Young hands using a laptop computer
Blog

Mga Sumbanan alang sa Pagkomentaryo sa Blog nga mga Artikulo

Blog Staff
11/19/20 | 1 min basaha

Ang Simbahan ni Jesukristo sa mga Santos sa Ulahing mga Adlaw nag-awhag sa sibil, matinahuron nga pagpakigsulti diha sa komentaryo nga seksyon sa blog. Ang gitumong nga katuyoan niini nga komentaryo nga seksyon mao ang pagkonektar sa kaubang mga magbabasa ug sa paghatag og usa ka dapit alang sa mahunahunaon nga komentaryo ug makapadasig nga mga ideya mahitungod sa ebanghelyo ni Jesukristo.

Among gidasig ang mga komentaryo nga:

  • Adunay usa ka positibo, maabi-abihon, mosimpatiya, ug makapabayaw nga tuno.
  • Nahisubay sa hilisgutan, klaro, ug mubo.
  • Matinahuron ngadto sa uban ug sa ilang mga opinyon.
  • Makatabang sa pagdala sa uban ngadto ni Jesukristo.

Ang tanang mga komentaryo ribyuhon sa mga tigdumala sa dili pa sila i-post. Ang mga komentaryo nga mahisupak sa usa o sobra pa sa among mga sumbanan dili i-post. Palihug basaha og maayo ug sunda kining mga sumbanan:

  • Walay personal nga mga pag-ataki, kritikal o inubanan sa mabiay-biayong mga komentaryo, o mga komentaryo nga dili mahigalaon ngadto sa mga indibidwal ug/o mga grupo.
  • Walay pagkalaw-ay, pagkabulgar, pagkamapasipad-on, o magpasabut nga mapasipad-on; mga minubo nga nagpasabot og mga pagpasipala; motawag sa mga tawo og bati; o mga pamalikas o panginsulto sa kaliwatan.
  • Walay i-post nga wala mahisubay sa hilisgutan. Ang mga komentaryo kinahanglan adunay direktang kalabutan ngadto sa gisukip nga artikulo.
  • Walay mga link ngadto sa lain nga site ang i-post. Ang Simbahan ni Jesukristo sa mga Santos sa Ulahing mga Adlaw wala moendorso sa sulod sa lain nga mga website.
  • Ang mga komentaryo kinahanglan nga imong kaugalingon. Kon ikaw mo-copy ug mo-paste gikan sa laing tinubdan, kinahanglan nga imong ihatag ang tukma nga pagtumbok. Ang pag-post sa nagkinahanglan og pagtugot sa pagkipya [copyrighted] nga materyal dili itugot.
  • Walay komersyal nga promosyon o pag-agni ang gitugutan.

Blog Staff
Ang katuyoan sa blog bahin sa Simbahan ni Jesukristo sa mga Santos sa Ulahing mga Adlaw mao ang pagpakigbahin sa mga pagtulun-an ni Jesukristo pinaagi sa pagsaysay sa personal nga mga istorya ug mga kasinatian nga makatabang sa pagpalig-on sa hugot nga pagtuo diha ni Jesukristo ug sa Iyang Simbahan.
Mga Komentaryo
0