Atiina A’e Uiga FaaKeriso.

E mafai faapefea ona e avea atili e pei o le Faaola? O se tasi o auala o le taulai atu i le atiinaeina o uiga FaaKeriso. Aoao e uiga ia te Ia ma faataitai ona ola i le auala na Ia soifua ai. Ia onosa’i ia te oe lava i lenei faagasologa—o se sailiga i le olaga atoa.

• Suesue ma le agaga tatalo fasifuaitai o mau e faatatau i uiga o Iesu Keriso. E mafai foi ona e matamata i le vitio “Christlike Attributes.” Ia tausia se api talaaga o mea ua e aoaoina e uiga i faamatalaga auiliili o Lona soifuaga, luitau na feagai ma Ia, ma le auala na Ia fegalegaleai ai ma isi.
• Fai le suega puupuu lenei ia iloa ai uiga FaaKeriso e te manao e galue ai.
• Filifili se uiga e tasi o le Faaola ma faataitai faatasi ma au uo ma le aiga. E pei ona taialaina ai e le Agaga Paia, toe fai le faagasologa lenei faatasi ai ma isi uiga.
• Na aoao mai e Elder David A. Bednar faapea “o le mana gafatia o le Togiola e faamalosia ai i tatou e fai ma ia lelei ma ia galulue ia sili atu i o tatou lava manao taitoatasi ma gafatia masani” (“O Le Togiola ma le Malaga i le Olaga Faitino,” Liahona, Ape. 2012, 42–43). Suesue i tusitusiga paia ma saunoaga o le konafesi aoao e aoao ai i le auala e mafai ai ona fesoasoani le Togiola a Iesu Keriso ia te oe e atiina a’e ia uiga faaKeriso.

• Tagai mo faataitaiga o uiga faaKeriso i tagata o loo siomiaina oe. Pue se ata pe tusi i lalo se mea e faamanatu atu ia te oe le auala e faataitaia ai e se tagata se uiga faaKeriso.

• “Christlike Attributes” (vitio), youth.ChurchofJesusChrist.org
• “Suega Puupuu: O Fea o Uiga FaaKeriso e Tatau Ona E Galue Ai?” youth.ChurchofJesusChrist.org
• “E Faapefea Ona Ou Atiina Ae Uiga FaaKeriso?” Talai La’u Talalelei: O Se Taiala i le Galuega Faafaifeautalai (2018),null121–32
• “Atiina Ae Uiga FaaKeriso,” Seminare ma le Inisitituti, si.ChurchofJesusChrist.org
• Dieter F. Uchtdorf, “Atiina Ae o Uiga FaaKeriso,” Liahona, Oke. 2008, 5–9
• Jeffrey R. Holland, “Ia Atoatoa Ona Lelei o La Outou Amio—I Le Iuga,” Ensign, Nov. 2017, 40–42