Abril 2026 nga Kinatibuk-ang Komperensiya
Apil kanamo sa Abril 4-5.
Unsa ang Kinatibuk-ang Komperensiya?
Ang kinatibuk-ang komperensiya mao ang tibuok kalibotan nga panagpundok sa Ang Simbahan ni Jesukristo sa mga Santos sa Ulahing mga Adlaw. Kaduha sa usa ka tuig, atol sa unang tapos sa semana sa Abril ug sa unang tapos sa semana sa Oktubre, ang mga lider sa Simbahan gikan sa tibuok kalibotan mopakigbahin og mga mensahe, o mga wali, nga nakatutok ni Jesukristo ug sa Iyang ebanghelyo.
Ang Tanan Gihangop: Kami magdapit sa tanan gikan sa tanang relihiyon, mga tinuohan, ug mga gigikanan ug gikan sa bisan asa sa kalibotan sa pagtan-aw, pagpaminaw, ug pag-apil.
Usa ka Oportunidad sa Pagmugna og Hugot nga Pagtuo sa Buhi nga Kristo: Ang pag-apil (pagtan-aw) sa kinatibuk-ang komperensiya makatabang kanato nga makat-on kon unsaon nga kita makakaplag og kalinaw, paglaom, ug kamaya pinaagi ni Jesukristo. Kita makakat-on unsaon sa pagpalig-on sa atong mga pamilya samtang kita mosunod sa mga pagtulun-an ni Jesukristo ug unsaon sa pagdawat og personal nga paggiya ug pagdasig gikan sa Dios.
Usa ka Tibuok Kalibotan nga Sibya: Ang kinatibuk-ang komperensiya buhi nga i-stream ug isibya sa mga 70 ka pinulongan ug unya ihubad ngadto sa sobra sa 100 ka pinulongan. Naglangkob kini og upat ka duha‑ka‑oras nga mga sesyon nga mahimo nimong tan‑awon nga live o sumala sa imong kaugalingong eskedyul.
Unsa ang Imong Makuha gikan sa Komperensiya
Unsaon sa Pagpangandam alang sa Kinatibuk-ang Komperensiya
Komon nga mga Pangutana Mahitungod sa Komperensiya
Unsaon nako sa pagtambong sa kinatibuk-ang komperensiya sa personal?
Kon ikaw nagpuyo sa Estados Unidos o Canada, pangutan-a ang imong lokal nga mga lider sa stake mahitungod sa mga tiket. Kadaghanan sa mga stake adunay mga tiket aron ipang-apod-apod.
Ang mga tiket gipang-apod-apod niining paagiha aron mahatagan og oportunidad kadtong tingali wala pa makatambong kaniadto. Kini usab makatabang aron matubag ang mga panginahanglan sa tiket sa mga indibidwal ug grupo, kay sa kini himoon nga unang moabot, unang hatagan nga pamaagi o bisan kinsa lang nga mangayo og tiket.
Kon ikaw nagpuyo gawas sa Estados Unidos o Canada, hangyoa ang imong presidente sa stake o district sa pagsumiter og hangyo alang sa mga tiket alang nimo.
Usa ka standby nga linya ang anaa sa gawas sa Tabernacle sa Temple Square alang sa sobra nga mga kalingkoran ingon man ang potensiyal nga lingkoranan sa Conference Center kon anaa.
Unsa ang pipila ka paagi sa pagtuon sa kinatibuk-ang komperensiya?
Sa ubos mao ang pipila ka ideya nga ikonsiderar sa inyong personal o pamilya nga pagtuon o samtang kamo mag-andam sa pagpakigbahin og mensahe diha sa mga klase o mga miting sa Simbahan:
· Paminaw sa Espiritu.
· Pangutana ug pangita og mga tubag.
· Irekord ang imong mga impresyon.
· Gamita ang mensahe diha sa imong kaugalingon.
· Pangita og mga kasulatan o ubang kinutlo nga mga pakisayran.
· Tan-awa ang piho nga mga ideya o mga hunahuna nga imong gikabalak-an.
· Paghimo og eskedyul sa pagtuon.
Unsaon nako sa pagtudlo gikan sa nangagi nga mga kinatibuk-ang komperensiya?
Ang mga klase sa Relief Society ug korum sa mga elder regular nga nagtuon sa mga pulong sa mga lider sa Simbahan gikan sa bag-ohay nga mga mensahe sa kinatibuk-ang komperensiya. Paghunahuna og mga paagi sa pagpakigbahin sa personal nga mga kasinatian nga naggamit sa mga baroganan sa mensahe, o dapita ang uban sa pagpakigbahin sa ilang kaugalingon nga mga kasinatian.
Ikonsiderar kini nga mga pangutana aron matabangan ka nga makaandam sa pagtudlo:
· Unsa ang akong gipanghinaot nga mahibaloan ug himoon sa mga miyembro human mahisgotan kini nga mensahe?
· Unsay gusto sa mamumulong nga masabtan sa mga miyembro? Unsa nga mga baroganan sa ebanghelyo ang iyang gitudlo? Sa unsang paagi kini nga mga baroganan magamit sa akong korum sa mga elder o Relief Society?
· Unsa nga mga kasulatan ang gigamit sa mamumulong aron sa pagsuporta sa iyang mensahe?
· Unsa nga mga pangutana ang akong mapangutana nga makatabang sa mga miyembro sa pagpamalandong ug sa paggamit sa mga pagtulun-an diha sa mensahe? Unsa nga mga pangutana ang makatabang kanila nga makakita sa kalabotan niini nga mga pagtulun-an diha sa ilang kinabuhi, sa ilang mga pamilya, ug sa buhat sa Ginoo?
· Unsa ang akong mabuhat aron madapit ang Espiritu sa among miting? Unsa ang akong magamit aron mapalambo ang diskusyon (lakip ang mga istorya, mga pagkasusama, musika, o buhat sa art)?
· Sa unsang paagi ako makatabang sa mga miyembro nga mobati sa tinguha sa pagbuhat sa mga pagdapit nga gihimo sa mamumulong?
Asa ko makapaminaw og musika gikan sa kinatibuk-ang komperensiya?
Ang musika sa kinatibuk-ang komperensiya gihatag sa The Tabernacle Choir at Temple Square ingon man sa ubang mga choir sa Simbahan. Ang kongregasyon moapil usab sa pagkanta sa mga himno. Ang musika kasagaran anaa sa Iningles.
Unsa ang anaa nga suporta sa paggamit [accessibility support]?
Ang Simbahan naghatag og pipila ka magamit dayon nga mga format aron maakses ang kinatibuk-ang komperensiya.
Asa ko makapangita og tabang sa mga hagit sa pag-stream?
Sa dili pa motubag sa bisan unsa nga isyu nga tingali ikaw aduna sa pag-stream sa sulod, i-refresh og una ang imong browser. Ang ginagmay nga mga problema kasagaran masulbad ra niini nga pamaagi.
Tingali ganahan nimo nga irebyo ang this step-by-step guide sa pag-troubleshoot sa mga isyu sa pag-stream.