Mera el Deureng er a Kurismas

Betik er a renguk el rodam me a rodos, ng meral dmeu a renguk el me obengkemiu er chelecha el kesus el doutkeu, lokiu a cheldecheduch me a chelitakl, a cherellel a Osobel e Olsobel—el Jesus Kristus, el Rubak.

A Kurismas a klebokel el taem er a rak. E dirrek el llemechesang er ngii a rebetok er kid. Meng urungulek e nglunguchek me lak bode iis er a berraod er chelecha el kurismas me bo dechau a diak a ultutelel e bo dikrii a beot el deureng er a sils er a cherellel a Imong el Chedaol er a Bethlehem.

A skel a mera el deureng er a Kurismas a diak de nguu lokiu a orrechereched el merkui a betok el kedmekill. Ke de metik er a mera el deureng er a Kurismas sel bo dechau a Osobel er chelechal kurismas.

Mlechell er a blil a charm, e bliull el ngar ongolel a charm, Ng mlei el mla er a babeluades el me kiei er a beluulechad el chad er a beluulechad el mo omekdubech er a rengedel a Dios. A klebokel el ebangkelio er ngii a ngildechii a teletael er a uldasu er a beluulechad. Ng mle ngar el kired, e mlad el kired. Me ngera kuk sebeched, el nguu, el msang?

Ng meral soak a tekoi el lilluches a chad er a England el Christina Rosseti:

Tia el doutkeu er ngii el Kurismas a kirel olechotel a beltikelreng me a blekerurau el mlo sisechakl er a Osobel. Omerous, el diak el omelai, a kilungii a reng er a Kurismas. Ke de mo ungil el bedul a tang. E mo chemau a remetacher beserir lokiu a beltikelreng. A rengud a mo medemedemek. Cherreued a mo mousubes, resechelid a deletketerir, e kulii a Dios. A reng er a Kurismas a ngodechii osenged er a beluulechad, ke domes el bedul a chelsang el ngar ngii er a beluulechad e merael el mo semeriar er a rechad e diak de semeriar a klalou. Sel bo dodengelii a meral belkul a reng er a Kurismas, eng sebeched el oitii sel ngara resel a llechukl el Kurismas, e ngii a mo Reng er a Kristo.

Ng millekoi a President David O. McKay el kmo: A meral deureng a morngii sel doruul er a rebebil el mo oldeu a rengrir—a otireklel a osisecheklel a Osobel el kmo a odersii a klengar er ngii a mo nguu. A dongedeb er ngii, ea reng er a Kurismas a reng er a Kristo, el remutech a rengud el oba beltikelreng me a klausechelei e odbechid el mo meruul a ungil tekingel omesiou.

“Ngii a reng er a ebangkelio er a Jesus Kristo, el otireklel a meskii a budech el mo er a beluulechad, e le tiakid a belkul—ungil lomeruul el bedul a rokui chad.”²

Bo doldars el mo er a rechad el ua Osobel. A dodersii a klengar er kid a chedaol sengk. Ke de oldars el ngii a okiu a omelbedebek el kirel a rokui el Osobel a uldars. Dirrek el bo dorous a sengk el ngii a klou a ultutelel el mo cherechar, el obengkel a ikel beresent er kid el ngii a sebechel metemall malechub e kede mong e obesbes. Ng kol uangera sel mo klungiolel a beluulechad omko kede rokui el merous a bresent er a klemedengei me a klechubechub, er a omesiou me a klausechelei, er a blekokouii me a delmedemek.

Me sel bocha denguu a klebkellel tial Krismas, e debo, de uaia re Chad er a Ongos, losiik er a medidiich, el btuch el mo mengetikaik er kid sel bocha doutkeu er a cherellel a Osobel. Mei me bo dorael el mo er a Bethlehem lokiu a reng, el oba delmedemek, e omekerreu el reng el sengk er kid el mo er a Osobel.

Rodam me a rodos, a kuureng er a mui el deureng el Kurismas el mo er a rokui. Tiaikid a urungulek e nglunguchek, el ngara chedaol ngkel a Osobel, el Jesus Kristo, amen.