ከጊዜ ወደ ጊዜ ከእስራኤል ቤት ህዝቡን ^ሀአውጥቷል። እናም አሁን እነሆ፣ ጌታ የተገነጠሉትን ሁሉ ያስታውሳል፣ ስለዚህ እኛንም ደግሞ ያስታውሳል።

፳፫ ስለዚህ፣ ልባችሁን አስደስቱ፣ እናም በራሳችሁ ^ሀለመስራት፣ ዘለዓለማዊውን ሞት ወይም የዘለዓለማዊውን ህይወት መንገድ እራሳችሁ ^ለለመምረጥ ^ሐነጻነት እንዳላችሁ አስታውሱ።

፳፬ ስለዚህ፣ የተወደዳችሁ ወንድሞቼ ሆይ፣ ራሳችሁን ከእግዚአብሔር ፈቃድ ጋር እንጂ ከዲያብሎስና ከስጋ ፈቃድጋር አታስታርቁ፤ እናም ከእግዚአብሔር ጋር ከታረቃችሁ በኋላ ^ሀየምትድኑት በእግዚአብሔር ^ለፀጋ ውስጥና በእርሱ በኩል ብቻ እንደሆነ አስታውሱ።

፳፭ ስለዚህ፣ ወደዘለዓለም የእግዚአብሔር መንግስት እንድትገቡና፣ በመለኮታዊ ፀጋም እንድታመሰግኑት ዘንድ፣ እግዚአብሔር በትንሣኤ ኃይል ከሞት፣ እናም ደግሞ ከዘለዓለማዊው ሞት ^ሀበኃጢያት ክፍያ ያንሳችሁ። አሜን።