Fare gospel rok Yesus Kristus e rayog ni nge tawa’ath nigem

Arragon! Gidii’en e members ko Fare Galasia ku Yesus Kristus ni fan ko Gidii’en Got ko Tin Tomur e Rran, e mich u wan’maed ni Yesus Kristus e ir Fak Got nge fare Tathapeg ko Fayleng. Ri gadaed btu’uf rok’ nib pag rogon nrayag ni ngad nangfaned gelngin. Gamaed e gidii’ nibe gay rogon ni nggu laked wo’en Yesus. Woed ni boch e mich romaed e ba thilthil rogon, machane mich u wun’maed ni napan e yafos rok’, machib rok’, nge miligach, nge foskoyam’ ni tay, Yesus Kristus e thapeg daed ko denen, gafgow, nge yam’.

Fil Boch Mornga’agen e mich romaed.

Mo’olung ko Galasia e ba thilthil e ngiyal’ riy nibe yean ko rogon e gin nibay tigil’ e mo’olung riy. Machane, gubin ngiyal’ ma gubin e gidii’ nima mo’olung u ta’abang, me mu’ min yean ko klass nifan e bitir, fal’yangren, nge pi’in nib pil’aal.

Biney e mo’olung nifan ko gubin e gidii’ e kanoeg fithingan e “mo’olung ko sakrament” ngay. Giney ko fare mo’olung e bay e tang riy, meybil, nge numon (fa tok) nibe pi’ e gidii’ nib thilthil ko gubin e wik. Machane gin th’abi ga’fan ko fare mo’olung e fare ngiyal’ ni yima fek fare sakrament (nib chuchugur rogon ko commonion) ni nge pogorran fare Tathapeg.

Mu fil boch mornga’agen fapi mo’olung ko Madnom fa gay e galasia nib chugur ngom.

Fan ngak fapi Gidii’en Got ko Tin Tomur e Rran, temple e ba thil rogon ko fapi nu’un ko Galasia. Temple e bang nima thapeg fapi Gidii’en Got ko Tin Tomur e Rran mornga’agen Got nge Yesus Kristus. Ulan e temple, e gin nima ngongliy fapi members fapi m’ag riy (fa michmicheg) ngak Got. Biney e mu’un e michmicheg ngay ni yira fol ko fapi motochiyel, min par ni yibe fol ko fare gospel rok’ Yesus Kristus, yul’yul’ ko mabgol, min ayuwegney ko pin’en nibay rodaed.

Nge bachan, nib mich u wun’maed ngay nitabinaew e dariy bi’id manemus, aram fan ni fapi gam’ing ulan e temple e bay nira gelnag e tha’ ko tabinaew nge gel. Mabgol ulan e temple e kan rrin’ nira par ni dariy bi’id manemus, gathi kemus ko “ngiyal’ nike palog nigey e yam’.” Galibthir nge bitir e yaedra mang tabinaew nib manechubog ulan e temple. Gidii’ rodaed ni kakrom e krayag ni ngar thapegned e pi tawa’ath ney ni fa’anra bay be’ nike rrin’ fapi gam’ing nib thothup nifan ngoraed nge fa’an yaedra fanay e tiney e pigpig nikan rrin’ nifan ngoraed. Temple e bang ni rib sug e gidii’ riy!

Fare Babyor ku Mormon e bake babyor nikan thogthog nag nib sug ko chep nib thothup nibe machib nag mornga’agen Got nge Yesus Kristus. Ma ayuwegdaed ngad thapagned e powi’iy nifan ko yafos rodaed ma kuma ayuwegdaed ngad chuchugur gaed ngak Yesus Kristus. Fithingan e ke yib u ‘uw? Pag ra’ay e duw kafram, reb e profet ni kakrom ni kanoeg fithingan i Mormon ngak e ta’arebnag bugi chep ni mornga’agen e gidii’ rok’ nga ta’abang. Bo’or bugi ban’en ni’i buch roraed ni ku woed rogon nibe buchbuch rodaed. Ma ku woed gadaed, nra pire’egned gelnginraed napan yaedra sap ngak Yesus Kristus. Pining e tamachib nge fil ngom mornga’agen fare Babyor ku Mormon.

Fare Babyor ku Mormon e bay nib chagil ko fare Bible ni’ir reb e m’ag rok’ Yesus Kristus ni’ir e bay e muruwel rok’ nib thothup ni’ir fare Tathapeg nge Tabiyul ko fayleng. U ta’abang, ma fare Bible nge Fare Babyor ku Mormon e ma tomilang nag mornga’agen e tu’ufeg rok’ Got ngodaed nge rogon nrayag ni ngad chugur gaed ngak. 

Mu fil boch mornga’agenrogon nima muruwel fare Bible nge Fare Babyor ku Mormon u ta’abang.

Arragon. Fare Bible e thin rok Got, ba ulung i chep nib thothup, ma fa’an yira leak kanawo’en e machib riy mara pi’ e falfalaen’ ngalan e yafos rodaed. Nib mu’un fare Bible ngay, krayag ni ngad pire’egned e llowaen’ ko boch e chep nib thothup nib thil ko Fare Galasia rok Yesus Kristus ni fan ko Gidii’en Got ko Tin Tomur e Rran. Yow ma muruwel u taʼabang ni yow be michib nag morngaʼagen Got nge Yesus Kristus.

Mu fil boch mornga’agen e mich romaed ulan fare Bible.