Aoao e uiga i Fetu

Fesoasoani i tamaiti ia lagona le alofa o le Tama Faalelagi mo i latou e ala i le aoao atu o se tasi o Ana foafoaga: o fetu.

Valaaulia se tagata e malamalama i fetu e sau e talanoa e uiga i fetu, po o a i latou, ituaiga eseese o fetu, ma pe faapefea ona faatulaga fetu i le faatulagaga o fetu. Afai e mafai, asiasi i se planetarium po o le ofisa o le vaai fetu.

Mafaufau e taaalo i se taaloga e tasi po o taaloga uma e lua nei:

• Faatulaga se faatulagaga o fetu:
  
  • Filifili se faatulagaga o fetu e te iloa. Fesoasoani i tamaiti e faatulaga faaletino lena mamanu o faatulagaga o fetu i le faatonu o tamaiti taitasi e tu i se nofoaga o se fetu.
  • Mafaufau e kopi le siepi o le faatulagaga o fetu i luga o le foloa ma se manoa ia mafai ai e tamaiti ona vaai i le siepi na latou faia.
• Fetu oso po o fetu pa’u’ū:
  
  • Fai i tamaiti e tutu faavava i se avanoa taalaelae.
  • O le a faafoliga tamaiti o se fetu oso po o se fetu pa’ū. Valaau atu se uiga po o se faamatalaga o ni fetu oso po o ni fetu pa’u’ū e ala i le faailoa atu o ni faamatalaga o tamaiti. O tamaiti e fetaui i faamatalaga o fetu pa’u’ū o le a nonofo i lalo, ao i latou o e fetaui i faamatalaga o fetu oso o le a tamomoe faataamilo puupuu i le potu ona toe foi mai lea i lo latou tulaga. Mo se faataitaiga, e mafai ona faapea mai le tagata valaau:
    
    • “O tagata uma o loo oofu papae o se fetu pa’ū nei.” (Soo se tamaitiiti o loo ofu paepae ia saofai i lalo.)
    • “Afai e toalua ou tei, ua avea nei oe o se fetu oso.” (E tamomoe faataamilo na tamaiti i le potu ma toe foi atu i lo latou nofoaga.)
• Ia faaauau pea ona valaau atu nisi faamatalaga seia uma ona suitulaga tamaiti uma i se fetu oso po o se fetu pa’ū ia le itiiti ifo ma le faatasi.

Faamolemole ia fetuunai gaoioiga pe a manaomia ia faamautinoa ai e mafai e tagata uma taitoatasi ona auai, anaina, ma fai so latou sao.

• Ia maua mai se faafanua faigofie o le faatulagaga o fetu. Fesoasoani i tamaiti e piki le latou faatulagaga o fetu e fiafia i ai ona faia lea i le faaaogaina o mea e pei o manoa ma fetu e faia i pepa, pepa kopi, straw e tipitipiina, maneta, po o nisi mea taulima. Valaaulia ia tamaiti e taumafai e sue a latou faatulagaga o fetu i le lagi i lena po.
• Fai le faataitaiga lenei e faaali atu ai le mafuaaga e foliga feilafi ai fetu.
  
  • Sapalai: laupepa o le foil metala, pesini tioata lapoa e tumu i vai, moliuila po o nisi moli laiti, peni.
  • Gagau faaafa le foil. Ma le peni, faapu auaua’i le foil.
  • Faapipii faataamilo le foil i fafo o le pesini i le itu e tasi.
  • Ki i lalo molī. Faasusulu atu le moliuila i le foil ma i totonu o le vai i le pesini.
  • Saeu laitiiti le vai. E tatau ona foliga mai o loo emoemo mai “fetu” (pūpū o i le foil), e ui lava o pūpū e le o minoi moni lava. O vai fegasoloai, e suitalaga i le siosiomaga o le Lalolagi, o loo fegasoloai, ma o le mafuaaga lena e foliga ai o loo emoemo ia fetu.
• Valaaulia tamaiti e faasoa mai mea sa latou aoaoina pe a latou o i le fale. E mafai ona latou valaaulia o latou aiga e toe faia le gaoioiga ananei i se taimi mulimuli ane i le fale.

Uunaia tamaiti e talanoa e uiga i le auala e mafai ai ona fesoasoani ia i latou ma isi mea o loo latou aoaoina ia faalatalata atili atu ai i le Tama Faalelagi ma Iesu Keriso. E mafai ona faia talanoaga ao lei faia, ao faia, po o le pe a uma le gaoioiga ma e tatau ona na’o ni nai minute le umi. E mafai ona e fai atu fesili e pei o nei:

• E faapefea ona fesoasoani ia te oe le aoao e uiga i fetu ia iloa atili ai e uiga i le Tama Faalelagi?
• Ua ta’u mai e le Salamo 147:4 ia i tatou faapea e silafia e le Tama Faalelagi igoa o fetu uma. Afai e popole tele o Ia e uiga i fetu, o le a le tele e te manatu Na te alofa mai ai ia te oe, Lona atalii/afafine?

• Faatulaga le Solar System i luga o le Faafanua
• Malamalama i Ao
• Suesueina o le Saienisi
• O Le Aoaoina e Malie
• Aoao e uiga i Musika