Faaalia o Vitio i Falelotu

Ina ia mautinoa e le faalavelave tekinolosi i le Agaga o lau lesona, ia sii mai vitio a o le’i oo i le taimi o le vasega nai lo le faalagolago i se fesootaiga faa-Initoneti o lo outou falelotu.

O falelotu e tapulaa le gafatia o le initoneti e mafai ona faaaoga, lea e faasafua atoa i se uarota lea atonu e taufai faaaogaina faatasi i le taimi e tasi. O lenei tulaga e ono mafua ai ona alu ma malolo pe taofi foi le vitio, ma oo ai i se aafiaga le lelei o le matamataga.

Siiina Mai o Vitio

Taina o le Vitio

Siiina Mai o le Vitio

Sii Mai i se Komepiuta Feaveai

Talu ai o le telē o komepiuta feaveai ua i ai lava sona lau ua lava le lautele e iloa uma atu e tagata o lau vasega, o komepiuta feaveai ua saunia ai le auala aupito faigofie e ave atu ai le vitio i totonu o lou potuaoga. Mo vasega toatele atu, fuafua e faaopoopo atu i ai ni sipika o le komepiuta e faaleotele ai le leo.

Ina ia sii mai se vitio i lau komepiuta, ia fai mea nei:

  1. I luga o lau komepiuta feaveai, kiliki i le sootaga o le vitio.
  2. A sii mai le vitio, o le a e vaaia ai se sootaga Download [Sii Mai]. Kiliki le Sii Mai.
  3. Filifili le telē e te manao e sii mai. O faila tetele e umi atu ona sii mai, ae e lelei tele ma le gasologa o le vitio. Afai o e fuafua e sii atu ia vitio i se telefonipoto Android po o le Apple, aloese mai le filifiliga 1080p (pe afai o i ai), ona o le mamanu lenei e le talafeagai ma lau smartphone.
  4. Atonu o loo i ai le filifiliga o le toefaaigoaina o le faila ma filifili le nofoaga e sefe i ai. Afai o lea, toe faaigoa le faila i se igoa e manatuagofie ma ia sefe i se nofoaga e talafeagai ai. Ona kiliki lea o le Sefe.

Afai e le tuuina atu e lau komepiuta le filifiliga e filifili le nofoaga e sefe i ai, e masani lava ona sii mai le faila i lau faavaa [o faila] Sii Mai. E mafai ona maua lau faavaa Sii Mai i luga o le Windows 7, i le kiliki lea i le faamau Amata ma ta i totonu le Sii Mai. I luga o le Windowx XP, kiliki le Start [Amata] ma alu i le My Documents [A’u Faamaumauga] e su’e ai lau faila Sii Mai. I luga o se Mac, kiliki le Finder [Su’e] ona kiliki lea o lau igoa faaaoga e tagai ai i le faavaa o faila e Sii Mai.

Ina ia ki le vitio, kiliki-faalua le faila. O le a sii mai e lau komepiuta se masini vitio ma amata ona ki le vitio.

Sii Mai i luga o se Api Komepiuta po o se Smartphone

Apple

Afai o i ai sau iPad po o le iPhone Apu, e mafai ona e sii mai vitio i lau masini ona faaali lea i le vasega—pe mai i le masini lava ia, pe sulu foi lau masini i se televise e ala i se masini fetuunai. E lua au filifiliga mo le siiina mai o vitio; e ala i le polokalama o le Gospel Library [Potutusi o le Talalelei], pe e ala i le faaliliuina o vitio mai lau komepiuta i lau masini feaveai e ala i se uaea USB.

Afai e te le’i siiina mai le polokalama Potutusi o le Talalelei, ia su’e muamua ma faapipii le polokalama mai le faleoloa o le polokalama o lau masini.

Ina ia sii mai vitio, e ala i le Potutusi o le Talalelei, ia fai mea nei:

  1. Ona o faila o le vitio e fai sina tetele tele (20 i le 30 MB i le vitio e tasi), o le a e manao ai e sii mai nei vitio e ala i se upega wifi nai lo o se upega selulā. Ina ia faaola le wifi, oomi le Settings, ki le wifi, ma sosoo i se upega.
  2. Oomi le faamau o le fale o le polokalama e alu ai i le fale o le polokalama Gospel Library.
  3. Alu i le Manage Library > Vitio ona sosoo ai lea ma le vaega e te manao e tagai i ai.
  4. Oomi le vitio e te manao e sii mai. O le taimi lava e sii mai ai vitio, ona sui lea o le aū lanumeamata i se li’o lanumumu.

Manatua: Ina ia ki faila o vitio sa e siiina mai, e tatau lava ona e kina vitio mai le vaega o Vitio o le potutusi, e tusa ai ma sitepu o loo i lalo.

  1. Oomi le faamau o le fale o le polokalama e alu ai i le fale o le polokalama Gospel Library.
  2. Alu i le Videos sosoo ai ma le vaega o loo i ai le vitio e te manao e tagai i ai.
  3. Oomi i le vitio e te manao e ki.

Ina ia sii atu vitio ua e siiina i luga o lau komepiuta i lau iPad po o le iPhone e ala i se uaea USB, ia fai mea nei:

Manatua: O faatonuga nei e mo se iPhone 4 e i ai iOS 6 e faaaoga ai iTunes 11. E ono ese sitepu i masini ma ituaiga eseese. Afai e le o i ai le ituaiga fou o le iTunes (lea e manaomia e sii atu ai faila i lau masini), alu i le http://www.apple.com/itunes e sii mai ai. Ina ia faafou le faatulagaga e faagaoioi ai lau iPhone i le iOS 6, sulu lau iPhone i lau komepiuta i le uaea USB. I le faailo Otootoga o iTunes [iTunes Summary], kiliki i le Check for Update [Siaki mo Faafouga] ma tuu i ai le faafouga.

  1. Tatala iTunes.
  2. I le agavale pito i luga o iTunes, filifili le Movies [Ata Tifaga] mai le faasologa e tatala mai i lalo.
  3. I faailo i le ogatotonu, kiliki le Home Videos [Vitio mo le Fale].
  4. Toso ia vitio ua e siina atu i lau komepiuta i totonu o le avanoa lenei i iTunes.
  5. Sulu lau iPhone po o le iPad i lau komepiuta e ala i lau uaea USB. E iloa e le iTunes ia lau masini ma faaali mai ai se faailo o le iPhone po o le iPad i le taumatau pito i luga.
  6. Kiliki le faamau o le iPhone po o le iPad e taulima ai ala o faasalalauga i luga o lau masini.
  7. Kiliki i le faailo Movies [Ata Tifaga].
  8. Filifili le pusa e faailoga faasa’o Sync Movies.
  9. Filifili le pusa e faailoga faasa’o o loo i talane o ata tifaga e te manao e tuufaatasi i totonu [o lau iPhone po o le iPad] (Faaaliga, afai e te tuu uma i ai vitio, e ono faaaoga ai se avanoa tele o lau masini.)
  10. Kiliki i le Sync [Tuufaatasi].

I iOS 6, e tuu vitio i le polokalama Vitio o lau iPhone. Afai e le mafai ona e maua lenei polokalama, alu i le lau autu, toso agai i le taumatau ma ta ai le upu “vitio” e su’e ai le polokalama.

Android

Afai e i ai sau api Android po o se smartphone [telefonipoto], e mafai ona e sii mai ia vitio i lau masini ona faaali atu lea o vitio i le vasega—pe mai le masini lava ia, pe sulu foi lau masini i le televise e faaaoga ai se masini fetuunai. E lua mea e te filifili mai ai mo le siiina mai o vitio: e ala mai i le polokalama Gospel Library, pe mai le sii atu o vitio mai lau komepiuta i lau masini feaveai e ala i se uaea USB.

Afai e te le’i siiina mai le polokalama Gospel Library, ia sue muamua ma faapipii le polokalama mai le faleoloa o polokalama o lau masini.

Ina ia sii mai vitio e ala i le Gospel Library, ia fai mea nei:

  1. Ona o faila o le vitio e fai sina tetele tele (20 i le 30 MB i le vitio e tasi), o le a e manao ai e sii mai nei vitio e ala i se upega wifi nai lo o se upega selulā. Ki le wifi o lau masini.
  2. Oomi le faamau o le polokalama o le fale ma alu i le lau autu o le Gospel Library.
  3. Ui atu i le vaega o loo i ai vitio e te manao e sii mai.
  4. Oomi le sootaga o le vitio.
  5. Oomi le Download [Sii Mai].

Ua sii mai le vitio i lau masini. Ina ia tagai i se lisi o vitio na sii mai, oomi le faamau o le lisi autu, ma oomi le Manage Media.

Ina ia sii atu vitio ua e siiina mai i lau komepiuta agai atu i lau api [komepiuta] po o le telefonipoto e ala i se uaea USB, ia fai vaega nei:

  1. I luga o se komepiuta, sii mai vitio uma e te manaomia.
  2. Sulu lau komepiuta i lau masini e ala i lau uaea USB-laitiiti.
  3. I luga o lau komepiuta, kiliki i le faamau Start [Amata] (tulimanu agavale pito i lalo) ona kiliki lea i le Computer. O lau masini e tatau ona oso ane i le vaega o Masini Feaveai.
  4. Kiliki-faalua i lau masini ma alu agai i se eria e teu ai.
  5. Fatu se faavaa fou, e pei o le “Vitio Lotu” (Ina ia fatu se faavaa fou, kiliki-taumatau ma filifili le New > Folder [Faavaa > Fou.)
  6. Toso ia faila o vitio sa e siiina mai agai i faavaa na e fatuina, ona faatali lea mo le tuuina uma i totonu o lau masini. (E faaali atu i luga o le lau o lau masini feaveai le faagasologa o le Sync.)
  7. Kiliki i le faamau Home o lau masini ma tatala le polokalama My Files or Files [Faila].
  8. I le faaaogaina o le polokalama A’u Faila, tagai solo i le faavaa sa e teuina ai vitio. Ona oomi lea o se vitio e ki.

Manatua: Afai e te le vaaia le polokalama A’u Faila (e le maua i masini Kindle Fire), alu i le faleoloa o polokalama o lau masini ma sue mai ai ma faapipii se polokalama file explorer [faila fealuai] e su’e ai faila. (Sue mo le faaupuga masani “faila fealuai” e vaai ai i se lisi o polokalama o ono i ai, ma sii mai ma faapipii ai.)

Pue se DVD

O le isi filifiliga o le sii atu lea o vitio na sii mai i se DVD ona ki lea o le faila i se masini DVD.

Ia manatua, e ui o le tele o komepiuta e i ai le gafatia e kopi ai faila i se DVD, ae o le masini DVD i le tou falelotu o le a le otometi ona taina ia faila seiiloga e i ai se lisi autu a le DVD e faataga ai ona e fealuai ma filifili se faila. O le mea lea, ia le gata la ina e kopiina le faila i le DVD, ae e ao foi ona e puea se lisi autu mo le DVD. O le a e manaomia le polokalama e kopi ai DVD e fatu ai lenei lisi autu.

Ma le isi, ia manatua e tatau ona e filifilia le ituaiga DVD sa’o mo le masini DVD o le tou falelotu. O le a manaomia ona e faaaogaina se DVD vitio nai lo se DVD o faamatalaga. A o le’i kopiina se DVD, sue le fausaga sa’o o le masini DVD ma sue i le tusi faatonuga o le masini mo le ituaiga kopi DVD e ola lelei i lau masini.

E le i ai ni polokalama faapitoa e fautuaina atu e le Ekalesia mo polokalama DVD—e tele ta’ui o polokalama e mafai ona latou faia lena mea.

A maua le DVD, e mafai lava e faiaoga ona ki le DVD i le masini TV/DVD a le falelotu e faaali ai anotusi i a latou vasega.

Kiina o le Vitio

Suluina o Masini Feaveai i Televise

A uma loa ona sii mai vitio i lau masini, e lua ni filifiliga ua i ai mo le kiina o vitio i lou potuaoga:

  • Ki mai le masini feaveai lava ia. Afai e toagaogao lau vasega ma e mafai ona latou iloa ma lagona mai le vitio mai lau masini feaveai, e manaia tele. Ia faapotopoto faatasi uma atu e matamata le vitio i le faiga lena.
  • Sulu lau masini i se televise. Mo vasega toatele, o le a manaomia ona e suluina lau api komepiuta po o le telefonipoto i se televise ina ia mafai ona iloa ma lagona uma e tagata o le vasega le vitio. E mafai ona e suluina lau masini a le i le HDMI po o uaea tasi, e faalagolago i mea o loo i ai.

Filifiliga e Faaaoga ai le Uaea e Tasi o le Vitio

Afai e manaomia ona sulu lau masini i se televise, ia iloilo muamua pe i ai se palaka HDMI o le televise a le tou falelotu (e taatele i televise LCD lau mafolafola). O le palaka HDMI o le auala faigofie lava lea e ki ai vitio mai lau masini.

Afai e i ai se palaka HDMI o lau televise, o le a e manaomia se uaea HDMI, ma afai o faaaoga le iOS, se masini fetuunai, e sulu ai lau masini i le palaka HDMI.

O masini android e masani lava ona i ai ni palaka ninii ua uma ona fausia i totonu o HDMI. Afai o le tulaga lena o lau masini, pau le mea e te manaomia o se HDMI (se sosooga laitiiti o le HDMI i se tulimanu e tasi, ma se sosooga masani o le HDMI i le isi tulimanu) ina ia sulu ai i lau televise.

O masini a le Apu (Apple) e manaomia se masini e fetuunai ai, ona e leai ni a latou palaka ninii e i totonu o HDMI. O le masini fetuunai mo le iPhone e sulu i totonu o lau palaka autu mo le fafagaina/tuufaatasi uma ai o faasalalauga. Ona sulu atu loa lea o se uaea masani HDMI i totonu (e le manaomia ai se uaea laitiiti o le HDMI).

Ina ia maua nei masini fetuunai, sue i le initoneti e faaaoga ai se faaupuga e pei o le “Connect iPhone 4s to HDMI” po o le “Connect Android device to HDMI.” O le masini fetuunai tonu lava e te manaomia e faalagolago lea i lau masini.

Manatua o le poloka sulu fetuunai a le Apu (Apple) e le aofia ai ma se uaea HDMI. Afai e te manaomia se uaea HDMI, o lenei mea o le a ese foi lona tau faaopoopo.

Filifiliga e Faaaoga ai le Uaea e Tasi o le Poloka Sulu Fetuunai

Afai o televise o le tou falelotu o le ituaiga televise CRT (Cathode-Ray-Tube) ma e leai ni palaka HDMI, o le a e manaomia se masini fetuunai e tasi le uaea — le uaea lea e sulu i pine lanumumu, samasama, ma le pa’epa’e i luga o se televise CRT.

O poloka sulu fetuunai mo palaka uaea tasi o loo maua mo masini iOS ma nisi foi o masini Android. (Sue i le initoneti e faaaoga ai se faaupuga e pei o le “Connect iPhone 4s to CRT TV” pe mo Android, “Connect Micro USB to composite.”)

O nei ituaiga uma o poloka sulu fetuunai e pe a ma se $30 Amerika lona tau. O le poloka sulu fetuunai e mafai ona faaalia ai lau smartphone po o le tapeleti i luga o le lau o le televise.

Filifiliga e Faaaoga ai le Poloka Sulu Fetuunai Pine-15 [VGA Adapter]

Afai o loo e suluina se komepiuta feaveai i se televise o le falelotu, o le a e manaomia foi se masini fetuunai. Afai e i ai se palaka HDMI a lau komepiuta feaveai ma faapena foi i le televise a le tou falelotu, faaaoga le filifiliga lenei.

Afai e na o lau palaka VGA o loo i ai (le palaka lava lea e te faaaogaina e sulu au lau komepiuta feaveai i se lau o le televise), o le a e manaomia se masini fetuunai VGA lea e mafai ona sulu i se palaka HDMI a le televise o le falelotu, po o se masini fetuunai VGA e sulu i se pine e tasi pe, i le tulaga e pei ona sa faaalia muamua, o le palaka VGA o lau televise.

Kiina o le Vitio

A ua uma loa ona sulu le masini fetuunai i le lau o lau televise, e tatau ona e filifilia input [tuu i totonu] o lau televise. Tagai mo se faamau input [tuu i totonu] ona oomi lea e filifili ai le ituaiga o alu i totonu o loo e faaaogaina, e pei o le HDMI.

O le taimi lava e fesootai ai le [input] tuu i totonu a le televise ma lau masini, o le a faaali mai i le lau o le televise le vitio o loo e kiina i lau masini. O le tele lava o masini Android e faaali tonu mai lava le vitio. I masini a le Apu, o le a e vaaia ai se lau TV Connected [Ua Sulu i le Televise].

Afai e te le vaaia le lau lenei o le TV Connected, e le’i fesootai le lau o le televise ma le input [tuu i totonu] o lau masini. Toe se’i lau masini fetuunai, faatali mo ni nai sekone, ona toe sulu lea. Ia mautinoa ua mau lelei uaea. Afai o loo i ai lava ni faaletonu, toe sikai le televise ina ia mautinoa ua e filifilia le input sa’o.

Afai ua sa’o le suluga i le vitio, ae ua taofi le vitio mo se taimi faaumiumi, atonu ua uma le aoga o le ituaiga vitio i luga o lau masini. Afai o le tulaga lena, toe se’i le masini fetuunai ona toe sulu lea i totonu o se ituaiga vitio ua toe amatalia.

Isi Auala

E mafai ona e faaaogaina isi auala mo le faaalia o vitio i lou potuaoga. E mafai ona e faaaogaina isi auala mo le faaalia o vitio i lou potuaoga.

O Televise e i ai Palaka USB e i Ai Vitio e Mafai ona Fefoifoia’i le Kiina.

Afai e i ai se USB drive [fasilaau USB] o lau televise lea e mafai ona fefoifoia’i ai le kiina o le vitio, e mafai ona e sii mai vitio i se fasilaau USB ma sulu sa’o lava le fasilaau USB i le televise.

Ae peitai, ia nofouta ona e toetoe lava leai ni palaka USB i televise a le falelotu e i ai ni vitio e fefoifoiai le kiina. O le tele lava o palaka USB e na o ata lava e faaali faasolsolo e faaali ai.

O le agai ai i luma, o televise e i ai USB e mafai ona fefoifoia’i le kiina o le vitio, atonu o se fofo fautuaina lea i falelotu. Peitai, o le faasologa o le suiga o televise mo falelotu e pe a ma le ta’i 15 tausaga, o lona uiga e ono i ai i falelotu soo se ituaiga o televise mo se taimi.

Western Digital TV Media Player

O nisi o siteki o loo i ai televise CRT ua faatauina atu masini faasalalau o le ituaiga o le Western Digital TV (WD TV) lea e taliaina se USB input. O le masini faasalalau o le WD TV (lea e le sili atu ma le $100 Amerika lona tau) e i ai uma se composite ma se HDMI output [uaea tasi ma le HDMI mo le alu i fafo]. E mafai e tagata e faaaoga ina fealuai i faila i luga fasilaau USB e ala i se masini faatonutonu lea e fesootai ma le masini faasalalau. O se tasi lenei o auala e mafai ai e siteki o loo i ai televise CRT ona tuuina atu se auala faigofie mo faiaoga e faaali ai vitio e faaaoga ai fasilaau USB.

O le mea moni, o siteki o loo faaaogaina le filifili lenei, e ono mananao e tuu se fasilaau USB i le masini ina ia le manaomia ai e faiaoga ona aumai a latou lava meatotino.

O le Televise Western Digital o se fofo fautuaina mai le vaega o Tekinolisi i Falelotu. Tagai i faamatalaga Western Digital TV o loo maua i le saite o le Fesoasoani mo Faulautusi.

O le Roku 2 XS o se masini e talitutusa ma le WD TV, ae e lua ni ona tulaga tetele e faalelelei ai: e tatau ona ta’u atu e se tagata se kata faiaitalafu e faaola ai se faitotoa Roku, ma e masani ona faaali mai ai ni faasalalauga faatosina.

Mauaina o le Fesoasoani

Afai e te manaomia le fesoasoani mo se vitio, alu i le LDSTech Forum at https://tech.churchofjesuschrist.org/forum ma ta ai lau fesili i le vaega o le Digital Presentation o le fonotaga.

O le Aufono a le LDSTech e aofia ai le toatele o volenitia ma tagata faigaluega atamamai ma e fiafia i le faasoaina o tali mo le faaalia o vitio i falelotu.

E mafai foi ona e sailia le fesoasoani mai le tagata o le tou siteki po o le uarota ua faapitoa mo tekonolosi.