Pagpalambo og Kristohanong mga Hiyas

Unsaon nimo nga mahimong mas sama sa Manluluwas? Usa sa paagi mao ang pagatutukan ang pagpalambo sa Kristohanong mga hiyas. Pagkat-on mahitungod Kaniya ug buhata ang pagpakabuhi sa paagi nga Siya nagpakabuhi. Pagmapailubon sa imong kaugalingon dinhi niining proseso—usa kini ka paningkamot sa tibuok kinabuhi.

• Mainampuon nga magtuon sa mga tudling sa kasulatan mahitungod sa mga hiyas ni Jesukristo. Pagtinil og usa ka journal sa unsay imong nakat-unan mahitungod sa mga detalye sa Iyang kinabuhi, sama sa paagi nga Siya nagpakabuhi, sa mga hagit nga Iyag giatubang, ug sa paagi nga siya nakigdait sa uban.
• Pagpili og usa ka hiyas sa Manluluwas ug praktisa kini diha sa imong mga higala ug pamilya. Samtang gigiyahan sa Espiritu Santo, balika kini nga proseso gamit ang uban nga mga hiyas.
• Si Elder David A. Bednar nagtudlo nga “ang makaabag nga gahum sa Pag-ula molig-on kanato sa pagbuhat ug pagpakamaayo ug sa pagserbisyo nga lapas sa indibidwal natong tinguha ug natural nga kapasidad” (“Ang Pag-ula ug ang Panaw sa Pagka-mortal,” Liahona, Abr. 2012, 12–19). Pagtuon sa mga kasulatan ug sa mga pakigpulong sa kinatibuk-ang komperensya aron makat-on kon sa unsang paagi ang Pag-ula ni Jesukristo makatabang nimo sa pagpalambo og Kristohanog mga hiyas.
• Pangita og mga ehemplo sa Kristohanong mga hiyas diha tanang mga tawo nga nagpalibut kanimo. Kuhai og litrato o pagsulat og butang nga makapahinumdom nimo kon giunsa sa usa ka tawo sa pagpakita og usa ka Kristohanong hiyas.

• “Unsaon Nako Pagpalambo og mga Hiyas nga Sama kang Kristo?” Isangyaw ang Akong Ebanghelyo: Usa ka Giya sa Misyonaryo nga Pagpangalagad (2004),139-152
• “Pagpalambo og Kristohanon nga mga Hiyas,” Seminary and Institute, si.ChurchofJesusChrist.org
• Jeffrey R. Holland, “Busa Kamo Kinahanglan Magmahingpit—sa Katapusan,” Liahona, Nob. 2017, 40–42