Ngaahi Founga ke Mamataʻi pe Fanongo Fakahangatonu ai ki he Konifelenisi Lahí
ʻOku maʻu ʻa e konifelenisi lahí ʻi ha ngaahi founga kehekehe, kau ai ʻa e streaming (fakamafola fakahangatonu) ʻi he ʻinitanetí, ʻi he ngaahi polokalama telefoni toʻotoʻó, pea ʻi he sipika ʻinitanetí (smart speakers). ʻIloʻi pe ko e fē ʻa e ngaahi founga fili ʻoku maʻu ke mamataʻi fakahangatonú pea ko fē ke mamataʻi hili ʻa e konifelenisí.
ʻInitanetí
Ngaahi Polokalama ki he Telefoni Toʻotoʻó
ʻI ai Tonu
Letioó mo e TV: US mo Kānata
Sipika ʻInitanetí
Ngaahi Founga ke Fiefia Kimui Ange ʻi he Konifelenisí
ʻInitanetí
- Vitiō mo e ongo ʻo e ngaahi sēsini kakató. Maʻu atu he taimi vave tahá ʻi he peesi ʻo e ngaahi fakamafola hangatonú ʻi he ChurchofJesusChrist.org pea ʻi he sēnolo YouTube ʻo e Konifelenisi Lahí hili ʻa e fakataha takitaha. Maʻu ʻi he Gospel Library ʻi loto he houa ʻe 24.
- Vitiō mo e ongo ʻo e ngaahi pōpoaki fakafoʻituituí mo e ngaahi fakaʻaliʻali hivá. ʻOku maʻu ʻi he sēnolo YouTube ʻo e Konifelenisi Lahí ʻi loto ʻi he houa ʻe 24 pea mo e Gospel Library ʻi he Pulelulú hili ʻa e fakaʻosinga ʻo e uike konifelenisí.
- Hiki tatau ʻo e ngaahi pōpoaki fakafoʻituituí. ʻOku maʻu ia ʻi he lea faka-Pilitāniá pē ʻi he Gospel Library ʻi he Pulelulu hili e fakaʻosinga ʻo e uike konifelenisí. Ko e lea ki he meimei kotoa ʻo e ngaahi lea fakafonuá, ʻe maʻu atu ia ʻi loto ʻi he uike ʻe ua mei he ʻaho fakamafolá. ʻOku toe maʻu foki ʻa e ngaahi pōpoakí ʻi he ʻinitanetí ʻi he tatau fakakomipiuta ʻo Mē mo Nōvemá ʻi he makasini Liahoná. ʻE maʻu foki ʻi he tatau fakakomipiuta ʻo Mē mo Nōvemá ʻo e Ki Hono Fakamālohia ʻo e Toʻu Tupú pea mo e Ko e Kaumeʻá ha ngaahi pōpoaki konifelenisi mo ha ngaahi meʻa makehe.
- Vitiō kakato ʻo e ngaahi fakatahá mo e ngaahi pōpoaki fakafoʻituituí. Maʻu ʻi he Gospel Stream ʻi he ngaahi TV ʻinitanetí (smart TVs) mo e ngaahi polokalama telefoni toʻotoʻó ʻi he Falaite hoko maí. Vakai ki he tānakiʻanga ʻo e konifelenisi lahí ʻi he konga ki he “Ngaahi Kulupú.” ʻOku toe maʻu foki ʻi he konga ʻo e Laipeli Mītiá ʻo e ChurchofJesusChrist.org ʻi he Falaite hoko maí.
Paaki
- Lau ʻa e ngaahi pulusinga ʻoku tufa ʻo e makasini Liahoná ʻi he māhina ko Mē mo Nōvemá. ʻOku maʻu foki ʻi he ngaahi pulusinga ʻo Mē mo Nōvema ʻo e Ki Hono Fakamālohia ʻo e Toʻu Tupú mo e Ko e Kaumeʻá ha ngaahi pōpoaki mo ha ngaahi meʻa makehe ʻo e konifelenisí. ʻAʻahi ki he store.ChurchofJesusChrist.org ke totongi haʻo maʻu makasini pe pulusinga ʻo ha taha pē ʻi he ʻū makasini ʻa e Siasí, ʻo kau ai ʻa e pulusinga ʻo e konifelenisí ʻi he Liahoná.
Mītia Fakasōsialé
- Muimui ʻi he ngaahi ʻakauni mītia fakasōsiale fakaʻofisiale ʻa e Siasí ki ha ueʻi fakalaumālie lahi ange lolotonga e fakaʻosinga ʻo e uike konifelenisi lahí pea ʻi he toenga ʻo e taʻú.
- Muimui ʻi he ngaahi ongoongo ʻo e konifelenisí ʻi he ngaahi ʻakauni Facebook, Instagram, YouTube, mo e X.
- Tuku hake e ngaahi pōpoaki fekauʻaki mo e konifelenisí ʻo fakaʻaongaʻi e #GeneralConference.