Taracake na iTovo ni Bula va-Karisito Eso

O na rawa vakacava ni vakataka cake na iVakabula? Dua na sala oya na sagai ni kena taraicake na itovo ni bula va-Karisito eso. Vulica na veika e baleti Koya ka vakatovotovotaka na bulataki ni ivakarau ni Nona bula. Mo yalovosota tu ena iwalewale oqo—e sa dua na sasaga ni bula taucoko.

• Vulica ena masumasu na veitikina ena ivolanikalou me baleta na itovo ni bula eso i Jisu Karisito. Sa rawa talega mo sarava na vidio “Christlike Attributes.” Vola ena nomu ivolaniveisiga na veika o sa vulica me baleta na matailalai ni Nona bula, me vaka na ivakarau ni Nona bula, bolebole eso dau sotava, kei na sala e veimaliwai kina kei ira tale eso.
• Taura na vakatataro oqo mo raica kina na itovo ni bula va-Karisito eso o na via cakacakataka.
• Digitaka e dua na itovo ni bula ni iVakabula ka vakatovotovotaka kei ira na nomu itokani kei na matavuvale. Ena veidusimaki ni Yalo Tabu, tokaruataka na iwalewale oqo vata kei na itovo ni bula tale eso.
• E vakavulica o Elder David A. Bednar ni “vaqaqacotaki keda na kaukauwa ni Veisorovaki meda vinaka ka caka vinaka ka veiqaravi yani mai na noda gagadre yadudua kei na ka eda rawata rawa” (“Na veisorovaki kei na iLakolako ni Bula Oqo,” Ensign, Apr. 2012, 42–43). Wilika na ivolanikalou kei na vosa ni koniferedi raraba eso mo vulica na sala e rawa ni vukei iko kina na Veisorovaki i Jisu Karisito mo taracake ni tovo ni bula va-Karisito eso.

• Vakaraica na ivakaraitaki ni tovo ni bula va-Karisito eso vei ira na tamata era wavoliti iko tu. Tabaka se vola e dua na ka me vakananumi iko ena nona a vakaraitaka e dua na itovo ni bula va-Karisito.

• “Christlike Attributes” (vidio), youth.ChurchofJesusChrist.org
• “Quiz: Which Christlike Attribute Should You Work On?” youth.ChurchofJesusChrist.org
• “How Do I Develop Christlike Attributes?” Preach My Gospel: A Guide to Missionary Service (2018),null121–132
• “Develop Christlike Attributes,” Seminary and Institute, si.ChurchofJesusChrist.org
• Dieter F. Uchtdorf, “Tarai Cake ni Bula Vakarisito,” Ensign, Oko. 2008, 5–9
• Jeffrey R. Holland, “O Koya mo Dou Qai Vinaka Sara—Vakaoti”,” Ensign, Nove. 2017, 40–42