Evangeli ea Jesu Kreste e ka hlohonolofatsa bophelo ba hau.

Ee! Re le litho tsa Kereke ea Jesu Kreste ea Bahalaleli ba Mehla ea Kajeno, re lumela hore Jesu Kreste ke Mora oa Molimo ´me ke Mopholosi oa Lefats´e lohle. O re rata bohle ho feta ka moo re ka nahanang. Re inka joaloka balateli ba Jesu ba inehetseng. Le ha litumelo tse ling tsa rona li ikhethile, re lumela hore ka bophelo ba hae, bosebeletsi ba hae, sehlabelo sa hae, le ho tsoha bafung ha hae, Jesu Kreste o re pholosa sebeng, ts´otlehong le lefung.

Ithute haholoanyane ka litumelo.

Linako tsa ts´ebeletso ea kereke li fapana ho ea ka liphutheho. Le ha ho le joalo, kamehla u ka ts´epa ts´ebeletso ea khumamelo ea mantlha bakeng sa bohle, e lateloa ke lihlopha tsa bana, bacha, le batho ba baholo.

Ts´ebeletso ea bohle e bitsoa “kopano ea selallo.” Kopano ena e kenyeletsa lipina, lithapelo, le lithuto (kapa “lipuo”) tse fanoang ke litho tse fapaneng tsa phutheho beke le beke. Empa kopano ea bohlokoa ke ha re ja sacramente (eleng se ts´oanang le selallo) ho hopola Mopholosi.

Ithute haholoanyane ka ts´ebeletso ea Sontaha kapa fumana kereke haufi le uena.

Ho Bahalaleli ba Mehla ea Kajeno, tempele e fapane le meaho e meng ea kereke. Tempele ke sebaka seo Bahalaleli ba Mehla ea kajeno ba amohelang taelo e ikhethang ka Molimo le Jesu Kreste. Ka tempeleng, litho li etsa lilekane tsa bosafeleng (kapa lits´episo) le Molimo. Sena se kenyeletsa lits´episo tsa ho boloka litaelo, ho phela evangeli ea Jesu Kreste, ho ts´epahala lenyalong, le ho thusana ho hlokomelana ka ho arolelana seo re nang le sona.

Hape, hobane re lumela hore malapa ke a ka ho sa feleng, boholo ba mosebetsi o etsoang ka har´a tempele ke ho etsa khokahano ea malapa ho ba matla le ho feta. Manyalo ka tempeleng a etsoa hore ebe a bosafeleng.eseng feela “hofihlela le arohanngoa ke lefu.” Batsoali le bana eba malapa a bosafeleng tempeleng. Baholo-holo ba ka amohela lihlohonolofatso tsa tempele haeba e mong a etsa lits´ebeletso tse halalelang bakeng sa bona ´me ba amohela ketso eo ea ts´ebeletso. Litempele ke libaka tse phathahaneng.

Buka ea Mormone ke buka ea mangolo a halalelang e susumelitsoeng e rutang ka Molimo le Jesu Kreste. E re thusa ho fumana tataiso bakeng sa bophelo ba rona ´me e ka re thusa ho ikutloa re le haufi le Jesu Kreste. Lebitso lee le tsoa hokae? Lilemo tsemakholo tse fetileng, moporofeta oa khale-khale ea neng a bitsoa Mormone o ile a bokella tlaleho ea batho ba habo. Ba ile ba tobana le liqholotso tse ts´oanang le tseo re tobanang le tsona. ´Me joaloka rona, ba ne ba fumana matla ha ba its´epela Jesu Kreste. Fumana selelekela sa Buka ea Mormone le barumuoa ba boruti lichabeng.

Buka ea Mormone e eme hammoho le Bibile ele e ngoe ea testamente ea Jesu Kreste le thomo ea hae e halalelang joaloka Mopholosi le Molopolli oa lefats´e. Hammoho, Bibele le Buka ea Mormone li fana ka kutloisiso e eketsehileng ea lerato la Molimo le leholo ho rona ´me li ka re thusa ho atamela ho eena. 

Ithute haholoanyane ka Bibele le Buka ea Mormone li sebetsoa joang hammoho.

Ee. Bibele ke lentsoe la Molimo, khatiso e halalelang ea mangolo a halalelang, me ho latela lithuto tsa eona ho tlisa thabo bophelong ba rona. ´Moho le Bibele, re boetse re fumana ts′usumetso libukeng tse ling tsa mangolo a halalelang tse ikhethang tsa Kereke ea Jesu Kreste ea Bahalaleli ba Mehla ea Kajeno. Li sebetsa hammoho ho re ruta ka linnete ka Molimo le Jesu Kreste.

Ithute ho feta ka tumelo ea rona ka har´a the Bibele.