Kamalig sa Paggiok

Ang giokanan nga kamalig adunay mahinungdanong tahas sa panginabuhi sa pamilya Smith ug nagpakita unsa ang trabahoon sa umahan sa pamilya Smith bisan pa sa mga pagpadayag ni Joseph Smith Jr.

Sa ulahing bahin sa mga 1820, ang usa ka sagad nga kamalig sa paggiok gibahin ngadto sa tulo ka bahin: ang pundohanan sa dagami, ang pundohanan sa humay, ug ang giokanan. Ang pundohanan sa dagami mao ang dapit diin ang pamilya magtipig sa uhot, ang pundohanan sa humay mao ang tipiganan sa mga lugas, ug ang giokanan mao ang dapit diin ang mga lalaki maggiok, o magpahumok, sa mga lugas gikan sa mga punoan panahon sa mga bulan sa tingtugnaw. Atol sa dili maayong panahon, ang kamalig naghatag og uga nga dapit pundohanan sa mga ani nga lugas ug dagami alang sa mga hayop. Ang mga galamiton ug mga himan tipigan usab sa kamalig. Aron sayon ra ang pag-akses ngadto sa panimalay ug umahan, ang mga Smith mitukod og kamalig duol sa sentro sa luna.

Bisan tuod ang kamalig sa mga Smith wala na, ang mga arkeolohiko nga pagpangubkob nagpadayag sa nahimutangan niini. Atol sa pagpahiuli sa umahan sa mga Smith, usa ka makasaysayanong kamalig sa samang panuigon ug estilo giayo ug gibalhin ngadto sa Umahan sa Smith gikan sa luna ni John Young, amahan ni Brigham Young, sa Mendon, New York.

Unsay Malaoman

Ang Giokanan nga Kamalig usa ka bahin sa giniyahan nga paglibot pinaagi sa mga misyonaryo sa mga panimalay sa Umahan sa Pamilya Smith. Mabisitahan ninyo kini human sa pagbisita sa Panimalay sa Pagkabata ni Joseph Smith ug sa Panimalay sa Umahan sa mga Smith.

360° nga Pag-aninaw sa Tibuok Palibot