Rongamwahu en Sises Krais kak kapaiada ahmw mour

Ei! Ni aht wia towe kan en Mwomwohdiso en Sises Krais en Souleng en Imwin Rahn akan, se kamehlele Sises Krais me wia Iehros en Koht oh Sounkomour en Sampah. E ketin poakohng kitail laudsang uwen atail kak medewe. Se kamehlele me se wia sapwellimen Sises tohnpadahk poadidi kei. Mendahte ekei soahng kan se kamehlele weksang mehteikan kan, se kamehlele me sang Sapwellime mour, doadoahk, tohnmetei, oh Iasadaho, Sises Krais kapit kitailsang dihp, lokolok, oh mehla.

Esehla duwen Dahme se kamehlele kan.

Kuloak en kaudek en nan Mwomwohdiso wet wekpeseng nan ehu ehu wasa. Ahpw, komwi kak ansou koaros koapwoaroapwoarki ehu kaudek ohng koaros, mwuri kilahs kan ohng seri kan, me pwulopwulo, oh me laud kan.

Kaudek ohng koaros kahdanki ‘kaudek en kamadipw sarawi.” Kaudek wet kin iangahki koul kan, kapakap kan, oh kapahrek kan (de “padahk kan”) me towe kan kin wia wihk koaros. Ahpw kisehn mihtingo me keioun kesempwal iei ansou kitail kin alehda kamadipw sarawio (me duwehte communion) pwehn tamataman Sounkomouro.

Esehla me tohto duwen kaudek en Rahn Sarawi kan de rapahkihda ehu mwomwohdiso me karanih komwi.

Ohng Souleng en Imwin-rahn akan, tehnpas sarawi weksang ekei ihmw akan nan Mwomwohdiso. Tehnpas sarawi iei wasa ehu me Souleng en Imwin-rahn akan kin alehdi kaweid kesempwal duwen Koht oh Sises Krais. Nan tehnpas sarawi, memper kan kin wiahda inou sarawi poatoapoat (de inou kan) ohng Koht. Met iangahki inou kan en kolokol kosonned akan, momourki rongamwahu en Sises Krais, en mehlel nan pwopwoud, oh sawasepen apwalih emen emen ni ehukipene soahng kan kitail ahniki.

Oh pil, pwehki atail kamehlele me peneinei kan pahn poatoapoat, pali laud en doadoahk kin wiawi nan tehnpas sarawi kan iei pwehn wiahda ehupenehn peneinei en udahn kehlail. Pwopwoud kan nan tehnpas sarawi kin wiawi pwehn poatoapoat, kaidehnte “lao lel mehla.” Pahpa nohno oh seri kan kin wiahla peneinei poatoapoat nan tehnpas sarawi kan. Peneinei en mahs akan kak iang alehdi kapai koaros en tehnpas sarawi ma emen wiahda tiahk sarawi kan ni adarail oh irail alehda doadoahk en papaho. Tehnpas sarawi kan wia wasa kediropw kei!

Pwuken Mormon iei pwuhk en sarawi me kin padahngkiheng kitail duwen Koht oh Sises Krais. E kin sewesei kitail alehdi kaweid ohng pein atail mour kan oh kak sewesei kitail pehm me kitail karanih Sises Krais. Iawasa ahdo kohsangehr ie? Sounpar epwiki samwalahro, soukohp en mahs emen me adaniki Moronai kihpenehr rekohd ehu me pid ah aramas akan. Irail sohpaier kasongosong tohto me kitail kin lelehng. Oh pil duwehte kitail, irail diarehr kehlail ni arail sohpeilahngehr Sises Krais. Alehdi kapehse ohng Pwuken Mormon sang misineri kan.

Pwuken Mormon patehng Pwuhk Sarawi wia ehu kadehdehpen Sises Krais oh Sapwellime misin sarawi ni ah wia Sounkomour oh Soundoar en sampah. Ni ara ehupene, Pwuhk Sarawi oh Pwuken Mormon kihda ekei wehwehpen sapwellimen Koht limpoak laud ohng kitail koaros oh kak sewesei kitail karanihala Ih. 

Esehla pil ekei duwen mwomwen Pwuhk Sarawi oh Pwuken Mormon ara kin doadoahk pene.

Ei. Pwuhk Sarawi iei mahsen en Koht, pwuhk kesempwal ehu, oh ideidawehn ah padahk kan kin wahda popohl nan atail mour kan. Kapatapatehng Pwuhk Sarawi, kitail pil kin diar kamarain nan pwuhk sarawi teikan me Mwomwodiso en Sises Krais en Souleng en Imwin Rahn akan kelehpw nainki. Irail koaros doadoahk pene pwehn kaskuhlih kin kitail mehlel kesempwal akan duwen Koht oh Sises Krais.

Esehla pil ekei duwen dahme se kamehlele nan Pwuhk Sarawi.