፩ እናም እንዲህ ይሆናል፣ የእግዚአብሔርን በግ ^ሀየማሰናከያውን ድንጋይ በመውሰድ እራሱን በቃል፣ ደግሞም ^ለበሀይል፣ እንዲሁም በስራው፣ ለእነርሱ በሚገልፅበት ጊዜ ^ሐአህዛብ እርሱን ካዳመጡ—

፪ እናም በአባትህ ዘሮች መካከል እንዲቆጠሩ ዘንድ በእግዚአብሔር በግ ላይ ልባቸውን ካላጠጠሩ፣ አዎን፣ ከእስራኤልም ቤት መካከልም ^ሀይቆጠራሉ፤ እነርሱም በቃልኪዳኑ ምድር ለዘለአለም ^ለየተባረኩ ህዝቦች ይሆናሉ፤ ከዚህ ወዲያም ወደምርኮ አይመጡም፤ ከዚህም ወዲያ የእስራኤል ቤት ከሌሎች ህዝቦች ጋር አይደባለቁም።

፫ እናም በዲያብሎስና በልጆቹ በተቋቋመው በታላቋና በርኩሰቱ ቤተክርስቲያን የሰዎችን ነፍስ ወደ ሲኦል ይወስድበት ዘንድ የተቆፈረው ትልቁ ^ሀጉድጓድ—አዎን፣ ሰዎችን ለማጥፋት የተቆፈረው ታላቁ ጉድጓድ በፍጹም እንዲጠፉ ዘንድ በቆፈሩት ይሞላል ይላል የእግዚአብሔር በግ፤ መጨረሻ ወደሌለው ወደዚያ ^ለሲኦል ካልጣላቸው በሰተቀር፣ የነፍስ መጥፋት አይደለም።

፬ እነሆም ይህ በዲያብሎስ ምርኮ፣ እናም ደግሞ በእግዚአብሔር ፍትህ መሰረት በእርሱ ፊት ኃጢያትንና እርኩሰትን ባደረጉት ላይ ሁሉ ነው።

፭ እናም እንዲህ ሆነ መልአክ እንዲህ ብሎ ለእኔ ለኔፊ ተናገረኝ—አንተ አህዛብ ንስሀ ከገቡ መልካም እንደሚሆንላቸው አይተሀል፣ አንተም ደግሞ ጌታ የእስራኤልን ቤት በተመለከተ የገባውን ቃል ኪዳን ታውቃለህ፣ እናም ማንም ^ሀንስሀ የማይገባ መጥፋት እንዳለበት ሰምተሀል።

፮ ስለዚህ፣ በእግዚአብሔር በግ ላይ ልባቸውን ቢያጠጥሩ ለአህዛብ ^ሀወየው።

፯ በአንድም መንገድ ይሁን በሌላ ዘለዓለማዊ በሚሆነው ስራ—እነርሱ ሰላምንና ^ሀዘለዓለማዊ ህይወትን እንዲመርጡ፣ ወይም እነርሱን ልባቸው በማጣጠርና አዕምሮአቸው በማሳወር ወደ ምርኮ፣ እናም ደግሞ እኔ በተናገርኩት በዲያብሎስ ^ለምርኮ መሰረት እነርሱን ወደጊዜያዊና መንፈሳዊ ጥፋት እንዲሰጡ በሚያደርገው ስራ፣ እኔ ታላቅና ^ሐድንቅ ስራን በሰው ልጆች መካከል የምሰራበት ጊዜው ይመጣል፣ ይላል የእግዚአብሔር በግ።

፰ እናም እንዲህ ሆነ መልአኩ እነዚህን ቃላት ከተናገረ በኋላ እንዲህ አለኝ፥ አብ ለእስራኤል ቤት የገባውን ^ሀቃልኪዳኖች ታስታውሳለህን? እኔም አዎን አልኩት።

፱ እናም እንዲህ ሆነ፣ እንዲህ አለኝ—የኃጢኣት እናትን፣ መስራቿ ^ሀዲያብሎስ የሆነውን ታላቋና የርኩሰት እናት የሆነችው የርኩሰት ቤተክርስቲያን ተመልከት።

፲ እርሱም እንዲህ አለኝ—እነሆ ^ሀሁለት ቤተክርስቲያናት ብቻ አሉ፤ አንዷ የእግዚአብሔር በግ ቤተክርስቲያን ናት፣ ^ለሌላዋም የዲያብሎስ ቤተክርስቲያን ናት፤ ስለዚህ ማንኛውም የእግዚአብሔር በግ ቤተክርስቲያን አባል ያልሆነ የርኩሰት እናት ከሆነችው የታላቂቷ ቤተክርስቲያን አባል ይሆናል፤ እናም እርሷ የምድር ሁሉ ^ሐጋለሞታ ነች።

፲፩ እናም እንዲህ ሆነ የምድርን ሁሉ ጋለሞታ አየሁና ተመለከትኩ፣ እርሷም በብዙ ^ሀውኃዎች ላይ ተቀምጣ ነበር፤ እናም ^ለእርሷ በሁሉም ሀገሮች፣ ነገዶች፣ ቋንቋዎችና ህዝቦች መካከል በምድር ላይ ሁሉ ትገዛለች።

፲፪ እናም እንዲህ ሆነ የእግዚአብሔር በግ ቤተክርስቲያንን ተመለከትኩ፣ እናም በብዙ ውኃዎች ላይ በተቀመጠችው ጋለሞታ ክፋትና ርኩሰቶች ምክንያት ቁጥሯ ^ሀጥቂት ነበሩ፤ ይሁን እንጂ የእግዚአብሔር ቅዱሳን የሆኑት የበጉ ቤተክርስቲያን አባላቶቿም ደግሞ ^ለበምድር ገፅ ላይ ሁሉ እንደነበሩ ተመለከትኩ፤ እናም በተመለከትኳት ትልቅ ጋለሞታ ክፋት ምክንያት በምድር ገፅ ላይ የሚገዙት ቦታዎች ትንሽ ነበሩ።

፲፫ እናም እንዲህ ሆነ ታላቂቱ የርኩሰት እናት ከእግዚአብሔር በግ ጋር ^ሀለመዋጋት በምድር ገፅ ላይ ሁሉ ከሁሉም የአህዛብ ሀገሮች መካከል ብዛትን በአንድ ላይ እንደሰበሰበች ተመለከትኩ።

፲፬ እናም እንዲህ ሆነ እኔ ኔፊ በበጉ ቤተክርስቲያን ቅዱሳንና በምድር ገፅ ላይ ሁሉ በተበተኑት የጌታ የቃል ኪዳን ህዝቦች ላይ የእግዚአብሔር በግ ኃይል ሲወርድ ተመለከትኩ፤ እነርሱም ፅድቅንና የእግዚአብሔርን ^ሀኃይል በታላቅ ክብር የታጠቁ ነበሩ።

፲፭ እናም እንዲህ ሆነ የእግዚአብሔር ቁጣ በታላቋና በርኩሰት ቤተክርስቲያን ላይ ^ሀፈስሶ በዚያም በምድር ባሉ ^ለሀገሮችና ነገዶች ሁሉ መካከል ጦርነቶችና የጦርነት ወሬዎች እንደነበሩ ተመለከትኩ።

፲፮ እናም ^ሀጦርነቶችና የጦርነት ወሬዎች በሁሉም የርኩሰት እናት በሆነችው በሚመሩት ሀገሮች መካከል ሲጀመር መልአኩ እንዲህ ሲል ተናገረኝ—እነሆ የእግዚአብሔር ቁጣ በጋለሞታዎች እናት ላይ ነው፣ እናም እነሆ እነዚህን ነገሮች ሁሉ ትመለከታለህ—

፲፯ እናም የእግዚአብሔር ^ሀቁጣ በጋለሞታዎች እናት፣ በምድር ሁሉ ታላቋና በተረኮሰች በዲያብሎስ በተመሰረተች ቤተክርስቲያን ላይ የሚፈስበት ^ለቀን ሲመጣ፣ ከዚያም በእዚያ ቀን የእስራኤል ቤት ለሆኑት ለህዝቦቹ የገባውን ^ሐቃል ኪዳኖች ለማሟላት መንገድን በማዘጋጀት የአብ ^መስራ ይጀምራል።

፲፰ እናም እንዲህ ሆነ መልአኩ እንዲህ ሲል ተናገረኝ፥ ተመልከት!

፲፱ እናም ተመለከትኩና፣ አንድ ሰው አየሁ፣ እርሱም ነጭ ካባ ለብሶ ነበር።

፳ እናም መልአኩ አለኝ፥ እነሆ ከበጉ አስራ ሁለት ሐዋርያት ^ሀአንዱ።

፳፩ እነሆ እርሱ ከእነዚህ ነገሮች ቀሪዎቹን ይመለከታል፣ እንዲሁም ይፅፋል፣ አዎን፣ ደግሞም ብዙ ነገሮችን ተመልክቶም ይፅፋል።

፳፪ እናም ደግሞ እርሱ ስለ ዓለም ፍፃሜ ይፅፋል።

፳፫ ስለዚህ እርሱ የሚፅፋቸው ነገሮች ትክክልና እውነት ናቸው፤ እናም እነሆ እነርሱ ከአይሁድ አፍ ሲወጡ በተመለከትካቸው ^ሀመፅሐፉ ውስጥ የፃፉት ናቸው፣ ከአይሁድም አፍ በወጡበት ጊዜ ወይም መፅሐፉ በአይሁድ አፍ በወጡበት ጊዜ የተፃፉት ነገሮች ግልፅና የጠሩ እንዲሁም እጅግ ^ለየከበሩና ለሰዎች ሁሉ ለመረዳት ቀላል ነበሩ።

፳፬ እናም እነሆ ይህ የበጉ ^ሀሐዋርያ የሚፅፋቸው ነገሮች አንተ ያየሀቸው ብዙ ነገሮች ናቸው፤ እነሆ ቀሪዎቹን አንተም ትመለከታለህ።

፳፭ ነገር ግን ከዚህ በኋላ የምታያቸውን ነገሮች እንዳትፅፍ፤ የእግዚአብሔር በግ ሐዋርያ የሆነው ^ሀመፃፍ እንዳለበት ጌታ እግዚአብሔር ሾሞታልና።

፳፮ እናም ደግሞ ለነበሩም ሌሎች ሁሉንም ነገሮች አሳይቶአቸዋል፣ እነርሱም ፅፈዋቸዋል፤ እንዲሁም በጉ ውስጥ ካሉት እውነታ መሰረት፣ ጌታ በፈቀደ ጊዜ ለእስራኤል ቤት በንፅህና ይመጡ ዘንድ ^ሀታትመዋል።

፳፯ እናም እኔ ኔፊ በመልአኩ ቃል መሰረት የበጉ ሐዋርያ ስም ^ሀዮሐንስ መሆኑን ሰምቼአለሁም እመሰክራለሁም።

፳፰ እናም እነሆ እኔ ኔፊ፣ የተቀሩትን ያየሁአቸውንና የሰማሁአቸውን ነገሮች እንዳልፅፍ ተከልክዬአለሁ፣ ስለዚህ እኔ የፃፍኳቸው ነገሮች በቂ ናቸው፤ እናም እኔ ካየሁአቸው ጥቂት ነገሮች ብቻ ጽፌአለሁ።

፳፱ እኔም ^ሀአባቴ ያያቸውን ነገሮች እንዳየሁ እመሰክራለሁ፣ እናም የጌታ መልአክ እንዳውቃቸው አደረገኝ።

፴ አሁንም እኔ በመንፈስ በተወሰድኩ ጊዜ ስላየኋቸው ነገሮች መናገሬን አቆማለሁ፤ እናም ምንም እንኳን ያየሁአቸው ነገሮች ሁሉ ባይፃፉም የፃፍኳቸው ነገሮች ^ሀእውነት ናቸው፣ እናም ይህ ነው። አሜን።