Dallin H. Oaks

Si Presidente Dallin H. Oaks gi-set apart isip Presidente sa Ang Simbahan ni Jesukristo sa mga Santos sa Ulahing mga Adlaw niadtong Oktubre 14, 2025. Sa panahon sa iyang tawag, nagserbisyo siya isip Unang Magtatambag sa Unang Kapangulohan ngadto ni Presidente Russell M. Nelson ug Presidente sa Korum sa Napulog Duha ka Apostoles. Si Presidente Oaks gipaluyohan isip usa ka sakop sa Korum sa Napulog Duha ka Apostoles niadtong Abril 7, 1984.

Si Presidente Oaks natawo didto sa Provo, Utah, niadtong 1932. Siya ug ang iyang kanhi asawa, si June Dixon Oaks (kamatayon July 21, 1998), mga ginikanan sa unom ka anak. Giminyoan niya si Kristen M. McMain didto sa Salt Lake Temple niadtong Agosto 25, 2000.

Si Presidente Oaks usa ka gradwado sa Brigham Young University ug sa The University of Chicago Law School. Atol sa iyang sayong bahin nga propesyonal nga panarbaho, siya usa ka law klerk sa United States Supreme Court ug nagtrabaho isip abogado sa Chicago. Gikan sa 1961 hangtod sa 1971, siya usa ka propesor sa The University of Chicago Law School. Gikan sa 1971 hangtod sa 1980, siya usa ka presidente sa Brigham Young University. Sa panahon sa iyang tawag sa pagka-apostol niadtong 1984, si Presidente Oaks nagserbisyo isip usa ka maghuhukom sa Utah Supreme Court.

Agig dugang sa iyang ubang mga buluhaton, si Presidente Oaks nahimong usa ka opisyal o sakop sa hunta sa daghang negosyo, pang-edukasyon, ug manggihatagon nga mga organisasyon. Siya usa ka tagsulat o kaubang tagsulat sa daghang libro ug mga artikulo sa relihoyoso ug legal nga mga hilisgotan. Niadtong Mayo 2013, ang Becket Fund for Religious Liberty miganti niya sa Canterbury Medal alang sa kaisog sa pagpanalipod sa relihiyoso nga kagawasan.