Mafaufau i Manatu Aoga

I le avea ai o se atalii/afafine o le Atua, e mafai ona e aoao ia liliu manatu lē lelei i ni manatu lelei.

Faaaoga le aitia o fugalaau ma vao e talanoa ai e uiga i manatu aoga ma manatu lē aoga. Fesoasoani i tamaiti e mafaufau e uiga i le auala e tuputupu ae ai se fatulaau i se laau. (Afai e mafai, aumai se fatulaau pe faaali ni ata o se fatulaau o loo tuputupu ae i se fugalaau.) O o tatou manatu e mafai ona pei o ni fatulaau: o manatu aoga e tuputupu ae i ni fugalaau ma fesoasoani ia i tatou ia fiafia, ao manatu lē aoga e tuputupu ae i ni vao, lea e mafai ona tatou lē fiafia ai.

Taaalo i se taaloga e faailoa ai ni manatu aoga ma manatu lē aoga ma aoao e suitulaga “vao” i “fugalaau.” Valaaulia se tasi o tamaitiiti e avea ma se “faitogalaau,” ao le vaega atoa o tamaiti e avea o ni “fatulaau.”

Tuu ni fasi pepa o i ai ni manatu lē lelei ma ni manatu lelei i totonu o se pesini. Valaaulia tamaiti o loo avea ma fatulaau e filifili se pepa mai le pesini. A fai mai le faitogalaau “tuputupu ae,” e taapeape ia fatulaau ma faafoliga e tuputupu ae. E alu atu le faitogalaau i tamaiti taitasi ma fesili i ai po o a ni o latou manatu. Afai o se manatu lelei, e tumau pea le tamaitiiti i le nofoaga. Afai e lē lelei le manatu, e fesoasoani le faitogalaau i le tamaitiiti ia faia le manatu lē lelei ia lelei. O le “fatulaau” na suia o le a avea ma “faitogalaau,” ma o le faitogalaau lea sa i ai o le a filifilia se pepa mai le pesini ma avea ma se fatulaau. E faamuta le taaloga pe a tofu tamaiti ma se avanoa e faasoa mai ai sona manatu.

O nisi nei o faataitaiga o ni manatu aoga ma ni manatu lē aoga:

• “E mafai ona ou foiaina faafitauli.”
• “O le a fesoasoani tagata ia te a’u.”
• “O le a lelei mea uma.”
• “E le mafai ona ou faia lenei mea.”
• “E le lava lo’u atamai.”
• “E le fiafia la’u uo ia te a’u.”

E mafai ona suia manatu lē lelei i ni manatu lelei. Mo se faataitaiga, “Ua faigata tele lenei mea!” e mafai ona suia i le “Afai ou te galue malosi ma faaalu se taimi e faataitai ai, o le a ou lelei atili.”

Faamolemole ia fetuunai gaoioiga pe a manaomia ia faamautinoa ai e mafai e tagata uma taitoatasi ona auai, anaina, ma fai so latou sao.

• Faataitai pe faatino se tala o gaoioiga lea o le a fesoasoani i tamaiti e lafoai ni manatu lē aoga. O aitia e aofia ai le faamalositino, usuina o se pese Peraimeri po o se viiga e fiafia i ai, fesoasoani i se tagata, tatalo, po o le talanoa i se tagata latou te faatuatuaina.
• Fai i tamaiti e saofafai i se li’o ma auauai e fai mai se manatu lelei e uiga i tagata taitasi. Tusi i latou ina ia mafai e tamaiti ona faitauina i latou i le fale pe a latou manaomia se uunaiga lelei.

Uunaia tamaiti e talanoa e uiga i le auala e mafai ai ona fesoasoani ia i latou ma isi mea o loo latou aoaoina ia faalatalata atili atu ai i le Tama Faalelagi ma Iesu Keriso. E mafai ona faia talanoaga ao lei faia, ao faia, po o le pe a uma le gaoioiga ma e tatau ona na’o ni nai minute le umi. Fai atu fesili e pei o nei:

• E mafai faapefea e le iloaina o oe o se atalii/afafine o le Atua ona fesoasoani ia te oe pe a e maua ni manatu lē aoga?
• E mafai faapefea e le aoaoina o le aula e suia ai manatu lē aoga ona fesoasoani ia te oe e lagona ma tuuina atu le alofa?

• Lagonaina o le Taua o le Faamanatuga
• Faia o Filifiliga Lelei i Ala o Faasalalauga
• Aoao ia Iloa le Agaga Paia
• Sauniuni e Alu i le Malumalu
• Atiina A’e o Tomai i Fesootaiga Lelei
• Taumafai ia Avea faapei o Iesu
• Sauniuni mo le Konafesi Aoao
• Atinaeina ma Faatumauina o Faigauo
• Lagonaina o le Mana o Mataupu Faavae o le Faatuatua
• Malamalamaaga i le Miti a Liae