Ena veiyabaki, ena vakayacori tiko e dua na soqoni e vakatokai na Vakavakarau ki Valetabu kei na Matabete me baleti ira na cauravou kei na goneyalewa lalai yabaki 11. Era na sureti tale tikoga kina na itubutubu. Na kena inaki o ya me vukei ira na gone oqo mera kila vinaka na veivakalougatataki ni veiqaravi ni valetabu, veiqaravi ni matabete, kei na kena vakayacori ka maroroi na veiyalayalati tabu. Na ulutaga ni soqoni oqo ena oka kina na inaki, ilesilesi, cakacaka vakalotu, kei na veivakalougatataki ni matabete; nodra vukei na cauravou lalai mera vaqaqacotaka na nodra yalayala ka vakavakarau mera ciqoma na matabete; vukei ira na cauravou kei na goneyalewa lalai mera kila vinaka na nodra madigi mera vakaitavi ena cakacaka ni veivakabulai; ka vakayaloqaqataki ira na gone mera vakarau ciqoma e dua na ivolatara vakaiyalayala ni valetabu ni ra sa yabaki 12 ka vakaitavi bula kilikili ena papitaiso veisosomitaki ni sa rawa vei ira.
Oqo eso na ivurevure kei na idusidusi mo ni vukei kina ena kena tuvanaki na soqoni oqo.
iVurevure
- Mosaia 18:8–11 (veiyalayalati)
- Vunau kei na Veiyalayalati 20:38–60 (nodra ilesilesi na lewe ni matabete)
- Thomas S. Monson, “Na Valetabu Savasava—e Dua na Bikeni ki Vuravura,” Ensign se Liaona, Me 2011, 90–94
- Thomas S. Monson, “Na Veivakalougatataki ni Valetabu,” Ensign se Liaona, Me 2015, 91–93
- Dallin H. Oaks, “na iDola kei na Lewa ni Matabete,” Ensign se Liaona, Me 2014, 49–52
- Quentin L. Cook, “Wakana kei na Tabana,” Ensign se Liaona, Me 2014, 44-48
- “Ena Rawa ni Vakalougatataka na Noda Bula na Matabete,” lesoni 47 ena Lalai 5
iDusidusi
- E ratou na tuvanaka na mataveiliutaki ni Lalai na soqoni ena veidusimaki ni matabisopi.
- Me na liutaka na soqoni e dua na lewe ni matabisopi, ka me na dau tiko mada ga kina e dua na lewe ni mataveiliutaki ni Lalai.
- Sa rawa talega mera tiko kina o ira na lewe ni mataveiliutaki ni kuoramu ni dikoni, na mataveiliutaki ni kalasi ni Maqusa, kei na mataveiliutaki ni Cauravou kei na Goneyalewa.
- Ena tabanalevu era lewe lailai kina na yabaki 11, sa rawa me vakayacori na soqoni, ena nodratou veidusimaki na mataveiliutaki ni iteki, vata kei na so tale na tabanalevu se na iteki taucoko.
- Ena kena gadrevi ena noda vanua, sa rawa me vakayacori na soqoni oqo ena yakavi ni Sigatabu, se me tiki ni soqoni ni Lalai ena Siga Tabu, se dua tale na gauna.
