Mwet nuhkewa sukohsoh in wi. Muhtacta nuh ke acn alu fototo nuh yurum.
Kwacna Siyuckyuck
Kuh mempucr ke Alu luhn Jisus Kraist luhn Mwet Luhlahlfongi ke Lwen-sahflah elos mwet Kristin?
Ahok! Ekihn mempucr ke Alu luhn Jisus Kraist luhn Mwet Luhlahlfongi ke Lwen-sahflah, kuht luhlahlfongi muh Jisus Kraist pa Wen nuhtin God ac Mwet Lahngo luhn Facluh. El luhngse kuht yohk liki na kuht etuh. Kuht wekuhtlac muh kuht mwet fahsr tukun Jisus. Kuhtuh ma kuht luhlahlfongi uh kahlwem, kuht luhlahlfongi lah ke moul, luti, kihsac, ac sifilpac moulyak Lal, Jisus Kraist el molikuhtlac liki ma koluk, elyah, ac misac lasr.
Lotwelah yohk ke luhlahlfongi lasr.
Fuhkah atac kuh pacl in Alu lasr uh?
Pacl in Alu oreklac siena ke u se nuh ke u se sahyac. Tuhsruhktuh, oasr ahkfuhlwact se yohk srihpac ma nuh sin mwet nuhkewa, tohkoh kuhlahs luhn tuhlihk srihsrihk, mwet fuhsr, ac mwet mahtuh.
Ahkfuhlwact se nuh sin mwet nuhkewa inge pahngpahng “sacracmacn miting” Ke toeni se inge oasr on, pruhe, ac mwe luti (kuh “sramsram”) orek sin kain in mempucr ma fahsreni ke wik nuhkewa. Tuhsruhk ip yohk se ke miting se inge pa ke kuht eis sacracmacn (ma oacna kuht in wi) esam Mwet Lahngo.
Lotwelah yohk ke ahkfuhlwact ke Sacnri kuh sokack alu an fototo nuh yurum.
Efuh oasr tempuhl ke Alu luhn Jisus Kraist luhn Mwet Luhlahlfongi ke Lwen-sahflah?
Nuh sin Mwet Luhlahlfongi ke Lwen-sahflah, tempuh el siena liki na iwac in Alu nuhkewa. Tempuhl el acn se ma Mwet Luhlahlfongi ke Lwen-sahflah eis mwe ahkuhtweyac special kacl God ac Jisus Kraist. Lin tempuhl, mempucr oraclah wuhlweacng (kuh olwelah) ma pahtpaht nuh sin God. Pa nuhke olwelah in ahkos masap, moulkihn wosasuc luhn Jisus Kraist, in pwacye ke macruht uh, ac in kahsruh akarihngihni sie sin sie ke kuht akacsruhi ma oasr yohrohsr.
Ke srihpen, pac kuht luhlahlfongi muh sucu uh ma ne tok, inkaiyen orekma ahkfahsryeyuck lin tempuhl ma ahkfokokoye sucu. Macruht lin tempuhl uh orek in ma ne tok ma pahtpaht, tiac ma sahflah na ke “misac oruh kuht fahsrelihk.” Pahpah ninac ac tuhlihk elos sucu ne tok ma pahtpaht lin tempuhl. Sucu lasr ma misac kuh pac in eis mwe insewowo lin tempuhl fin mwet se ahkfahsrye akwuck muhtahl kaclos fin elos luhngse eis kahsruh sacn. Tempuhl el acn kahfofo se!
Meac Puk luhn Mormon?
Puk luhn Mormon el puk se ke ma suhmuhslah moklweyuck ma luti kuht kacl God ac Jisus Kraist. Kahsre kuht in eis inkacnek nuh ke moul lasr sifacna ac kuh in kahsre kuht puhla fototo nuh sin Jisus Kraist. Tuhkuh oyac ine se kac ingacn? Yac siofok somlah ah, mwet pahluh mahtuh se inel pa Mormon el suhmuhslah ma sikyak ke mwet lal. Elos puhlakihn pac elyah pacna kuht puhlakihn inge. Ac elos oacna kuht, elos sokwack kuh ke elos nget nuh sin Jisus Kraist. Eis etuh srihsrihk ke Puk luhn Mormon yurin misineri.
Puk luhn Mormon el tu sisken Pwacpuhl in sie pac wuhlweacng luhn Jisus Kraist ac kuhlwacnsap wolacna Lal suc pa Mwet Lahngo ac Molwelah luhn facluh. Tuhkeni, Pwacpuhl ac Puk luhn Mormon ahkuhwteyac kahlwem ke luhngse pwacye luhn God nuh sesr nuhkewa ac kuh in kahsre kuht in fototo nuh Yohrohl.
Lotwelah yohk lah Pwacpuhl ac Puk luhn Mormon tuhkeni orekma fuhkah.
Kuht luhlahlfongi ke Pwacpuhl?
Ahok. Pwacpuhl el kahs luhn God, puk muhtahl se ke ma suhmuhslah, ac in ukwe mwe luti kac use engan nuh in moul lasr. Wi pacna Pwacpuhl, kuht sokwack pac ahkkweye ke puk sahyac ke Alu luhn Jisus Kraist luhn Mwet Luhlahlfongi ke Lwen-sahflah. Elos nuhkewa tuhkeni orekma in luti kuht ke ma pwacye luhn God ac Jisus Kraist.
Lotwelah yohk ke luhlahlfongi lasr ke Pwacpuhl.
Kaluckyang Fototo nuh yurin God Ohsun sin Misineri.
Ohsun online kuh nuh sin mwet se. Kuht e topuk kihsensiyuck lom an ac ahkuhtwekowi nuh sin mwet wi alu ke mura se.
Mura se ke Mwet Luhlahlfongi ma Nget nuh sin Jisus Kraist
Eis nus sasuc ke Alu uh.
Ma wo sikyak fin facluh nohfohn. Etuh project sasuc Alu uh oruh ingena, ma sikyak, inkacnek in kahsruh mwet enenuh, ac ma puhs sahyac.