មេរៀន​ទី 25

នីហ្វៃ​ទី ​23

សៀវភៅ​ណែនាំ​ការសិក្សា​ព្រះគម្ពីរ​មរមន​សម្រាប់​គ្រូបង្រៀន ថ្នាក់​សិក្ខាសាលា


សេចក្តី​ផ្ដើម

នីហ្វៃ​ទី ​23រួម​មាន​ពាក្យសម្ដី​របស់​លីហៃ​ទៅកាន់​កូន​ពៅ​របស់​គាត់ គឺ​យ៉ូសែប ។ លីហៃ​បាន​រ៉ាយរ៉ាប់​ការព្យាករណ៍​ដោយ យ៉ូសែប​នៃស្រុក​អេស៊ីព្ទ ទាក់ទង​នឹង​តួនាទី​របស់​ព្យាការី​យ៉ូសែប ស្ម៊ីធ ការចេញ​មក​នៃ​ព្រះគម្ពីរ​មរមន និង ការស្ដារ​ឡើងវិញ​នៃ​ដំណឹងល្អ ។

យោបល់​សម្រាប់​ការបង្រៀន

នីហ្វៃ​ទី ​2 3:1–25

លីហៃ​រៀបរាប់​ពី​ការព្យាករណ៍​ដោយ យ៉ូសែប​នៃស្រុក​អេហ្ស៊ីប​អំពី​ព្យាការី​យ៉ូសែប ស្ម៊ីធ ។

មុន​ចាប់ផ្ដើម​ថ្នាក់ សូម​គូរ​ឌីយ៉ាក្រាម​ខាងក្រោម​នៅលើ​ក្ដារខៀន ។

4 Stick Figures

ដើម្បី​ឲ្យ​សិស្ស​យល់​ពី​ការបង្រៀន​នៅក្នុង នីហ្វៃ​ទី ​2 3 នេះ សូម​ប្រាប់​ពួកគេ​ថា ជំពូក​នេះ​រួមមាន​សាច់រឿង​អំពី​បុរស​បួន​នាក់​ដែល​មាន​នាម​ដូចគ្នា ។ សូម​អញ្ជើញ​សិស្ស​ស្រាវជ្រាវ​ព្រះគម្ពីរ​យោង​ដែល​នៅ​ខាងក្រោម​រូបភាព​នៅលើ​ក្ដារខៀន​ឲ្យ​លឿន ដើម្បី​សម្រេច​ថា​នរណា​តំណាង​ឲ្យ​រូបភាព​មួយៗ ។ នៅពេល​សិស្ស​ម្នាក់​រកឃើញ​ចម្លើយ​ហើយ សូម​ឲ្យ​គាត់ ឬ នាង​សរសេរ​វា​នៅលើ​ក្ដារខៀន ។ ( រូបភាព​ទីមួយ​តំណាង​ឲ្យ យ៉ូសែប​ជា​កូនប្រុស​របស់​លីហៃ ។ ទី​ពីរ តំណាង​ឲ្យ​ព្យាការី យ៉ូសែប ដែល​ត្រូវ​បាន​លក់​ទៅ​ឯ​អេហ្ស៊ីប ប្រហែល​ជា 1700 ឆ្នាំ​មុន​ការប្រសូត​របស់​ព្រះយេស៊ូវគ្រីស្ទ ។ ទី​បី តំណាង​ឲ្យ​ព្យាការី យ៉ូសែប ស្ម៊ីធ ។ ទី​បួន តំណាង​ឲ្យ យ៉ូសែប ស្ម៊ីធ ស៊ីញ្ញ័រ ។ )

សូម​បង្ហាញ​រូបភាព​មួយ​របស់​ព្យាការី យ៉ូសែប ស្ម៊ីធ ដូចជា​បងប្រុស យ៉ូសែប ( 62161; សៀវភៅ​រូបភាព​ដំណឹងល្អ [2009] លេខ 87 ) ។ សូម​ប្រាប់​សិស្ស​ថា ភាគច្រើន​នៃ​នីហ្វៃ​ទី ​2 3 ផ្ដោត​សំខាន់​លើ​ការព្យាករណ៍​ដោយ យ៉ូសែប​នៃស្រុក​អេហ្ស៊ីប​អំពី​ព្យាការី យ៉ូសែប ស្ម៊ីធ ។

ព្យាការីយ៉ូសែប ស្ម៊ីធ

សូម​អញ្ជើញ​សិស្ស​បី​នាក់​ឲ្យ​ប្ដូរវេន​គ្នា​អាន​ឮៗ​នៅក្នុង នីហ្វៃ​ទី ​2 3:6–8 ។ សុំ​ឲ្យ​សិស្ស​ស្វែងរក​ពាក្យ និង ឃ្លា​ដែល​យ៉ូសែប​នៃ​ស្រុកអេហ្ស៊ីប បាន​ប្រើ​ដើម្បី​ពិពណ៌នា​យ៉ូសែប ស្ម៊ីធ និង កិច្ចការ​ដែល​គាត់​នឹង​សម្រេច​បាន ។ ( អ្នក​គួរតែ​ពន្យល់​ថា នៅពេល​ដែល​យ៉ូសែប​នៃស្រុក​អេហ្ស៊ីប បាន​ប្រើ​ឃ្លា « ផល​នៃ​ពោះ​លោក » គាត់​សំដៅ​ទៅ​កូនចៅ​របស់​គាត់ ។ ) នៅលើ​ក្ដារខៀន ខាងក្រោម​រូបភាព​ដែល​តំណាង​ឲ្យ​យ៉ូសែប ស្ម៊ីធ សូម​សរសេរ​ពាក្យ និង ឃ្លា​ដែល​សិស្ស​រកឃើញ ។ ពួកគេ​គួរតែ​ស្វែងរក​ឃ្លា​ដូចជា « អ្នកមើល​ឆុត​ដ៏​ជម្រើស​ចំពោះ​ផល​នៃ​ពោះ​របស់​ខ្ញុំ » « បាន​តម្កើង​ខ្ពស់ » « ដើម្បី​នាំ​ឲ្យ​ពួកគេ​ស្គាល់​នូវ​សេចក្ដីសញ្ញា​ទាំងឡាយ » និង « យើង​នឹង​ធ្វើ​ឲ្យ​គាត់​ទៅជា​ធំ​នៅ​ចំពោះ​ភ្នែក​យើង ។ »

  • នៅពេល​យើង​បាន​សិក្សា នីហ្វៃ​ទី ​2 3:6–8 តើ​អ្នក​បាន​រៀន​អ្វី​ខ្លះ​អំពី​ព្យាការី យ៉ូសែប ស្ម៊ីធ ? ( សូម​ជួយ​សិស្ស​ឲ្យ​យល់​ថា ព្រះអម្ចាស់​បាន​លើក​ព្យាការី យ៉ូសែប ស្ម៊ីធ ឡើង ដើម្បី ជួយ​នាំ​មក​នូវ​ការស្ដារ​ឡើងវិញ​នៃ​ដំណឹងល្អ ។ )

សូម​អញ្ជើញ​សិស្ស​អាន នីហ្វៃ​ទី ​2 3:11–15ដោយ​ស្ងាត់ស្ងៀម ។ សុំ​ឲ្យ​ពួកគេ​ស្រាវជ្រាវ​រក​ឃ្លា​បន្ថែម​ទៀត អំពី​អ្វី​ដែល​ព្រះ​នឹង​សម្រេច​បាន​តាមរយៈ​ព្យាការី យ៉ូសែប ស្ម៊ីធ ។ នៅពេល​ដែល​ពួកគេ​មាន​ពេល​គ្រប់គ្រាន់​ដើម្បី​សិក្សា​ខគម្ពីរ​ទាំងនេះ​ហើយ សូម​សួរ​ពី​អ្វី​ដែល​ពួកគេ​បាន​រកឃើញ ។ សូម​បន្ថែម​ចម្លើយ​របស់​ពួកគេ​ទៅលើ​បញ្ជី​នៅលើ​ក្ដារខៀន​ខាងក្រោម​រូបភាព​ដែល​តំណាង​ឲ្យ​ព្យាការី យ៉ូសែប ស្ម៊ីធ ។ ( ចម្លើយ​អាច​រួមមាន « នាំ​ពាក្យ​របស់​យើង » « ចេញ​ពី​ភាពទន់ខ្សោយ អ្នកនោះ​នឹង​ត្រូវបាន​ធ្វើ​ឲ្យ​មាំមួន » « អ្នកណា​ដែល​ស្វែងរក​បំផ្លាញ​លោក នោះ​នឹង​ត្រូវ​បំផ្លាញ​ចោល » និង « ត្រូវ​បាន​ហៅ … តាម​ឈ្មោះ​ឪពុក​លោក ។ » )

ដើម្បី​ជួយ​សិស្ស​យល់​បន្ថែម​ទៀត និង សញ្ជឹងគិត​អំពី​តួនាទី​របស់​ព្យាការី យ៉ូសែប ស្ម៊ីធ នៅក្នុង​ការស្ដារ​ឡើងវិញ​នៃ​ដំណឹងល្អ សូម​អាន នីហ្វៃ​ទី ​2 3:11 ឮៗ ដោយ​ផ្ដល់​ការសង្កត់ធ្ងន់​ពិសេស​ទៅលើ​ឃ្លា « អំណាច​ឲ្យ​នាំ​ពាក្យ​របស់​យើង » ។

  • តើ​ឧទាហរណ៍​អ្វី​ខ្លះ​នៃ​ព្រះបន្ទូល​របស់​ព្រះ​ដែល​យ៉ូសែប ស្ម៊ីធ បាន​នាំ​មក ? ( ចម្លើយ​អាច​រួម​មាន ព្រះគម្ពីរ​មរមន , គោលលទ្ធិ និង សេចក្ដីសញ្ញា , មុក្តា​ដ៏​មាន​តម្លៃ​មហិមា , ការបកប្រែ​របស់​យ៉ូសែប ស្ម៊ីធ និង ការបង្រៀន​ផ្ទាល់​របស់​ព្យាការី ។ )

នៅក្នុង​វគ្គ​នៃ​ការពិភាក្សា​នេះ សូម​ប្រាកដ​ដើម្បី​បង្ហាញ​ថា យ៉ូសែប​នៃស្រុក​អេហ្ស៊ីប បាន​ព្យាករណ៍​ថា ព្យាការី យ៉ូសែប ស្ម៊ីធ នឹង​នាំ​មក​នូវ​ព្រះគម្ពីរ​មរមន ។ អ្នកគួរតែ​ពន្យល់​ថា នីហ្វៃ​ទី ​2 3:12 បាន​លើកឡើង​សៀវភៅ​ពីរ ៖ សៀវភៅ​សរសេរ​ដោយ​កូនចៅ​របស់​យ៉ូសែប​នៃ​ស្រុកអេហ្ស៊ីប គឺជា​ព្រះគម្ពីរ​មរមន និង សៀវភៅ​ដែល​សរសេរ​ដោយ​កូនចៅ​សាសន៍​យូដា គឺជា​ព្រះគម្ពីរ​បរិសុទ្ធ ។ អ្នក​អាច​ចង់​ផ្ដល់​យោបល់​ថា សិស្ស​គួរតែ​កត់ត្រា​ការពន្យល់​ទាំងនេះ​នៅក្នុង​ព្រះគម្ពីរ​របស់​ពួកគេ ។

សូម​អញ្ជើញ​សិស្ស​ស្រាវជ្រាវ​រក​ឃ្លា​នៅក្នុង នីហ្វៃ​ទី ​2 3:12 ដែល​ពិពណ៌នា​ឥទ្ធិពល​ដែល​ព្រះគម្ពីរ​មរមន និង ព្រះគម្ពីរ​បរិសុទ្ធ​នឹង​មាន​លើ​ពិភពលោក នៅពេល​ដែល​ទាំងពីរ « ត្រូវ​បាន​រួម​ទៅ​ជាមួយ​គ្នា ។ » ( ឧទាហរណ៍ សិស្ស​អាច​ស្វែងរក « ការផ្ចាញ់ផ្ចាល​នូវ​គោលលទ្ធិ​ក្លែងក្លាយ​ទាំងឡាយ » « ការបង្ក្រាប​ការទាស់ទែង​គ្នា​ទាំង​ប៉ុន្មាន » និង « ការបង្កើត​ឲ្យ​មាន​សេចក្ដី​សុខសាន្ដ ។ » )

ដើម្បី​ជួយ​សិស្ស​ឲ្យ​គិត​អំពី​របៀប​ដែល​ព្រះគម្ពីរ​មរមន បាន​មាន​ឥទ្ធិពល​នៅក្នុង​ជីវិត​របស់​ពួកគេ សូម​សួរ ៖

  • តើ​នៅពេល​ណា​ដែល​អ្នក​មាន​បទពិសោធន៍​អំពី​អំណាច​នៃ​ព្រះគម្ពីរ​មរមន​នៅក្នុង​ជីវិត​របស់​អ្នក ឬ បាន​ឃើញ​ឥទ្ធិពល​របស់​វា​នៅក្នុង​ជីវិត​របស់​មិត្តភក្ដិ ឬ សមាជិក​គ្រួសារ ?

សូម​អញ្ជើញ​សិស្ស​ម្នាក់​អាន នីហ្វៃ​ទី ​2 3:15ឮៗ ។ សូម​ឲ្យ​ថ្នាក់​ផ្ដល់​ការយកចិត្តទុកដាក់​ជាពិសេស​ទៅ​លើ​ឃ្លា « នាំ​ប្រជាជន​ខ្ញុំ ទៅកាន់​សេចក្ដី​សង្គ្រោះ » ។

  • តើ​តាម​របៀប​ណា​ដែល​ព្រះគម្ពីរ​មរមន​បាន​ជួយ​នាំ​ប្រជាជន​ទៅ​កាន់​សេចក្ដី​សង្គ្រោះ ?

  • តើ​ព្រះគម្ពីរ​មរមន​បាន​ធ្វើ​ឲ្យ​មាន​ភាពខុសគ្នា​អ្វី​ខ្លះ​នៅក្នុង​ជីវិត​របស់​អ្នក ?

ដើម្បី​ជួយ​សិស្ស​ឲ្យ​យល់ និង កោតសរសើរ​បេសកកម្ម​ដែល​បាន​តែងតាំង​តាំង​ពី​មុន​លោកិយ​មក​ម្ល៉េះ​ចំពោះ​ព្យាការី យ៉ូសែប ស្ម៊ីធ សូម​ឲ្យ​សិស្ស​ម្នាក់​អាន​សេចក្ដី​ថ្លែងការណ៍​ខាងក្រោម​ឮៗ​ដោយ​ប្រធាន ព្រិកហាំ យ៉ង់ ៖

ព្រីកហាំ យ៉ង់

« វា​គឺ​ជា​ច្បាប់​នៅក្នុង​ការប្រឹក្សា​អំពី​ភាពដ៏​អស់កល្ប​ជានិច្ច ជាយូរ​យា​មក​ហើយ ពីមុនពេល​គ្រឹះ​នៃ​ផែនដី​ត្រូវ​បាន​ដាក់ ថា​គាត់ គឺជាយ៉ូសែប ស្ម៊ីធ គួរតែ​ជា​បុរស នៅក្នុង​គ្រា​កាន់កាប់​ត្រួតត្រា​ចុងក្រោយ​បំផុត​នៃ​ពិភពលោក ដើម្បី​នាំ​មក​នូវ​ព្រះ​បន្ទូល​របស់​ព្រះ​ដល់​មនុស្ស​លោក ហើយ​ទទួល​ភាព​ពេញ​លេញ​នៃ​កូន​សោទាំង​ឡាយ និង​អំណាច​នៃ​បព្វជិតភាព​នៃ​ព្រះ​រាជបុត្រា​របស់​ព្រះ ។​ព្រះអម្ចាស់​បាន​ទត​មើល​គាត់ និង ឪពុក​របស់​គាត់ ហើយ​ដល់​ជីតា​របស់​គាត់ ហើយ​ដល់​បុព្វបុរស​របស់​ពួកគេ​រាប់​ត្រឡប់ … ដល់លោកអ័ដាម ។ ទ្រង់​បាន​ទត​មើល​គ្រួសារ​នោះ និង ខ្សែ​លោហិត​នោះ ដោយសារ​វា​បាន​ត្រាច់ចរ​ពី​ប្រភព​របស់​វា​ទៅ​ដល់​កំណើត​របស់​បុរស​នោះ ។ គាត់​ត្រូវ​បាន​តែងតាំង​ពីកាលនៅ​ក្នុង​ភាពអស់កល្ប​ដើម្បី​គ្រប់គ្រង​លើ​គ្រាកាន់កាប់​ត្រួតត្រា​ចុងក្រោយ​នេះ » ( Discourses of Brigham Young, sel. John A. Widtsoe [1954] ទំព័រ 108 ) ។

សូម​សង្ខេប​នីហ្វៃ​ទី ​2 3:16–24 ដោយ​ការពន្យល់​ថា យ៉ូសែប​នៃ​ស្រុកអេហ្ស៊ីប​បាន​ប្រៀបធៀប​យ៉ូសែប ស្ម៊ីធ ទៅ​នឹង​ម៉ូសេ ។ សូម​ឲ្យ​សិស្ស​ស្វែងរក​ពាក្យ និង ឃ្លា​ដែល​ពិពណ៌នា​ព្យាការី យ៉ូសែប ស្ម៊ីធ នៅក្នុង​នីហ្វៃ​ទី ​2 3:24 ។ នៅពេល​ពួកគេ​ចែកចាយ​ពាក្យ និង ឃ្លា​ទាំងឡាយ​ដែល​ពួកគេ​បាន​រកឃើញ សូម​បន្ថែម​ចម្លើយ​របស់​ពួកគេ​ទៅលើ​បញ្ជី​លើ​ក្ដារខៀន​នោះ ។

សូម​អាន​សេចក្ដី​ថ្លែងការណ៍​ខាងក្រោម ដោយ​ប្រធាន ហ្គរដុន ប៊ី ហ៊ិងគ្លី ។ សុំ​សិស្ស​ឲ្យ​ស្ដាប់​រក​សេចក្ដីពិត​ដែល​បាន​បង្ហាញ​តាមរយៈ​ព្យាការី យ៉ូសែប ស្ម៊ីធ ៖

« សូមអនុញ្ញាត​ឲ្យ​ខ្ញុំ​លើកឡើង​នូវ​គោលលទ្ធិ និង ការអនុវត្តន៍​ពីរ​បី​ក្នុង​ចំណោម​គោលលទ្ធិ និង ការអនុវត្តន៍​ជាច្រើន​ដែល​បែងចែក​យើង​ចេញពី​សាសនាចក្រ​ផ្សេង​ទៀត​ទាំងអស់ និង អ្វីៗ​ទាំងអស់​ដែល​បាន​មក​ពី​វិវរណៈ​ទៅដល់​ព្យាការី​វ័យ​ជំទង់ [ យ៉ូសែប ស្ម៊ីធ ] ។ …

« ចំណេះដឹង​នៃ​អាទិទេព ។ …

« ព្រះគម្ពីរ​មរមន ។ …

« … បព្វជិតភាព​ដែល​បាន​ស្ដារឡើងវិញ ។ …

« … ផែនការ​សម្រាប់​ជីវិត​គ្រួសារ​ដ៏​នៅ​អស់កល្ប​ជានិច្ច ។ …

« ភាពសុចរិត​នៃ​កូនក្មេង​តូចៗ ។ …

« … គោលលទ្ធិ​នៃ​សេចក្ដី​សង្គ្រោះ​ដ៏​អស្ចារ្យ​សម្រាប់​មរណជន ។ …

« លក្ខណៈ​ដ៏​នៅ​អស់កល្ប​ជានិច្ច​របស់​មនុស្ស ។ …

« … គោលការណ៍​នៃ​វិវរណៈ​នា​សម័យ​ទំនើប ។ …

« … អំឡុងពេល​ខ្លី​នៃ​អាយុ​ជីវិត 38 និង មួយ​ឆ្នាំ​កន្លះ​របស់​គាត់ មាន​ការចាក់បង្ហូរ​នូវ​ចំណេះដឹង អំណោយទាន និង គោលលទ្ធិ​ដ៏​ឥតប្រៀប​ផ្ទឹម​បាន​តាមរយៈ​គាត់ » ( «រឿង​ដ៏​អស្ចារ្យ​ដែល​ព្រះ​បាន​បើក​សម្ដែង » Ensignលីអាហូណា ខែ ឧសភា ឆ្នាំ 2005 ទំព័រ 80–83 ) ។

សូម​អញ្ជើញ​សិស្ស​បន្ថែម​បញ្ជី​របស់​ប្រធាន ហ៊ីងគ្លី ទៅលើ​បញ្ជី​នៅលើ​ក្ដារខៀន ។

សុំ​ឲ្យ​សិស្ស​អាន គោលលទ្ធិ និង សេចក្ដី​សញ្ញា 135:3 ឮៗ ។ សូម​ពន្យល់​ថា អែលឌើរ យ៉ូហាន ថេលើរ នៃ​កូរ៉ុម​នៃ​ពួកសាវក​ដប់ពីរ​នាក់ ដែល​ក្រោយមក​បាន​ក្លាយជា​ប្រធាន​ទី​បី​នៃ​សាសនាចក្រ បាន​សរសេរ​ពាក្យ​ទាំងនេះ​មិនយូរ​ប៉ុន្មាន​ក្រោយពី​មរណភាព​របស់​ព្យាការី យ៉ូសែប ស្ម៊ីធ ។ សុំ​ឲ្យ​សិស្ស​ស្វែងរក​ចំណុច​ទាំងអស់​ដែល​មាន​នៅក្នុង​ខគម្ពីរ​នេះ ដែល​ពួកគេ​អាច​បន្ថែម​លើ​បញ្ជី​នៅលើ​ក្ដារខៀន ។ សូម​បន្ថែម​ចម្លើយ​របស់​ពួកគេ​ទៅលើ​បញ្ជី ។

សុំ​ឲ្យ​ពេលវេលា​ដល់​សិស្ស​រំឭក​បញ្ជី​នៅលើ​ក្ដារខៀន ។ សូម​អញ្ជើញ​ពួកគេ​ឲ្យ​សញ្ជឹងគិត​ពី​អ្វី​ដែល​ពួកគេ​បាន​រៀន​អំពី​តួនាទី ​របស់​ព្យាការី យ៉ូសែប ស្ម៊ីធ ។ សូម​អញ្ជើញ​ពួកគេ​គិត​អំពី​អ្វី​ដែល​ពួកគេ​ដឹង និង មាន​អារម្មណ៍​អំពី​ព្យាការី​ដោយ​ការសរសេរ​ចម្លើយ​មួយ​ចំពោះ​សំណួរ​មួយ​ក្នុង​ចំណោម​សំណួរ​ខាងក្រោម​នៅក្នុង​កំណត់ហេតុ​សិក្សា​ព្រះគម្ពីរ​ ឬ សៀវភៅ​កត់ត្រា​ក្នុង​ថ្នាក់​របស់​ពួកគេ ៖

  • តើ​អ្នក​បាន​រៀន ឬ មាន​អារម្មណ៍​អ្វី​នៅ​ថ្ងៃនេះ ដែល​បាន​ពង្រឹង​ទីបន្ទាល់​របស់​អ្នក​អំពី​ព្យាការី យ៉ូសែប ស្ម៊ីធ ?

  • តើ​យ៉ូសែប ស្ម៊ីធ បាន​ធ្វើ បង្រៀន ឬ ស្ដារឡើងវិញ​អ្វី​ខ្លះ​ដែល​អ្នក​មាន​អារម្មណ៍​ថា « ជា​ប្រយោជន៍​ដ៏​ធំ » ( នីហ្វៃ​ទី ​2 3:7 ) ចំពោះ​អ្នក ?

សូម​បំបែក​​សិស្ស​ធ្វើការ​ជាគូៗ ។ សូម​លើកទឹកចិត្ត​ពួកគេ​ឲ្យ​ចែកចាយ​ទីបន្ទាល់​របស់​ពួកគេ​អំពី​ព្យាការី យ៉ូសែប ស្ម៊ីធ ជាមួយ​គ្នា​ទៅវិញ​ទៅមក ។ ប្រសិនបើ​អ្នក​មាន​ពេល អ្នក​អាច​លើកទឹកចិត្ត​សិស្ស​ខ្លះ​ឲ្យ​ចែកចាយ​ជាមួយ​នឹង​ថ្នាក់​ទាំងមូល ។ សូម​ចែកចាយ​ទីបន្ទាល់​ផ្ទាល់ខ្លួន​របស់​អ្នក​ថា ព្រះ​បាន​លើក យ៉ូសែប ស្ម៊ីធ ឡើង​ឲ្យ​នាំ​មក​នូវ​ការស្ដារ​ឡើងវិញ ។ សូម​អញ្ជើញ​សិស្ស​របស់​អ្នក ឲ្យ​ស្វែងរក​របៀប ដើម្បី​ចែកចាយ​ទីបន្ទាល់​របស់​ពួកគេ​អំពី​ព្យាការី យ៉ូសែប ស្ម៊ីធ និង ព្រះគម្ពីរ​មរមន​ជាមួយ​នឹង​អ្នកដទៃ​ដែល​ពោរពេញ​ដោយ​ការអធិស្ឋាន ជាពិសេស​មិត្តភក្ដិ និង គ្រួសារ​របស់​ពួកគេ ។

វិចារណកថា និង ព័ត៌មាន​សាច់រឿង

នីហ្វៃ​ទី 2 3:12 ។ របៀប​ដែល​ព្រះគម្ពីរ​មរមន និង ព្រះគម្ពីរ​បរិសុទ្ធ​នឹង « ត្រូវ​រួម​ទៅ​ជាមួយ​គ្នា »

មិនយូរ​ក្រោយពី​ការផ្សព្វផ្សាយ​ជា​សាធារណៈ​នៃ​ការបោះពុម្ព​របស់​ពួកបរិសុទ្ធ​ថ្ងៃ​ចុងក្រោយ​នៃ​ព្រះគម្ពីរ​បរិសុទ្ធ​របស់​ស្ដេច​យ៉ាកុប ដោយ​មាន​ការណែនាំ​តាម​ប្រធានបទ​របស់​វា និង លេខយោង​របស់​វា​ដែល​យោង​រាល់​ការងារ​តាម​បទដ្ឋាន​ទាំងអស់ ប្រធាន ប៊យដ៍ ឃេ ផាកកឺ នៃ​កូរ៉ុម​នៃ​ពួកសាវក​ដប់​ពីរ​នាក់​បាន​ពន្យល់​ថា ៖ « ព្រះគម្ពីរ​សញ្ញា​ចាស់ និង ព្រះគម្ពីរ​សញ្ញា​ថ្មី … និង ព្រះគម្ពីរ​មរមន … ឥឡូវ​គឺ​ត្រូវ​ត្របាញ់​ចូល​គ្នា​ក្នុង​របៀប​មួយ​ដែល នៅពេល​អ្នក​អាន​យ៉ាង​ផ្ចិតផ្ចង់​លើ​មួយ នោះ​អ្នក​នឹង​ត្រូវ​ទាក់ចិត្ត​ទៅ​មួយ​ទៀត ។ នៅពេល​អ្នក​រៀន​ពី​មួយ អ្នក​នឹង​ត្រូវ​បាន​បំភ្លឺ​ដោយ​មួយ​ទៀត ។ ពួកគេ​ពិតជា​របស់​មួយ​នៅក្នុង​ដៃ​របស់​យើង » (« ព្រះគម្ពីរ » Ensign ខែ វិច្ឆិកា ឆ្នាំ 1982 ទំព័រ 53 ) ។

នីហ្វៃ​ទី 2 3:18 ។ តើ​នរណា​ជា​អ្នកនិយាយ ?

អែលឌើរ ប្រ៊ូស អ័រ ម៉ាក់ខន់ឃី នៃ​កូរ៉ុម​នៃ​ពួកសាវក​ដប់​ពីរ​នាក់​បាន​ផ្ដល់​យោបល់​លើ​អត្តសញ្ញាណ​របស់​មនុស្ស​ដែល​ត្រូវ​បាន​និយាយ​អំពី​នៅក្នុង នីហ្វៃ​ទី 2 3:18 ។ ពាក្យ​នៅក្នុង​រង្វង់​ក្រចក​គឺជា​ការបន្ថែម​របស់​អែលឌើរ ម៉ាក់ខន់ឃី ។ គាត់​បាន​មាន​ប្រសាសន៍​ថា ៖ « សូម​កត់ចំណាំ​ពាក្យ​ទាំងនេះ​របស់​ព្រះអម្ចាស់ ៖ ‹ ហើយ​យើង មើល​ចុះ យើង​នឹង​ប្រទាន​ដល់​គាត់ [ មរមន ] ដើម្បី​ឲ្យ​គាត់​សរសេរ​ពាក្យ​របស់​ផល​នៃ​ពោះ​អ្នក [ សាសន៍​លេមិន ] សម្រាប់​ផល​នៃ​ពោះ​អ្នក [ សាសន៍​នីហ្វៃ ] ហើយ​អ្នកនិយយា​ពី​ពោះ​អ្នក​នឹង​ប្រកាស​រឿង​នោះ ។ នោះ​គឺជា​អ្វី​ដែល​មរមន​បាន​សរសេរ​ទុក​ជា​ព្រះគម្ពីរ​មរមន ប៉ុន្ដែ​អ្វី​ដែល​គាត់​បាន​សរសេរ​នោះ ត្រូវ​បាន​ដក​ចេញ​ពី​ការសរសេរ​នៃ​ព្យាការី​សាសន៍​នីហ្វៃ ហើយ​ការសរសេរ​ទាំងនេះ ដោយ​ត្រូវ​បាន​ចងក្រង​ទៅ​ជា​សៀវភៅ​មួយ ត្រូវ​បាន​បកប្រែ​ដោយ​ព្យាការី យ៉ូសែប ស្ម៊ីធ និង ត្រូវ​បាន​នាំ​ចេញ​មក​ដោយ​គាត់​ទៅដល់​សាសន៍​លេមិន » ( A New Witness for the Articles of Faith 1985] ទំព័រ 426 ) ។